阿來東南亞風味 (已結業)

睇門面以為係茶餐廳，入到去坐低都係似一般嘅港式茶餐廳，但係餐牌全部都係泰國嘢食，價格親民，菜式都好特別！試左個鐵板蠔仔蛋，點魚露食，帶出蠔嘅鮮味，而啲蛋都整得好香滑！下底有芽菜。黃咖喱牛腩煲配薄餅，呢個係唯一一款唔辣嘅咖喱，薄餅點咖喱從來都係絕配，不過略嫌啲咖喱鹹咗少少，不過牛腩都好林好入味！海南雞飯，油飯香，隻雞都唔錯。例牌豬仔脾，呢個又幾好食喎，最愛豬皮部分，肉質都幾林。泰式奶茶，風味十足～！

今日經過呢間分店，見到佢大過旺角個間咁多，而又咁岩有位，咁就同friend去食晚飯啦。入到去地方好乾淨，又多空間，坐得到好舒服下。睇下個menu，價錢好合理，抵唔抵就要睇理個份量啦。我地見左好幾個餸，首先有個泰式豬手，泰式蝦球抄金邊粉，蒜蓉抄椰菜苗同一份薄餅。一開始諗住例牌豬手唔會太大隻，點知泥到原來都幾大隻，而且食落好入味，加理個飯就更加正啦！個pad thai先夠驚喜，泥到既時候真係好靚，金邊粉上面係有層薄薄既蛋網包住個粉，而且個金邊粉都抄得好乾爽，蝦球亦都好新鮮，彈牙。個椰菜苗就更加冇得頂，同佢其他茶一樣，都係抄得好有獲氣，好夠火候。菜苗都好嫩好好食，最重要係唔會太鹹！最後我地梗係唔會錯過我地最中意食既芒果糯米飯。果然同我地預期一樣，份量都係好夠，味道亦有質素～芒果好甜又唔會有渣，非常滿足!!最後埋單都係200幾蚊，食到咁飽，真係好抵，十分推介!!

今日同女友人黎左旺角廣華街， 平時都成日黎架啦。 但黎親都係睇模型行街多.今次係黎呢頭覓食. 話說我成日行廣華街都會經過呢間阿來東南亞風味餐廳. 但次次都無入去試下.. 今次我就同女友人入去試下先. 我地分別叫左海南雞飯，泰式鐵板蠔仔蛋，豬仔脾，黃咖哩牛腩跟薄餅同埋一杯泰國式奶茶。。。 我想講個海南雞飯幾好雞肉肥美又滑油飯又入味唔太乾,黃咖哩牛腩入口鬆化., 沉塊薄餅落d咖哩汁度食簡直不得了... 個泰式奶茶椰香味重. 係濃味好正.. 整體黎講好不錯的說.

今日去左旺角廣華街探朋友，晚飯時間就跟佢呢個地膽去附近開飯。佢帶左本兔去附近呢間〈阿來東南亞風味〉，話有風味又唔貴。所以入面都座無虛席，我哋都要等兩張枱先有得入去食。😅😅😅好在等嘅時候已經可以喺門口嘅餐牌睇定想食乜，一入座就可以即刻點菜，慳返不少時間。〈星馬蛋黃雞翼〉餐牌上有👍，當然要試試！！熱辣辣嘅單骨雞翼沾滿鹹香香嘅黃金蛋黃醬，夠曬香口又惹味，超邪惡的！！😈😈😈〈串燒沙嗲（豬肉，雞肉各半）〉燒到香噴噴嘅雞肉及豬肉串燒淋上濃郁嘅沙爹醬，yummy〈燒豬頸肉黑豉油乾撈粗麵〉男友人淨係食頭先兩樣小食唔會夠飽，所以佢點左呢個好有特色嘅撈粗麵，本來我都唔打算食的，點知嚟到先發現好香，結果我都分咗少少嚟食。爽滑嘅粗麵完全冇梘水味，加埋甜甜地嘅黑豉油撈起上嚟別有一番風味，再加埋肉質結實不肥膩嘅豬頸肉，好快就已經食碗食曬。〈蒜蓉炒椰菜苗〉本兔食飯又點可以冇菜菜椰菜苗夠晒清新爽脆，值得一讚係通常依個菜式都會炒到勁咸，但〈阿來〉炒的，味道就啱啱好，一啲都唔鹹，加埋生蒜同黃金蒜就啱啱好。〈鹹檸七（右），青檸梳打（左）〉夏日炎炎，當然要飲埋這兩款飲品先舒服解暑，透心涼呢~~總結：地膽朋友果然沒有介紹錯，夠

平時在旺角吃飯，很自然會去茶餐廳，簡單快捷選擇又多。不過吃得多開始覺得膩。今日走到廣華街郵局寄包裏， 完事後就想趁時間還早著先吃午飯， 避開高峰期人流。抬頭看著，原來這條廣華街都幾多餐廳，今日選了直看的一間東南亞餐廳， 店舖格局似茶記，應該是做街坊生意，想必不差。我一個人點了一份海南雞飯， 配椰青。一般我不會飲凍飲， 不過天氣真的太熱了， 椰青水生津解渴，務必要試。海南雞飯份量不少啊，雞皮咬落爽口，沒有多餘油脂。雞肉算嫩，肉質較結實挺身，好吃。雞油飯其實極邪惡，但那雞油香味真令人難以抗拒。這裡選擇都幾多，日後吃飯又多一個選擇，不用只吃茶餐廳了。

今晚早了放工， 週末前夕又懶煮飯，於是就找朋友在屋企附近吃就算，食完趕返屋企煲劇😝。今晚嚟左屋企附近一間東南亞餐廳，舖頭好有街坊風味。打開餐牌餸菜選擇非常多，而且大多數都係我鍾意食嘅香口野。不過我地得兩個人，叫唔到太多菜，於是最簡單，點左個二人套餐。呢個兩個人嘅街坊晚餐，主打係海南雞飯，海南雞皮爽脆，肉質結實，唔似外面好多餐廳咁啲肉霉剁剁。我地都配左雞油飯，油飯好香而且夠挺身。套餐另有一碟炒通菜，好大的一碟，炒得好有鑊氣😋。最後仲有一份蛋黃雞翼，炸得超香脆，雞翼外面裹了一層鹹蛋黃，熱辣辣真的好吃。食完咁多香口油膩野，好啱就係飲椰青， 椰青水雪得冰涼，飲左真係解膩解渴。其實仲有好多味菜想試， 沒奈何肚皮有限， 唯有等下次同屋企人大堆頭再嚟試啦。

今日同朋友出咗旺角兩個咁啱都想食泰國嘢 於是係openrice到搜尋下 有冇啲平靚正泰國菜食 最後決定就嚟咗阿來食飯裝修方面 同一般茶餐廳格局差唔多 上菜速度亦都好快 款式方面 星馬泰菜式每樣都有 仲有 二人套餐可以選擇 我哋今次叫咗泰式鮮蝦炒金邊粉 $54夠鑊氣 火喉十足 唔會黐埋一舊舊 食落酸酸甜甜 鮮蝦算大隻食落爽口 再加埋豆腐乾絲芽菜韭菜等材料 材料豐富 配埋青檸汁一齊食非常惹味串燒沙嗲 $78/6串串燒有豬肉同埋雞肉各半 串燒燒得啱啱好 唔會話太乾身 再加埋沙爹醬撈埋一齊食 沙爹醬 食落有淡淡椰香同埋甜 唔會話好辣 味道唔錯芒果糯米飯 $58有我最愛嘅芒果糯米飯 芒果同埋糯米嘅比例各佔一半 唔會只係比哂糯米飯而得幾塊芒果 芒果夠熟透 食落非常甜 再加埋椰漿同埋糯米飯一齊食 煙煙靭靭 作為飯後甜品 非常滿足泰式奶茶 泰式咖啡泰式咖啡加煉奶同埋牛奶 飲落香滑 有淡淡嘅咖啡香 喺熱辣辣嘅天氣下嘆番杯泰式飲品 確實係涼快

今日去咗ymca游水，到咗食晚飯的時間，去了廣華街附近（阿來東南亞風味） 食泰國菜，原來餐廳係不用收加一，所以覺得好抵食，我哋下次游完水就可以過嚟，這餐廳非常方便，最緊要就係經濟實惠。肉骨茶，材料有排骨、雞腳、豆腐等淆製煮成，湯味入哂D食材，湯底又夠濃味。鹵水豬髀，將豬髀去咗骨食落口啖啖肉，肉質嫩滑不會鞋，相當有口感。馬拉盞炒通菜，夏天就要食 時令通菜，少少辣椒絲同鹹鹹哋的馬拉盞，特別爽甜惹味。蒜蓉麵包金黃香脆。啱曬夏天的冰凍飲品。

今日約左朋友去旺角行街，講真旺角成日去，咩都食過晒，朋友問我有咩好介紹，我真係諗唔到，好彩朋友之前都有做功課，揾到間係廣華街既泰國菜，佢唔帶我去其實都唔知依度有間平民泰菜館，7點去到，入面竟然爆場，我覺得只有2個原因，一係好好食，一係好抵食，究竟係邊種？最後再開估我地2個叫左個"2人套餐" + "阿來金磚豆腐"，個套餐好抵食，主菜有海南雞or泰色豬脾選擇，我揀左海南雞，好大碟，重點係冇骨，好滑，配埋個油飯一絕小食係咸蛋單骨雞翼，單骨好處係俾每條雞翼都沾滿咸蛋黃，唔會太咸，好香口再配埋個"飛天通菜",超級有鑊氣，唔會好咸，最驚食到d超咸通菜依個豆腐係佢地招牌，外脆內軟，入口即溶，必食個餐仲要包埋飲品，特飲仲要唔駛加錢，旺角wo,所以食到最尾，我評語係又平又好食又抵食，最重要係唔駛加一

最近經過旺角見到呢間泰國菜！雖然裝修唔算好特別不過食物都幾吸引😊同朋友兩個人叫咗一個二人餐，除翻開每個人都係百幾蚊都真係幾抵！揀咗一個海南雞飯，海南雞份量都幾多，而且雞肉算係嫩滑有重雞香，雞肉肥美配有泰式酸辣醬同蔥油，而且仲可以選擇要油飯定係白飯星馬蛋黃雞翼，一上枱已經有鹹蛋黃嘅香味外皮炸得夠脆，而且炸粉亦不厚食起上嚟仲有鹹蛋黃起沙嘅質地，相信鹹蛋黃迷會鍾意通菜就夠晒鑊氣，不過留意番食落會有啲辣，所以唔食得辣嘅朋友仔可能要注意下，睇下可唔可以叫小辣不過食得辣嘅就會覺得夠晒惹味！加上爆香左嘅蒜蓉，可口吸引如果想喺旺角選擇一間泰國嘢嘅話，相信呢間都係一個唔錯嘅選擇！

成日去旺角行街，經過廣華街見到這間餐廳周時都滿座，今日就嚟到試吓，（阿來東南亞風味）餐廳位於旺角交通十分方便，食材新鮮， 價錢非常抵食，食完之後覺得果然冇揀錯，大家都食得好開心。海南雞例牌，份量都算多，雞件皮滑肉嫩，點上醬汁更能帶出海南雞的味道，油飯軟熟帶雞油香味，令食慾大增。 蛋黃雞翼賣相十分吸引，雞翼炸得夠香口，肉質保持嫩滑，正。馬拉盞炒通菜炒得好嘢味，仲十分夠鑊氣。椰汁西米糕，好香椰奶味． 也不會太甜。

收工後辦完緊要事情後已到晚上9時，行了去吃茶餐廳式的東南亞餐廳，另一半已坐下等我，還選了想吃的，不用煩我！生菜包頗大碟的豬肉餡料，鹹酸度適中，沒甚辣味，不用額外加調味，生菜也足夠，只是肥肉粒多了點甘香。海南雞喇沙湯頭濃稠正常，椰香味濃，雞肉軟滑，鮮味加多一點更好，米線正常。黃咖哩牛腩煲牛腩有咬口，不會散碎，蔬菜頗多，黃咖哩汁味香濃，不會太杰，薄餅蘸點咖哩可以吃不停口，其實最好味是個汁呢！馬拉盞炒四大天王馬拉盞味不是太濃，椰菜苗轉了芥蘭菜，秋葵，荷蘭豆，少鹹味道還可以，而四季豆需濃味才好吃，故差了點點，不過這四大天王很鮮嫩，當然不會有剩。椰汁三色冰點飯或麵加9元，椰汁夠多夠濃，大菜糕夠軟，甜度剛好。咸檸檬七以為點了一碗麵與一碟飯，原來我們攪錯了，還點了特飲，盛為$22，幸好這個咸檸檬很夠味，夠冰夠凍汽水解了我的口渴暑熱。

旺角食野選擇多，就連茶餐廳都可以食到出色既泰國菜。裝潢係一般茶餐廳既格局，光猛，地方大。吃的卻是泰國菜馬拉盞炒椰菜苗 $58即叫即炒，熱辣辣，很有鑊氣鮮嫩椰菜苗配上馬拉盞既咸香和微辣，令椰菜苗變得很惹味。生菜包 $68生菜鮮嫩脆綠，如果份量多啲就更好。肉碎調味十分出色，香味四溢，香茅味強烈並能帶出肉既鮮味。咖哩炒軟殼蟹 $138啲咖喱汁多到好似瀑布傾瀉而下。啲咖喱仲好特別，加左炒滑蛋，另到啲咖喱汁更加濃稠，口感層次增加，伴飯或醮包吃也一流咖哩汁不算辣，香味卻很濃郁，麵包醮滿滿滿的咖喱汁，吃起上來別有一番風味。軟殼蟹有四件，炸至金黃色，軟嫩酥香，美味可口。真係估唔到，以茶餐廳既價錢，可以吃到美味既泰國菜，勝價比高

旺角好多餐廳都食過， 連鎖或者網紅餐廳都係勁多人排隊， 反而起橫街入面呢間食泰國嘢嘅茶餐廳，有位又有味道唔錯既泰國菜。依家咁熱嚟到即刻點咗兩個椰青飲，超清甜! 好解渴 ! 菜單上面大路嘅泰國菜式都有， 但我哋都冇咩要求嘅，食番啲 common 款式。泰式生菜包， 肉碎嘅調味唔會特別太酸辣，反而係有啲家常feel， 落咗肥豬肉所以食落好甘香， 生菜脆口新鮮。我哋兩個人都係， 比較健康養生，所以點左多個菜， 飛天椰菜苗， 惹味之餘啲菜都好嫩口呀。主菜就係咖哩雞同薄餅， 邊食邊傾最後食都餐廳少女生們知埋單走，家常既街坊人情味，坐得闊落又唔會趕人有，令到呢餐食得更開心。

自從之前去完新加坡之後，就對麥皮蝦有着一個很好的回憶，因為真的很好味。知道這間餐廳有做，所以便過來試試，這裏的格局就和茶餐廳一樣，很好，就是喜歡這樣不拘小節的感覺。除了麥皮蝦之外，我們還要了鹹蛋黃雞翼撈麵和芒果蟹肉炒飯。先來撈麵，麵質爽滑，醬汁濃郁而不會有一股死鹹的味道，配上炸得鬆脆的雞翼，很想有叫多一碟的衝動。之後便是蟹肉芒果炒飯，炒飯炒得很乾身配上芒果蟹肉味道是應該不錯的，但略為不夠鹹，建議可以發多些葉去炒，不過配上之前撈麵的汁一齊吃，就變完美了。最後是主角了，想不到100多元的麥皮蝦，他的份量是那麼多的，雖然沒有細數，這裏起碼有六至七隻，而且是不會細隻的。吃這個哈很簡單，首先先品嚐他的頭和殼一起吃，然之後就將蝦肉和麥皮一齊吃，蝦肉的爽甜和脆彈的麥皮之間產生的味道口感是無與倫比的。下次再掛念這個麥皮蝦的話，現在便有了選擇，不需去星加坡。