鐵魚川式食堂 (已結業)

前日同屋企人去銅鑼灣試下呢間烤魚，價錢都唔平，要$2xx/位，但但配料同指定飲品都可以無限refill!烤魚有3種，分別係沙巴龍躉、盲曹同江團魚！沙巴龍躉要加少少，但店員話當日貨源質素麻麻就轉左揀盲曹。口味揀左青檸越式烤魚，酸酸地夠開胃！個鍋上檯都幾大幾誇張，左邊盲曹魚唔算有好多魚肉，但落左幾多菇越煲越入味！右面雞煲揀左小辣，食落無其他雞煲咁熱氣，而且份量唔少，幾滋味咁🌝另外都黎架五款前菜，最好味係魚情味豆牙同手拍溫室黃瓜！不過黃瓜可以再麻辣辛味少少！另外亦都揀左d安格斯牛肉同豚肉片試下！安格斯牛肉滾兩滾就要攞返上黎，有牛味唔會un!另外要提下海鮮個邊隻蝦，食落好新鮮，唔會話係急凍蝦！另外，可以免費任飲呢D特飲！呢個柚子味嘅飲品酸甜好醒神又開胃！呢間烤魚好岩一家人去，又有得任食任飲！👍🏻