阿來客棧雞煲火鍋 (已結業)

尋晚想食下雞煲，聽講呢間餐廳有半價雞煲優惠，所以就過黎試下啦。重慶辣雞煲（大辣，一隻）半價$119有得揀辣度，我就揀左大辣。好多時我就算叫大辣都會覺得唔夠辣，而呢到嘅辣味十足，食得好開胃。一隻雞有好多，其實食完呢個雞煲都已經好飽。半價之後只需$119好抵。牛氣沖天優惠價$58呢份牛氣沖天包括牛腩、牛根、牛舌同金錢肚，非常抵食。每款都有幾件，牛味濃，口感彈牙。養顏花膠（四件）優惠價$58花膠大大片，好味。食完雞煲之後有得加湯底打邊爐。我加左一啲打邊爐配料包括山根、特級雪花牛肉粒、出前一丁同烏冬。每樣都有半份或者一份揀，價錢又唔貴，都好抵食。我特別鍾意特級雪花牛肉粒，咬落去無論牛肉香定油香都十足，好正。宮廷滋潤糖水$0呢個係送嘅，每人有一碗，今日係紅豆沙。竟然唔會太甜，有驚喜。另外加左$12要烏龍茶同埋$20白桃梳打。白桃梳打解辣一流。

唔打誤撞就嚟咗呢一間食我哋嘅晚餐，我哋一行三人，上到去座位唔係好多，但係都舒服嘅。店員同我哋講佢哋嘅雞煲有折扣， 我哋就叫咗一隻雞加一份牛雜再加一份豬大腸。熱辣辣嘅雞煲，味道幾好，我哋要咗中辣，辣度剛剛好。食完雞煲之後我哋再加水打邊爐。 我哋叫咗黑栢葉、鴨血、墨丸、蝦丸、皇帝菜、 鮮蝦雲吞、韭菜雲吞 、牛肉。牛肉最好食，又淋又有牛肉味，貴咗啲288蚊一碟， 黑栢葉好難食， 漉咗幾秒都韌到死， 最後我哋玩咗一啲蝦滑。

上日文堂之前又喺銅鑼灣搵嘢食，好耐冇食雞煲，喺OpenRice搵到呢頭開咗間新嘅，就去食吓。餐廳做緊「優惠三重奏」，幾款口味嘅雞煲都半價，仲有特價配料同糖水送，好抵食！唔駛等好耐個雞煲就上菜喇，我哋叫左「重慶辣雞煲（少辣）」，一隻雞嘅分量好多吓，兩個人勉強食得晒，個汁好香濃，雞肉又嫩又入晒味，好好食！食晒大部分雞就加湯再食其他火鍋料，「手打四寶丸」嘅鮮蝦丸、墨魚丸同牛肉丸都好彈牙，鯪魚丸就稔咗啲。「即包鮮蝦雲吞」成粒乒乓波圓滾滾咁好靚仔，食落好彈牙，入面勁多蝦，好好食好推介呢嗰！至愛嘅「爽脆白鱔片」好新鮮，四片大大片大滿足。咦～又點錯嘢，哈哈！點咗「翡翠豆苗」，其實係想食普通嗰隻豆苗，哈哈！「娃娃菜」索晒湯好好食，但就越食越辣，爽！最近一定要講講個「即炸魚皮」，真係炸得超脆，就咁食或者點一點湯都超好食，又大塊份量又多！最後上埋綠豆沙，唔太甜感覺好滋潤，食完火鍋下吓火啱晒。聽店員介紹呢度嘅廚師係「來來雞煲」嘅班底，食物水準相當高！食完好回味嘅雞煲！

老公鍾意食雞煲🐔，所以我成日都會搜羅唔同嘅雞煲，最近搵到銅鑼灣新開左間雞煲叫阿來客棧，嗰度啲雞煲仲有半價優惠添，真係超抵食🤑。 呢度嘅裝修比人一種古式嘅感覺，用嘅係木檯，餐具係古時嘅公雞碗碟，感覺幾有特色。 首先揀左個重慶辣雞煲🐔，佢有唔同既辣度可以俾你揀，我地揀左個小辣嘅🌶。 因為宜家新開張，所以特別多優惠，除咗雞煲有半價之外，仲可以用優惠價加配料，同埋每位奉送宮廷滋潤糖水一碗。我地加左個牛氣沖天🐮，入面有牛筋、牛腩、牛舌、金錢肚，加埋落雞煲食非常之惹味。 特級手切肥牛紋理平均，肉質嫩滑。 桂花蚌新鮮爽口，灼兩灼就食得。 爽口豬頸肉🐷食落的確好爽口。 即包鮮蝦雲吞皮夠薄，餡料好豐富，啲蝦🦐好爽口好大隻。 鮮墨魚滑新鮮爽口，加埋蟹籽喺面更加爽口。翡翠豆苗新鮮翠綠，食落爽脆。

XXG最近發現以前好出名嘅”來來雞煲”強勢回歸😱 依家做緊新張優惠 所有雞煲半價‼️ 食完仲可以加湯變火鍋🫕▪️8.5/10▫️<< 重慶辣雞煲 半 >> $74 中辣🌶 醬汁極濃稠 重麻同藥材香 極惹味🤤 辣味層次高 雞件份量多 肉質鮮嫩🐔 仲可以用優惠價加配料* 雞煲配料▪️9/10▫️<< 重慶肥腸 >> $38 必叫‼️ 非常軟韌爽口 充滿油脂 配重慶辣汁勁香口 上癮 😋▪️8/10▫️<< 廣島蠔 x6 >> $58 大大粒 就算浸喺極濃嘅重慶辣汁入邊 鮮味都係咁出～😚*火鍋配料▪️8/10▫️<< 特級雪花牛肉粒 半 >> $48 雪花紋路清晰 火鍋肉來講 肉味濃 肉質出奇鮮嫩 幾有驚喜👀▪️8/10▫️<< 即炸響鈴 半 >> $48 即叫即炸 又熱又脆 油香味重 焯5秒外軟內脆 正‼️▪️7.5/10▫️<< 拍薑田雞 半 >> $68 上枱仲郁緊😱 肉質鮮甜 細嫩似雞肉👍🏻🌿樓上店舖 座位寬敞 古色裝修 有一

在這星期六，這家雞煲座無虛席，是放題嗎？倒也不是，但在單點的食物半價的誘惑下，餐廳非常多人！環境：位與位之間的間隔設得很高，保護度高醬料一應俱全，我最愛的指天椒也有在列醬料*2 $20食物：花膠瑤柱雞 一隻 $134半價，一隻雞只要１３４！即使便宜也沒有比較低質，雞湯清甜而不膩，雞件嫰滑而且帶微微肉香，讚，ＣＰ值高！廣島蠔 六隻$58上桌時嚇了一跳，竟然那麼大隻！煮熟之後也還很大隻，一隻也不用＄１０牛氣沖天 $58牛肚，牛舌，牛筋，牛腩，很大一碟，只要輕輕一煮就非常軟稔，除了牛筋真的需要炆很久才稔以外，ＣＰ值高翡翠豆苗一份$30也就是翡翠苗，外國人都會生吃的翡翠苗，輕輕一焯就能吃～皇帝菜一份$36跟火鍋最配的皇帝菜，再多焯一會就可上桌，非常爽脆也新鮮手打四寶丸半份$45普普通通，但從口感而言是還不錯，爽爽彈彈的即包韭菜餃半份$30意外地韭菜味很出，餃子皮薄肉透出，不錯吃Singha $28連著啤酒碗，大大支的ＳＩＮＧＨＡ啤，干杯！

朋友從英國回歸探我，當然要同朋友吃飲一番，她們最愛食打邊爐及雞煲，上網尋找那裡有好味的，滿足多個願望去品嚐，發現銅鑼灣開了一間特色的「阿來客棧」，座落於銅鑼灣渣甸街，地理環境尚算方便，歡聚閒談享受美食的好地方。進入阿來客棧，環境雅緻舒適，佈置和擺設十分美觀，很有家的感覺，一個人來或幾個朋友一齊來都很適合。整間店很寛敞，用餐的空間感更舒適，人多也不感覺侷促，舒適很寫意，乾淨整潔，氣氛輕鬆。餐牌上設有菜式，提供不同的食材，美食當前無法抵擋，放縱一下自己，吃得滿足一點。美味的菜色，我們都很鐘意，價錢都很相宜。重慶辣雞煲 (半隻)湯底可享半價優惠，重慶辣雞煲辣度選擇了不辣，醬汁惹味，雞肉厚身，厚度相當，肉質鮮嫩，紮實彈牙，面層巳熟，不會過韌，啖啖肉有嚼勁，調味的醬汁配搭佳，令味道提升，整體增加美感生色不少，帶到另一個新層次，單單看樣子已經令人唾涎。紅燒飽魚(2隻)大隻的紅燒飽魚，咀嚼後第一個感覺是肉質鮮甜有彈性，肉汁豐富，煙靱有咬口，同一般食到的不同，菜式顯得上盛，單單看樣子已經令人唾涎，讓人回味無窮。養顏花膠 (4件)花膠鮮嫩剔透，吸收了雞汁，肉質很美味，非常爽口，令人唾涎三尺，花膠含豐富蛋

新開張好抵食！一坐低就有職員比葱、辣椒、蒜蓉、醬油比我做調味料，會收取每人$10醬料費一個雞煲都係$119，來到等都吾洗等，就食得~最特別嘅地方就係可以直接放啲餸落去，所以啲配料全部都有雞汁嘅精華🤪🤪🤪好多件雞，小辣吾算辣，雞煲醬比其他更濃更稠🤪蠔🦪有6隻，少少腥，不過呢個價格有6隻算係咁。鮑魚好大隻！有湯匙咁大~煙煙韌韌，有咀嚼感😍虎蝦又係超巨型~蝦頭有膏，肉身啖啖肉，爽口，好後悔冇加多2隻~打邊爐就叫左寬粉，比較幼身，而且索曬啲汁，正！加多幾卷羊肉，好夠so味，切得又夠薄身，而且好新鮮！飲品白桃梳打，生津解渴，必點😂👍🏻

一家大細都啱食 人氣高質鮮甜椰子雞煲～～～今晚星期五 帶咗大舊👦🏻同家姐個B 一齊黎咗係銅鑼灣嘅呢間雞煲食晚餐 沿路塞車唔小心遲到 所以peak time黎到要等位 大家唔想等記得打電話book位先 ～～～餐廳裝修好新好靚好溫馨 仲見到有人係到慶祝生日 好熱鬧好開心😊～～～養顏海底椰子雞：好耐都無食椰子雞 呢個口味又好啱小朋友食 所以我地就叫咗呢個湯底 正好佢地做緊湯底半價 好抵 叫咗半隻雞嘅我地 本來仲擔心太少 點知份量超多 雞肉粉嫩飽滿 咬多口 啖啖肉 帶椰子香氣 超好吃der! 裡面仲有 粟米椰子片等等嘅材料 食完雞可以慢慢食～～～食完啲粟米覺得好好食嘅我哋 又要咗一堆甜粟米同埋啲菜例如唐山菜 豆苗同豆苗等 蔬菜吸左椰子湯底 食落去份外鮮甜 除咗菜之外 我哋仲叫咗日本蠔 同脆骨腩 前者鮮甜無腥 後者魚肉扎實彈牙 而且係重點佢個湯底真係夠椰子味 所以洽咩都甜甜地 呢點好鍾意～～～原條酸菜桂花魚：本身過嚟食火鍋 係諗住專心食火鍋 但係見到佢個原條酸菜魚 百零蚊就有得食 好似幾抵 又忍唔住叫咗一個 結果好彩黎到完全冇失望 裏面嘅材料好豐富 例如有白芝麻 酸菜蓮藕 薯粉 芫荽 同魚等

酒樓去得多，去吓客棧搵嘢食😂客棧有乜好，因為係呀來😂點解雞煲可以咁好食？😋一定有佢嘅秘訣👏👍火鍋🍲材料仲可以半份叫，又可以食到多款火鍋類別👏👏👏廚師👩‍🍳用心，老闆放心🥳客人食得更開心😃—————————-🟣優惠三重奏：優惠一：雞煲半價優惠👏👏👏👏1-重慶辣雞煲——超抵食價錢半隻$74、一隻$1192-滋補花膠瑤柱雞半隻$84、一隻1343-潮式胡椒豬肚雞半隻$74、一隻$1194-養顏海底椰子🥥🐔雞半隻$74、一隻$119————————優惠二：惠顧麻煩雞煲可以優惠價：1-重慶肥腸1份$382-廣島蠔6隻$583-牛氣沖天1份：$58包括（牛腩、牛筋、牛舌、金錢肚）4-紅燒鮑魚2隻$685-養顏花膠4件$586-大虎蝦兩隻$88——————————-優惠三：奉送糖水—————————-🟤 重慶辣雞煲：再配埋我最愛吃的大腸——-重慶肥腸1份未食睇見已經舐舐脷，一上枱就飄香的雞煲、熱辣辣😋👍又惹味、又滑溜，連雞胸部份都一樣咁滑，真係好正😀⋯⋯食到停唔到口大腸炆得又夠焾又入味，焾得嚟又帶一點口感的質地就最好食😋——————————🟣西班牙黑毛豬腩片：當然又係......係我最愛嘅豬🐷腩肉，

復活節放假去咗食雞煲，咁先至有時間慢慢嘆😌，唔使趕住返屋企嘛。我哋上網見到「阿來客棧」銅鑼灣店新開張，有唔少優惠，於是就訂定枱嚟幫襯。我哋六點左右去到已經有人食緊，店員有我哋訂枱資料，好快就安排入座👍。餐廳面積唔大，不過餐枱大小適中，夠位放食物，而且枱同枱之間仲可以用掛簾分隔開，好睇又衛生。阿來開業優惠三重奏🎊，雞湯底有半價優惠，超級抵。同時，仲有部份配料可以以優惠價加配。另一邊廂，餐廳亦提供特式炸物同一般嘅火鍋配料。重慶辣雞煲($74/半隻)，兩個人食半隻雞🐔就啱啱好，而且餐廳比足份量你，食雞噒骨都噒到攰😂。雞件一直熱住肉質都能保持嫩滑，抵讚。雞煲有得揀辣度，大中小以至唔辣都有，我哋要咗小辣🌶，合乎預期嘅味道。微微嘅辣度易接受之餘，亦令菜式更惹味，如果多點「麻」味更佳。紅燒鮑魚($68/2隻)，追加項目原來係一早放落雞煲一齊煮😳，所以一上枱就已經可以食咁濟！鮑魚好大隻，肉質一啲都唔韌，兼且仲好索味添。牛氣沖天($58/份)，🐮包括牛腩、牛筋、牛舌同牛柏葉，呢份配料同樣會預先放入雞煲度。估唔到個辣汁配牛肉都幾夾，係另一番滋味。我哋食嘅時候數住每款料大概有三件，份量都唔算少。接住落嚟就係

放工行過渣甸街搵食，傳單姐姐塞左張傳單俾我睇，一睇見到雞煲半價$74 😱即刻Serach下間餐廳就決定幫襯🤣🤣.餐廳係渣甸街一座building既25樓，新裝修都幾靚仔，可能好多人知個優惠，所以都幾爆場，醬料費收 $10/位，一坐低就要決定叫咩湯底/雞煲，配料可以後點。.叫左個「潮式胡椒豬肚雞」半價左之後半隻只需要$74🤣真心抵，胡椒味較重，雞件係原碟上，自己放落湯底。之後優惠價加左「廣島蠔6隻 $58」蠔好正，夠晒肥美又爽口🙈 「特級手切肥牛 $288」叫左大份手切肥牛，油花好靚肉質夠嫩。其他食材都係由$16起... 食材單價都好平下。呀，仲想推介下個「手打墨魚丸 $38」有4粒，個墨魚味好香，同埋有粒粒墨魚粒好彈牙，最中意係佢d野食可以擇半份，岩晒2-3人食🥰

#銅鑼灣美食 #小蓮星呑食銅鑼灣🔻 阿來客棧銅鑼灣渣甸街50號渣甸中心25樓/🧃湯底: 潮式胡椒豬肚雞 $119(1隻)新開張半價優惠，抵食到不得了，超級足料，隻雞真係完整一隻咁大隻，店員建議我哋先將隻雞攞落去個湯入邊，然後花幾分鐘整熟隻雞，重點係將啲雞油逼出來，令到成個湯個層次更多，更鮮甜，我哋一試果然雞味十足，加埋啲胡椒既香辛味，直頭當喺屋企煲嘅湯咁飲都得，啱晒d屋企冇湯飲嘅我地/🧃牛氣沖天 $58 、重慶肥腸 $38優惠價$58食到牛腩、牛筋、牛舌、金錢肚，淨係講份量已經冇得輸，食材應該本身已經熟咗，用腩汁煮過，所以非常入味，四樣其中牛脷最好食，又大又厚又唔腥/🧃特級雪花牛肉粒（小）$48牛肉粒脂肪分明，入口即溶，同出邊食到一半嘅唔同，睇得出係用緊好嘅食材，每一啖咬落去都有好多油嘅香氣迫左出嚟/🧃手打墨魚丸、手打牛肉丸 (半份) 各$38手打牛肉丸唔似一般牛丸，食落有少少似牛肉球，入邊除咗有牛肉，仲有少少香料，第一次食，感覺幾新鮮。手打墨魚丸打到起晒膠，入口非常彈牙，仲食到有少少墨魚粒，正/🧃脆骨腩 (半份）$38依樣簡直係必叫，魚肉新鮮冇腥味，食落口有淡淡的魚油香味，口感爽，冇

雞煲是個人其中最愛的菜式，最近得知銅鑼灣開了一間以雞煲為主打的食肆，今晚便和太太專程來到了。重慶辣雞煲，半價優惠一隻$119，廚師在廚房已經將麻辣雞煲炒香，不需等任何時間，便可進食。醬汁味甜帶點辣，雞肉吸收醬汁，非常惹味。廣島蠔六隻$58，廚師將廣島蠔放在雞煲裏一起炒熟，廣島蠔吸收了醬汁，爽口鮮甜，非常值得追加。脆骨腩半份$35，新鮮的脆肉鯇魚腩，吸收了湯底的鮮甜味道，非常可口。爽脆白鱔片半份$55，白鱔片只需放在湯裏10數秒，便可享用爽口鮮嫩的白鱔。因為太好味，之後再追加另一碟，味道都很鮮甜味美。西班牙黑毛豬片細$58，脂肪味道甘香，肉質鮮甜，雖然不是很多片，不過少食多滋味。唐山菜半份$16，萵荀半份$16，這個份量非常適合，每款半份可以享受不同款式的菜式。藍妹啤酒$35，冰凍的啤酒配上兩個雪凍了的戰斗碗，盡顯窩心的設計。木瓜雪耳糖水，甜度適中，吃完火鍋再吃免費的糖水，令今晚的火鍋，或上了完美的句號。

今日同朋友喺銅鑼灣行街，夜晚嚟咗呢度打邊爐。店舖新開，裝修以木為主，枱同枱之間會有簾阻隔，私隱度高。雞煲❤️雞煲醬汁惹味，雞件份量十分多，好似食極都食唔完咁，仲可以加入自選配料，我地加左牛氣沖天一份，有牛筋，牛腩，金錢肚同埋牛舌，非常豐富又入味☺️❤️好出色手拍青瓜❤️青瓜爽口，醋味突出，非常開胃👍🏻☺️肥牛❤️雪花分明，顏色紅潤，厚度適中，入口即溶👍🏻👍🏻蔬菜❤️配料都可以叫一份或者半份，可以自己控制分量👍🏻👍🏻