阿來東南亞風味 (已結業)

曾到過這間餐廳用伦膳 試過金磚豆腐和飛天通菜 😚 很好吃 所以這次和同學一齊試下午餐 😃這裡的服務員態度友善叫了素的湯金邊粉 快沒湯時會主動幫我加湯 海南雞飯的雞質素很不錯 肉質夠滑 蠔餅的份量也很多 物超所值 🤗每道菜的賣相都很好 🙂學生來說 價錢不算貴 食物質素很好 好吃 味道很夠但唯一要改善的是金不換炒河粉等的時間較長😅乾身而不油膩也是我同學喜愛的口味 😃如果可以更快的享用得到這美食就100分了 🤗午餐時間人多 但沒有趕客 這個真值得一讚 會再回去吃的 大推 !!!

平時食泰國野閒閒地都每人兩舊幾水埋單, 今次帶大家食間平價但又高質嘅泰國野 - 阿來東南亞風味。位於油麻地嘅阿來, 味道方面唔可以話係頂尖, 但cp值絕對係泰國菜嘅十大。酸酸甜甜嘅金邊粉配上清新嘅荳芽菜, 再鋪上一層薄薄嘅蛋皮, 無論喺食物擺盤定係味道搭配方面都做得相當出色。<泰式炒金邊粉>咖哩軟殼蟹火山包亦係大推! 佢嘅咖哩有一種蛋嘅口感, 唔知裏面係咪真係有蛋嘅成分, 但肯定嘅係佢嘅咖哩真係相當濃郁。再用烤得脆脆嘅麵包蘸上濃厚嘅咖哩汁一齊食, 簡直一流! 另外, 必須讚揚嘅係佢嘅軟殼蟹。軟殼蟹舖喺咖哩上面, 外脆內軟之餘, 裏面竟然有滿滿嘅蟹膏, 令人眼前為之一亮!<咖哩軟殼蟹火山包>小食拼盤亦都係食泰國嘢必嗌嘅。 拼盤包含蝦餅、蛋黃雞翼、豆卜同埋春捲各四件, 一大班人嚟食嘅話可能要嗌兩盤。整體口感都係酥酥脆脆, 由於拼盤味道都係比較 standard, 所以就唔續一介紹啦。<東南亞小食拼盤> 喺泰國餐館好少會見到有鐵板蠔仔蛋。今次 就嘗－嘗鮮, 叫咗一份嚟食。 鐵板相當有熱度, 蠔仔又新鮮又大粒, 蛋方面可能因為有芽菜所以比較濕潤

因為睇到有好多好評 所以就黎試吓 入到黎其實真係好似普通茶餐廳 只不過入面係食泰國嘅食物 因為平時食開嘅泰國餐廳通常好有泰國feel 仲有時啲廚房嘅人同埋侍應都係泰國人 不過呢度就全部都係香港人同埋做嘢好快手完全冇係泰國嘅感覺 講返食物啦 我覺得啲碟頭飯係真係好抵 50靚蚊就有一個餸加飯 但我見啲人一定要黎食呢度嘅黃金雞翼 所以都叫咗啲小食 但小食就相對好貴 仲貴過啲飯 要$60-70 黃金雞翼都還可以 但我哋仲叫咗個蝦餅就麻麻哋 入邊啲蝦肉唔係好實 感覺上啲料好少 千祈唔好嗌其他碟頭飯就一般般 我覺得如果趕時間或者一個人就啱嚟食 如果唔係 我應該唔會再黎

與友人經過油麻地，肚仔餓想食泰菜。Openrice 左呢間餐廳評價頗高。行到去見到餐牌都好抵食，不過Lunch 時間好多人，都等左一陣先有卡位坐。餐廳係茶餐廳格局，都幾熱鬧下。喇沙湯麵都唔錯，湯底濃。但係略嫌唔夠辣，可能就返香港人口味滷豬脾燜得幾腍，近皮部份入口即融。相當不俗。肉骨茶味道可以，但賣相一般。蛋黃雞翼香脆內軟，佢選擇切一半炸，似finger food，易入口，亦都好入味👍🏼👍🏼👍🏼冬蔭公湯好足料，泰式香茅辣味加上淡淡的椰香，精神為之一振。

呢間係男朋友係openrice搵到，見幾多好評就黎試下。個裝修睇落似茶記，但係食泰國菜🤣。💛菠蘿炒飯個份量好足呀，都有比好多料去炒，唔會話用飯黎充數😂。落單個陣同侍廳講左走雜豆，佢有聽到，但結果黎到都係有雜豆⋯ˊ_>ˋ💛海南雞冬蔭湯粉男朋友嗌既，我無試到啲粉🤣，但雞係幾滑既，不過份量上可以比多一兩舊雞。💛生菜包我覺得啲肉碎炒得唔夠香，份量就幾多，不過見男朋友話想食就由佢啦😂。💛飛天通菜炒得好香，好食！價錢仲貴過個飯同湯粉😂，不過真心好食既。

係人哋屋企，唔想朋友煩腦，又唔駛洗碗，緊係叫外賣，朋友介紹呢間經想係 網上外賣平台 App訂開嘅泰國嘢。海南雞 半隻 $148雞肉都幾嫩滑星馬蛋黃雞翼 $88呢個真係有驚喜，邪惡又野味，雞翼裹著蛋黃，超正呀 朋友冇介紹錯，真係會再試。串燒沙嗲 (豬肉，雞肉各半) 12件$128點了香濃沙嗲醬，雞肉都唔「鞋」，正常好味。泰式鮮蝦炒金邊粉 $60啲金邊粉外賣送上嚟都唔會話太淋。泰式木瓜絲沙律 $68都OK，辣味適中。炒通菜馬拉盞 $64馬拉盞鹹香味，與通菜炒至混合。芒果糯米飯 $68最後梗係食甜品呀，椰香就必然。如果下次又叫外賣，我都會再叫呢間啲嘢食。

一行五人，我們幫襯了這一間獲得幾多好評的餐廳！我哋點了一個二人餐，再額外散叫了幾味餸菜！其實二人餐都幾抵食！一個二人餐大約$228，包括一個海南雞例牌、飛天通菜、星馬蛋黃雞翼、兩個油飯及兩個特飲！我哋額外叫了鐵板雞蛋炒蠔仔、例牌豬仔脾和兩個白飯！埋單唔使四舊水！集合眾人評價，我哋覺得這一個鐵板雞蛋蠔仔是最好味的！海南雞卻有一點平平無奇的感覺，可以唔要！飛天通菜炒得幾香星馬蛋黃雞翼都幾令我覺得意外地好食的！豬仔比都係值得推介因為真係好「林」，好好味

誤打誤撞入了一間主打東南亜美食的茶餐室，午市套餐幾抵食，五十至八十左右，包一杯飲品。餐牌上見到有炒泰式金邊粉，二話不說就叫了。嘩啦！熱辣辣即炒喎。金邊粉炒得不會腍還帶有韌性。少少的茄汁味增添了開胃感覺。餸料不少喔，芽菜，魷魚，蟹柳，蛋絲...層次豐富，美味。最重要係炒得不油膩。奶茶是茶餐室本色，香濃細滑。

👁‍🗨 泰式青咖喱雞飯（6.5/10）💲53呢度既青咖喱帶點微辣，感覺有頗香濃既椰奶味，不過啲雞稍為乾身嚡口，而且白飯太硬身🍚👁‍🗨 泰式芒果蟹肉炒飯（7/10）💲58啲芒果粒都幾甜，而且有好多一舊舊既蟹肉同埋蛋絲，唔會話覺得單調，乾濕度岩岩好，炒得有鑊氣夠香口既🥣👁‍🗨 芒果糯米飯（7/10）💲58芒果依然係好甜，再淋上唔少既椰醬，但係個人覺得糯米飯偏軟腍左啲🤔👁‍🗨 椰青（7/10）💲35；跟飯麵 +20椰青水清甜，入面啲肉比較軟滑，好輕易刮到🤗整體黎講，全部都大碟飽肚，價錢合理之餘仲要唔洗加一，服務亦都唔錯可以一戰😋🔛 整體評分（7/10）

老老實實，成日經過，見到門面，真心以為係茶餐廳扮有泰國野，原全係會bypass既鋪頭。可能左右鋪都唔係餐廳，真係唔信有好野食。點知。神推鬼㧬之下，前幾日沖左入去試下，又真係有驚喜！係旺角搵問好味既泰菜，真係有困難。呢間雖然比不上九龍城泰菜，但勝在方便到達。味道中上、服務有禮！兩個人點左三個餸，最正係個雞翼。如果你好似我一樣鍾意食黃金蝦，呢個係蛋黃味超重手！正吖！😍😍必試！另外我哋叫咗一個咖喱軟腳蟹、蠔仔煎蛋，都可以一試。但就唔係話非常驚喜，正正常常。

呢間位於旺角的東南亞菜，裝修簡潔，似茶餐廳的格局，而且價錢都好平民，選擇亦不少雖然依家我仲係聲沙😢，唔食得熱氣野😩只好回味一下之前食過的邪惡美食😂🙈😈星馬蛋黃雞翼$68蛋黃雞翼聽個名都覺得邪惡，但就真係好好味，雞翼仲係單骨，好易食，啖啖蛋黃香，正呀😍😈咖喱軟殼蟹火山包$138另一邪惡之選，軟殼蟹炸得好香脆，而且都幾大隻加上多到爆的咖喱汁🌋而咖喱汁仲加入滑蛋，平時比較少見，更加香口惹味！

誤打誤撞發現左間東南亞餐廳係廣華附近, 平時都好少行去個邊。環境好乾淨企理坐得都OK舒服架。。我地叫左四個菜式, 叫叫下先發覺好多野食選擇, 今日試下泰國風先馬拉盞炒椰菜苗椰菜苗好爽口, 馬拉盞炒,真係無得輸1.粉絲大蝦煲粉絲夠乾身仲要好入味, 仲有少少少少肉碎, 勁香。大大隻蝦, 夠哂口感, 又新鮮2.冬陰公湯鮮蝦冬陰公湯有4隻大蝦好足料, 唔會太辣, 湯入面仲有好多配料 (芹菜, 菇類, 蕃茄, 泰式香料等等)!!!3.鹽燒則魚 上枱時見到咁大條魚以為會好鞋口啦, 錯喇, 原來好嫩滑架, 掀開魚皮仲熱架, HI少少鹽就已經好鮮甜, 值得推介。4.椰青同最愛的椰汁三色冰 椰青好鮮甜, 最襯食D重口味既菜式。好中意飲三色冰, 入面D啫喱好有口感, 甜甜地中和下D咸同辣味食物。下次一定要同朋友黎試下星馬蛋黃雞翼, 海南雞先, 太吸引誤打誤撞都食到好野系列：阿來東南亞風味

炒椰菜苗我覺得馬拉盞最好味, 絕對可以送幾碗飯!!唔會死咸夠爽身。粉絲大蝦煲 : 蝦有少少炒得太乾身, 不過好大隻同都有7.8隻大蝦, 粉絲唔洗講啦, 好入味。其實我都好中意食D芹菜, 都好正, 清哂佢。冬陰公湯入面好多配料, 2大隻蝦, 好多蔬菜同香料。但如果再辣D仲惹味, 不過朋友佢唔太食得辣就覺得岩岩好盬燒則魚, 朋友仔最中意食魚, 話大大條都食得哂喎。一上枱真係好大條, 好厚肉, 好新鮮,肉質滑架,  唔需要落調味料已經好好味。VERY GOOD食完咁多重口味野, 點都要叫椰青中和下, 好甜, 清清地都唔錯呀。

這次行到街尾=w=為了吃誘人的泰式菜，店鋪環境很舒適，花多眼亂的我看圖片選好吃的。先吃份小食開胃，食麻辣過下口癮。椒鹽軟殼蟹 ：超級香脆勁辣的口感，脆了的蟹身食到忘了是軟殼。食到我停不了口，難得食入口覺得又麻又辣，估計用上了泰國鳥眼辣椒。食一段時間辣味慢慢散出，但唔會維持太長的時間，非常喜歡這道“避風塘”的炒法。炸咸蛋雞翼： 店長推薦的！而且今年非常流行咸蛋風味，所以都決定吃。咸蛋的香味與肉香超夾，雞翼弄得很脆身，沾上了咸蛋黃，提升了雞翼的味道層次。這道菜會讓你喜歡咸蛋風味xd椒鹽豆腐：滑豆腐加上脆脆的炸面，這個小吃很適合女生，題外話我通常當飯後咸甜。不過當日有一面焦黑了，有點可惜。芒果蟹肉飯：整得好靚，別小看其份量，男生吃會很滿足到。芒果蟹肉食材份量都多，但味道方面，略嫌遜色，不甚覺蟹肉的味道，不過不失。*前面的軟殼蟹太難忘，有對比落差了。喜歡香口脆炸的食物，這間非常滿足到，最重要辣度真的超正，雖然地點較遠，但好食就不在意。

今日我們三個同事往廣華醫院探入院做手術的同事，之後往旺角附近找食店食晚飯，行到廣華街見一食店，叫阿來東南亞風味，望下門前餐牌，食物圖片吸引，價錢不貴，全日不收加一，甘抵食，我們就入去食晚餐了！海南雞半隻，雞夠大隻，已去骨啖啖肉，肉質鮮嫩。配備薑蔥蓉和泰式酸辣醬汁，提升味道。我食海南雞一定要有油飯 ，有味不油膩！泰式乾炒豬肉河：幼身河粉夠味夠鑊氣，配科有蛋絲，豬肉絲和芥蘭。 滷豬髀冬蔭功湯金邊粉，豬髀入味林滑，冬蔭功湯底鮮美，味帶酸辣，金邊粉爽滑。