鐵牛台灣牛肉麵 (希爾頓大廈)

营业中

休息中

-鐵牛招牌紅燒牛肉麵 🍜（$59)湯底有少少藥材味，湯底味道剛剛好，而牛肉都好大舊，十分入味，牛味挺濃郁，食落好軟腍😍十分容易咬開😎至於麵條軟硬適中，唔會好腍❤️，仲有一，兩條菜🌿，再加上少量蔥花，可能係個碗大，湯底又多😚，睇落份量好少，但其實食落都好飽☺️-台灣奶茶☕️（附送）味道普通，不算特別，都OK😀-Name🏠: 鐵牛台灣牛肉麵Location📌: 尖沙咀加連威老道96號希爾頓大廈LG樓28號舖（港鐵尖沙咀/尖東站 P1 出口, 步行約6分鐘）價錢💰:招牌紅燒牛肉麵 （$59)

3點都仲未食飯，路經鐵牛，見下午茶只需$36起，都算便宜。估唔到呢個時間都好多食客，但好彩唔洗等位，即刻有得坐。以下係下午茶menu: 野食好快送到我叫左滷蛋，蛋滷得入味、口感結實，可惜得半隻有啲少。夜市小香腸就無咩特別，不過感覺香腸無咩肥肉，唔會太有罪疚感哈哈。甘梅脆薯，炸得好脆同埋都算大嚿。好食至於家鄉滷肉飯，飯係珍珠米，啲飯唔會糊，算係做到粒粒分明。滷肉大大粒（嚿）幾好食，肉嘅肥瘦適中，有溶化入口嘅感覺。最後係野飲：珍珠有咬感但唔算好大粒，份量適中。奶茶茶味不太重，不過對餐廳嘅飲品要求不需太高，所以都合格。份量我覺得略少，女仔食好夠食，但男仔可能唔夠飽。不過以下午茶黎講，性價比都算高。正正常常一份tea set，不會太有驚喜但都唔會失望。

路過尖沙咀去買一些東西～因為回家實在太夜了，所以隨便找點吃的～個人比較鍾意熱辣辣嘅湯麵，就決定去鐵牛啦～鐵牛有好多分店，之前經過加連威老道都見過有侍應推廣~menu同之前唔同咗，用綿羊仔做封面，令我諗起之前去台灣見到成街都係綿羊仔！ menu有好多選擇～不過因為一個人食，所以都係叫一個麵加一個小食～蕃茄半筋半腩麵～平時食原味牛肉湯味就食得多～蕃茄味真係未試過～好似感覺健康一點～來到見到好多蕃茄係湯度，都應該幾足料下！試一啖個上湯，濃濃嘅蕃茄味，中間夾雜著小小牛肉鮮味，其實有少少似飲緊羅宋湯，都幾開胃！今次選咗佢嘅麵底，原來可以轉新竹米粉！下次試下轉米粉先！個麵質有小小硬，如果可以煮林小小相信會更加入味！牛肉好大條炆得入味非常嫩滑～牛筋都係一樣咁淋一啲都唔難咬～好快就比我食晒！另外加了一個芝士炸花枝丸！平時食台灣嘢就最多都係食鹽酥，芝士炸花枝丸真係第一次見~花枝丸炸得香脆，裡面真係出煙！淋上芝士醬更加惹味，好特別嘅一碟小食呢！

自從尖東開了鐵牛後，試過一次後就再也回不了頭了。曾經試過一次午餐，午餐的選擇並沒有下午茶的那麼吸引，價錢亦頗貴，整體不太理想，所以之後都只是來鐵牛吃下午茶。再者，下午茶時段基本上不需要等候就可以入座，同時亦不用擔心要趕急用餐後交枱。這兩年吃下午茶的次數不下四十次。這次是第一次寫食評。曾經嘗試選擇不同的組合的下午茶，不過我最喜的，及最常點的組合還是麻醬乾麵，小食包括逢甲鹽酥雞，夜巿小香腸及木魚炸豆腐，飲品則是很普通的熱檸檬紅茶。🤤🤤等待食物時候不久，麻醬乾麵偏有少少硬，不過仍然很有口感，上面加有青瓜絲令麻醬乾麵有點清新的感覺。逢甲鹽酥雞是必點的小食，除了好味，只有好味。木魚炸豆腐是我的最喜愛之一😍😍，最喜歡那脆脆的豆腐外殼，加上甜甜酸酸的醬料，每次都炸得適中，不變的水準。夜巿小香腸正正常沒有什麼特別。整體來說，這兩年的水準都沒有太大的分別，整個套餐都很美味，之後亦會繼續光顧鐵牛的下午茶!!

有一次晚上行過尖東 見到好多人係餐廳門口等位見到食牛肉麵 好似好吸引 所以去開哩頭就入去食LUNCH滷肉便當 - 飯少 滷肉更少 無咩味 紅燒牛肉麵 - 湯無牛味 牛肉硬而且無味 麵更硬鹽酥雞 - 叫完個25蚊鹽酥雞先睇到完有個 鹽酥雞滷肉便當只係滷肉便當加10蚊就有 咁算啦 只怪自己睇唔到 咁期望SIDE ORDER會比跟餐的大碟少少 點知 仲要少一半 用個炸籃放上去就收值25蚊???? 味道正常 但雞肉十分老尖咀哩個價錢其實唔算貴 但就質素黎講 唔值

又係一間有頭無尾嘅台食店，我以前係會專誠走去食佢地嘅牛肉麵同肥腸，真係估唔到都係逃唔過台食必定越做越差嘅道路。話說尋日喺貴店點左一客招牌牛肉麵，上到枱賣相維持到，湯頭都係水準之內，點知個牛肉出曬事，無曬之前入好有肉味不特止仲要又硬又鞋，如果你果招牌牛肉麵賣嘅唔係牛肉，你改名叫招牌麵牛肉啦。然後就無然後喇。食過咁多年咁多唔同台食，睇黎台食都走唔出 “成名>成本增加>縮皮>負評>結業”呢條路。鉄牛，一路好走 👋👋👋

肉燥小茄子🍆 HKD36；不專業評級：5/10好多肉燥🤤茄子份量亦唔少 不過實在太油同太咸😣 底部浸哂醬汁戈啲全部放棄了.逢甲鹽酥雞🐥 HKD36；不專業評級：5/10皮炸得好脆 唔會油立立🤤 不過入面既雞肉好乾好鞋😫紅燒🔥牛筋麵 HKD62；不專業評級：6.5/10湯底濃郁 有啲藥材味🙆🏻‍♀️ 並非得個樣既味精湯👍🏻 好鍾意佢既麵質 軟硬適中又彈牙😍 好好食💗 牛肉同牛筋都好淋🤤 牛筋唔會淋到一patpat 保持應有既咬口同形態☺️鮮番茄🍅豬軟骨麵 HKD65；不專業評級：7.5/10湯底同樣好濃郁💗 唔會太油 應該仲落左啲茄膏 鍾意番茄湯底麵的朋友們應該會好愛呢個麵😍 酸酸地 好鬼開胃 一啲都唔濟💗 豬軟骨正常發揮 無特別出色.珍珠奶茶 HKD28；不專業評級：4.5/10奶茶無茶味😥 得奶味 珍珠好有咬口 韌韌地 但並唔係煙韌的韌 不過本身對餐廳飲到既珍珠奶茶都無乜期望 所以唔會話失望😂.推薦位：🌕🌕🌕🌕🌕🌕🌗（滿分十分）

Lunch Time偶爾都鐘意去鐵牛食台灣菜，同事例牌點招牌紅燒牛肉麵。而我每次都會點鹽酥雞滷肉便當或香酥排骨便當。招牌紅燒牛肉麵 ＄59湯底夠濃郁，牛肉夠入味夠軟腍，加上蔥花更提味，麵條軟硬適中，口感唔錯。鹽酥雞滷肉便當 ＄59可惜鹽酥雞唔夠脆，食起黎比較粉，扣分。好彩滷肉飯好惹味又唔會太咸，入面嘅滷肉亦肥瘦比例適中。飲品+$6揀左珍珠奶茶，同唔洗加錢嘅檸檬紅茶2個Lunch set加埋$121。當然冇喺台灣食台灣菜咁平，但香港黎講，已經係抵食，而質素亦都不錯嘅選擇。

黎到尖沙咀想食台灣菜，係openrice搵平價野食，搵到呢間，奪得最優秀東南亞美食的稱號。Openrice話P1出口，但其實係P2近d。夜晚8點頭去到，可以直入。剔完野食，要去收銀處付錢落單。食物好快到，叫左:1. 細碗魯肉飯: 味道ok, 但肥肉多2. 鹽酥小食拼盤：包括雞、脆薯和花枝丸，脆薯上有類似話梅粉的東西，中和了油膩感3. 招牌紅燒牛肉麵：加$3轉了新竹米粉，我覺得幾索味唔錯，但友人就唔多中意口感4. 肉燥青菜: 青菜無味，全靠肉燥，而呢款肉燥帶少少甜味，幾好5. 珍珠奶茶: 叫左少甜少冰，味道正常

鐵牛向來都是我喜歡的食店，也會推薦給朋友食，因爲它的牛肉麵雖不是最好但也不錯，而且幾間分店的位置都就腳，忽然想食牛肉麵來這裡是不錯的選擇。今次就同幾位朋友一起在這裡食午餐，午餐選擇其實都多，除了牛肉麵還有便當餐，便當餐我就沒有點過，反而有一次我試了午餐中最貴的麻辣豬軟骨拌麵，覺得頗油，所以之後的每一次我還是點回最穩陣又好食的紅燒牛肉麵。牛肉麵份量不少，肉是半筋半肉，足足有三大件。雖然體積不小，但放入口還是一咬就散開，證明牛肉燉煮時間非常足夠。半筋半肉的部位是最好食的，兩者各有不同口感但又很好的配合在一起，三件食罷都不夠喉。麵的部分是較幼，帶少少韌度，配上一看上去就是熬了很久的紅燒湯底真不錯👍🏻餐廳還放了很多蔥花，正！跟餐配飲品的，奶茶、檸水和檸茶不用加錢，其他都是要加錢的，這就沒什麼特別了在尖沙咀食午餐其實都差不多價錢，不過這裡不好的地方是一到午飯時間就很多人等位，想坐久些都不好意思最後提提大家，這裡寫完紙仔後，是需要自己先去收銀處付款的～

鐵牛嘅小吃下午茶餐都幾抵食 勝在一個餐可以叫好多款式嘅野食 所以特登嚟尖東都要食返佢🍴一至五嘅兩點半就開始下午茶時段㗎啦呢間餐廳叫鐵牛台灣牛肉麵 但係下午茶餐就冇牛肉麵 有少少失望 咁我今次就嗌咗家鄉滷肉飯 配逢甲鹽酥雞 甘梅脆薯 同滷味爽耳 而我朋友就叫咗麻醬乾麵 配甘梅脆薯 木魚炸豆腐 同滷蛋半粒😗 食物份量唔算太多 而味道係好地道既台灣食品 以滷肉飯為例 佢嘅滷肉整得好入味 好快就清晒碗飯😻 木魚炸豆腐又係好正 豆腐炸到外脆內軟 層粉又唔會太厚 加埋木魚絲都係好好食 另外特別推介甘梅脆薯⭐️ 炸蕃薯再加埋調味粉 味道好新鮮 👍🏻 成個餐連飲品都係$36咋 尖沙咀地區嚟講唔算貴😛 我就幾鍾意佢個下午茶餐可以有三款小食揀咁多 樣樣都可以試少少 大家有機會記住嚟試喇

突然想食牛肉麵，💛剛好看到「鐵牛」的招牌，👀自自然然走了進去。😀下午5點30分，「鐵牛」內只有10多個人，坐得好鬆動。😁因為是星期天，沒有下午茶。散叫的價錢尚算合理，平均~$60-70一碗麵~這是我叫的 麻辣牛孖筋麵~($68)😚有辣味的比原味貴6元， 抵不抵就見仁見智。反正我食麵就一定要辣的😎有不同的辣度選擇，如果不清楚自己食得多辣，建議可跟我一樣選「少辣」，不夠辣就加辣醬。這裏的辣醬可是不錯的~夠辣又夠香! ✌牛筋好食， 不韌又夠多，我還試了朋友的牛肉，不老、切成條狀易咬開，都很好食~☺☺麵質就正正常常，每口麵加少少湯，麻辣又惹味👅❤我還叫了「 肉醬茄子」($36)。茄子吸收了肉汁，咬下去很實在~只是覺得和朋友分享，比自己獨食好，因為有一點點油膩～(但吸油就是茄子的特性啦) 🤣😉飽足的一餐。

自從去完台灣之後就一直好想食鐵牛，因為台灣味實在太吸引，見佢午餐時間有套餐就去食下。入到去搵位坐低之後就自己寫餐紙，然後出去排隊俾錢，之後就會有人送啲嘢食上枱。我叫左個滷肉香酥排骨便當，一上枱就見到大大塊排骨肉扒。碗飯上面有啲滷肉喺度，份量唔算話多，不過撈埋飯食都夠味。配菜有三種我最鍾意食嘅就係滷水蛋。塊排骨肉扒都炸到金黃同幾脆，不過炸粉就厚左啲，肉質還可以。跟餐仲有杯熱飲，亦都可以加幾蚊飲台式特飲。

鐵牛可謂高質素的台式餐廳！！今次叫左招版紅燒牛肉麵，一黎到，大大碗、熱辣辣，湯底濃郁，食落肚食得出有台灣的風味🤤牛肉大大塊，咬落唔硬。當然唔少得叫埋杯台式飲品，叫左杯香芋珍珠，甜度適中，珍珠有咬口！很不錯🤓

Weekend dinner 附近行完街突然想食台灣野，OpenRice 下有咩好選擇就搵到呢間，第一次食幾好食，係台灣料理愛好者一個好好嘅選擇！！嗌左招牌牛肉麵轉新竹米粉，牛肉好林，米粉好爽，湯底好濃好味。再叫左個炸豬扒撈面，都唔錯。小食叫左台灣腸炸雞塊，幾香幾有台灣味。飲品當然要配台式飲品啦，揀左少甜都幾好飲，perfect!!!!!地點方便係正尖東噴水池附近，味道又幾好，當然會再encore !!!