鐵牛台灣牛肉麵 (希爾頓大廈)

营业中

休息中

價錢親民，款式很多，味道不錯的台式餐廳。紅燒牛肉麵份量適中，裡面的肉很淋，入口即溶，味道不錯。湯底不會太咸，麵也煙韌。小食，地瓜條也很好吃，很喜歡梅子粉，配上去酸酸甜甜。

朋友仔生日～佢話想食清淡d,所以黎食台灣野，貪佢冇湯麵又有得坐耐少少。本身以為會好多人排隊，但去到又有得直接入，唔駛等喎～間餐廳都滿左8成。點左2個麵加2個小食1碟菜。菜就冇咩講啦，好普通嘅生菜，炸蔥冇咩香味。酥炸花枝丸好食，啲花枝丸好足料，好多肉，味道好鮮。芝士鹽酥雞好多芝士，但涼得快，芝士睇色似車打芝士，但其實冇咩芝士味。個雞係調味好味嘅，但唔太酥。豬軟⻣蕃茄麵，豬軟⻣幾軟幾入味，蕃茄湯茄味一般，唔夠濃，但都ok 嘅，$60對得住價錢。台灣腸乾拌麵，拌麵我就覺得一般啦，醬汁清淡,可能係我食得濃味🙈所以我覺得唔多夠味。台灣腸份量有啲少，但有加蒜頭片，正宗台灣食法～正！

同朋友去尖沙咀行街必定步行去紅磡站坐車返屋企，咁就唔洗轉車咁麻煩，每次路過都會見到呢間店，次次都好想試下，但每次都係食飽先記起，今日朋友竟然點名指定食呢間，終於試到了店員帶位時會比埋個餐牌同點餐紙，畫好後就到櫃面落單及比錢，有啲快餐店既感覺，但就有送餐服務招牌紅燒牛肉麵，個湯底好好味，啲麵硬度啱啱好麻辣牛筋腩麵，個湯底好好味，啲牛肉就瘦左啲，但牛筋就好淋好味道薄荷咖啡及珍珠朱古力，我唔飲咖啡所以無試到咖啡嗰杯既味道，而朱古力嗰杯個味道唔夠濃，啲珍珠唔夠淋仲有啲硬

就黎去台灣👀好期待呀🤩放工頂唔順😅都想食碗牛肉麵🍜醫下個肚去左鐵牛🐮頂住台灣條引先啦鐵牛牛肉麵🐃周邊人話好食😊一於去試試先初次到訪🍲來客招牌紅燒牛肉麵啦✌先品嚐個湯底😆濃郁得黎帶點藥材味🤓但唔太過火👍牛肉煮得非常軟腍而且好入味😈份量又多😄有4塊左右圖中少左因為偷食左lu😅最後講講個麵，食落煙煙靭靭😁可惜係幼麵，中意粗麵多D，個人喜好🙌另配左杯朱古力珍珠🍫都唔錯架😘

今日趁住夜晚要返兼職，同事約我食下午茶，係openrice搜尋見呢間啲下午茶好似唔錯，於是嚟到一試。平日下午不算多人，很快已有位坐。下午茶的選擇頗多，諗咗一陣，我選了麻醬乾麵，木魚炸豆腐，滷蛋半顆及逢甲鹽酥雞。本來餐飲想選凍珍珠奶茶，但凍飲要加$6，珍珠要加$3，覺得有點不值，於是選了熱檸水。而同事就點了麻辣擔擔麵，逢甲鹽酥雞，夜市小香腸，甘梅脆薯及凍珍珠奶茶。選好了餐後，要自行到收銀處付款。這裡很方便，除了現金，八達通，還可用手機電子支付。這裡的餐味道都好味，只感到有少許不夠喉，沒法啦，因是下午茶，下次應會再光顧

趁著端午節的一天假期，下午便與朋友到了尖沙咀逛街。晚上，友人說想吃台灣菜，我們便於6時左右到達了鐵牛。坐下來後，店員遞上了點菜紙給我們，填寫完後須拿到櫃檯付款，然後就會有專人將食物送到檯上。我們各自點了兩個麵和一杯巨峰葡萄梳打，麵款包括麻辣牛筋腩麵和主廚私房牛肉麵。一向不太喜歡吃麻辣的我今次嘗試了麻辣牛筋腩麵，未食之前以為會係好辣，幸好味道剛剛好。牛筋入口即溶，麵是彈牙的，總算沒有失望！巨峰葡萄梳打亦值得一試！

又到星期五晚，約咗返緊intern嘅中學同學見面，因為佢哋都喺尖沙咀返工，所以就約咗食鐵牛。台灣野都會成日食，不過鐵牛都係第一次食，我哋3個人分別叫咗紅燒牛筋腩麵、紅燒牛筋腩乾拌麵同香酥排骨便當，仲有share一個鹽酥雞。個鹽酥雞出乎意料地好食！d粉夠薄，肉又唔會乾，亦唔會好似其他地方食到嗰d咁鹹，唔點個醬已經好食！份量都算適中，起碼有9粒。不過，我對個牛筋腩乾拌麵嘅評價就差好多。個麵還可以，都幾有彈性，同每條麵都掛到d醬汁；但係個醬汁實在鹹咗d同多味精，食完之後即時勁口渴，要狂飲好多杯水......牛腩有d乾身，而牛筋就有一件好韌，另一件就啱啱好，所以整體真係一般......因為價錢都唔算特別平，而質素又一般，所以有d失望或者menu上嘅其他野會好食d(?)

招牌紅燒牛肉麵🐂一直知道呢間牛肉麵好受歡迎終於有機會一試先講湯底有淡淡既藥材味唔鹹又唔會太油 係真正可以飲既鮮甜牛肉湯牛肉好嫩滑入味 最驚喜係牛肉有啫喱狀既膠質 所以入口即溶唔會韌麵質有Q彈既感覺煮得岩岩好😍

叮噹可否不要老，伴我長高；星矢可否不要老，伴我征討；孩子，即使早知真相那味道；卻想完美到去違抗定數；為咗睇張敬軒演唱會而去紅磡找好食處。當初進入該餐廳享食晚飯原意是為醫飽肚，好好欣賞張敬軒的歌喉。無諗過該店所烹調的台式菜會咁好味。睇睇Menu，原來都有台灣牛肉麵，咁就叫一碗啦，話哂係鎮台之寶。一啖咬下的牛肉，很嫰滑，冇渣。好濃郁嘅湯，超正。之後再叫一碟排骨，台灣人稱的排骨並非香港人所叫的排骨，而係豬扒。該排骨炸得不乾身，能夠鎖住肉汁。而且啖啖肉。最後叫咗一個𡚒起湖燒雞腿排便當。好好味呀，雞排醃得很入味，又沒有雪味，而且周邊的配菜配夾得很好。又有半隻鹵蛋。沒想到香港會有一間咁正宗嘅台灣菜食店，不知道廚師們是否在台灣學師啦。。。。

位於金巴利道一大廈地牢，餐廳很寬敞，座位也很闊落！入座後要先在餐單上剔出自己想要的食品，再到收銀處付款，稍後員工會遞上食物，有點半自助的形式。紅燒牛肉麵湯底普普通通，味道不夠香濃，又有點不夠熱，麵條一般，牛肉不錯。香蔥麻辣擔擔軟骨拌麵，賣相與味道都很一般，軟骨不夠軟，不能直接吞下。珍珠咖啡～普通。珍珠奶茶熱飲需自行落糖，但整包糖調味後都不甜。涼拌小黃瓜反而不錯，賣相不太討好，但甜甜酸酸的，口感爽脆，很開胃。椒麻牛肚絲...真的超辣！牛肚絲沒什麼口感。整體都屬普通貨色，欠缺台灣道地滋味，有點連鎖店的質素。

👉🏻招牌紅燒牛肉麵🐮💲62好似話係台灣人開🇹🇼✨其實我好少食牛肉麵所以唔係呢方面嘅專家 不過覺得佢幾好食haha🤣好足料有三大舊牛肉都幾嫩唔韌👍🏻 肥瘦均等 半筋半肉😗入晒個湯味不過唔濃牛味🤔啲麵都幾多幾有咬口彈牙同埋幾入味😋個湯鹹淡適中但美中不足就係唔係好夠熱 未食到一半已經開始凍☹️不過整體性價比都高嘅因爲都幾大碗😹〰️〰️〰️〰️〰️〰️〰️〰️〰️〰️👉🏻酥炸花枝丸💲32正正常常都彈牙嘅😗但佢係點辣粉🌶隻辣有啲特別似係糊椒粉加香草加辣粉 食完一陣先食到佢隻辣味🤨我覺得佢直接sum係面會好過就咁點 因為好似會均勻啲🧐

今日想食台灣野念頭重，所以再會鐵牛。今次試尖沙咀個間。今次2個人食，可以叫多點。午餐：香酥排骨肉燥乾拌麵+洛神甜醋雞肉便當+炸豆腐+巨峰葡萄梳打+冬瓜茶香酥排骨肉燥乾拌麵：乾拌麵個汁開胃，唔太鹹，但麵質太硬，排骨酥脆，有肉汁，一咬唔會皮肉分離。洛神甜醋雞肉便當：洛神汁開胃，比甜酸汁好似健康點，雞肉唔會炸得太乾。三個小菜好有住家味，不錯。炸豆腐：用木魚包住炸，好特別個皮脆內軟，個汁都好味。巨峰葡萄梳打：不太特別，有加椰果，但椰果有點冧。味道：4/5抵食：3/5回頭率：4/5

之前都來過食幾次，覺得食物ok,所以得閒都會來食牛肉面，所以今日再來食多次，但今次就被無禮貌對待，付款時，收銀員入完單，細細聲講幾錢，我聽唔到，再問幾聲，佢就黑面唔講，咁我算照比錢，佢收錢之後望都唔望就甩番張單比我，完全無禮貌可言。。。。。。

唔知其他女仔在weekday night做完facial/yoga之後仲食唔食dinner？一放咗工即刻衝過去做，都要做到9點，通常都唔想食太飽，廢事訓覺前都未消化完。而呢間鐵牛在紅磡站附近，入面有兩個菜式我既專屬late dinner food：第一個叫「小碗魯肉飯」（$32），細細碗，又好味：然後我會叫第二個餸：蔥肉淋青菜（$28），份量足夠！以蔬菜為主，配以白飯及少量肉，易啲消化，絕對係深宵的健康首選。唔使成日去茶記或者車仔麵咁悶～唯一要講既係，冷氣略凍......（可能太夜去，人客唔算多，個冷氣就勁咗掛）

標題出自於呢間餐廳ge員工制服上印上的字句。好有台灣氣息。呢間鐵牛原來好似出名左一段時間，不過今次係誤打誤撞無意中搵到呢度。星期六ge lunch入面都幾多食客，好彩都唔洗等位。自助式ge點餐，總共order左三款麵食。價錢中規中矩，不過野食係幾高質，勝在性價比幾高第一款係蕃茄湯鹽酥雞麵。蕃茄湯底好濃郁，酸度剛剛好，鹽酥雞粒粒都大大粒，仲有成六粒，炸得乾身，唔油膩，非常滿意第二款order了麻辣牛肉麵。麻辣湯有唔同辣度可以揀，今次揀左最小嘅辣。湯底十分香，呢個微辣真係好微辣，好適合怕辣但又口痕想叫辣過下口癮嘅朋友另外啲牛肉亦煮得好冧，而且唔會太肥。最後order了牛肉乾拌麵。乾拌相比湯麵就比較遜色一點，正常拌麵咁啦。anyway牛肉夠晒冧味道唔錯唷～最後飲品方面就叫左胚芽珍珠奶茶。珍珠同胚芽份量都好多。