長阪燒 (已結業)

🎎尼間餐廳朋友之前帶過我黎食lunch，覺得環境同食物都唔錯，就決定約埋一齊再黎食晚餐🥰🔸生蠔 🦪見到有個生蠔set幾抵就試下，當日既生蠔有2款，分別係🇯🇵日本既日の雪花同🇫🇷法國既St. Martin🔹日の雪花 : 蠔身飽滿，味道清淡，口感清爽🔹法國既St. Martin ：層次豐富，🌊獨有海水鮮味，餘韻帶有甜味🔸自家浸梅酒 生蠔set酒精飲品可以加錢轉，梅酒浸左2年，味道有驚喜😍梅味香濃而且唔會好甜，值得一試🔸松葉蟹膏多士朋友私心推介❤️蟹蓋上面裝滿蟹膏，🦀蟹膏味好濃，配埋多士一齊食，真係好邪惡🔸鵝肝大啡菇大啡菇一咬爆汁💦鵝肝好厚身，油脂香濃，大啡菇索哂鵝肝既油香，好正🤤🔸松葉野蟹天婦羅天婦羅唔會好厚粉，啖啖肉，食到少少蟹本身既甜味😋🔸燒豆腐豆腐燒到好乾身，外層好脆，咬開裏面好軟，面頭加左甜麵醬，口感有少少似臭豆腐😆🔸燒翠肉瓜翠肉瓜爽脆，面頭有七味粉，🌶️少少辣

今晚揀咗食日本嘢！上網睇到呢間餐廳環境幾好，所以就嚟咗試吓！Book咗7:00間餐廳入邊已經有好多人！間餐廳環境好日式！有吧枱同卡位.我同男朋友就係坐吧枱，枱前邊就擺晒是日新鮮嘅食材…有象拔蚌/油甘魚鮫/大大隻虎蝦/我哋坐咗一陣間，啲虎蝦就俾人叫晒我哋叫咗日本蠔四隻！勁鮮味，連男朋友唔食蠔都話好食！仲叫咗特上精選壽司盛盒，入面有拖羅、赤身、時合魚2貫、三文魚、北海道鮮帶子、海老、小山盛！件件壽司都好好味！我哋仲叫咗幾串串燒食有煙肉車厘茄/雞髀肉同燒雞腸！所以都忍唔住叫杯酒配下，叫咗杯梅酒超純超易入口！同埋我哋叫咗沙追魚天婦羅盛盒估唔到係啲齋物都好出色！番薯，南瓜，茄子超好味！因為坐係啲食材面前，見到油甘魚鉸覺好吸引，就算飽都叫埋，廚師燒得勁香！呢間餐廳真係非常之值得推介😊

視覺同味覺的極致盛宴🤩砵蘭街呢間長阪燒真係出曬名，今晚終於有機會嚟試吓！大約六、七點嚟到，已經好多人，大家要早啲嚟幫襯！呢度裝修真係勁靚，勁似去咗日本，佈置都好有心機。我哋揀咗吧台座位，望住眼前咁多海鮮，真係未食已經流口水！呢度嘅Staff亦好熱情，好主動咁介紹今晚嘅新到海鮮。而啲碗碟、擺盤等等都一絲不苟，無諗過會咁高質素！我哋馬上就叫咗幾款食物：⭐廚師發辦三點盛（$298）呢個餐嚟到真係令人「嘩」一聲，賣相一流，擺盤用心，齋睇已經覺得好靚！入面主要有磯燒帶子、海膽拖羅魚蓉丼同真鯛刺身帶子十分厚實，啖啖肉之餘，亦燒得好香！魚蓉丼係我哋最鍾意嘅一款，海膽味道香濃，魚蓉撈埋日本米，鮮香逼人，亦唔會覺得heavy。而真鯛刺身切得非常薄，口感輕盈，配埋廚師秘製嘅酸汁，令佢更加有層次。前菜仲有琥珀核桃魚乾，酸酸甜甜，係開胃之選！最後有一客伊達卷作為甜品，係香港少啲機會食到，甜中帶鹹，食完非常滿足。⭐雲丹拖羅蓉三盛（$188）呢一款係我哋最最鍾意嘅！小卷上嘅海膽極度鮮甜，同三點盛果款唔同，配落小卷上就更加fresh而拖羅魚蓉份量充足，配上海量魚籽，連埋小卷裡嘅青瓜一啖入口，清新感喺口腔裡迸發，超級

-舊同事約去旺角食飯，佢book左呢間日本餐廳。原先話八點食，但朋友遲到諗住等埋先點餐。但店員每隔五分鐘就走黎問我地想食咩，推介我地食蠔，我話睇一睇先。三分鐘後另一個店員又問我地，話要帶我地出去睇魚，整刺身食，但一條魚都五百至過千，我話再睇一睇。個menu一碟三文魚壽司都三四十蚊，最後想嗌串燒拼盤，又話要散嗌，又話串燒濃味，唔好嗌串燒，食刺身先。由於店員太煩，朋友又怕懢介，就點了些壽司和小食同蠔。😵‍💫-食物：生蠔當天係法國蠔，外形雖然唔大隻，但新鮮爽口，都有海水味。蠔都開得唔錯，但帶子位冇用刀介一介，令到食帶子位有啲困難。壽司都新鮮的，而味道都適中。串燒的味道一般，唔夠野味。當然，明白佢地的定位係居酒屋，所以不能夠同壽司店或串燒店做直接的比較。 環境：店面大，裝修都有少少心思，部分卡位有高的私懚度，座位寬敞。 總結：埋單計每人大約$300，食物質素其實ok, 但價錢有啲貴同店員實在有啲chur. 希望可以改善一下。

估唔到朗豪坊附近有呢間如此高質嘅日本嘢，非常適合慶生聚會場合。一入門口就已經覺得環境非常有格調裝修充滿日本風，以木系為主，經過門口有人即開生蠔表示新鮮，我哋被安排到吧枱坐，原來餐廳有出名，自家製陳年梅酒，每缸梅酒都有寫上釀製年份非常有心思。我哋點可以隊番杯試吓，梅酒味道清甜容易入口，值得一試。廚師發板三點盛，店員都好有耐性，細心介紹，分別有鯛魚刺身、 火炙帶子刺身、 蛋捲、 鰻魚沙律、 海膽三文魚子丼。呢個賣相別出心裁，有驚喜，不妨食之前影相打卡！店員亦都推介此店主打嘅海膽天婦羅，呢個天婦羅好特別，真係只此一家。海膽就食得多，炸海膽就真係第一次，非常推薦食落口仲係熱辣辣，加上海膽嘅Creamy，有入口即溶嘅感覺。點咗松葉蟹蓋蟹膏，呢個又係好正，蟹膏有鮮甜海水味，好creamy! 佢嘅串燒係即叫即整，每款都10分出色，尤其大啡菇燒到好多汁。

做日本餐廳最怕人流唔多導致食材唔新鮮，呢間餐廳完全唔會有呢個問題！🧚‍♀️ 唔單止食材新鮮，廚師整嘅每樣食物都好高質，份量又足！🐚活燒元貝香噴噴嘅蒜蓉汁配上少量黑胡椒，將鮮味提出嚟🤤 加上生熟程度岩岩好，啲汁鮮甜到不得了，可惜我哋冇飲到個汁⋯後尾店員講返先知個汁先係精華！🐠🐟火炙三點刺身完全冇諗過會咗好食！！$288有三塊超厚拖羅，每一啖都係油脂～完全唔會好多筋🥹太！好！食！帶子同平目魚邊燒完有微微火炙香味，絕對好食過普通刺身！配上三文魚子同海膽，鮮味到不得了！ 是日MVP!!!🐟火炙平目魚裙邊太愛啦 🥹💓 魚油配上壽司飯～神仙組合！🍅沖繩海葡萄蕃茄沙律海葡萄有淡淡海水味～每一口都脆卜脆卜，好似脆脆嘅三文魚籽咁！清新～🐟🦀海膽海鮮杯將最鮮味嘅蟹、海膽同拖羅魚蓉放埋一齊🤤🤤🤤唔使講都知好食！由其係呢到嘅海膽唔腥，淨係得甜味🍢串燒（煙肉廣島蠔、明太子雞翼，牛胸腹）串燒冇出面咁燶味，因為值得一試！

舒適和風居酒屋🏮環境極有feel，去左日本咁！燒•火炙三点刺身 $288⭐️⭐️⭐️⭐️我最欣賞拖羅，極厚身，火炙燒一燒，魚油香氣更特出，海膽味道相對較淡，平目魚裙邊重脂香，北海道鮮帶子清甜。藍莓醬鵝肝帶子壽司 $96⭐️⭐️⭐️⭐️呢個帶子比上面嗰款creamy，配上鵝肝，口腔迴盪濃郁香氣，不過唔係好食得出藍莓醬，哈哈！牛胸腹 $48牛肋肉 $38⭐️⭐️⭐️味道正常發揮，不過不失。燒杏魚包菇 $22⭐️⭐️⭐️⭐️睇佢平平無奇，食落極juicy!海膽海鮮杯 $98⭐️⭐️⭐️⭐️有蟹肉、拖蘿蓉、魚子、海膽，材料尚盛，鮮味十足。日之雪花蠔set $138⭐️⭐️⭐️⭐️口感柔軟，肉質肥美，毫不費力就可以咀嚼。配上蠔汁更提鮮；而檸檬汁就較清新，轉移蠔既油膩感。🍴 長阪燒 (旺角)📍地址：旺角砵蘭街189號2樓回頭率🤡🤡🤡🤡性價比🤰🏻🤰🏻🤰🏻

早排個friend問我有無日本菜介紹，一時三刻諗唔起。不過食完呢間，即時msg介紹左比佢。等緊安排位置時，就見到店員開緊蠔，側邊仲擺左一支支睇落自家制嘅梅酒，個時已經好期待啲野食。餐廳樓底高，設計得幾有格調，加上我地坐bar台，睇住師傅整野，感覺特別良好。🥢溫泉蛋沙律醋汁沙律配上溫泉蛋嘅蛋液，幾開胃。🥢生蠔4隻+梅酒set當日係日本蠔，每隻都好飽滿，生蠔口感清爽，海水味唔算好濃，加上無金屬味，係接受度高又易入口嘅生蠔。而且開蠔師傅處理得好乾淨，無蠔碎，值得一食啊。店員介紹話梅酒自家釀左兩年，自己都有釀開梅酒，點都試下人地嘅。本身生蠔set包左飲品，加錢就可以轉飲梅酒。呢到嘅梅酒飲法係配冰，酸甜平衡得好好，有濃郁嘅梅味。溫馨提示，酒精濃度都高，唔好飲咁急啊。🥢雲丹拖羅蓉山盛上網睇到呢碟個樣好crazy，即時叫左黎試。呢座海膽拖羅蓉山下面，遮住左6件卷物，食法係用匙羹將海膽、拖羅同三文魚子放係卷物到一啖食。一定要讚個海膽好鮮甜，畢竟係香港食到鮮甜海膽唔容易。三文魚子一咬就爆，又唔會死咸。呢三種都新鮮嘅食材一啖食，三重口感下係無得輸，必叫啊。🥢美國牛小排燒得夠香，牛小排有油脂又有肉嘅軟嫩，配

里間我bookmark咗好耐今晚終於有得去食啦🥹好滾動🥹入到去好日式，有bar枱同卡位，卡位主要俾多啲人坐嘅睇落都幾舒服㗎👍🏼今晚我哋2個人就安排坐bar枱，望住廚師煮野食😚Oyster set $138隻隻都好肥美！店員有介紹係黎自日本，佢哋揀過係最好嘅先入手😝仲要勁新鮮，見到佢哋有個開蠔專員係後面不停開！基本上枱枱都有嗌！食落去蠔味唔算好強，好易入口！而且唔腥，好似食緊刺身咁👍🏼👍🏼牛小排 $168食肉獸嘅我，見到好想食！擺碟好靚，增加食慾haha牛小排好粉嫩！好juicy!佢仲有柚子醬夾埋一齊食，無咁heavy!北海道帶子夾海膽 $148帶子漢堡包🍔好鮮甜！入面嘅海膽好creamy，入口即溶🤭上面仲有三文魚子增加口感，高級食材！！清酒煮蜆 $78見佢又唔算貴咼！清酒味唔太濃，突顯蜆嘅鮮甜！佢隻隻蜆都勁大隻好飽滿🤣無沙！！梅酒 $38店員話係佢哋自家制，浸咗2年㗎啦！都幾甜咼！好完滿👍🏼🥹

位於旺角［長阪燒］日本料理水準一向唔錯，仍是疫情嘅時候去食過午餐，覺得環境和食物質素都幾好，尤其係壽司和串燒，今晚和朋友嚟食晚餐，平日嘅晚上嘅高朋滿座，氣氛好好🍣▪️雲丹拖羅蓉山盛 $ 188六件吞拿魚蓉小卷，面層再鋪滿大量肥美吞拿魚蓉，鮮味十足嘅海膽，大大粒嘅三文魚籽，再加上香蔥和芝麻，非常鮮美，必食推介🐧▪️藍莓醬鵝肝壽司 $ 79鵝肝大大件，煎香後外脆內軟，入口即溶，醬汁用燒汁配上藍莓醬，再配合小小嘅壽司飯，美味🦪▪️Oyster set （4隻）$ 138 生𧐢套餐設有多款數量，分別有4、8、12隻人多人少都可以任君選擇，更可以配上不同飲品，生蠔是即叫即開，非常新鮮乾淨，雖然細細隻，但𧐢味十足，好爽脆，而且好抵食🥃▪️梅酒 （點咗生𧐢套餐就可以加$38享用）自家浸制，梅味清香，洒味清純，冰凍又清甜配合任何食物都可以🥩▪️美國牛小排 $ 168肉質仍然呈嫩紅色嘅狀態，牛肉味道非常香濃，厚度適中，肉質軟腍有咬口，好高質素🐠▪️火炙三點刺身 $ 288香蔥吞拿魚腩，帶子三文魚籽，碟魚邊海膽，兩款魚本身已經很肥美，經過灸燒之後更加魚油滿瀉，好甘香，帶子外層焦香，中間部份仍保持刺身嘅狀態，再加上師

第一次嚟長阪燒，位置非常方便，一上到嚟見到啲佈置就有種去咗日本旅行嘅感覺，店員招呼又周到，服務同食物都一流Oyster Set($138) - 好大隻好肥美，有海水味但完全唔腥，吞咗隻蠔都仲有蠔味留喺度，好好食三文魚籽壽司、縞蝦壽司(各$58) - 上碟好靚，壽司上面有花同葉，壽司飯有喺日本食嘅味道同煙韌嘅口感，三文魚籽又香又濃，蝦亦彈牙松葉蟹膏多士($128) - 多士脆卜卜，蟹膏多到夠搽滿多士，蟹膏味道啱啱好，好味而不膩燒豆腐($28)、燒翠玉瓜($22) - 豆腐皮脆，翠玉瓜濕潤，兩款都燒得好食汁燒日本槍烏賊($128) - 爽口彈牙，啱啱好熟，好咬得嚟完全唔韌，配埋甜甜地嘅汁，食得好滿足紐西蘭羊架($128) - 香得嚟唔腥，肉質彈牙，好食梅酒($38) - 係自家製、浸足兩年嘅梅酒，梅味的確特香得濃，同啲食物好夾Bar枱同餐枱都闊同乾淨周圍嘅日式佈置都好有特色餐牌圖文並茂，幾方便客人點菜店員服務好好，耐心推介食物，殷勤有禮，餐廳環境好好舒服，食物賣相同味道一流，成個體驗都好好

今日去左旺角嘅長阪燒真係好正啊！我哋今日揀咗好多款食物，包括墨魚壽司、鯛魚壽司、oyster set (4隻)、岩鹽燒日本飛驒牛、清酒煮蜆同埋梅酒。每一樣都好好味啊！🥣清酒煮蜆啲蜆肉質細嫩，清酒燉煮得啱啱好，帶啲清香味，啲蜆汁又好鮮甜，真係好開胃。🦪Oyster set (4隻)生蠔新鮮，質感爽滑，汁都好鮮甜，帶有輕微嘅礦物味, 真係啱啱開口就有啲海鮮嘅鮮甜味。🥩岩鹽燒日本飛驒牛牛肉好鮮嫩，加上岩鹽燒，令到啲肉味更加突出，肉汁都保留得好好，每一口都好有彈性同埋好好味。配合埋柚子胡椒更加惹味. 🍣墨魚壽司、真鯛魚壽司魚生好鮮，配上手握得剛好醋漬飯十分滿足，清香嘅魚味為呢餐做咗一個美麗嘅結束。🥃梅酒果然係陳咗2年，使用咗高樑酒醃製，非常濃郁嘅梅味， 好舒爽啦！總括而言，呢間長阪燒真係好正啊！食物質素好，服務好，環境好，啲價錢又唔貴，絕對值得一試！

係旺角附近食完晚飯，又覺得意猶未盡，於是搵左一間超多好評既居酒屋繼續吹水傾計🤣 店入面裝潢好靚，有個長長既吧枱上面擺滿各種魚類海鮮，店員仲會主動介紹當晚既新鮮食材🐟🦀 另外仲有即叫即開既生蠔🦪 不過都唔算太肚餓既關係，就每樣叫左少少試下個質素如何🤔🫃🏻Oyster Set 4隻+1杯白酒/無酒精飲品 $138法國St. Martin 既生蠔, size唔算好大, 偏向較重海水味, 蠔味突出, 完全唔腥, 幾juicy既感覺, 完全唔需沾醬, 而且3x hkd 一隻算幾抵☺️飲品嗌左菠蘿汁，平時唔食菠蘿既我都覺得幾好飲😂要揸車費事飲白酒🤣🫃🏻松葉蟹膏多士 $128同平時食甲羅燒好唔同，依款松葉蟹膏非常濃郁既蟹膏味🤩咸香味充滿整個口腔，咀嚼後仲有種餘韻停留🥰好驚喜，絕對值得再戰！🫃🏻特上精選壽司盛合 $328顏色鮮艷，賣相相當吸引😋總共有8件，有大拖羅、赤身、劍魚腩、油甘魚腩、北海道鮮帶子、松葉蟹、海老、海膽吞拿魚蓉三文魚子，每款魚生都好新鮮😭 大拖羅仲係完全無筋，入口即溶🤤好高質🤣 🫃🏻串燒(提燈) $36好特別既雞蛋黃，外表有層薄皮，一咬就爆漿好似食緊爆爆珠咁🤣 好過癮🫃🏻串燒(七里香)

通關之後有好多人都去咗日本旅行，朋友就帶我黎呢間餐廳，享用住日本既高質食材，以解思日之情。 我哋坐喺吧枱，面前就係各種嘅海鮮食材，可以即揀即切即刻品嚐刺身，正正因為材料新鮮，由日本直送，所以佢先敢放喺大家面前，任由大家挑選。餐廳最近做緊季節限定，有唔同嘅生蠔set，我哋揀咗四隻生蠔配乳酸梳打(或配一杯白酒)（$138）生蠔即叫即開，四隻生蠔都非常之大隻同肥美，食落好鮮甜好Creamy，亦保留住海水嘅天然鹹味，值得推介。海膽海鮮杯（$96/1）我哋叫咗兩杯，一人一杯，海膽杯嘅賣相好精緻，雖然睇落細細杯，但係材料好豐富，除咗有海膽之外，裏面仲有吞拿魚、三文魚籽、蟹肉等等。海膽既甘香又鮮甜，吞拿魚完全冇筋，口感味道都好好，三文魚籽唔會腥，蟹肉好新鮮鮮甜，配上杯底嘅壽司飯，更能突出食材嘅鮮味。釧路活海鰻（$158）呢個真係好有驚喜，係今晚全場嘅MVP。呢個活海鰻同平時一般食開嘅鰻魚分別非常大，平時食既鰻魚好軟好稔，好似食緊一堆脂肪咁，無咩口感。但呢個活海鰻，燒到外脆內軟，內軟係有口感既軟，魚肉肉質好彈牙，加上鰻魚獨有既香甜，令人欲罷不能。溫泉蛋沙律（$38）想食菜又見呢個沙律平平哋就叫咗，劃破

朋友生日想食新鮮既魚生，上網搵左一輪見到餐廳環境不錯，而且有時令魚生選擇，所以就帶朋友過黎食。餐廳仲有季節限定生蠔🦪供應，店員即場開蠔，確保生蠔新鮮👍🏻見到咁吸引我地都嗌左4隻試下✨Oyster Set $1384隻時令生蠔+一杯白酒/無酒精飲品，而今日既時令生蠔係法國St.Martin，唔好睇隻蠔細細隻，肉質飽滿肥美爽脆，食落海水味較濃，而且非常鮮甜，蠔味餘韻較長😍飲品我就嗌左蘋果汁🍹，清甜可口✨松葉蟹膏多士 $128同平時食開既甲羅燒好唔同，顏色呈金黃色既蟹膏，蟹膏味更香濃突出，非常惹味，真係食唔停口👅✨特上精選壽司盛盒🍣 $328壽司望落超級新鮮非常吸晴🤩，有拖羅、赤身、劍魚腩、油甘魚腩、北海道鮮帶子、松葉蟹、甜蝦和海膽吞拿魚蓉小山盛盒😍，全部壽司都非常厚身而且多餡料，完全係一分錢一分貨👍🏻，味道口感新鮮清甜，果然係一間專賣新鮮魚生既壽司店✨串燒朋友話想試下串燒就嗌左幾串試下，賣相都幾吸引😳👅提燈 原來係是雞的卵巢和未孵化的蛋 但原來係限量珍品 所以平時好少見 所以想試既朋友 記得要嗌！第一次食既我覺得不錯🤪表皮帶點焦脆、蛋黃就呈半熟流心的狀態雞胸軟骨 口感非常脆口 味道香口