鐵魚川式食堂 (已結業)

今日同2個鍾意食魚的朋友黎呢度食魚, 呢度係一個價錢, 食到魚同埋火鍋~我地3個人好幸運地安排了一個私人房，真係三五知己暢所欲言都唔怕比人聽到~叫waiter 可以按鐘~先來一些前菜給我們一看餐牌，原來呢度有烤魚雞煲任食，仲要$268/位任食，都算幾抵。我地係超鐘意食魚呀, 選擇左青檸越式烤魚，配"江團魚"，店員推介係無咩骨!!!!GOOD啖啖魚肉又滑又新鮮，食到停唔到口~~~湯底又甜, 入面有青檸、芫荽、肉碎，金針菇、草菇及椰菜，入口酸酸好醒胃~食完魚，就可以開始食其他野啦~呢度有齊多款海鮮, 認真抵食, 有蝦、扇貝、大蜆、鮑魚、聖子皇、扇貝、白膳片、鮑魚、廣島蠔等等.......，每款都非常新鮮。材料很多很豐富，所以之後的湯底很鮮味呢。你看帶子多肥美呢~~~~蔬菜款式也很多呢~特別介紹手切安格斯牛肉、及西班牙豚腩片, 仲有魚皮餃呢安格斯牛肉好腍好滑!!!!西班牙豚腩片薄切, 軟腍又很有口感, 非常讚﹗木薯粉用個湯底煮完之後,，薯粉非常入味，好好食~最後都要介紹下呢個菊花薑峰蜜茶, 薑味少少辣辣, 甜甜的又醒神開胃，值得推介！一個價錢，任食任飲，非常抵！

相約中學時代的同學，出來食飯，大家都很耐無見了，各自各忙，忙得不可開交，大家相約今晚食飯，都不知約左幾耐的時間了，沒辦法啦，生活逼人，不是出外幹，就是忙著開會，找齊人，真難！好難得，今晚終於齊人，四人幫，坐下聊天，過一個沒夜的晚上。找到上樓的樓上鋪，見到個名都幾吸引，不妨入去試試吧！烤魚雞煲兩樣一齊開煲，最合心意，二個小時，無限量任食，那就看我們的胃口有幾大啦！店內好有日式風格，好舒適及寧靜，將置身於日本一樣。雞煲、烤魚一齊上檯，兩樣交替來食，增加胃口，野味雞好入味，雞肉肉質嫩滑，吸收了醬汁，仲有小小辣味。烤魚用江團魚，愛它小骨，又鮮美，魚湯底是用青檸味道，有小小酸，加上大量配料，增加食慾，大增。安格斯肥牛、豚肉、餃子鮮味十足，肥牛豚肉肥瘦適中，入口即溶，鮮甜，彈牙爽口。海鮮任叫任食，生蠔大大隻，有手掌咁大、海蝦蝦肉爽口彈牙，鮮甜！自家製羗汁飲料，有小小辣味，甜味，夠清新，是火鍋的好配搭。

襯住係公司day off 同屋企去食好野，今次就黎左cwb既鐵魚川式食堂，一個價錢有烤魚、雞鍋，仲有海鮮，就睇下佢比咩食物先。我地揀左鴛鴦雙拼，為左就媽咪唔係好食得辣咁就叫左個小辣雞鍋，另外再叫個青檸越式烤魚，我地加錢轉左做沙巴龍。首先黎左五款前菜:手拍黃瓜、沙律菜、大豆芽、木耳、手撕包心菜,，大部份都幾麻辣開胃，亦可以叫店員追加雞鍋惹味，雞肉唔會老身，味道唔錯。而烤魚就酸酸地幾開胃，而且條魚煮得岩岩好，夠哂滑身...因為我地怕個火太大會煮老哂...咁佢滾起左就熄火，咁慢慢食都唔怕老啦。食完左烤魚、雞鍋，之後就加湯變做打邊邊，當然就係黎到我地既戲肉海鮮盤有:鮑魚、生蠔、扇貝、蝦等等，蝦就encall左幾次，非常好食。而蠔就分左2隻，海鮮盤係生蠔，及無限制;數量既:廣島蠔。海鮮盤既生蠔味道較濃，任點既廣島蠔都OK另一主角就係牛肉啦，雪花都幾均勻，牛味都幾重。而且呢度仲可以任點芝士竹輪，真係好岩我心水架!仲有唔少得既蔬菜，健康之選。野飲方面我當時LIKE同SHARE左FB PAGE可以有汽水任飲埋單每位300蚊連加一，又有海鮮、又有烤魚同雞鍋，而且食物都唔差，值得我地再黎

上星期去完Sogo thankful week, 就去左呢間食放題重慶魚/雞煲，因為見到有海鮮，所以決定一試。餐廳環境都光猛整齊，坐位舒適，服務態度又好，只係服務員解釋放題和餐牌上嘅資料時比較混亂。講反食物質素，我地兩個叫左冬蔭功湯底烤魚，湯味道唔錯，但本人喜歡酸一點，湯內配有大量草菇，金菇，鮮東菇，魚味道鮮甜嫩滑，好味。食完魚就開始任食火鍋，可以無限量供應嘅食材都算多，我地主打海鮮同牛肉，以呢個價錢，質素都算唔錯，而且包飲品無限量供應，好ok!最後一提海鮮類別內聖子和大花甲味道一般，鮮鮑和帶子只提供每人一份，要再order要另收費。下次再有thankful week都會再黎

事緣今日放工之後，行到去銅鑼灣京華廣場；見到有川式菜食。一到呢電梯內見到廣告牌，滿心期待。我哋叫咗一個雞煲一個青檸越式烤魚；雞煲呢我叫咗少少辣：前菜呢？我哋呢就叫咗青瓜、木耳、包菜同埋豆芽。佢地落完單就好快上前菜：A.)青瓜：唔好睇佢好似份量好少，但其實都廿幾囉。佢落咗啲醋同埋小小蒜蓉粒，酸又唔係好太酸，反而覺得有少少甜，而佢嘅甜係來青瓜爽甜。手撕包菜：雖然佢都係前菜，佢個味道係偏辣嘅，佢有菜嗰種爽嘅感覺。提一提大家呢一隻菜係娃娃菜。主菜：雞煲同埋呢個青檸越式烤魚如果兩個裏邊來講，我就一定係鍾意青檸越食烤魚啦。越式烤魚個味道會得出佢用咗香茅同埋呢個青檸你嚟做呢個嘅調味啦。佢仲有落咗芫荽同埋菇佢仲有加埋啲娃娃菜：已我哋揀選嘅魚就係鰽魚。鰽魚本身係一條骨過嘅魚，如果唔識吐骨嘅人就可以鰽魚。本人建議鰽魚，水滾之後再等五分鐘：俾佢條魚入到個湯嘅味道。因為我都係用呢一個方法之後先食呢條魚；而呢條魚食落去除咗有本身與嘅味道之外，仲有青檸魚味。魚嘅肉質沒有因為滾5分鐘至10分鐘而鞋颯颯。雞煲嗰邊，我選擇咗唔辣：咁佢呢雞煲裏便有木耳芫荽同埋主角雞啊。雞煲裏面呢對冇乜肥膏，所以我幾鍾意。骨就唔係好多覺，

老公知我鍾意食烤魚， 所以早大半個月前已經book定位， 我哋book咗七點九， 七點半去到， 個女伙記竟然同我哋講冇我哋booking， 再叫個男同事過嚟check， 整咗好耐都話冇， 話一係等其他book咗枱嘅人唔嚟先畀張枱我哋首先，問題係我地有book到，仲要俾埋電話紀錄佢睇， book嗰陣個同事又話唔使留電話號碼， 話佢哋電話有來電顯示，但黎到又話冇booking，個刻真係著哂，到最後擾攘一輪，佢終於俾到位我地。入正題，未黎之前，我已經諗定食咩魚因為本人真係好鍾意食魚， 我哋叫咗沙巴龍躉， 麻辣味小辣。野飲就叫左個好似叫紅桑莓蜂蜜茶，甜甜酸酸都幾解辣.個魚未黎就黎左五樣小食，我最鍾意既係個沙律菜，因為我鍾意食芝麻醬，青瓜，芽菜個d我認為偏辣，所以比較食小d，說時遲那時快，條魚都上枱，條龍躉都幾肥美同d肉幾實正，不過某d位係幾多骨架，但對於我呢d鍾意食魚既當然冇問題啦，都有好多配料係個鍋到，（有豆卜，蓮藕，金菇），食到禁上下，就黎左個海鮮拼盤同肉既盤，佢係跟番人數俾幾多，唔夠就再落單。（提提大家，佢係用四色筆落單，姐係今次紅色，下次綠色，記得同個員工講係咩色，唔係就有機會搞錯架啦

今日day off 先黎黑色暴雨驚告以為book左烤魚都試唔到好彩個黑雨黎得快去得仲快當然照原定計劃，去試我第一次嘅川式烤魚！上星期就係俾哩張傳單吸引左！又烤魚，雞鍋，海鮮，仲有火鍋放題！即刻約朋友仔一齊試前菜有5款，手拍溫室黃瓜（麻辣味好重）魚情味豆芽（比黃瓜更辣），跳水木耳(醋木耳)，嫩七八草(芝麻醬沙律),手撕包菜(無試過，男友話都好辣)青檸越式烤魚，魚款揀左江團魚一上枱已經好香青檸味，越式嘅感覺好多配料，莞茜，乾葱，肉碎，草菇，金針菇，椰菜，食配料都飽主角江團魚，肉質細滑鮮嫩，唔多骨待應仲好細心咁將條魚𠝹開細細舊第我地易夾啲每枱有一份海鮮盤送，6款新鮮海鮮海蝦，廣島蠔，大花甲，白鱔片，鮑魚，大峴連海鮮控男友都話正！任食火鍋叫左安格斯牛肉，芝士竹輪（最愛！！）牛舌，鵝腸，沙律蟹子丸，豬紅，牛丸任食食材質素𣎴錯，好滿足下次一定要再黎講下個雞煲！！

前日同屋企人去銅鑼灣試下呢間烤魚，價錢都唔平，要$2xx/位，但但配料同指定飲品都可以無限refill!烤魚有3種，分別係沙巴龍躉、盲曹同江團魚！沙巴龍躉要加少少，但店員話當日貨源質素麻麻就轉左揀盲曹。口味揀左青檸越式烤魚，酸酸地夠開胃！個鍋上檯都幾大幾誇張，左邊盲曹魚唔算有好多魚肉，但落左幾多菇越煲越入味！右面雞煲揀左小辣，食落無其他雞煲咁熱氣，而且份量唔少，幾滋味咁🌝另外都黎架五款前菜，最好味係魚情味豆牙同手拍溫室黃瓜！不過黃瓜可以再麻辣辛味少少！另外亦都揀左d安格斯牛肉同豚肉片試下！安格斯牛肉滾兩滾就要攞返上黎，有牛味唔會un!另外要提下海鮮個邊隻蝦，食落好新鮮，唔會話係急凍蝦！另外，可以免費任飲呢D特飲！呢個柚子味嘅飲品酸甜好醒神又開胃！呢間烤魚好岩一家人去，又有得任食任飲！👍🏻

人的情緒會受到外界不同因素影響，有時需要大吃一頓來舒緩壓力。今晚選擇這間食肆的原因是任飲任食，而且是不辣不食。辣可以刺激味覺感觀，揮走不快。座位之間有個活動擋板可以自由移動，目的是分隔不同需求的食客，提供私隱，如果一大班朋友來的話，就移開擋板，變成一張長枱。三五成群的話，又可以加上擋板隔開，變番各有私隱。意料之外是前菜份量十足，而且有五款，除了沙律及黑木耳外，其他都帶辣，平時少食辣，所以我覺得辣得挺過隱，甚至有點受不了，要趕快喝口飲料解辣。枱面有個電熱爐，把今晚的鴛鴦爐放上去，連接電源後就可以開始晚餐了。鴛鴦鍋分別是阿來冬蔭烤魚及鐵咀雞鍋。冬蔭公湯酸酸甜甜，非常開胃，除了一般冬蔭公材料，例如金不換和香茅之外，還有菇類，蕃茄及芫茜。經煎香的盲曹魚吸收了冬蔭公味，平時怕腥的我覺得比較容易入口。我覺得魚要盡快吃，煮久了魚肉就不夠爽了。雞件炒至金黃，聞一下覺得很香，煮了5分鐘後，雞件更加入味，還挺爽口，薑蔥味很香，挺惹味的。冬菇絲也很淋很入味。與一般雞煲不同的是，吃完之後沒有一身的香料味。食完雞及烤魚之後，侍應幫我們加湯就可以開始打邊爐了，海鮮及肉類是套餐包的，白鱔片有入口即化的感覺，沒有魚骨

今日去到銅鑼灣，天氣雖然熱但突然想食啲 辣味嘅食物，所以去咗呢間川式食品，其實我去到先知道原來係，雞煲火鍋，原來除咗雞煲之外仲可以叫魚，正當我考慮緊要雞定要魚嘅時候，侍應突然同我講其實可以雙拼鴛鴦鍋，既然一場嚟到，梗係試曬兩隻味啦，仲可以揀辣同唔辣，適合一啲唔係太食得辣嘅人，所以雞我叫咗唔辣，魚我叫咗辣，隻雞都非常入味 川色嘅味道但係唔係太辣，就算唔食辣嘅人都可以接受到，條魚就辣到我有少少頂唔順，所以都叫咗幾罐可樂嚟解下辣，雖然條魚好辣 ，但係魚肉都非常之滑，食完雞同魚之後就可以加湯去碌海鮮同埋牛肉，海鮮有蝦 ，鮑魚，扇貝，巨型帶子，以上嘅海鮮都非常新鮮，尤其是巨型帶子，鮮味十足，但記得唔好太耐 扇貝比我碌到有有啲像香口膠一樣，牛亦都非常新鮮，食得出係一啲靚嘅牛，非常好味亦都非常滿足

今日去到銅鑼灣就同幾個朋友去試吓鐵魚川式食堂，想到去店員安排一間房俾我哋四個人，真係開心呀，上面房間啲設計有啲似日式。大家都肚餓了，我哋就揀食乜嘢火鍋湯底，我朋友推介食半隻雞煲，但係我又好想食烤魚，所以揀咗沙巴魚半條小辣，火鍋雙拼，一舉兩得啊。係等火鍋之際，原來四款前菜食架，不過啲前菜都幾辣，可以食醒下胃嘅。好吸引呀，我哋就咁聞到都好香呀，仲有好香嘅辣味，條魚都好大條呀！睇落去唔似得半條。不過小辣都幾辣架，下次都係叫返BB辣先得。食落去啲魚肉好入味，條魚啲皮仲要係煎過嚟，所以好香呀！連埋啲肉食好match，好食呀！雞煲入面都好多雞呀，唔似出面雞煲半隻得咁少，而且肉質好滑亂，啲皮好好食呀，唔夠20分鐘我哋就食晒入面啲嘢啦。之後我哋叫咗啲配菜同埋牛肉，對於我哋牛魔王來講當然要叫個「極品手切安格斯牛肉」試吓啦，另外都叫咗啲黑豚肉，同埋蔬菜、丸類，又有我至愛嘅午餐肉，同埋另外我哋再叫咗一碟白鱔片，好豐富呀，而且擺放得好靚有三層架！整體上佢啲牛肉都好新鮮，半肥瘦最啱我呀，而且白鱔片係無骨架，所以呢兩樣值得推介。

最近食韓野/日本野 食到有D悶 難得係銅鑼灣可以搵到間食中國野的~ 睇個名，以為淨係食魚，原來仲有雞煲的~ 聽老闆講 (我估佢係~XD) 呢度仲有得BOOK房 同食私房料理的~ 除左2間房外，仲有個勁寬敞的大廳~ 我早到，仲未有人入座，七點後就開始高朋滿座啦~ 呢度打邊爐係任飲任食形式~ 唔同時段，唔同日子都有唔同價 (咁多價錢，其實有D難記~@@) 食物的種類也不少，最特別係，有好多海鮮呀~ 呢度，都幾跟足川菜的傳統，一坐底就有五小碟 (唔止韓國呀，中國菜都有呢D小碟的) 五小碟包括有手拍溫室青瓜，魚情味豆芽，跳水木耳，嫩七八草，手撕包菜~ 個名都幾得意~ 青瓜辣味好足，如果多加小小酸味，但更FRESH 豆芽都係辣辣地，但無青瓜咁辣~ 木耳係酸酸的，超爽口 那個嫩七八草比較西式，但一開始就俾我朋友KO了~ 手撕包菜就普普通通，沒有很大驚喜的感覺~ 飲品任飲的有2個自家調飲品~ 汽水，只要LIKE 了這個餐廳的FANPAGE 都可以任飲~ 紅桑梅蜂蜜茶~ 唔係好甜，帶少少酸味，濃度好足，唔係淡到水個種 菊花薑蜂蜜茶 帶有少少薑既香味，但飲落唔辣，好清新 2枝飲品都好夠凍

假期前夕,晚餐當然要好好食一餐, 今次友人帶我們食烤魚雞鍋, 有男有女, 最好一個價錢任飲任食價格按不同時段收費, 先選招牌魚或雞鍋, 剛好我們7人行, 可以來一個半魚半雞, 鴛鴦雙拼, 店員推介江團魚配麻辣口味, 另一邊點了雞鍋(小辣), 因為店員告知川辣程度跟普通辣不一樣, 初嚐小辣好了點菜後餐廳會先送上六款新鮮海鮮, 餐牌上沒有價錢的均可任點飲品菊花薑蜂蜜, 清幽的菊花配上薑, 辣辣地好特別同時在openrice收藏該店, 汽水可任飲其後店員送上一共五款前菜, 手拍黃瓜/沙律菜/大豆芽/木耳/手撕包菜, 當中三款以麻辣為主,辣得過癮, 辣味慢慢從喉嚨湧上, 醃製得好入味, 更可以無限追加半魚半雞鍋, 此店用上電磁壚, 烤魚上鋪滿自家辣椒醬, 湯頭吸盡魚味, 香辣中帶點麻, 主角江圍魚, 肥美多肉, 骨已起, 啖啖魚肉放入口絕對沒問題, 雞鍋嫩滑合格, 辣度唔算太辣, 食到後段, 店員會幫忙將鍋內的食物夾起後加上豬骨及雞煮成的湯, 服務周到六款新鮮海鮮非常震撼, 每款新鮮大隻, 除了鮮帶子, 海蝦/大蜆/廣島蠔/白鱔片都可以追加白鱔片, 肉質彈牙, 用新鮮肥美, 抵食來形容就最好

This would be the first review I wrote without any pics, cause I was dining with a friend and didn't want her to stress about the fact that I take long time to position things and shoot them. Luckily there are already a lot of pics, hopefully they are consistent with what I say here.I booked a table one day before cause they seem to have a a high openrice score. Actually when we were here all through our dining there wasn't much people, or maybe we were too early and they open till very late.It'

最鐘意約係銅鑼灣食飯gather，地點方便，又多特色店舖。近排興起食魚，之前係大陸食過探魚，覺得好正，之後同朋友講開，原來香港都有類似的，咁就推介呢間，所以就黎食下。樓上舖，仲有街景睇。而裝修圍繞住魚為題材，就知道食咩。正晚時段$278一位，因為有朋友5月生日，所以壽星可以免費，只要兩日前落booking就得，非常抵食。前菜有5款，賣相精緻和甚有特色喔！手拍温室青瓜、豆芽(辣)、木耳、手撕包菜(辣)、沙律，非常健康。又想食招牌江團魚又想食鐵咀雞鍋，最好係叫鴛鴦雙拼。店員提醒比一般店要辣，所以揀左流灘辣，個鍋香氣十足，魚個邊麻辣味較重，江團魚真係好肥美，厚生肉質很嫩，基本上冇咩骨。雞有D焦面仲好味，新鮮肉滑，仲有好多配菜芫茜、芽菜、冬菇、洋蔥、年藕、木耳，非常健康！食完魚和雞，加湯後可打邊爐。生日飯係要食豪D，海鮮拼盤有鮑魚(+$28)、鮮帶子(+$18)、白鱔片、海蝦、廣島蠔，樣樣都好crazy大隻，尤其係帶子，個穀大過我隻手，食到好新鮮，冇諗過係度都可以食到咁有質素的海鮮。Hot pot都可以食得好豪華，肉食方面選擇唔多，但係有西班牙豬腩片和手切安格斯牛肉，咁都係任食，好容易食返個本