鐵魚川式食堂 (已結業)

上星期去完Sogo thankful week, 就去左呢間食放題重慶魚/雞煲，因為見到有海鮮，所以決定一試。餐廳環境都光猛整齊，坐位舒適，服務態度又好，只係服務員解釋放題和餐牌上嘅資料時比較混亂。講反食物質素，我地兩個叫左冬蔭功湯底烤魚，湯味道唔錯，但本人喜歡酸一點，湯內配有大量草菇，金菇，鮮東菇，魚味道鮮甜嫩滑，好味。食完魚就開始任食火鍋，可以無限量供應嘅食材都算多，我地主打海鮮同牛肉，以呢個價錢，質素都算唔錯，而且包飲品無限量供應，好ok!最後一提海鮮類別內聖子和大花甲味道一般，鮮鮑和帶子只提供每人一份，要再order要另收費。下次再有thankful week都會再黎