長阪燒 (已結業)

朋友講話呢間日本餐廳好正，所以就book位試下，估唔到7點去到都已經好full。一入門口就見到有生蠔區，有師傅開緊生蠔，搞到我勁想食，坐低就見到有生蠔set，4隻$138再配一杯無酒精飲品，想飲梅酒都可以加$38轉，原價要$58㗎，我見梅酒話自家製，所以就叫左一杯。梅酒好快就上左，梅味濃得黎又唔會搶左d酒味，酸甜既味道令人更加開胃，之後生蠔都到啦，今日有兩款生蠔，我地要左各2隻，店員介紹話係日本同法國，建議食左日本先，由淡到濃味咁食。兩款生蠔都好鮮甜，個人比較喜歡日本嗰款，海水味啱啱好。另外我哋仲叫咗海葡萄蕃茄沙律，雲丹拖羅蓉山盛，清酒煮硯，跟住仲有d燒物：鵝肝大黑菇，菠蘿，免治雞肉棒，大啡菇。海葡萄平時就聽得多，食就真係第一次食，好爽同埋口感好得意。拖羅蓉山盛，呢個真係超正，淨係賣相睇到已經勁興奮，拖羅蓉份量超多，上面仲有三文魚子同海膽。海膽係勁新鮮，好鮮甜，而三文魚子唔會太鹹，再加賣拖羅蓉一齊食，真係好夾。我覺得呢個係必食。清酒煮硯就酒味比較重，鍾意清酒既朋友一定要叫，食硯最怕有沙，呢到無擔心過，可以大口大口咁食。燒物就正正常常啦，呢間真係可以介紹比朋友，正！

一早透過openrice book位，到食果日收到confirmbooking電話，6點食要8pm還枱，最低消費$250@咁遲先通知，覺得無謂改，照去。過程ok 食物ok 服務ok但到7:20pm 有個阿姐開始催：就快last order，你地要落就快7:25pm：last order啦....7:50pm：你地8.要還枱7:56pm：唔好意思，出面好多人等緊，你地要還枱...感覺非常趕客，如果我8pm唔走，我比你鬧都得....而家由7:20開始不停重複，非常騷擾！出到門口前，發現店內仲有位...出到門口，只有一個藍色衫的客(?)坐咗係度，真係痴線！3個人食咗$2231 換來呢種趕客經驗，無下次！

<長阪燒> 📍旺角🔸旺角把酒談心好去處 🍶 🔸 火炙左口魚 + 海膽刺身 🤤 難以形容咁好味💕Happy Friyayyyyyyyyy💕又係時候要放縱一下！Cheers~ 開lift走入餐廳門口就已經被濃厚嘅日本氛圍籠罩住，門口轉角位有位師傅開緊生蠔，等位見到生蠔肥嘟嘟 🤩🦪 未入坐就已經決定要叫生蠔，過吓口癮。季節生蠔拼盤($138) — 無諗過4隻生蠔係呢個價錢 🤑 即開生蠔入面仲蘊含着海水 🌊 好新鮮！來自愛爾蘭嘅蠔，肉身唔太厚，但鹹鮮味強烈 🌊🌊🌊 恍如北太西洋衝擊緊我嘅味蕾。火炙三點刺身($288) — 餐廳侍應介紹抵食之選，三款刺身，包括有火炙吞拿魚腩、火炙帶子、火炙左口魚 🤤🤤🤤 其中我最喜歡火炙左口魚 + 海膽刺身，本身左口魚炙熱後魚油”Bi”晒出嚟，配上海膽敦厚、鮮甜，呢種美味真係令人overwhelming！回味無窮！活燒元貝($116) — 燒過黎嘅元貝肉嘅size唔算大隻，但肉質鮮甜 😋 無文化嘅我倆覺得，如果有蒜蓉同粉絲就仲正 🤣🤣🤣 （Sorry for being無文化）另外都嗌左串燒，牛肋肉、牛舌、燒蘆筍、免治雞肉棒 🍢 （~$2-40）

日本生蠔，名叫日之雪花，好大隻肉厚，有淡淡的海水味和淡淡嘅蠔味，肥美易入口，上檯之前清得好乾淨，夠凍保持到個新鮮度，即開即食，味道鮮甜絕無腥味 口感一流，超正！松葉蟹蓋蟹膏依款蟹膏亦係一道值得推介嘅菜式 而蟹膏好香濃 蟹膏天然鹹香味令我好開胃 熱辣辣咁食簡直係會衝擊味蕾🥣清酒煮蜆啲蜆肉質細嫩，清酒燉煮得啱啱好，帶啲清香味，啲蜆汁又好鮮甜，真係好開胃。海膽海鮮杯，海膽杯嘅賣相好精緻，雖然睇落細細杯，但係材料好豐富，除咗有海膽之外，裏面仲有吞拿魚、三文魚籽、蟹肉等等，食落每款食材都十分新鮮鮮甜。有機菠蘿，菠蘿好鮮甜好多汁，可以將油膩感同飽濟感一掃而空。雲丹天婦羅，紫菜包海膽天婦羅，好特別，炸過嘅海膽會硬身少少同紫菜包住一齊炸 食落好脆口，雙重口感，又食得出海膽的鮮甜。梅酒，是自家釀製兩年期的梅酒，入口很香的梅子味，帶甜容易入口，真不錯。

哩間環境又靚又有日本風味，幾中意佢裝修同埋d牆畫，bar枱設計都好有型。Oyster Set蠔肉肥大厚身，味道鮮美，超新鮮呀👍🏻哩個set抵呀$248，有8隻蠔再包兩杯白酒/啤酒/無酒精飲品，我地揸車唔飲得就要左果汁，係青森蘋果汁味👍🏻釧路活海鰻餐廳招牌菜，海鰻厚身燒到外皮薄脆焦香，口感爽彈，鰻魚既油香好突出。燒杏鮑菇+雞胸軟骨+免治雞肉棒+雞肉大蔥串見佢海鰻燒得咁正，就知哩度既串燒都實有水準。菇菇好多汁，雞肉棒表面醬汁香口，沾上蛋汁一流，雞肉大蔥串都勁香，一啖雞肉一啖大蔥，絕配。松葉蟹腳天婦羅好少食蟹腳天婦羅，d粉好薄好鬆脆，唔會成口粉，食到蟹肉鮮味👍🏻清酒煮蜆湯汁除左有清酒香外，仲有蜆既鮮甜，蜆肉肥美多汁鮮甜，好食👍🏻哩間好ok呀環境靚，食物水準高，值得一試。

講到去食日本料理，食味道之餘，最好有得食埋環境，所以最重要一定要有置身於日本嘅感覺😍呢間環境佈滿晒日本嘅裝飾，而且格局都設計到好似日本嘅居酒屋一樣，未食先興奮😍生蠔一入門口就見到有個師傅專門係度開啲生蠔，而且咁啱有季節限定推廣，咁梗係一定要嗌啦！😍哇一上枱，隻隻都又大又肥，入口甜甜地又帶少少鹹水味，超級好食！雲丹拖羅蓉山盛澎湃嘅拖羅蓉配上海量嘅三文魚子同埋鮮甜嘅海膽，絕對係今晚嘅亮點之一🤩好味嘅程度唔使多講，配搭得宜，而且超級新鮮。值得一提嘅係佢哋用咗新鮮嘅山葵，配搭新鮮嘅海鮮令成份卷物提升上另一個層次。松葉蟹膏多士超濃郁嘅蟹膏，配上脆卜卜嘅多士，每一啖都係一個享受，絕對係全晚美食之冠軍！黃花魚一夜干黃花魚本身已經係一條高級嘅魚，佢哋將條魚燒到外脆內嫩，完全體現左廚師高超嘅烹煮技巧。加埋杯梅酒，完美嘅一晚！

今日去左一間樓上日本菜餐廳食lunch, 佈置得好有日本風格。試左午餐set lunch，價錢都合理。筍彩會席御膳-前菜 小食醃牛肉粒配卷蛋醃牛肉粒鹹香，卷蛋形狀好靚，味道香甜，而且質感軟綿。-特選刺身三點拖羅，蝦，帶子刺身鮮甜，特別拖羅油脂分佈平均，口感滑溜-三貫壽司盛盒吞拿魚蓉，三文魚，雜錦壽司盒魚生新鮮，雜錦壽司盒有數款不同魚生，食落好有口感。-精選爐端燒三品雞軟骨，豬腩肉，翠肉瓜雞軟骨好有咬口，脆得黎啊會太硬豬腩肉串肥瘦適中，咬落香口翠肉瓜厚切，咬落好多汁，好清新-雜錦天婦羅蝦，茄子，鮮菇，秋葵天婦羅炸得金黃香脆，用上新鮮蔬菜，非常美味，炸蝦蝦肉彈牙。蘿蔔蓉配薑蓉解膩一流-滑蛋牛肉丼丼飯超有驚喜，望落細細碗，但超足料，壓到實一實。牛肉份量多，而且牛肉質素好，牛肉味夠香。配埋滑蛋，肉汁，蛋汁一齊撈飯好好食，飯粒分明。-甜品 雪米糍另外叫左個 北海道鮮帶子夾海膽。帶子嘅鮮甜包住幼滑口感嘅海膽，再加上三文魚籽嘅鹹香。呢個組個口感超豐富，仲同時食到幾重嘅鮮味。推薦一試。餐廳環境舒適，店員親切，價錢合理，想食好食日本菜，不仿一試！

前排同女朋友去左位於旺角嘅呢間「長阪燒」食晚飯，覺得交通非常方便，而且裝修同食物質素都非常好，值得推薦。餐廳裝修精緻，檯與檯之間嘅空間十足，又或者可以選擇坐bar檯近距離欣賞師傅準備食物都得。首先一讚係餐牌設計精美，而且餐廳食物選擇都好多，當中嘅「匠心·造」系列更加係呢度嘅特色菜品。我地當晚就order左以下嘅食物，每一樣都好滿意：「雲丹拖羅蓉山盛」（$188）：六件拖羅蓉卷上面鋪左日本海膽，唔單止賣相一流，味道更加係一絕！海膽配埋拖羅呢個組合真係鮮味十足，所以$188係worth it嘅！「火炙海膽飛驒和牛壽司」（$54）：我地食完雲丹拖羅蓉山盛之後對於呢度嘅海膽質素好有信心，就決定encore海膽，於是就叫左呢個海膽加和牛個組合。呢件壽司可以話係呢餐飯另一個亮點，因為和牛同海膽入口即溶，非常滋味！「藍莓醬鵝肝壽司」（$79）：雖然單價唔平，但當我地將呢舊煎得啱啱好而且非常肥美嘅鵝肝食落去嘅時候，就覺得非常值！藍莓醬將鵝肝少少嘅腥味闢走，可以話係神來之筆！「天婦羅盛盒」（$128）：呢度嘅天婦羅皮做得好好，唔會太厚太粉，香脆口感十足。呢個盛盒裡面有三隻大蝦，啲蝦肉好彈牙爽口，而炸蔬菜

🦪Oster Set今日呢隻生蠔係日の雪花質地豐滿多肉之餘個人認為蠔體帶有幾明顯嘅金屬味同泥味配搭上餐廳提供嘅蒜蓉味微辣醬汁食落好清爽 而且口感上好滿足 食落啖啖肉🐟釧路活海鰻年頭喺和歌山食左鰻割烹就係呢隻味！可以肯定用料非常新鮮鰻魚本身肉質彈牙 帶有少少膠質師傅將鰻魚燒到外脆內軟本身調配嘅醬汁唔會死鹹碟上仲比左啲胡椒粒點埋胡椒粒入口令條脷有麻嘅感覺但香氣唔會喧賓奪主味道同口感上做到好好嘅平行非常推介🦀️北海道松葉蟹殼蟹膏好有鮮味睇上去本身以為會好乾身食入口反而覺得好creamy 調味適中 唔需要配白飯食配梅酒一路飲一路食幾啖可以解決！🐟鮟鱇魚肝壽司第一次食魚肝口感滑嫩細滑 無想像中嘅腥味同鵝肝嘅口感好似而且唔洗點咀嚼 好似喺口裡面融化咁海膽海鮮杯海膽非常新鮮 食得到清甜味成杯嘢有蟹肉 蝦 吞拿魚 魚子 海膽飯同海鮮比例啱啱好🍄鵝肝大黑菇平時食開多士鵝肝第一次見用菇夾鵝肝 成個burger咁個人認為因為食唔慣 所以唔算好夾不過菇嘅香氣奇妙地同鵝肝油香無衝突仲有少少融合大黑菇烤得鮮嫩多汁面頭應該落左少少鹽做調味鵝肝本身處理得好好 入口即化又無怪味日本直送銀杏+牛油燒冬菇銀杏食落係粉感花生嘅

朋友係外國番黎，諗緊食咩好可以好介紹同埋可以坐得耐好好地傾下計。禁開openrice 搵到呢間旺角區又方便，諗住抱住一試無彷既心態試完之後，就係一個good 字服務幾好，食物合格當然就係居酒居既價錢一分錢比到一分貨，我收貨了！

今日去咗食日本嘢因為間係舖頭係朋友約嘅，所以我都冇事先睇吓裏邊嗰啲餐牌啊環境。一入到去嘅時候覺得個環境都非常之唔錯，佢有幾款嘅枱凳俾人選擇，我哋因為得兩丁友，所以呢就選擇咗坐吧枱枱前邊就見到呢一個，所以我哋就首先揀咗四隻生蠔一上嚟嘅時候就覺得啲生蠔好大隻，而且仲有返啲厚度，店員話依啲生蠔會比較Creamy少少，係日之雪花。食落口嘅時候好啊，有淡淡嘅海水味。而且的確係Creamy嘅嗰款，就咁食或者加埋檸檬同埋佢嘅醬汁都好好食梅酒個樣望落好清澈，店員話佢哋啲酒都係自己釀，仲好似釀左好長一段時間就係放喺吧枱隔離依啲。我哋飲到最後嘅時候我貪得意走去食粒梅，叫個朋友試吓但佢話驚酸。點知我食落口嘅時候唔單止一啲都唔酸，入邊着好濃郁嘅酒味，好驚訝蟹肉沙律蟹肉嘅份量非常可觀，而且仲有啲蟹籽喺度再加埋少少醬汁調味。幾好食，最緊要係啲蔬菜夠新鮮串燒我哋揀咗兩款蔬菜兩款肉，由左手邊開始係豬肉，跟住雞肉，日本白果，同埋菇。肉我哋兩個都覺得幾好食，佢個調味做得唔錯，但係又唔會遮蓋左食物原先嘅味道。朋友超級鍾意個白果同埋個菇。佢話個茹唔係就咁普通燒，而係好似裏邊有啲牛油事先調左味，所以食落個味道好特別，好好食蟹腳

Oyster set超新鮮 朋友平時唔係好食蠔都覺得好食 話仲好食過係日本食個d🤣 呢個必食啦！😍😍北海道鮮帶子夾海膽海膽同帶子好鮮甜 一啖食晒勁滿足！🥰墨魚 入面已經有wasabi 如果唔係好食wasabi嘅記得提前講！ 但我就覺得呢個wasabi 唔係好辣 幾夾😋😋柚子真鯛超鍾意呢個 有好香柚子味海膽海鮮杯海膽真係好新鮮👍🏽👍🏽松葉蟹膏多士之前食過其他餐廳多士得好少 呢個就比咗好多 正🥰 夾埋蟹膏一齊好好食牛舌好爽 好有牛味👍🏽牛肋肉牛味重👍🏽👍🏽日本雞軟骨送酒必叫燒杏鮑菇牛油燒冬菇2款菇都超多汗 正梅酒飲埋呢個真係好似番咗轉日本咁真係好適合慶祝嚟嘅地方 裝修好有feel 服務態度又好👍🏽

香港服務態度差好似出晒名，但今日嚟到旺角竟然俾我搵到間服務一流嘅日式料理店，食物質素同價錢性價比仲要非常之高，今次真係要讚吓呢間隱世寶藏。話說我同友人係朗豪坊行完街想食晚飯，見到街上人頭湧湧覺得有啲繁囂，就喺OpenRice search下高人氣既商廈餐廳試下。呢間長阪燒位於砵蘭街，入口都係當眼位置。一入餐廳就俾佢個吧枱setting即刻吸引咗，成個裝修非常之高級日系，吧枱前邊放咗當日朝早空運嘅海產，好多顧客會特登去吧枱前面睇睇當日有冇好嘢食，而職員亦都會熱心推介當日之選，實在係夠晒好服務呀！而且我哋一坐低嘅時候，職員會幫手推張凳入啲，又會放張餐巾喺你膝前，身為一個專業嘅香港人實在唔慣有咁好嘅服務😂😂講返食物先，今日我同友人見到海產咁新鮮，都專登捧場😋生蠔套餐🦪 ($138): 佢嘅生蠔肉質柔嫩，而且又大隻又鮮甜美味，加埋少少檸檬汁就簡直係一流嘅享受。而且佢最近做緊推廣，只係加$38就可以配埋佢自家製嘅梅酒，真係超抵食同埋好好食，用呢個價食咁新鮮嘅海鮮真係推介🥰火炙三點刺身🍣 ($288): 有拖羅、海膽平日魚裙避、北海道鮮帶子，賣相超級超級靚不在話下，最重要佢係味覺嘅盛宴。刺身本身就

期待咗好耐一直都好想食，好想試，地點又方便，係朗豪坊附近。門面、店內環境、吧枱都好有日本居酒屋感覺。今次坐吧枱，可以邊食邊欣賞師傅處理食材，仲可以同師傅吹下水，一個人嚟嘅話坐吧枱絕對唔會悶頭盤嚟個🍇海葡萄蕃茄沙律醒醒胃先🍇海葡萄好爽脆，一啖咬落去，海水味爆出，猶如置身於海洋中配埋酸酸地嘅蕃茄，即刻胃口大增再來店員介紹嘅日本生白粟米🌽入口爽甜，甜到有種食糖嘅感覺，份量略嫌較少。然後就到主菜爐端燒啦本來目標係燒鳥盛盒，可惜當日所有盛盒都停售盤內有：🐮牛舌：牛舌厚薄適中🐮牛肋肉：不過不失🦪👎🏻煙肉廣島蠔：唔太鍾意呢個組合，煙肉太搶味🐔雞胸軟骨：脆！🐔日本雞腎：唔太特別🐔👍🏻七里香：超正呀真係好好食可惜已經last order，唔係真係想encore！🐔👍🏻提燈：我係衝住提燈同雞肉棒而嚟，一上枱見到盞燈提唔起有少少失望，最好玩嘅提燈爛咗好彩味道搭救到，蛋黃一咬即爆，濃濃嘅蛋汁流出，加上雞的輸卵管、卵巢。不錯🐔👍🏻免治雞肉棒：呢個真係要襯熱食，唔夠熱食會爭少少，個蛋黃加上袐製醬汁，配上雞肉，令肉味提升另一層次，個醬真係好岩配雞肉我哋order咗油甘魚鮫，但上咗三文魚鮫，因為已經last orde

今日係Happy Friday！所以同朋友去左食日本野慶祝！今次book左呢間裝修好靚 而且openrice上都幾出名既日本餐廳～一入到去waitress都好熱情招待仲安排左我地坐bar台，可以望住啲師傅煮野食擺枱都好精緻 令人有種食fine dine既感覺 朋友同我都想食啲fresh D既野食所以叫左個海葡萄沙律無諗過原來佢地可以咁夾！酸酸甜甜的沙律仲要好開胃！即刻可以食更多野落肚另外見到好多人都叫左生蠔食我地見好似隻隻都好新鮮咁所以叫左4隻試下真係好鮮甜！仲要大大隻好抵食再叫左個帶子海膽平時我好少食海膽因為怕苦但呢一到海膽都好新鮮！好鮮甜 一D都唔苦！而且仲叫左個天婦羅好少食到炸蟹嘅天婦羅好多蟹肉係入面 仲叫左個和牛小排唔會太柴 好juicy最中意既一道餸就係雞肉棒 個汁好正！ 整體而言係個好好味既居酒屋！中意食日本野唔好錯過