開餐 (已結業)

星期六中午在附近上完堂，就過來旺角揾食。兩邊街有不同小店，以往呢間都幾多人等位，今次見時間尚早少咗人排，就決定一試啦！🍛鹹蛋黃醬香蔥油撈飯+甜酸雞球 (6/10)：賣相正常，略嫌鹹蛋黃醬同蔥油份量較少，令整體味道不夠突出。反而飯粒分明，值得一讚。甜酸醬味道偏酸，雞球都炸得幾好，食落會感覺到是剛剛炸起，外皮不會太乾太硬，入面都嫩滑和夠熱。不過小編最初是帶住平時食開咕嚕肉隻味道的心情去食😂，所以食第一二啖嗰陣覺得有點怪。🍜喇沙雞球帶子湯麵 (6/10)：雞球肉質算滑，但就偏細粒且帶骨，細帶子粒淋身。麵質普通，湯底微辣，整體算易入口。🍹明目圓肉杞子蜜 (8/10)：跟餐+$10換購，估不到主食普通，餐飲反而有驚喜！甜度剛好，配料新鮮，小編好快就清咗一樽！☕凍咖啡 (6/10)：正常。🏞️環境設施 (5/10)：店內空間不大，坐得較逼。希望店員除了清潔枱面，亦有清潔側邊的間板吧(真的貼很近)。🤵服務質素 (6/10)：落單和上菜速度正常。😋回頭率 (5/10)：性價比一般，中規中矩。