鐵牛台灣牛肉麵 (翡翠中心)

营业中

休息中

自己喺中環返工，要周圍搵lunch試新嘢都好煩，一過咗12:15，間間餐廳都大排長龍亦要齊人先有得入，其實呢間鐵牛都唔例外，不過勝在排隊唔需要太耐，通常等15至20分鐘都可以入到去！而我點解話比樓下嗰間好食，因為呢間份量足，價錢亦合理，樓下嗰間午餐性價比不算高！呢間餐廳仲有個特色～有得借充電器，午餐付費方式亦好多紅燒牛肉麵：牛肉分量多，牛肉炆得夠林，唔會太硬，牛腩湯底味濃，麵亦夠彈牙鹽酥雞湯麵：鹽酥雞味道適中，炸得香脆，粉漿唔會太厚，雞粒唔會太油，食過兩次都keep到水準鹽酥排骨滷肉飯：呢個排骨比較乾身，可能排骨薄，粉漿厚既關係凍珍珠奶茶：珍珠夠咬囗彈牙，而佢提供外賣杯，飲唔晒仲可以攞走

夜晚來食無咩人排隊，唔洗等就即刻有得入去。招牌牛肉面：面質唔錯，彈牙，牛肉林身。有台灣的味道，湯底都好濃鹽酥雞肉燥飯 ：肉燥肥瘦都岩岩好，好有油香，剩係肉燥都食到一碗飯 鹽酥雞 炸得唔錯 入面仲有少少汁唔會太乾身 

食豬扒滷肉飯！酥脆、大份、抵食，岩晒肉控既你！碗滷肉飯唔算秘製，但又唔可以話超hea，會買三個小食，啱晒想試晒好多嘢嘅人，無唔洗悶嘛。不過豬扒就唔錯，外皮咬落好脆口。評價唔會話好差，便當都多人食，食落都滿足。另外叫左小食鹽酥雞，就份量少左d啦～招牌紅燒牛味肉麵當必食啦。湯底到而家都仲食得出有少少藥材，唔會好頸渴。牛肉就一時時，肥瘦就有時未必均等。麵就一如往常爽口，滿意。整體而言，鐵牛味道正宗、免加一、有效率取勝！唔洗排隊的話，會豪不猶豫地去食。

鐵牛食過好多次❤️今次食ge 係中環分店😌佢係我最鍾意食ge 台式牛肉面 at hk🥰平時成日放工自己獨自食🙈今日放工拍拖就同女朋友仔一齊食❤️order 左個紅燒牛肉面🥳同珍珠奶茶一如以往d 牛肉幾大舊 d 湯同面d 味道都好入味珍珠奶茶又唔會太甜

Went here last week and it was a nice comfy place to eat at. The environment was spacious and clean inside. Space was very well spread so that I don't feel packed inside.Ordered the food at the counter and the staff was well mannered. The food came really fast and good timing. Overall, a positive experience. Was a little pricy but fair play for the location they are in.

肉燥小茄子🎯8/10本來以為這個肉燥小茄子是餐前涼菜，所以諗住點來作開胃菜的。但原來是熱食的，與我們想像的不同，但味道還是不錯呢，茄子夠入味和軟身，配上燒汁和肉燥，亦起到開胃的作用呢。主廚私房牛肉乾拌麵🎯7/10乾拌麵主要的牛肉位置是牛腩和金錢𦟌。牛腩雖然都軟身，但膻味亦相對的濃，就算喜歡食牛肉的我，也對這個位置有點保留。而金錢𦟌味道比較沒有那麼濃烈和易入口。而牛筋似乎炆得不太夠火喉，有點難咬呢！但拌麵味道是還不錯的，配上附送的牛肉湯食用，味道更佳。麻辣大腸肉燥麵🎯6/10麻辣湯底不算太辣和麻，似乎為了配合香港人口味而作出了改變呢。味道亦不算太突出。

因為地點方便, 起中環扶手電梯底附近, 同埋價錢適中, 起中環食得太多次 #茶木 , 所以今次就上多一層試下 #鐵牛 啦. 其實兩間嘅餐牌都好接近, 因為都係食台灣牛肉麵/飯. 起點餐紙畫咗自己想食啲嘢之後, 好似去快餐店咁, 喺收銀處落單畀錢先, 當然免加一啦! 有多種付款方式, 非常方便. 得意又多餘, 好似南記個蕃茄米線咁~ 好大碗食唔哂~ 典型台灣牛肉飯 冇失望 非常一般, 所以話似快餐店

鐵牛台灣牛肉麵，之前都有食過佢既牛肉麵，但都係好耐同埋係尖沙咀店，今次就睇下佢係咪仲咁好食。我叫左牛腩牛筋麵$62 木魚皮蛋豆腐 $36。首先，睇落牛腩牛筋份量都夠既，大約有5-6舊，都係大大舊既。牛腩食落夠林身，好易咬開，亦都好入味，好味！抵讚！牛筋未做到去完美Jelly狀，但質地都做得唔錯，同埋入味。麪質方面就無乜特別啦，始終外賣，質地上就無堂食咁好啦。木魚皮蛋豆腐 呢個小食有驚喜！皮蛋豆腐呢個組合本身都係岩key，加埋木魚，有多重口感之餘味道都豐富，好味。

今天去完中環大館覓食。在中環大館這種較濃厚歷史的景點下，情緒總是令人想吃中式食品。在中環的食店價錢往往比較高，但食物質素又不一定好。今次在電梯上看到一間鐵牛，名字非常吸睛，二話不說就上去。牛肉麵在香港競爭不少，但仍然有生存空間。約五十元一碗的牛肉麵，湯底濃郁有少許藥膳味，感覺健康。牛肉方便有少許牛筋，與主角牛腩同樣軟身，但口感不錯。牛肉份量不少，比起日本拉麵我更喜歡吃多點肉而且肉經長時間燜，肉汁能保持更不會黏牙。麵的份量剛剛好，配合湯底食更是別一番味道。

去中環食午餐唔知食乜今日就去咗食台灣餐廳👍🏻佢個招牌單張入面model個好甜美親民❤️吸引我到想去食碗麵入到去有人帶位俾你坐之後好似快餐店咁自己行出去排隊買嘢最後有人會送上你嘅枱面😉今日叫咗set A 滷肉便當🍱再加檸檬冬瓜茶❤️買咗5分鐘就送到黎真係好快速度❤️滷肉唔會太鹹，肉既份量合理，同埋真係有肥豬肉👍🏻I like it ❤️其他配菜不過不失，個半隻滷蛋偏淡味同細粒😯份量女仔黎講岩岩好如果你係大食嘅話就建議加多份小食啦

基本上食過鐡牛之後已經返唔到轉頭原因只有一個，就係好味，抵食，即係正😂Lunch menu選擇多，有十幾款，有飲，湯麵同撈麵，價錢亦只係六十零蚊，加6/9蚊有飲品，另外亦可加配小食，例如鹽酥雞，二三一十蚊一份。🥳除左牛肉麵之外，最鐘意係佢哋個豬軟骨擔擔撈麵，鐘意濃味嘅朋友一定鐘意！花生味香濃，少少麻辣，肉碎夠份量，麵條粗幼適中且煙韌，簡直一絕！😍😍 豬軟骨都入味，不過未夠「林」，無翠華炆到啲軟骨變哂膠質咁好味。 凍珍珠奶茶加$9，唔算好出色。七十蚊唔使就食到咁豐富嘅台式料理，中環真係唔知邊到搵！

行完大館，因為有5個小朋友，擔心嘈到人，所以沒留在大館的餐廳午餐。沿著中環扶手電梯下去，看見有一間未食過的台灣麵店，加上我很喜歡飲珍珠奶茶，所以就入來試試。員工服務好，沒嫌棄我們多小朋友。每人叫自己喜歡的餐，我很想試地瓜飯，地瓜不是太甜，個飯好似沒什麼特別。我的餐牛肉不多。反而我老公的牛肉伴麵有很多牛筋。麵很彈牙，醬汁是一般的牛肉湯麵汁。另一邊叫了3碗蕃茄豬軟骨麵的女孩們讚不絕口，差不多整碗吃掉。下次有機會一定再來。

去食嗰日係星期二嚟，夜晚8:00去到唔洗等位。哩度最出名係牛肉麵，所以就叫咗碗紅燒牛肉麵同一杯珍珠奶茶。講下牛肉麵先：個湯底係敗筆，飲落好重豉油味，偏鹹，完全冇紅燒牛肉麵應有嘅香、濃牛肉味湯底。小弟唔太鍾意食榨菜（唔知嗰啲係咪叫榨菜，有錯請指正），如果餐牌寫明有榨菜會比較方便唔食榨菜嘅客人。牛肉夠淋、唔黏牙，但有啲筋位難咬開。牛肉味道唔差。麵質有咬口、個人比較鍾意少少硬身嘅麵。珍珠奶茶：有驚喜，唔太甜，好多連鎖奶茶鋪嘅奶茶都好甜，呢度唔會。奶同茶比例啱啱好，因為茶太多會偏澀、奶太多會膩。珍珠有咬口，亦唔會黏埋一嚿，抵讚！總結：店員服務態度幾好、有禮貌。招牌牛肉麵都做得唔好，唔會再食。

基於有位朋友強烈地推介鐵牛個麻辣新竹米粉，事不宜遲即刻約左幾位好友去嚐一嚐。我地大約中午十二點半到達，一出lift 門，只見長長人龍。等了大約二十分鐘，終於被安排入座。餐廳空間算大，但冷氣不夠凍。 滷肉香酥排骨便當不過不失的便當。排骨味道剛好，但不夠酥脆。滷肉飯的份量略算大份，味道還可以。鮮蕃茄牛筋腩湯麵蕃茄味道不夠濃郁，麵條也不沒有口感。牛筋腩也是中規中舉，毫不突出。台式麻辣金肚湯麵 （轉新竹米粉）因為朋友推薦，所以特別期待。可惜，期望愈大，失望愈大。新竹米粉的確把湯汁都吸收，可是湯底只有麻香味，辣度不高，而且偏咸和偏油。份量是飽肚的，但由於冷氣不夠，我地幾個邊吃邊流汗，想盡快完成之後離開。總括而言，這餐廳是普普通通，沒有驚喜。

因為價錢唔貴，位置都方便既關係，鐵牛係午市時間長期都好旺，要第大約15分鐘先有位，亦都一定要齊人先入得。4個人有卡位坐，望出窗係中環上soho區既長電梯，有微微陽光照到入黎，感覺都好舒適😊食物方面，招牌紅燒牛肉麵，麵既份量唔多，牛肉就好大塊都炆得好林，湯底都好濃郁。牛頭沙茶貢丸新竹米粉就失色d, 雖然佢既米粉份量真係好多，但係就痴埋一餅野咁，令到食起上黎有d麻煩，而貢丸好dry可能係用比較瘦既豬肉黎整健康d, 不過始終都係覺得有d juicy既肥膏會好味好多。另外，個set跟野飲既，覺得佢地個奶茶好有茶味，唔會太過奶!