開餐 (已結業)

星期六6點左右同幾個朋友行完行搵食，周圍店舖都排長龍係呢間唔洗，抱住試伏心態填肚。入到去心感不妙，因為環境潮濕，檯面同餐具都黐立立，不過就餓死，照食。餐廳外貌好茶記，Menu一D都唔茶記，有燉湯、喇沙、泡飯、酸菜系列、鰻魚同多款小食。同行幾人叫左原條鰻魚雞扒飯，我就叫左喇沙海鮮肥牛湯麵。食物一黎到即刻唔明點解間鋪咁空。原條鰻魚雞扒飯鰻魚大條，雞扒香滑，飯粒粒分明，汁又夠，以茶記黎講完全係超水準。喇沙海鮮肥牛湯麵牛係少d又唔夠肥，但係海鮮好足，好多細細魷魚同細帶子，油麵都幾好口感，唯獨個湯雖然叫喇沙又個面一片紅色但係一D都唔辣有少許失望。另外有叫左份蝦多士小食，都炸得幾脆口。小缺點就係杯涷飲冇飲管，檸茶冇匙羹當支持環保啦。整體黎講衛生係差少少，但食物水平遠超同價水準，值得一試。服務方面呢，上菜之前同行朋友擺到一枱行街嘅戰利品，侍應哥仔都有客氣提醒我地收好先驚整污糟我地D野，拎住野食等我地執好野先擺好，算Nice啦。

應該唔少人都係比 ［加油］而吸引入左黎如果你對服務同價錢都冇要求 可以試我就唔會再黎 咁多間加油既店 我先唔要黎1.純粹拎飯黎時劈過黎 其實佢地只玩電話 拎一拎個飯需唔需要甘先2.個場得一兩枱客 都要摧飲品先到 仲要踢一踢先郁一郁 飲管都要叫先有味道？不過不失 因得食頹飯 餐肉 蛋 腸 雞扒飯c002啊即係。煎蛋冇得轉炒蛋是旦一間店都可以好過佢仲有 職員內訌 好笑 個男職員自己不停玩手機 面對得一兩枱客既場面都要同個女職員（好瘦果個）講話咩都佢做晒做唔到好累😂 水都冇杯都已經顯得唔重要了 相對其他茶記會自動送上冷氣係冇乜 大汗人有心理準備 真係得一兩枱客都唔涼只係食個快tea都搞力甘 評價比ok既朋輩真係有厚道

香港人雜扒飯🍚 💰57 (好味道: 💛💛💛💛)雜扒飯個名以為係有豬牛雞扒嗰啲，原來係拼腸仔，餐肉同雞扒三款肉類🤣 一上枱已經好吸睛，因為有姐半熟荷包蛋喺上面🤤 而且仲有菜，顏色上有齊紅黃綠，好豐富👍🏻 塊雞扒好大塊，煎得啱啱好，好香口。將隻蛋篤穿之後，蛋漿用嚟撈飯一流❗️👍🏻👍🏻 飯中間仲有燒汁，略嫌多汁咗少少🤏🏻 但整體來講呢個飯都好高質🤓-喇沙雞球帶子湯麵🍜 💰58 (好味道: 💛💛💛)相對上面嗰雜扒飯，喇沙麵材料就冇咁豐富😗 有多件雞柳，幾粒迷你帶子同芽菜。不過個湯底好啱胃口，一啲都唔辣，好重椰香味🥥-明目圓肉妃子蜜🍯 /解毒胎菊花蜂蜜🍯 (跟餐+💰10) (好味道: 💛💛💛💛)係為咗個水樽先至叫呢兩支嘢飲😍 (香港人懂的😉）同埋相比起普通茶餐廳飲品，呢兩款健康好多~ 兩款都係真材實料❗️ 菊花蜂蜜就清淡啲，圓肉杞子相對上甜啲，飲咗幾啖之後再自行加番啲水落去浸一陣都好有味道👌🏻👍🏻人均消費:💰68 (免加一)環境:💛💛💛💛服務:💛💛💛💛推薦:💛💛💛💛💛

招牌溫泉蛋鮮茄牛肉湯通粉坦白說原本覺得味道應該係正正常常不難食也不會太出色～但個茄湯出乎意料地濃郁好味！但滑牛雖然冇咩牛肉味勝在又多又大份～～～仲要通粉嘅份量都好足👻👻👻食完真心超滿足！鍾意！

我同朋友都好中意飲蕃茄湯❣️😍咁啱見到ig推介佢嘅蕃茄湯，就即刻去試下佢嘅蕃茄雞扒通粉🤤通粉真係超級大碗，而且仲有埋流心蛋，真係好好食🤤😍蕃茄湯又濃，我最後飲哂啲湯！除此之外，加$10仲可以要一支特飲，樽身仲印埋字，可以飲完之後洗乾淨用嚟做水樽😙✌🏻

🔆酸菜魚片湯米粉$57本來餐牌係湯河，但養生組想關注胃部健康，就轉左米粉🤣魚數量都幾多，無骨，但係就唔滑溜亦唔彈牙，似鯇魚片果種味。湯底愈食愈辣，好彩叫左野飲，我唔食得辣都可以支持到最後😚雖然味道唔係話好正，但有時平平地頂下癲都係個好選擇👍🏼🔆明目圓肉杞子蜜 跟餐+$10用左環保樽，用完可重用✨有超多杞子，而龍眼肉就係哂樽底，要飲到最後先食到，但已焗到無味🤣整體甜度唔高，用黎解辣一流好適合日常自己平平地食一餐💛

坦白講本身真係唔識呢間小店，主要係聽聞告急先知。定為算係主打湯飯同粉麵嘅茶餐廳，食物款式都有驚喜啵！本身自己唔係酸菜魚嘅fans 但見到menu上有唔知點解就好想食，湯頭微酸帶點麻辣，我覺得算係無咁重口味但又好開胃，魚片份量好多，無乜骨之餘亦夠鮮味爽滑，而且認真大碗差啲就食唔哂啲河粉！除咗各樣湯粉麵飯，仲有多款跟餐美食，例如加$28就有三大塊香燒原片五花腩，充滿蜜汁同煎得充滿油香，肥瘦適中唔會一味得肥肉，非常惹味！最特別係用良知盎原盎上嘅津白，又真係有啲火腿，啲菜煮得唔算太淋但都夠奶油味，又唔會太creamy令人覺得膩，都係食菜好選擇！除咗嘢食佢地仲有各式健康花茶，食物款式選擇都算多，價錢唔貴份量又咁大，咁經濟實惠絕對值得支持！

🤣好有屋企嘅感覺無味精而且樣樣都大大份又抵食🐮牛筋超好軟淋而且夠足量又入味💰57🐟鰻魚都大大條，連埋牛肉都係💰78.🥬金華火腿津白｜💰27真係好香又有奶味勁抵食.🐖五花腩｜💰28肥瘦適中而且燒得好香$28份量都咁多超抵食

知道係黃店而且又有我鐘意既酸菜魚所以一定要嚟懲罰下💛真係好正！記得一次堂食嘅時候，播播下音樂突然播到周柏豪啲歌，跟住！即刻切歌！👏🏻👏🏻👏🏻-湯底係我鐘意既！夠酸！🐟唔算滑，河粉比較散但個湯底夠味，所以點都好食😋-個樽仲可以循環再用👍

-「開餐」-鋪頭裝修勁靚！！！-溫泉蛋雞扒鮮茄湯通粉 $56呢個有驚喜！唔係指佢個湯底 佢個湯底有少少普通🤣反而係個雞扒勁嫩滑！❤️分量都仲要幾大碗😌 一個女仔可能食唔晒🤣-椰香咖喱（牛腩）飯 $57有三款餸俾你揀！ 分別係牛腩、豬軟骨同埋豬扒！而我地就揀左牛腩～佢啲肉唔會煮得過老亦都好入味 同埋都幾多肉🤣薯角配埋咖喱汁勁正🤪不過覺得個汁有啲稀 可以再濃啲啲🥲-有一樣想講可唔可以轉埋飲品杯 唔好用即棄膠杯🥲-🔖不設加一服務費

It is not common to see Sour & Spicy Fish for one person, as it’s always served in a large pot for sharing. Therefore, when I saw the Sour & Spicy Fish Noodles on Dine Inn’s menu, I opted for that immediately as an early dinner.The amount of noodles was very generous, the thin noodles tasted so good with the sour and spicy soup. The pieces of fish were quite fresh and tender. Yum! I wish there were more fish though. I like the level of spiciness of the soup, which also gave a hint of numbing sen

有番堂食，都會周不時去食下，今次經過旺角見到e到門囗幾靚wor又貼紙又豬仔又咁岩有位就去試下佢！點知店入邊裝修都好靚，好多海報兩個人叫兩個飯，一個小食，一支飲嘢嘢食都好快到。。。店員都好有禮貌豬油撈飯好食仲有鹹蛋，炸墨魚丸好脆加埋啲蜜糖真係超好食蜜糖菊花茶都幾好飲，唔會太甜嗰樽仲好靚添慢慢食，又唔會好似好想講你地走咁黃店係好d嫁希望佢地可以長做長有啦。。。。好味又岩feel ge 餐廳真係要多d幫親丫

星期六中午在附近上完堂，就過來旺角揾食。兩邊街有不同小店，以往呢間都幾多人等位，今次見時間尚早少咗人排，就決定一試啦！🍛鹹蛋黃醬香蔥油撈飯+甜酸雞球 (6/10)：賣相正常，略嫌鹹蛋黃醬同蔥油份量較少，令整體味道不夠突出。反而飯粒分明，值得一讚。甜酸醬味道偏酸，雞球都炸得幾好，食落會感覺到是剛剛炸起，外皮不會太乾太硬，入面都嫩滑和夠熱。不過小編最初是帶住平時食開咕嚕肉隻味道的心情去食😂，所以食第一二啖嗰陣覺得有點怪。🍜喇沙雞球帶子湯麵 (6/10)：雞球肉質算滑，但就偏細粒且帶骨，細帶子粒淋身。麵質普通，湯底微辣，整體算易入口。🍹明目圓肉杞子蜜 (8/10)：跟餐+$10換購，估不到主食普通，餐飲反而有驚喜！甜度剛好，配料新鮮，小編好快就清咗一樽！☕凍咖啡 (6/10)：正常。🏞️環境設施 (5/10)：店內空間不大，坐得較逼。希望店員除了清潔枱面，亦有清潔側邊的間板吧(真的貼很近)。🤵服務質素 (6/10)：落單和上菜速度正常。😋回頭率 (5/10)：性價比一般，中規中矩。

星期六收工 好耐無同老公二人世界是但係旺角揀咗間良心小店嚟食～我地星期六下午3點幾食 都仲要等一兩張枱 老公叫咗喇沙雞球帶子湯麵好有喇沙味配油麵 湯底好有椰香味 配埋個油麵底 兩樣勁夾個湯底正到 好想飲晒啲湯！不過帶子相對細粒啲 又小咗啲個雞係雞髀同雞翼 都有肉同唔韌雞肉都幾多 整體都好味～我叫酸菜魚米線估唔到咁平又幾多魚喎啲魚不但唔腥 仲要無骨 岩晒我呢啲懶人(´･ω･`)個酸菜魚都幾入味一啖米線加埋酸菜好正～啲米線仲多到食唔晒！ 雖然多人食 但上菜時間都算幾快手同埋性價比真係幾高 真心推介比大家٩(^‿^)۶

🇭🇰💛開餐Dine Inn 🐟1個人的酸菜魚有冇試過突然想食酸菜魚 又唔想約人食良心小店💛有岩哂一丁友食既酸菜魚片湯河粉餐廳有好幾間分店 裝潢靚而且仲好有心機💛🥰一定要去用錢懲罰呀🙌🏻🙌🏻💰💰🐟酸菜魚片湯河粉(💰$57）上台熱辣辣 河粉幼身 份量超多較腍身湯底唔算好辣 食10小辣🌶既都食到 但會愈食愈辣湯底有齊酸菜辣椒🌶雖然唔會有成煲咁香濃咁正但平平地頂住癮係絕對OK✔️✔️魚片數量合理 滑身冇刺食完係超飽 仲滿足到食辣的口癮🤭🌶炸🍞奶黃包(💰$19/2pcs)即叫即炸 外層食係炸饅頭 熱脆的中間就好似流心奶黃包咁咸香味比奶味香share 一人一個岩岩好