長阪燒 (已結業)

-舊同事約去旺角食飯，佢book左呢間日本餐廳。原先話八點食，但朋友遲到諗住等埋先點餐。但店員每隔五分鐘就走黎問我地想食咩，推介我地食蠔，我話睇一睇先。三分鐘後另一個店員又問我地，話要帶我地出去睇魚，整刺身食，但一條魚都五百至過千，我話再睇一睇。個menu一碟三文魚壽司都三四十蚊，最後想嗌串燒拼盤，又話要散嗌，又話串燒濃味，唔好嗌串燒，食刺身先。由於店員太煩，朋友又怕懢介，就點了些壽司和小食同蠔。😵‍💫-食物：生蠔當天係法國蠔，外形雖然唔大隻，但新鮮爽口，都有海水味。蠔都開得唔錯，但帶子位冇用刀介一介，令到食帶子位有啲困難。壽司都新鮮的，而味道都適中。串燒的味道一般，唔夠野味。當然，明白佢地的定位係居酒屋，所以不能夠同壽司店或串燒店做直接的比較。 環境：店面大，裝修都有少少心思，部分卡位有高的私懚度，座位寬敞。 總結：埋單計每人大約$300，食物質素其實ok, 但價錢有啲貴同店員實在有啲chur. 希望可以改善一下。