鐵板燒雪舟

营业中

休息中

難得星期一放假，所以同老公去銅鑼灣食個高級午餐。餐廳係銅鑼灣利園附近，同一座大廈有數間高級食肆。下次會試一試其他餐廳。我地點左雪舟鐵板燒午餐，食物全部都好新鮮。前菜：南瓜🎃沙律🥗、日式茄子🍆茶碗蒸：非常香滑。只見廚師把冰放上鐵板，然後加蓋。不用10分鐘便蒸好滑溜溜嘅茶碗蒸。煎帶子：帶子非常大隻，煎嘅時候非常乾身，完全沒有出水。廚師話最緊要解凍夠，吸哂d水，火🔥夠大先煎到彈牙唔出水的帶子。帶子大隻之餘仲好有鮮味，外層彈牙爽口，入面剛半生熟，能保持鮮味而不會韌。煎蝦：從來無諗過蝦頭都可以食，蝦頭脆卜卜，蝦肉彈牙可口，拌上廚師即煮的牛油汁。蝦肉的鮮味配上牛油的濃香，口感一流。煎美國🇺🇸高級牛柳：牛柳絕對是重頭戲。雖然份量唔大，但好味o既食物不需太多，太多則膩，而且唔夠矜貴。廚師先煎香兩邊，然後再切開略煎。加埋鹽和醬汁，非常juicy，而且好淋又有牛肉味。米餅蒜蓉炒飯：蝦餅食得多，用飯煎塊米餅真係第一次食。廚師先把飯加上蒜蓉芝麻等調味，然後壓爛壓平，加熱煎成米餅🍘，香脆得黎有點咸香。蒜蓉炒飯粒粒分明，亦都好夠味。不過下次都係點返白飯。因為其他食物好好味，所以唔想被炒飯奪走味道。炒野菜：椰菜蘆筍

今日朋友生日，在Openrice看到銅鑼灣開平道有一間鐵板燒評語不差，打算跟生日的朋友星期六吃過午餐，小小預祝生日，我們就訂了中午12點鐘，幸好還有位。餐廳位於開平道Cubus 8樓，位置極佳，不太難找到，我們上到去已有三位侍應接待，服務認真不錯，安排坐在鐵板燒大長檯，店內已充足鐵板燒香氣撲鼻的味道。我們點了$318午餐，有前菜沙律、茶蒸碗、帶子、大蝦、炒野菜、蒜蓉炒白飯、漬物、自家製甜品、餐飲、自選菜式點了美國高級牛柳和銀鱈魚。先上沙律🥗 - 沙律菜新鮮、醬汁較外面的出眾。茶蒸碗 - 侍應將冰塊放進鐵板內再用窩蓋蒸，即場蒸，時間調較得剛剛好，蛋非常嫩滑，蛋味極香。帶子、大蝦 - 帶子鮮甜、大蝦廚師細心地把蝦身放平煎香，賣相原錯，非常香口。蒜蓉炒白飯 - 店外註明是使用日本產米、廚師把配料和日本米飯混起煎，將米飯壓成薄薄的脆片，口感一流。美國高級牛柳 - 牛柳選了5成熟，肉質極幼嫩同多汁，脂肪少，肉汁豐富。銀鱈魚 - 充滿油脂，沾上海鹽帶出魚鮮味，一流。總評：高級高質服務一流日式鐵板燒！

閨密和老友最近頻頻約食飯，大家很久沒有吃鉄板燒，我就揀了這間，因為環境好，食材新鮮，之前也吃過，覺得不錯，又再光顧。上次吃的是600多元的午餐，今次改吃經些，選擇了澳洲牛胸腹前菜有兩款，南瓜沙律，南瓜是加了香草所以味道濃郁，軟糯。另一款茄子，茄子煮得入味，為—可惜是灑在上面天かす有點油益味。刺身兩款：三文魚肥美。鯛魚味淡鮮甜。茶碗蒸: 放了日本的なめこ滑潺潺的外層，有点像杭州出名的蒓菜。炒野菜: 味道不錯，份量好似細了點😄。澳洲牛胸腹: 五成熟剛剛好，入口嫩滑多汁😋。蒜蓉炒飯: 加入高菜炒的飯，惹味很多，還有將飯壓成薄片，煎至薄脆的飯焦， 脆脆的口感好味道👍。甜品奶凍: 奶滑香甜加上一杯香氣濃郁的咖啡，真是完美的—餐。

老友鬼鬼，一齊嘆世界。難得有志同道合的朋友一樣喜歡食，孖公仔去搵食。鐵板燒午餐比晚餐基乎平一半，當然份量少咗，但足夠。前菜沙律是南瓜，相信是日本品種，味道濃郁，清甜可口。另一款茄子，爽口醒胃。茶蒸碗每次都另我滿足，又香又滑，火喉控制得宜。帶子煎得外表金黃，內𥚃軟熟無比。廚師在煎大蝦時候，陣陣蝦香樸鼻。蝦肉爽脆彈牙，連蝦頭位置都好似薯片咁香脆，惹味可口。牛柳五成熟度恰到好處，中間位置有少少粉紅，肉質軟腍多汁，牛味濃厚，超正！炒飯混入醃菜，不需任何調味已足夠。廚師專登做了一塊飯焦，不只裝飾咁簡單，又香口又好味。甜品奶凍布甸夠滑溜，但過甜了。最後甘香的咖啡也一絲不苟，質量非常好。

今日同朋友去左銅鑼灣食飯，「鐵板燒雪舟」主打日式鐵板料理，餐廳環境舒適空間感極高，吧枱式設計可以望到師傅的熟練手藝，表演一般的午餐體驗。枱面放上招財貓的筷子擺設，好可愛啊！蝴蝶粉沙律和南瓜煮蘑菇。蝴蝶粉香嫩清新，醬汁酸甜非常開胃，南瓜先炸後煮，南瓜清甜清香，非常可口。鐵板式煮蛋，雞蛋非常香滑滑溜，雞蛋蛋味濃郁，醬汁咸香得宜。大蝦和帶子，師傅刀功熟練，大蝦煎得香口滋味，蝦肉彈牙鮮甜，鮮嫩帶子厚切鮮甜，新鮮回味。美國牛柳，牛肉香嫩，煎得粉嫩，牛肉煎得軟腍。蒜蓉炒飯更是驚喜之作，米飯蒸成薄片，配上酸菜炒香。甜品是自家製的焦糖凍卷，配上熱咖啡。

今日朋友話同我去食鐵板燒，已經好耐冇食過鐵板燒喇！諗返起上一次食鐵板燒，已經喺大阪神戶食和牛，都好耐冇去日本啦，所以都好懷念食鐵板牛，今日黎依到食就岩啦。一個300蚊嘅套餐，乜有都曬，真係掋食到暈呀，沙律，前菜，主菜，燒肉燒海鮮，炒飯，仲有甜品，好豐富呀。前菜係好正宗嘅日本料理，有甜甜地鹹鹹地既南瓜沙律同炸得香脆既魷魚。首先食既係燒海鮮，有燒帶子同燒大蝦。嘩帶子超大粒啊！燒至兩面都有啲焦黃色，有好香嘅味道，又脆又軟，好好食。大蝦就好有蝦香，而且非常彈牙。然後再到燒牛肉，兩個都係美國牛肉，第一個燒牛柳粒，第二個就係薄燒西山。牛柳厚身，好都軟身，不過就有少少靱，而薄燒加左蔥就更正。甜品係焦糖芝士蛋糕，帶左啲冰感，我放左陣已經溶溶地，大家即刻食好啲啦！

位於銅鑼灣的鐵板燒雪舟，是一間主打日式鐵板燒的高級餐廳。餐廳是開放式廚房，廚師在客人面前製作料理，客人可邊欣賞製作過程邊吃美食，絶對是一個很好的用餐體驗哦。不論環境還是氣氛，勻有令人回到日本神戶旅遊的感覺呢。雪舟鐵板燒午餐$318/人套餐包括: 沙律，茶碗蒸，燒海鮮，燒牛肉/豚肉/地雞/鱈魚，炒嘢菜，蒜蓉炒飯，味噌湯，甜品和飲品，非常豐富唷。南瓜沙律甜中帶酸，味道特別。炸菇賣相和味道猶如炸魚，令人很驚喜呢。茶碗蒸雞蛋超級滑溜溜，順滑入囗，加入菇粒增加囗感，和黑胡椒醬汁調味，跟一般的茶碗蒸完全不同呢。燒肉方面，選擇燒美國高級牛柳和美國西冷薄燒。廚師手法利落，迅速把牛肉燒好了。高級牛柳切成肉粒，肉質軟腍，可惜有點靱。西冷薄燒則更為美味，肉質更幼軟，夾上香蔥配料，味道更有層次蒜蓉炒飯，賣相非常特別唷。插上薄薄的飯焦片，香脆可囗，炒飯除了使用蒜蓉，更加入高菜翻炒，鹹味適中，也不錯啦。最後更有焦糖芝士蛋糕作結。

平時如果夜晚食鐵板燒都有機會差唔多食成一千蚊一個人，啲如果想抵食啲嘅話 ，倒不如下晝去間高級嘅鐵板燒餐廳 ，每人平均三百幾蚊，就可以食到好多道菜 ，又有蝦又有帶子， 仲有主食，而且佢仲有飯同甜品 ，包你夠飽，有埋麵豉湯真係暖笠笠。個帶子係用牛油煎香， 半生熟咁 ，好香口，而且好有口感 ，個賣相仲好好添。 隻蝦殼煎到好脆 ，裏面嘅蝦肉，肉質彈牙爽口，而且都算大隻，所以要畀一個大讚！我哋叫咗一個牛同埋一個銀鱈魚， 佢係美國高級牛柳， 我哋叫咗六成熟，佢配埋隔籬d鹽可以一齊嚟食，可以吊起牛嘅肉味。炒飯真係好特別 ，炒到一粒粒好香口，佢仲有啲飯係專係用嚟整成飯焦，擺喺側邊，一啖飯加一啖飯焦，真係好美味。佢嘅口感係飯焦嘅脆口，但係一啲燒集都冇，又健康又好食。呢個甜品好重焦糖味 ，食完有好清新好滿足嘅感覺。

整體可以，價錢可以，唔係太貴，野食品質都可以，南非活鮑魚新鮮好食。牛呢，係鹿兒島牛，麻麻地，始終牛味唔濃，唔夠香師傅細心既，每道菜都有介紹當日有人搞生日party 就嘈左d

講真今次食鐵板燒食咗三百幾蚊一個人真係, 算抵食。前菜方面，沙律我已經好欣賞。佢個蒸蛋可以話係整到出神入化， 覺得好清甜，上面嗰啲蘑菇都好好味，個蛋又好滑。個帶子同埋蝦都煎得好好，見到佢用咗牛油黎煎，真係令到個帶子好香口 ，而且隻蝦都好大隻添。我哋叫咗一個牛同埋一個銀鱈魚，我最鍾意嘅就係食銀雪魚，佢煎到好滑，可以話係入口即溶。個飯同埋個湯方面，兩個一齊食都幾好味。個飯炒得好乾身，我最鍾意食飯焦，佢竟然有啲一啲都唔燶嘅飯焦畀我哋食，而且口感真係好鍾意，而且呢個飯食完又好飽肚。個湯又可以同個炒飯做一個對比 濕下口，幾好味。

今日去了銅鑼灣「鐵板燒雪舟」食個午餐。剛剛從日本回港，對日式美食非常掛念。週末假期放假，特意去了一間高質素既日式餐廳食個鐵板料理午餐。環境非常別緻。裝修簡單中帶點華麗，景觀開揚。陽光透入餐廳非常舒適。座位間空間感足夠。餐具上有一隻可愛的招財貓。蝴蝶粉沙律配燴南瓜。清新的沙律菜加上酸酸甜甜的醬汁，蝴蝶粉非常彈牙，開胃沙律令人胃口大開。南瓜先炸後燴，清甜爽嫩，令人回味和期待主菜。用鐵板煮熟的蒸蛋別有一番風味。雞蛋非常滑溜啊！大蝦和帶子。驚人的廚藝把大蝦煎得香口，蝦頭煎得香脆可口，蝦肉非常彈牙。清甜的蝦肉令人驚喜。帶子半熟中間爽嫩，清甜帶子肉厚身滿足。美國西冷薄燒。中間夾上豐富的蔬菜，燒得香嫩可口，中間蔬菜有豐富的水分，滿口滋味。蒜蓉炒飯最為吸引！師傅用米飯煎成薄片，加上芝麻粒，香口咸香！最後更有自家製的焦糖凍卷。

今日有朋友介紹去銅鑼灣食高質日式鐵板燒午餐，果然冇介紹錯，份量十足，室內環境優美充滿著日式風格我地二人，每人點左個午餐，首先來了前菜：茶碗蒸，即係蒸蛋，蛋好滑溜 青瓜雞肉，青瓜清新爽口 栗米洋蔥天婦羅，天婦羅炸至適中，香脆可口，配栗米洋蔥更增添口感刺身：吞拿魚、鯛魚，大大塊夠新鮮到主菜我地點了高級日本產黑毛和牛肋排，日本黑豚扒最高級日本產黑毛和牛肋排油脂分佈平均，師傅燒至啱啱好三成熟，能有效控制鎖住肉汁👍🏻日本黑豚扒適當煎一煎底面兩面，香口十足，配柚子醬食仲有炒雜菜、味噌湯、日式炒飯最後就係甜品：焦糖凍餅，食落唔會過甜，焦糖味十足😋仲有特色柚子梳打酒，柚子味清香

年關難過年年過，想慶祝一番又不想大破慳囊，午市光顧高檔日式鐵板燒絕對是好選擇。這裏環境清靜，座位間寬敞舒適，餐具精緻，令人神往。點了雪舟鐵板燒午餐，南瓜沙律且用醋汁醃過，酸甜清新。前菜蘿蔔豆皮絲以日式醬油處理。師傅在鐵板上處理茶碗蒸的芡汁，特別加入紅棗，清甜熱騰騰的芡汁倒入香滑的蒸蛋，十分出色。大蝦肉表面微脆，肉身保持彈牙，殼和腳燒得香脆可吃。帶子同樣表面香脆，中間沒有全熟，師傅一顯功架。牛柳肉味濃郁，表面微焦中間保持鮮嫩，同樣出色。炒飯加入高菜，鹹香十分下飯，特製飯焦增添香脆口感。甜品焦糖芝士蛋糕不太甜又不膩，完美作結。

今日試咗鐵板燒雪舟嘅呢個lunch set有前菜，茶碗蒸，蝦加扇貝，main course有幾款野揀，我哋就揀咗牛柳同埋銀雪魚，另外仲有炒飯同埋面試湯，仲有甜品添🤗Generally d嘢食都係OK的，唯獨是係個炒飯做得比較差，啲飯好濕，黐埋一舊舊，口感唔好🙊不過整體嚟講，以呢個價錢食呢個lunch set，都收貨啦😌

心思思想食鐵板燒，同事介紹了銅鑼灣利園附近的鐵板燒雪舟。環境的確不錯，點了雪舟鐵板燒午餐，主菜則選了銀鱈魚。沙律 • 小鉢 - 南瓜沙律，拌了少許黑椒，甜中帶點鹹。茶碗蒸 - 蒸蛋非常滑，充滿蛋香。配以菇菌，洋蔥，紅蘿蔔及紅棗煮成的芡汁，微甜的襯蒸蛋。帶子 • 大蝦 - 大廚即席表演在鐵板上拆蝦，手勢純熟，看得目不暇給。大蝦十分彈牙，蝦味濃郁，連蝦足也煎得香脆可口。帶子煎至約八九成熟，內裏鮮嫩。銀鱈魚 • 炒野菜 - 魚肉幼細嫩滑，佐以甜豉油煮，使魚肉更鮮甜。味噌湯 • 漬物 - 湯加入了不少白蘿蔔和豆腐乾，較清甜。蒜蓉炒飯 - 加入了高菜和雪菜一併炒，還有煎到薄脆的飯焦，材料簡單卻口感味道豐富。甜品是焦糖雪葩，驟眼看像是燒豬肉，味道很不錯。這頓海鮮鐵板燒食材新鮮，只是3百多元，抵食。