長阪燒 (已結業)

🌊北海道鮮帶子夾海膽帶子夾海膽嘅食法都幾過癮，味道上海膽和帶子本身都好鮮甜，唔洗點醬油、因為有少少柚子汁襯托🫐藍莓醬鵝旰壽司鵝肝非常之大份，由上而下覆蓋下面嘅壽司飯，油脂非常之豐富，加上個藍莓醬有少少甜味🦑汁燒日本槍烏賊第一次食到入口容易咬得開嘅燒魷魚，醬汁唔會過分鹹，配上生薑蓉都幾夾🍶清酒意蜆清酒味道，非常之突出。蜆好大隻，全部都打得開，肉質鮮甜另外，我哋叫咗兩吋串燒，配埋燒菠蘿🍍鹽燒豚拖羅和牛肋肉配juicy 菠蘿、加埋佢本身有嘅檸檬擠啲汁🍋於我個人來講係幾格嘅配搭🤓 甜中帶少少酸🦐縞蝦壽司（2件）縞蝦都係幾難得先會有嘅哈，同平時嘅甜蝦虎蝦唔同，佢喺外殼有好獨特嘅線條紋理（都印左啲落蝦肉上）入口好新鮮，軟綿綿。🥗宮崎楚蟹肉水菜沙律前往：旺角E1 一出轉左入砵蘭街～

朋友約食飯，叫我諗食咩，基本上都可以唔使點諗，食日本野就最好不過，因為大部分朋友都鐘意。試下呢間位於旺角砵蘭街189號2樓嘅“長阪燒”，裝修幾別緻，我哋被安排座吧枱，女店員非常細心為我哋拉椅，坐低左又幫我哋將椅拉近啲枱，非常之貼心。又詳細甘推介左幾款食物俾我哋，服務態度真係超好，值得讚賞。北海道帶子夾海膽帶子真係好新鮮，又大又厚，仲要夾埋北海道嘅海膽，個海膽係非常之鮮甜，加上魚籽配搭，賣相靚到唔捨得食，真係冇得彈。雲丹拖羅蓉山盛拖羅壽司都有海膽配襯，但呢果就係加拿大海膽味道雖然冇北海道甘鮮甜，但加埋拖羅食，入口即溶嘅感覺，又係另一番享受特上盛合+串燒和牛一上枱已經心心眼，極之豐富呀～有雞子、雞肝、雞皮、雞軟骨、雞翼、雞脾肉、大蔥雞、翠玉瓜、黑菇、秋葵、京蔥，我最鐘意就係雞皮夠脆，雞脾肉夠滑呢間真係食物質素高，服務態度又好好，可以推介俾朋友試。走時見門口放左啲好大樽嘅梅酒，原來係佢哋自家制290蚊一大樽。如果有細樽啲就好，可以買黎試下。

今日去完合味道館玩後，就決定落旺角搵野食，今次搵到間真。隱世嘅日本餐廳，點解我會咁講，因為鋪頭為處砵蘭街嘅樓上鋪，唔講嘅話真係唔知道有。一入餐廳已經好有驚喜，由裝修到座位擺放都好日式feel，職員服務質素又好，今次我地一人二行叫左以下食物1. 藍鰭吞拿下顎依款菜式係菜單上搵唔到，職員推介下，所以一於要試下，聽講依款吞拿下顎係全港得幾間餐廳先有，而且唔係成日有得食，如果撞岩有，真係要點黎食下。由於下顎我運動量大，所以肉質非常好，而且魚脂比例都高，咬落肉質鮮嫩，口感十分滑順，每一啖魚肉都帶有香濃嘅魚脂，非常好食😋而且仲要冇細骨，所以真係可以大大啖咁放落口，火喉控制得好，所以魚皮燒到甘香脆口，魚肉又熟，點埋佢個柚子醬汁一齊食就非常好，柚子味道提升左魚味，而且都減輕左油膩感，正呀🤩🤩2. 北海道鮮帶子夾海膽帶子好新鮮，肉質鮮甜，加埋啲海膽，真係令人回味無窮，一啖咬落去有一陣柚子嘅清香，開頭以為係落左少少柚子汁，但原來係刨左柚皮落海膽到，我都冇諗過可以咁，用柚皮就唔會有酸味破壞左海鮮原有嘅味道，而且仲可做到提鮮作用，三者配搭非常之好，一啖放晒落口食，真係好滿足🥰🥰3. 雞胸軟骨燒雞胸軟骨就唔係到

#fafafoodblog旺角 #fafafoodblog日本菜🍴季節限定 1 杯酒加 4 隻生蠔 138 蚊酒點到 suntory draft 生蠔係日本生蠔 m2 size大大隻 蠔身好滑 好爽口 佢既海水味好香濃 鍾意食濃既生蠔可試下 點 d酸辣汁或檸檬汁都好味🍴特上盛合 318 蚊雞盛合 有雞翼 , 香脆既雞皮皮， 入口即溶既肝 彈牙雞子， 香甜醬汁既大葱雞肉， 肥美七里香， 爽口大葱， 秋葵 .,冬菇，軟骨 . 雞腿肉 .夠哂豐富同特別🍴拖羅根沙律78 🥗拖羅既根位 再燒香佢 口感好彈牙🐟 夠魚肉香味又有口感 加埋新鮮沙律菜 魚子 洋葱 酸沙律汁等等 出色👍🏻🍴南非活鮑魚兩隻 156 蚊🍴炸芝士年糕32 蚊🧀好高質素 出面個皮厚得黎易咬 糯米比例好彈牙 出面整得香脆 入面既芝士流心 好香濃 正#日本菜 #鮑魚 #沙律 #拖羅 #沙律 #串燒 #雞肉 #鮑魚 #生蠔 Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍

📍長阪燒今日同朋友去試啲特別啲嘅，就係樓上日式居酒屋🏮/爐端燒。成個環境仲坐得好舒服，唔會話好逼，裝修都靚，一個個燈籠掛左係門口。呢度嘅所有店員都好好態度，入座之後仲會介紹特色菜式同個日嘅魚種類。因為係開放式廚房，啲魚仲放晒係bar 枱前面櫃到。❣️沖繩海葡萄蕃茄沙律 $68印象中唔係到到都有海葡萄食我最上次食海葡萄都真係係沖繩食嘅🤣呢個配醬油汁，攞黎開胃就唔錯😽❣️海膽海鮮杯 $48有海膽係中間，旁邊有拖羅、三文魚籽同埋赤蝦，最底就係壽司飯❣️海膽天婦羅 $118呢個天婦羅好特別，海膽就食得多炸海膽就真係第一次，呢個私心推薦食落口仲係熱辣辣，食完再食個蘿蔔蓉清一清個口❣️松葉蟹膏配多士 $128呢個睇得又食得成個蟹膏全部都係松葉蟹膏，蟹味濃郁蟹膏本身咸咸地配埋脆多士，就岩岩好分擔左啲味❣️特選盛盒雞卵、雞皮、雞胸軟骨、雞翼、月見免治雞肉棒、雞腎、雞腸、雞心、雞首肉、七里香都偏多肉臟，岩晒鐘意食內臟嘅我❣️串燒鹽燒豚拖羅 $28豚拖羅就偏肥嘅，個油脂分布就岩岩好，食落有陣豬油香同軟熟❣️三文魚飯團🍙 $28啖啖都有三文魚碎❣️明太子飯團🍙 $28❣️啤酒 $48❣️梅酒 $58 <—值得一試

唔知食咩嘅時候～最好就係去食日本野！今次唔想食壽司🍣～想食串燒🍗 咁去居酒屋就岩晒🍶🥢 是但搵咗呢間居酒屋🏮，一入到去個氣氛超好！可以睇到師傅係度煮緊/燒緊/鏈緊～總之就超忙🔥🔥🫡😋 因為成場都爆滿，所以等位都等咗一陣！4隻生蠔🦪 +1杯白酒set ($128) 呢隻生蠔🦪唔叫厚肉地，偏海水味🌊 唔creamy ~ CP值ok! 燒原條烏賊🦑 ($128) 好細心～上碟嘅容器有preheated ！加分加分 🫶🏻🫶🏻 燒得岩岩好，冇變擦子膠！仲好脆身！個燒汁都好味😋 帶甜！好襯海鮮～ 咩都叫左啲黎試🤭 油份咁重嘅野食配埋sake 一流！overall 串燒無overcook ~高質雖然本身冇預食魚生類～不過叫到人食緊自己都忍唔住🙈🙈 叫個海膽海鮮杯 ($48)過下引😂 有海膽🤤三文魚子🤤吞拿魚蓉🤤 2-3啖就食晒我諗下次會再黎，因為野食質素真心唔錯+氣氛超好👅🙌🏻🙌🏻🏮

上星期番工超忙 難得星期五 放工之後 約左ee去食好西 Happy Friday 我地揀左間日本野 入到去環境舒服 有bar枱 有卡位 食物款式都多 好岩傾住計慢慢食我地點左以下呢幾款火灸三點刺身$288燒過ge刺身好香好香 我特別鍾意食帶子刺身同埋海膽 實在太鮮甜 好好味 非常之推介 特上盛合$318有12款串燒 我特別鍾意食蔬菜類 秋葵，大蔥，翠肉瓜都好好味 另外雞翼雞串都燒得好香好香 仲有d特別d ge款 例如雞子等 平時少d機會食到 沙追魚天婦羅盛合$98條魚炸得好靚 食落都好味 又脆又鮮 而茄子 南瓜 秋葵都正 感覺唔係太油膩 推介ge鹽燒豚拖羅$28另外仲點左豚拖羅 一樣燒得好juicy 唔錯唔錯見到有生蠔食 都幾抵下 下次要再黎試下先 yummy

Tue 2nd May 2023 天陰 有DD涼 長板燒 MK.過咗發育期 身高定咗局。考試成績 恨錯難返。唯有體重 解鎖咗限制。興奮即刻去盡情食食食。今次仲係去食日本嘢，中英文唔合格都唔緊要。.乾淨企理，間舖係大嘅，不過擺枱有啲迫。又不過吧枱又幾闊落，同啲唔係好熟嘅朋友就啱啦，對住師傅做嘢好過啦。.- 先嚟生蠔。日本 真𧐢 宮城縣 3M size。清爽脹卜卜，以日本蠔來講size算係大。自家製嘅汁 調校得幾match。- 呢個「拖羅根沙律」原來係隱藏菜單嚟啦。原來佢哋經常都入到啲筍嘢，又唔會吊高嚟賣。你哋嚟到記得問吓佢哋有啲乜嘢隱藏嘢呀。好好食。- 北海道鮮帶子夾海膽。佢哋每一樣嘢都正常好味，不過我覺得拼埋一齊就有啲over咗。- 燒魷魚，正常香口，嗰汁打得恰到好處。- 免治雞棒正常冇乜特別。不過嗰隻蛋黃就食得出係好嘢。- 醬燒海苔年糕 好食。濕潤柔軟，有米味。- 冇叫到嘅 藍鯨吞拿魚嘅下巴。你不妨試吓。

今日開工經過旺角，驚朋友介紹吓嚟到呢間位於旺角嘅長阪燒，試咗佢哋嘅嘢食。餐廳有傳統爐端燒風格，氣氛非常之好，相信夜晚喺度食吓燒物飲下酒應該會唔錯。安康魚肝酢物🐟，安康魚肝係一種好珍貴嘅食材，魚肝嘅風味同醋嘅清爽融合埋一齊，味道好獨特。魚肝嘅質感都好好，好啱做開胃菜。迷你雜錦刺身🍣，包括三文魚、帶子及油甘魚。每一塊都好新鮮，呢個係其中一個加錢換嘅小食，CP值爆燈！北海道海鮮丼🐠🐡，呢個碗飯菜係以好多款新鮮嘅海鮮為主角，包括蝦、吞拿魚、三文魚，三文魚子，拖羅，甜蛋，燒左口魚等等。每一款海鮮都好鮮美，可以享受到每一種魚嘅美味，最推介係拖羅同埋燒左口魚，除咗油脂豐富之外，一啲筋都冇，可以達到入口即溶既境界。藍旗吞拿魚三色丼🍣🍣，好值得一試。三色丼係以吞拿魚赤身、吞拿魚腩溶同埋拖羅組成，每一款魚都經過精心處理，可以一次過滿足你三個願望。長阪燒嘅食物真係好好味，菜式亦都好豐富。而且聽講佢夜晚係做爐端燒，類似居酒屋料理嘅風格，之後有機會一定嚟試吓佢嘅晚餐。👍📍 長阪燒(旺角) 📍 地址: 旺角砵蘭街189號2樓#foodie #foodporn #foodstagram #foodgasm #foo

放工去了旺角的長阪燒食晚餐坐低見到季節限定餐牌，我們選擇了8隻生蠔+2杯野飲餐廳環境日本風情，揀了坐吧枱，前面就見到擺放唔同嘅食材，先上了點的餐飲，下圖是 Suntory 三得利生啤同時見到大廚們忙着為我哋準備食物，另外點了菠蘿汁，無酒精，合適我朋友唔飲得酒。緊接就上了8隻日本真蠔有八隻新鮮開嘅生蠔🦪，兩個人share，作為今餐的開始，有好好 impression，生蠔🦪好新鮮，試下佢地收縮，證明真係新鮮即開，而生蠔食落鮮甜 + 有海水味 👍🏻拖羅根沙律上面嘅沙律菜新鮮，熟拖羅加上有三文魚魚子、洋蔥、番茄仔、酸酸甜甜好醒胃。北海道松葉蟹蓋，即係甲羅燒：之前在其他餐廳有食過甲羅燒配烤法包片、梳打餅。串燒物方面呢就有燒牛舌、提燈（即係初生雞蛋）仲有免治雞肉棒、雞胸軟骨比較特別嘅係今次第一次食串燒點呢個蛋黃，提燈都係比較特別，食落即是去咗蛋白又夾得起既蛋黃。特大虎蝦呢兩隻虎蝦蝦頭好多膏，總體好大隻，蝦身肉質好結實。鹽燒油甘魚鮫呢個油甘魚部位，睇相唔覺咁多肉食，但食落慢慢發覺竟然出乎意料，好多位有好多魚肉，油甘魚魚油分布好豐富，食落充滿魚油，完全唔會乾身，大廚燒過外皮，令外皮食落比較香比較脆。

放工去完旺角買野，攰攰地唔想自己整晚飯，就搵下附近餐廳，見到依間樓上居酒屋好多好評所以試下🫶🏻上到餐廳其實見到個環境都好impressive😳樓底高好有空間感，裝修靚好高檔😳😳😳👉🏻宮崎楚蟹肉水菜沙律🩷🩷清新水菜令蟹肉味突出，幾醒胃"👉🏻安康魚肝酢物🩷🩷🩷依道店員介紹ge前菜幾特別😳入囗溶化，魚肝味道香濃👍🏻配埋酢物醬汁非常容易入囗完全唔覺得肥膩🤩就咁食都好好味🤩👉🏻鵝肝大黑菇🩷🩷大黑菇同鵝肝燒都香噴噴但都仲係好多汁🤤伴碟嘅心內美蘿蔔（紅心大根）都好爽脆清甜" 👉🏻特選盛合🩷🩷🩷依個係一個燒鳥拼盤，有雞唔同部位嘅串燒,包括雞髀肉，雞軟骨，雞腎， 雞心，雞皮， 免治雞肉棒， 雞翼， 提燈，同埋餐廳自制用新鮮日本雞蛋同自制醬汁調制嘅雞蛋醬👍🏻非常豐富之餘，真係每part 串燒點依個雞蛋醬都好好食🫶🏻個人推薦雞髀肉，超滑🩷同埋第一次食提燈，即係雞ge 卵巢同未孵化的蛋，幾得意好似食緊幾粒鮮蛋黃咁👍🏻👉🏻黃花魚一夜干🩷🩷黃花魚靚靚地切開兩邊燒香脆左，魚肉新鮮，基本上燒魚而好夠味，個人覺得唔駛醬油，配埋佢俾新鮮檸檬汁 己好好食" 👉🏻自家釀製梅酒🩷🩷🩷最後不得不提佢地ge 自家釀製梅酒，坐bar

Oyster Set 包埋一杯White wine，非常抵食！生蠔新鮮可口，每隻生蠔都食得出海中嘅鹹香味道，口感緊緻彈牙，食完仲有海水嘅回甘。四隻生蠔份量夠足，啱啱好！配埋白酒香氣濃郁，入口柔滑，同生蠔搭配更顯美味。雲丹拖羅蓉山盛雲丹拖羅蓉山盛係一個好奢華嘅選擇！海膽同拖羅兩者搭配得好啱，海膽口感滑溜，拖羅鮮甜肉質豐滿，放喺一齊真係好享受！串燒串燒選擇豐富，有醬燒海苔年糕、提燈、雞肝、日本雞皮、日本雞心、雞脾肉、免治雞肉棒、雞軟骨、燒豆腐同埋秋葵。每款串燒都燒得啱啱好，味道惹味，令人回味無窮。醬燒海苔年糕：外層醬汁香濃，年糕煮得軟綿綿，海苔香味濃郁。提燈：肉質鮮嫩，醬汁甜中帶香，美味無比。雞肝：煮得啱啱好，口感滑溜，味道濃郁。日本雞皮、日本雞心：皮脆心軟，燒烤香氣撲鼻，燒得啱啱好。雞脾肉、免治雞肉棒：免治雞肉棒，配埋生雞蛋一流！雞軟骨：口感脆口，係完整嘅雞軟骨。燒豆腐、秋葵：豆腐綿滑，秋葵脆口，炭燒香味襯托得剛剛好。牛肉烏冬牛肉烏冬非常好味，湯底濃郁，牛肉片煮得剛剛好，肉質鮮嫩。烏冬麵條口感綿滑，搭配牛肉同湯底，簡直係絕配！

今日是兒童節，本想跟女女吃點好吃的，這間餐廳位於砵蘭街，食物味道尚算不錯，食材也是新鮮,可惜空間十分狹窄，午市餐枱根本不足夠放食物，但奇怪的是整頓午餐客人在中午時分也只有十分之一，而近窗口的卡位需要消費滿$600才可以坐。望着空無一人的大部份餐枱，而二人餐枱卻擠擁得一set午餐也放不下，員工甚多，但卻是沒有人收起空碟。希望餐廳日後有很多改善空間。

🍶清酒煮蜆（$78）啲蜆煮得好清甜，而且食落無沙，正👍🏻🐡燒雞泡魚干（$68）🍣藍鰭吞拿魚腩大拖羅（$156）🍣油甘魚腩壽司2件（$48）🦀松葉蟹膏多士（$128）🦪Oyster set 4隻（$138）呢度嘅蠔食落海水味唔算好重，入口好鮮甜，加埋檸檬汁食，連我本身唔太好食蠔嘅人都會想食多幾隻🍢免治雞肉棒（$76）🦐特大虎蝦2隻（$88）咁樣嘅價錢有兩隻手掌長度嘅虎蝦，性價比高🍍菠蘿雪芭（$68）🍋檸檬雪芭（$68）食飯點可以無甜品呢，店員聽到我地話想試甜品就推介左雪芭俾我地，食落真係覺得無介紹錯，檸檬雪芭食落好fresh但比較酸，個人鍾意菠蘿多啲，酸甜度啱啱好

平日比較少係旺角食飯，誤打誤撞估唔到搵到驚喜好餐廳。無論服務態度、食材水準或日式居酒屋裝潢等等，係依區嚟講算另眼相看。特別一提︰店員態度太好了，熱情招呼不在話下，細心地介紹推薦菜色，將當晚最新日本空運即割所有魚款逐一詳盡報價。進食期間又會不停執拾餐碟，一直保持餐桌清潔，令食客更加安心。食物方面 - 8隻生蠔優惠套裝（8隻日本大生蠔配2杯日本白酒或無酒精飲品）︰日本白酒酒身帶有果香，屬於少女清甜味，酒精唔濃烈。帶出蠔鮮之餘，開胃又能夠分薄油脂感。其實本人係香港好少食生蠔，第一次食日本蠔︰清甜嫩滑，豐富肉量加少少檸檬汁亦無遮蓋新鮮美，感覺品質不錯，性價比極高。為及冷熱、生熟食物要分開，確保食物質素及保障食客安全。餐廳職員輪流再三提醒我同朋友分開碟食、快手先食等等，長氣搞笑但又好貼心赤身刺身︰厚厚三片食落啖啖肉，飽滿肉地。新鮮魚香，就算切到半吋厚，中心部位亦無生雪，而且保持凍刺身狀態。燒日本甜蕃薯、雞腿肉及菠蘿︰日本燒蕃薯好似蜜糖咁甜，十分粉嫩，最後有加單。雞肉調味清淡，但原有鮮香雞味及滿滿肉汁就如泉湧，加上少量雞皮烤到脆卜卜，好滿足，最後亦有加單。燒菠蘿，咬落果汁噴射式入口，清甜微酸又重果