阿來東南亞風味 (已結業)

少食泰國菜的我，突然想飲冬陰公湯就同朋友去食，當然就叫左冬陰公湯，超愛夠辣而且有好多蝦，蝦餅足料，蝦是實心的少炸粉，另外叫左海鮮炒河，超大碟，有好多海鮮，菜，如果辣d就更好

今晚去開油麻地，覺得呢間阿來東南亞菜幾好味！佢比較似係食泰國菜！我哋叫咗鹹蛋黃雞翼，佢嘅雞翼係單骨雞翼，鹹蛋黃撈埋炸雞翼，食落好香又夠脆！另外叫咗個咖喱軟殼蟹農夫包，啲咖喱加咗蛋，農夫包點買啲咖喱一齊食好正，軟殼蟹炸得夠香脆！

前排去咗油麻地同朋友食飯☺️朋友就話想食泰國嘢❣️呢間餐廳感覺似茶餐廳😂但原來食物款式種類都幾多，有炒粉麵、泰國、星馬菜等菜式😆_🌟泰式乾炒海鮮河粉 $58河粉係用咗一啲相對比較闊身、大小不一嘅河粉☺️口感十足👍🏻食落去亦好惹味😄_🌟泰式鮮蝦冬陰公湯 $78湯內有4隻大蝦🍤好足料👍🏻飲落去唔會太辣🌶反而有陣椰香味😋入面仲有好多配料包括芹菜，菇類，蕃茄，泰式香料等等_🌟泰式炸蝦餅 $68好香口好惹味👍🏻外層炸得好脆 入邊嘅蝦膠都非常彈牙☺️_🌟海南雞喇沙米線$54雞肉嫩滑又夠味👍🏻食米線嘅原因係因為米線吸曬喇沙嘅湯汁 好滿足☺️

今晚真的熱到爆，決定食泰菜，貪佢夠涼快吖嘛。唔想煩，當然叫餐最實際。二人餐有三個選擇，唔同價位，有不同配搭，定價都幾合理。我地叫左二人餐 B ，盛惠 $248。主菜二選一，分別係豬脾或海南雞，望望隔離的滷豬脾 ，例牌得來都幾大碟，就佢啦！豬脾肉夠軟，豬皮同豬肉都展現完美的 balance 。一啖咬佢，好入味加上唔油膩，招牌菜冇誤。套餐可選白飯及油飯，俾大家多個選擇。豬脾下層仲有好多菜，索囇D滷水汁真係幾和味。伴碟仲有酸菜及滷水蛋，有誠意的。泰式生蝦刺身估唔到小舖都食到生蝦刺身，size 夠大隻，而且爽肉。冰鎮上的生蝦，見到都覺得透心涼。點吓旁邊配的青辣醬，辣到跳舞，十分過癮。泰式肉碎生菜包生菜包，抵食交大份。生菜夠新鮮而且洗得勁乾淨，抵讚生菜包唔辣，呢到失左少少分數，唯有自己加辣加調味。咸檸七 & 青檸梳打大大杯，足料又多冰，啱曬炎炎夏日慢慢歎。裝修幾親民，爆場氣氛熱鬧，除左港人，仲有不少外國客支持 整體來說各方面都不錯，又抵食，會再來。

海南雞 (例牌)師傅已幫忙起骨。雞肉嫩滑，啖啖肉。泰式乾炒牛肉河粉並非使用一般茶餐廳條條分明嘅河粉。取而代之係用一啲相對比較闊身、大小不一嘅河粉以增加口感。非常出色。豬頸肉炒椰菜苗椰菜苗生熟度剛剛好，非常爽脆。配合豬頸肉整體非常惹味泰式椰汁西米糕椰汁西米糕是泰餐中最經典最有標誌性的甜點。任何一家泰餐館都會提供，而且造型也出奇的一致：西米糕是裝在香蘭葉疊成小碗裏，綠白相間，清新雅緻。咸檸七 / 鮮青檸梳打Refreshing! 

今晚去左呢間評價極高嘅街坊泰菜餐廳開飯, 睇佢嘅 Menu, 價錢果然非常大眾化豬頸肉炒椰菜苗好多時食呢度餸都怕 D 椰菜苗太硬, 但今晚呢碟椰菜苗炒到非常合我心意, 夠淋身得黎仲帶 D 咬口, 而且豬頸肉份量又夠多, 豬頸肉嘅咸香滲左去椰菜苗入面, 正 !!!海南雞 (例牌)估唔到例牌都咁大份, 而且仲要係髀位, 食落去啖啖肉, 肉質夠嫩滑, 加埋個特製酸辣醬 & 蔥油醬, 更加惹味開胃泰式乾炒河粉 (牛肉)好夠鑊氣嘅炒河, 河粉亦係用較闊身果款泰式河粉,  而且配料嘅份量超多, 味道勁正, 大推大推咸檸 7食泰國野又點可以少左呢杯咸檸 7 呢 !?!

前排放工去咗油麻地同朋友食飯，搵到間唔錯嘅茶餐廳，食泰國野🇹🇭。入到去，見到呢度嘅裝修係充滿咗小時候👶🏻👧🏻街坊茶餐廳嘅味道，唔少食客都係一家大細街坊look👨‍👩‍👧‍👦，好有親切感。·同一般茶餐廳唔同，佢哋嘅食品種類都幾多，包括粉麵、小食、招牌小菜、海鮮、甜品等，我哋揀咗2個飯、1個拼盤同1個甜品。·🔸 海南雞飯（$53）嫩滑雞件🐔配上粒粒分明嘅油飯💛🍚，好完美嘅配搭，雞唔算太肥，連皮肉咁食係最正！另外附有薑蓉同酸辣醬，薑蓉絕對係加分位，送飯一流！🤤·🔸 豬髀飯（$50）滷豬髀🐷🍗係呢間餐廳嘅其中一款推薦菜式🙋🏻‍♀️，所以我哋都叫咗一碟豬脾飯試下。豬皮軟腍同好入味，送飯又係好正！如果配埋甜酸醬食，係另一種開胃食法，大家都可以試下呀！😉·🔸 小食拼盤（$148）拼盤有4款小食，包括蝦餅、蛋黃雞翼、豆卜同春卷，全部都係炸物。頭兩款小食我都非常喜歡，蝦餅🦐🍪外表炸到金黃色、好脆，入面係滿滿嘅蝦肉。蛋黃雞翼🐔係單骨嘅，方便食用，外面沾滿香濃嘅鹹蛋碎，好惹味！😍 豆卜同春卷都係炸到好香口，後者嘅餡料仲好豐富添！😮·🔸 芒果糯米飯（$58）熱辣辣糯米飯配凍凍地嘅芒果🥭，芒果一d都唔酸，以呢個甜

今日係廣華街附近搵食，見到呢間食泰國菜既餐廳啲價錢好平，仲要唔洗加一，唔怪得咁多人食。出面食泰國菜多數都要過百蚊一碟餸，呢度幾十蚊就可以了！真係慳唔少錢呀！叫左佢既招牌菜：肉骨茶，出面好少有得飲😻令人一讚既係，呢度既上菜速度快得驚人，唔洗5分鐘就上菜👍👍肉骨茶 好足料，用左好多排骨雞腳煲成，個湯夠哂濃郁！豆腐索哂啲湯，又幾正喎！例牌 滷水豬脾🐖去骨既豬脾肉，豬脾肉都幾嫩滑，豬皮好滑炆到好哂林，仲有隻蛋同菜心伴碟。豬肉碎生菜包🥬，用生菜包住啲肉碎真係好match，唔會覺得膩，又可以食下菜咁。豬肉碎仲用左香葉洋蔥辣椒等醃製過，好夠入味，又辣辣地好惹味。又係招牌菜之一：辣椒膏蝦頭油海蝦炒飯🥘用左蝦頭油炒，炒到啲飯金黃色。有蝦，魷魚🦑，蟹柳等等，食落夠哂鹹香。都唔錯。而且都幾大碟，好飯。再加左錢叫左杯檸檬柚子蜜，酸酸甜甜，好開胃呀😸

餐廳：阿來東南亞風味 (油麻地)地址：油麻地廣華街38號地舖最近成日食西餐，偶然都會想轉下口味，係旺角行行下落大雨，又見到附近有間食東南亞菜嘅餐廳，於是就入去避雨順便食埋晚飯阿來原來有好幾間分店，主打東南亞菜式，之前都經過過好幾次但係一直都無食過，今次終於有得試下喇二人餐 $228我地兩個人點左個二人套餐，有三個餸同兩碗飯加兩杯飲品，除左有泰式滷豬脾或泰式海南雞可以揀之後，仲有星馬蛋黃雞翼同飛天通菜，兩個人食岩岩好，不過我咁大食，就叫多左個泰式炸素春卷，仲有食滿$250可以用coupon以$1換購6隻泰式生蝦，咁緊係唔可以錯過啦泰式海南雞例牌例牌海南雞件最少有15舊以上，仲要好多都大大舊，多肉得黎又無咩骨，仲有薑蔥油同泰式辣椒醬可以蘸，無論係食原汁原味，定係蘸薑蔥油傳統食法，抑或蘸泰辣醬都得，悉隨尊便星馬蛋黃雞翼香口嘅金黃蛋黃雞翼，外面鋪上蛋黃碎再炸成脆卜卜嘅單邊雞翼，蛋黃香若隱若現，雞翼單邊方便食用，非常體貼，好味嘅程度係食兩碟都仲得XD飛天通菜以豆豉同辣椒炒成嘅飛天通菜並唔係鹹到飛天或者辣到飛天，反而係好食到飛天，調過味後嘅通菜相當惹味，辣度適中，撈飯食一流泰式炸素春卷唔好以為素春

每次同朋友gathering，一定有人建議食泰國菜，於是乎我地就search邊間性價比高嘅泰國餐廳🤣🤣🤣見到呢間好似幾多好評，於是就試試佢🤘🏻呢間啲嘢食真係唔錯🤤🤤🤤🤤最鍾意嘅就係才柚子鮮蝦沙律同埋軟殼蟹火山包🤪首先沙律酸酸辣辣咁，幾開胃 作為頭盤都唔錯👍🏻👍🏻👍🏻👍🏻然後再黎重點就係個火山包，份量唔少，建議幾個人share👅👅👅👅焗到脆脆地嘅麵包加埋濃濃嘅咖喱汁，簡直一流！唔覺唔覺成個包就已經俾我哋K.O.晒🤣🤣🤣

今日同朋友嚟到啊來食泰國菜跟住我叫咗個豬髀飯而我朋友就叫咗個泰色海南雞飯個豬髀飯啲豬肉都唔會太硬 所以都容易食落口而海南雞飯都唔錯之後叫咗兩杯野飲凍檸茶同埋通奶茶正正常常咁啦

第一篇文章就用一間好平好食嘅餐廳來做開頭第一次寫食評吧！這間餐廳位於油麻地廣華街, 前身是一間茶餐廳來的今次經過便做了一間泰式餐廳，看來好似很正宗，是泰國人管理的是日點菜點了吃泰國餐最基本要吃的海南雞無骨豬手，另外點了他們這間餐廳的招牌菜黃金雞翼和咖喱軟殼蟹包！超好味！超回味！吃飽之後才知道他們這裏還有星加坡名菜喇沙米線吃，咁岩聽到隔離枱話好好食，將會放進我下次選吃的必點之選！而最重要價錢方面，抵吃！有質素又有份量，下次會帶大顆朋友來再大擦一餐

經過門口廣告見吸引入內一試 嗌個下午茶餐海南雞湯金邊粉 一飲啖湯知道中伏 糖水咁甜冚曬所有味 雪藏雞 碗嘢吃咗1/3已經劈低 完全冇心煮 十分敷衍 劣評⋯⋯⋯⋯⋯⋯⋯⋯⋯⋯⋯⋯

之前誤打誤撞黎過呢間舖頭食野，佢係一間茶餐廳格局，但食既係東南亞泰式風味，好特別！呢度既價錢以出面平時食泰式野既價錢黎講算係好親民，價錢唔貴，選擇多。上次試過佢晚芒果蟹肉炒飯、阿來豆腐磚、蠔仔蛋，感覺味道好好，好有鑊氣！ 特別係個豆腐磚，外層脆卜卜，炸到恰到好處，外脆內軟，好好食呀！今次再黎，試下其他野食！ ；）首先係豬脾飯，d豬脾幾腍，但肉多過皮，如果有多d皮搭埋d肉食會更好！ 蝦醬海鮮炒飯，呢個好香好好食呀，帶微辣，入面好多海鮮，有三隻蝦、魷魚鬚、蟹柳等等，以呢個價錢黎講係好抵既！ 炸蝦餅，好食呀，即炸既野永遠都係咁好味，好彈牙，蝦餅配甜酸醬，絕對係絕配！

晚飯在旺角附近又唔想係正旺角中心同人逼，可以行去隔離廣華個邊試下呢間泰國野。雖然茶餐廳咁嘅格局，但D野食都幾好味，價錢又唔係貴，最重要唔洗同人逼餐死！頭盆必食柚子鮮蝦沙律醒醒個胃，味道唔錯，蝦就唔脆因為無煎過！蛋黃雞翼一見即叫（好特別雖然好似好heavy😂😂) 不會咸小小會好味D，但太咸有人就話唔健康㗎喇😂因為唔想食飯所以叫左個軟殻蟹火山包。個包皮好脆，配裡面D咖喱食一絕！個軟殻蟹都脆但就唔係話特別好食！叫埋個椰菜苗，3個女仔夠食啦！之後叫埋飲品，椰子糕好滿足喇