鐵魚川式食堂 (已結業)

最近的天氣時晴時雨，某晚趁著沒有下雨，立即相約即將離港的朋友一敍。朋友想吃麻辣，畢竟離港之後他應該不常會食到。隨便選擇了烤魚火鍋，貪可以慢慢吃、慢慢談。麻辣湯重麻重辣，直接刺激味蕾。不知是甚麼魚的魚肉總之細滑，還有吸盡湯汁的豆腐更是美味。餐廳提供的前菜包括拍青瓜、木耳、大荳芽、手撕包菜及沙律菜，有辣有唔辣，開胃醒神，而且是無限添加的，我們吃了不少。至於火鍋配料的海產皆十分新鮮，輕輕一灼已經足夠，海鮮的鮮美得以盡情發揮。沒有想過在隨機抽選的餐廳吃得這麼高興，是夜我們吃得很多，亦說了很多，是喜出望外的一餐。

food is fresh,fish is delicious, beef is tasty. Thought not much varieties I to choice for buffet-hot pot,. $280 each person for fish, unlimited order for beef, hot pot side dishes, drink... it worth and will go there again.

今晚好想食火鍋，於是約咗朋友在佢就腳的地方銅鑼灣搵，我哋約的時間係宵夜時段，銅鑼灣一向俾人的感覺係食野幾貴下，宵夜時段都不例外，我正在考慮緊去邊度食無意中發現咗鐵魚食堂這間舖食放題，餐牌有魚有雞鍋選擇，喜歡食魚的你唔好錯過，入到去間舖度裝修都幾間單，客人不多，我心諗咁少客d食物會唔會好伏，朋友話試下先啦，我哋點咗青檸沙巴龍躉鍋（加20），等的時間有少少耐，不過食好野係要等下，在等的過程中侍應為我哋提供咗餐前小食，試下d飲品菊花薑茶幾好飲，當然喜歡食辣的你唔好錯過，小食幾好味，當個鍋上檯時，都幾驚喜，賣相幾好，侍應都好友善咁同我哋講要水滾就食得，當水滾我哋都急不可待去夾魚食，d魚肉好滑，煮的時間岩岩好，魚肉好鮮甜，鍋d配菜都幾多，個湯底好清新唔會係好重的味精的湯，值得一讚👍，餐牌有海鮮，肉，蔬菜任添，雖然選擇少，有一兩款海鮮要加錢先可以追加，但我覺得係👌接受，因為d海鮮都幾新鮮，廣島蠔好肥美鮮甜，蝦都好新鮮，鮑魚都幾大隻鮮（介紹咁多先，你哋都去試下喇）牛肉都幾好，切出來睇都幾靚，幾香牛味，整體來講，今晚真係味蕾上有驚喜同發現到間舖火鍋唔錯，值得一試再試，當然宵夜時段比繁忙時段正價會平少少

由於太懶的關係，一直拖到依家先寫返篇食評😅之前放假係銅鑼灣諗唔到食咩嘅時候，咁啱經過見到尼間新開嘅“鐵魚”，標榜著有烤魚、雞煲，又有放題，仲係川味，所以同男友決定去試一試。去到餐廳，侍應都好好招呼，詳細介紹咗啲菜單係點樣。仲會介紹返每種魚嘅肉質係點，適合咩湯底。食川味當然要揀麻辣😉魚就揀咗鰽魚，侍應話尼隻易入味等緊主菜嘅時候，仲有前菜奉送。總共有五款，一開始會出曬五款試試味。之後可以再追加加，自己鐘意嘅菜式。除了木耳味道較奇怪，其他味道都唔錯。豆芽及包菜已經食到麻辣味。等咗一陣，主菜終於上場。👏🏻👏🏻👏🏻睇落都好大鍋。等到煮滾，侍應會過來幫手用木匙分一分開啲魚。睇到尼個顔色就知一定夠曬辣。我哋都只係點咗小辣，但味道已經好足夠。👍配菜方面，選擇都算足夠。特別之處係，啲豬肉真係好厚，第一次打邊爐見到咁厚嘅豬肉。😳😳😳😳尼度好多嘢都係以人頭來分配。主鍋嘅話，兩個人只能揀雞煲或烤魚，如果想鴛鴦（一半雞煲，一半烤魚）就要加錢。但如果人多，就可以多個選擇揀鴛鴦。兩個人嘅話，魚只有半條，如想追加，則要另加錢🤦🏻‍♀️。配菜嘅份量都係按人頭，尼點比較好係因為可以食多啲唔同嘅配菜。薯粉好味，吸曬啲汁，好夠

今次嚟呢間樓上火鍋 係朋友食過話好嘢介紹畀我哋， 今日休息所以同屋企人過嚟食番餐朋友話最好早啲黎，因為口碑唔錯， 夜咗隨時要排隊， 所以我哋未夠六點就已經到達， 唔洗等位輕輕鬆鬆咁有得食服務員好快咁安排咗我哋嘅座位， 之後送上4、5碟前菜， 其中三款系辣嘅但也有兩款唔辣， 味道真係幾唔錯食咗呢啲前菜 份外開胃 越食越肚餓😃原來呢度食火鍋係分開兩個部分先嚟選擇個鴛鴦鍋 一邊係魚一邊係雞， 可以選擇辣或者唔辣都得， 家人商量咗之後 決定魚係唔辣 而雞就係食辣嘅， 分別可以試下唔同嘅風味雞呢邊選擇咗辣，味道帶少少麻辣而且味道濃郁， 雞好入味好正，而魚嗰邊 服務員幫我哋 選擇咗冬陰功湯底, 原本以為魚既味道會係畀冬陰功 蓋過， 但食落又唔係喎， 魚肉保持到佢嘅鮮味配合埋冬陰功獨有嘅味道， 出奇地咁夾好好味， 淨係食呢個鴛鴦鍋已經值回票價啦食咗啲咁濃郁好味嘅嘢食之後 飲番杯 免費提供嘅紅桑菊蜂蜜茶（其實仲有好多款唔同既飲品可以選擇）, 清熱潤喉味道亦都唔錯點解今次嘅主題叫做有層次嘅火鍋頭先食咗個 鴛鴦烤雞、魚已經非常唔錯, 但原來只係頭一part， 仲有另一個高潮在後頭你睇呢碟雜錦，睇照片 我

今日下午約左三五知己去銅鑼灣行街街shopping, 行到肚餓朋友突然話好想食麻辣雞煲，於是大家一齊上openrice搜尋下，見到原來附近有間叫鐵魚好似好正，於是乎我地一齊急急腳行過去。去到由於時間尚早，上到去就即刻有位可以坐低！坐低後就有個侍應好有禮貌甘介紹比我地知，我地可以一半要魚一半要雞，其他就可以任食任飲！個侍應仲有好耐性甘提議我地魚最好就用冬蔭功湯底，雞就用麻辣湯底就最好食，最後我地決定要呢2樣！落完個鍋後侍應好快就放低左5碟小食……魚情味豆芽、手拍溫室黃瓜、 手撕包菜、 跳水木耳、嫩七八草……每款小食我都覺得唔錯，麻麻辣辣啱晒我口味輪到主角出場……冬蔭功烤盲曹魚同小麻辣雞鍋……真是超級好食！魚肉不但食落冇乜骨而且新鮮嫩口，加埋個冬蔭功湯底酸酸地辣辣地好惹味！至於個麻辣雞亦都好正……雞肉食落好嫩滑好香口惹味，麻麻辣辣真是好食到停唔到口呀肉類拼盤……有手切安格斯牛、西班牙豚肉片、芝心竹輪、沙律 蟹子丸、旦家魚皮餃、豬紅、豬皮、鵝腸……樣樣材料都非常新鮮好味，再加埋麻辣湯真是惹味到不得了！海鮮拼盤……有广島蠔、白蟮片、大蝦、鮑魚、扇貝同大花甲……海鮮樣樣都新鮮肥美，一食就知上等貨

今晚放工後約了朋友們於銅鑼灣行街，行了一陣肚皮發出嚮號，代表又到了醫肚的時間我們一路行一路scan下有無心水餐廳，終於行至銅鑼灣廣場一期的後街，發現了 ** 星期日至四 ; 正晚時段入座 $268 ~ 7-9:30PM，另有加一服務費 **任食2小時 (好似)餐廳位於6樓，地方寬敞，坐位算多，還有獨立房間添，不錯很快地店員便為我們送上餐牌，並細心和詳細地介紹不同種類的魚既肉地分別和湯底的配搭，還有雞煲的麻,辣度研究完一輪之後，便決定叫鴛鴦雙併(半魚半雞) 一試 ~~下單後，店員先送來5款前菜給我們充充飢亦放低了2樽飲品辣 : 黃瓜, 荳芽, 手撕包菜唔辣 : 木耳, 麻醬沙律菜本人只食了手撕包菜, 木耳和 麻醬沙律菜(手撕包菜 : 夠晒麻，但因本人不太好麻的味道，所以我只試了一片)(木耳 : 爽口，帶點醋味，開胃啊)(麻醬沙律菜 : 本人至愛，麻醬同沙律菜的份量剛剛好，不消2分鐘便食清光)** 自家製品 (套餐免費飲品) **左 : 菊花薑蜂蜜茶 (薑味不太濃，甜甜地)   右 : 紅桑梅蜂蜜茶今餐主角要上場了烤魚 : 青檸越式湯底配盲曹魚雞煲 : 小麻小辣** 鍋內有莞荽，冬菇，洋

過了風風雨雨的二個多星期，終於迎來晴天，忽然想起了吃烤魚。搭lift來到6樓，一開lift門就是本次光臨的餐廳，可見裝潢乾淨俐落，整潔大方，座位之間寬敞舒適。菜單上有三種魚供選擇，包括江團魚(＄148）、盲曹魚（＄148）及沙巴龍躉(＄168）。由價錢上考慮，我們決定在江團魚與盲曹魚之間選其一，其實平時甚少行街市，又怎樣分辨這兩種魚的特點，於是我們向餐廳侍應請教，耐心的侍應A告訴我們，江團魚肉質比較細嫩鮮美，言聽計從，決定選擇了江團魚。廚師先將江團魚經過烤制，然后放在鐵爐進行烹飪，當然在上枱烹調前可以選擇其辣度，一共有五種，包括：吾麻、吾辣、流灘辣、尷尬辣、好狠辣。視乎個人口味而選擇。我們取中間的尷尬辣，經烹調一陣後，鍋蓋充滿水珠情況和散發的香味仿佛在告訴我們可以進吃了。鍋內的材料除了主角江團魚之外，還有金針菇、芫茜、蓮偶等。結合了腌、烤和煮三種烹飪工藝技術後，魚肉的口味奇絕，鮮嫩滑爽，辣味與鮮味結合成完美組合，非常開胃刺激，蓮偶吸收了湯的精華，爽口得來又刺激，金針菇更加辣得過隱呢。另一重頭戲是海鮮拼盤，首先由餐廳安排其中6款不同海鮮，看上去很新鮮呀，其後可以無限追加部分海鮮項目，真的

與好友歡聚最緊要就是要選位置方便、食物一流又多選擇、如果可以有獨立空間就更好啦！世事哪有如此完美呢⋯⋯但當然也有幸運的時候！就好像今晚這樣，由於是跟中學同學的聚會為了方便大家因此選擇了銅鑼灣區，所以就選擇選了家姐推薦的「鐵魚川式食堂」。一出”車立”最幸運的是餐廳安排了獨立房間給我們，即使我們再吵也不怕會騷擾到其他客人啦!一坐下店員會介紹一下主菜 --- 招牌魚和雞鍋，我們選了一個青檸越式烤盲曹魚和鐵咀雞鍋，雞鍋可以選擇辣度的…如果本身不太食到辣的最好叫小辣，因為之後打邊爐會覺得愈食愈辣喔! 餐牌上正方格的食物都是可以免費追加的食物喔。前菜有五款…當中3款是辣的(手拍溫室黃瓜、魚情味豆芽、牛撕包菜)，另外2款則是跳水木耳和嫩七八草…前菜也都屬於免費追加項目內。套餐包含的免費飲品是自家製的菊花薑蜂蜜茶和紅桑梅蜂蜜茶，紅桑梅蜂蜜茶的味道比較偏向酸甜；而我個人比較喜歡菊花薑蜂蜜茶，有少少薑茶的味道但不會太辣…也蠻滋潤的。主角來了青檸越式烤盲曹魚 - 有少少青檸的酸味但整體味道偏清，而魚肉質地好嫩好滑，絲毫沒有魚腥味。鐵咀雞鍋 - 可自選辣度，雞件好嫩好入味。之後打方爐用這個湯底會比較惹味、而海

港式雞煲常常吃，但沒想到這次可以試到跟過往不一樣的體驗!平常跟好友都喜歡到不同地方吃雞煲、打邊爐，雞煲雖然好食，但多數吃雞煲的環境都比較迫、比較污糟，這次因為想跟好友慶祝生日，所以在網上物色不同吃雞煲的地方，重點是看環境相片!這裡的環境我十級滿意，乾淨、不擠迫、不嘈吵，正合我心意。我們點了鐵咀雞鍋及青檸越式烤魚，朋友不太吃辣，所以鐵鍋一如以往要求微辣，輕輕的麻辣其實好惹味呢! 至於青檸越式烤魚嘛，簡直給了我一大驚喜呀! 沒想過少少酸味原來好清新，魚好滑，而且煲內的金菇、雞脾菇及冬菇都吸盡湯汁，超好味呀!海鮮拼盤有蠔、鮑魚、扇貝、大蜆，全部海鮮都好新鮮，而且海鮮最適合放在青檸越式那邊，因為不會被雞煲的辣味搶晒風頭!肉類有安格斯牛、豬肉片等! 全部質素都好高，不是便宜貨!開始的時候先吃魚煲及雞煲，吃吃辣又吃吃酸，兩種享受呀!雞肉配微辣簡直是天衣無縫的組合! 雞肉好嫩滑, YUM!想保留海鮮原味，可以放到青檸湯底那邊，這樣吃鮑魚時便可以咬出淡淡清新青檸香蟶子、大蜆都是「任點類」，吃不夠可以再免費添食。蟶子好大隻兼好鮮，絕對是首選。安格斯牛肉質香甜，紋理也靚，放雞煲那訪一流，而且肉質不韌!鵝腸

和朋友去了位於銅鑼灣駱克道491-499號京都廣場6樓的鐵魚川式食堂，由於是朋友生日，我們提早了兩個星期前訂了位，食店安排了一個房給我們。是一間日式裝修的小房間，我們一入到去已經相當高興。店員很耐性為我們講解食物，因為我們有朋友吃不了太辣的食物，所以店員推介我們食鴛鴦鍋，一邊是青檸越式烤魚，一邊是鐵咀雞鍋。另外我們還點了大海蝦，鮑魚，聖子皇，廣島蠔，白鱔片，紐西蘭大蜆，手切安格斯牛肉等。上食材時已經看見這裡的食材有很高的水準，很新鮮。鴛鴦鍋是長方形鍋，青檸越式烤魚有鮮青檸味邊，酸酸的，不辣的，很有東南亞菜的風味，盲曹魚肉質幼滑細嫰，魚骨不多。鐵咀雞鍋點了小辣，很惹味，雞味很出，越食越入味，用來滾肉，滾菜，滾烏冬，好味到一個點。 我們將海鮮類的放到青檸越式烤魚那邊灼熟，而肉類，菜和烏冬就放鐵咀雞鍋裡煮。青檸能帶出海鮮的鮮甜味道，而麻辣就令肉類食材變得更惹味。鮑魚很彈牙，肉質結實，好味到震。這裡的聖子皇竟然是任點任食，我不敢相信這是事實，而且聖子皇很大隻，清洗得好乾淨，啖啖肉，勁滿足。安格斯牛肉與任食火鍋的肥牛完全是兩碼子的事，肉質淋到不用費大力到咬。還有稻庭烏冬，吸收了麻辣雞鍋的味道，令

放題和火鍋任食，似乎都好像吃多了今日食烤魚，然後用啲汁煮海鮮，牛肉，薯粉，又別有一番風味噃像韓燒一樣，有幾碟前菜，最喜歡是麻辣青瓜，爽甜，少麻少辣前菜都可以任叫咖雙拼，選了麻辣雞和青檸江團魚出邊少食到江團魚，少骨肉嫩，酸酸地，味道好夾烤雞Size 不大，細隻肉嫩，好入味，一陣用啲汁嚟煮嘢食一定好好味呢食完魚同雞，海鮮拼盤就上檯喇好多海鮮呢：鮑魚，鱔片，蠔，大蝦，扇貝，花甲，仲有紐西蘭大蜆。。。。海鮮品種不少呢！樣樣都咁新鮮吸引紐西蘭大蜆大隻到好似貴妃蚌咁咖除左鮑魚和扇貝，其他都是無限添食，抵呀花甲無沙，鮮甜！生蠔Size不算大，但係隻隻都漲卜卜，鮮甜吾腥安格斯牛肉係厚切，肥美，牛香味濃用汁淥一淥，晶瑩剔透，一啲都吾肥，我地叫左四個Round, 大家最緊要叫薯粉，索汁能手，爽滑惹味飲品都是自家制，菊花薑蜜味道夠薑最夾紅莓汁味道清，淡香，各有特色要一提侍應的服務態度，時不時問我們要不要加飲品和食物，又替我們起走魚骨和雞骨，換碟也密原來早啲Book 可以有房添噃，慶生，聚舊又有好地方囉！還聽到隔離檯生日四個免一個添呀

幾個月前食過，覺得好味又抵食有朋友生日，於是帶他一齊食好嘢，為他慶生有烤魚，烤雞，仲有海鮮，任飲任食噃，朋友都讚我明智之選擇嚟到先知，生日有優惠，在生日月就可以四個減一個，如此類推添，即是八個可減兩個喎前菜都不弱，有五款，都係無限添加咖雙拼烤盤，一邊魚，一邊雞，一邊辣，一邊吾辣，各適其式今天真好彩，坐到四人的獨立房，傾計都方便多侍應提示：先食烤雞，再食烤魚,免得雞肉過火會"鞋"雞肉果然嫩滑，入味，少少麻少少辣，滋味烤魚我們選了青檸越色的江團魚，江團魚比較少骨，肉身較滑，加上微微酸，開胃食完魚同雞，海鮮拼盤來了，扇貝，鮑魚，花甲，鱔片，蠔和蝦，份量真不少呢！色澤鮮明，新鮮也蠔淥完仲漲卜卜，樣樣都新鮮美味，用烤汁嚟淥食物，醬汁都不用醮，已經好好味牛肉和牛脷肥瘦適中，牛味濃，Encore 左幾個round 芝士竹輪好滋味，流心芝士令人回味無窮，但小心燙哦無限添加的海鮮，食物和飲料，食得真開懷薯粉是必食的，因為索左汁超，既滑又煙韌菊花薑蜜，好夠薑哦十個人仲可以Book 大房添，但要早兩日book 哦！因為房間不多呢生日個朋友仔都好滿意我的安排，俾十個我

話說小弟不嬲都唔鍾意食魚既，最憎就係佢又腥又汕的味道！不過早兩日女朋友話要帶我去食好西，咪聽佢話試下囉！丫！又顯唔錯喎！大文豪杜文澤話齋: 滑得黎幾好哨口喎！所以係度介紹大家！一睇個menu就知個餐廳係非常有heart既！剩係個招牌魚同雞窩都有成12隻選擇俾你！仲有新鮮既海鮮，包括大大隻的鮑魚同大蜆、白鱔、大花甲、蟶子、扇貝！牛都有安格斯牛俾你！仲有一般大路的火鍋湯料，等你的魚鍋或雞鍋都變成岩口味的湯鍋！個前菜都唔錯架！有芽菜、耶菜、青瓜！不過一字既之曰: 好辣丫！真係嚐辣的人會好喜歡，但唔食辣都好建議try try！主菜來的時候，有種嘩一聲的感覺！所以材料都好新鮮！好似仲帶住海水俾你咁！主角一定係個鍋！你會見到大量芫茜！至於條魚，係好滑好甜既！在於一個唔食魚的人來說實在唔錯的體驗！牛肉同火鍋配料一睇就知道係好野！不過大家都好惜食，所以order左唔多！呢個開心大發現叫萵苣，多水多汁！又唔會太多渣！幾易入口！飲品黎講，識飲一定飲signature drink!!呢個有ginger味既朋友仔無辣不歡的你一定要試下！

今日會展收工，同事話落銅鑼灣揾食，咁啱今朝聽到有個同事話銅鑼灣有間打邊爐好正，於是乎一收工就成班人落去銅鑼灣食好野。一坐底，侍應放左張好大張的MENU在枱面，形式係可以選擇魚或雞煲，海鮮會自動奉上，而肉類其他則無限追加。因為有同事唔食辣，所以我地叫左個青檸越式烤魚。未黎個煲之前，侍應先奉上兩渣飲品，我尤其欣賞佢個薑汁菊花蜂蜜，貪佢夠薑味同埋蜂蜜甜味。同埋都唔洗特別叫，侍應就攞左5碟前菜黎，我最鍾意當然係個黑木耳，爽口，辣辣地真係好正。主菜黎喇，就係呢個青檸越式烤魚。用呢種方法食魚最大的好處就係肉身剛熟好嫩滑，而且湯汁有少少入左魚肉入面，酸味味咁層次豐富，配料有蔬菜菇類，加埋魚肉一起食好正。