阿來客棧雞煲火鍋

唔打誤撞就嚟咗呢一間食我哋嘅晚餐，我哋一行三人，上到去座位唔係好多，但係都舒服嘅。
店員同我哋講佢哋嘅雞煲有折扣， 我哋就叫咗一隻雞加一份牛雜再加一份豬大腸。
熱辣辣嘅雞煲，味道幾好，我哋要咗中辣，辣度剛剛好。

食完雞煲之後我哋再加水打邊爐。 我哋叫咗黑栢葉、鴨血、墨丸、蝦丸、皇帝菜、 鮮蝦雲吞、韭菜雲吞 、牛肉。牛肉最好食，又淋又有牛肉味，貴咗啲288蚊一碟， 黑栢葉好難食， 漉咗幾秒都韌到死， 最後我哋玩咗一啲蝦滑。