鏞鏞．藝嚐館

营业中

休息中

喺尖沙咀 K11 Musea 附近返工，成日都煩惱食晏食乜好。聽同事講鏞鏞藝嚐館個午市套餐好似幾掂，今日就約埋一齊去試下！餐廳環境幾舒服，坐得闊落，唔似有啲地方咁逼。我哋都係叫咗個「行政午市套餐」。個set真係幾豐富，有齊前菜（皮蛋酸薑、叉燒、油雞）、兩件「精選點心」、一個湯（我揀咗「蟹肉蛋清粟米羹」，幾足料又夠熱）、主菜我揀「XO醬蝦球帶子」，蝦球爽口，帶子都幾鮮甜，XO醬夠惹味、仲有生炒臘味糯米飯同埋甜品、嘢飲。個糯米飯炒得幾香，有臘味嘅油香，唔錯。成個套餐咁多嘢食，味道又唔錯，喺 K11 Musea 呢個地段嚟講，我覺得CP值算幾高，絕對係一個唔錯嘅午餐選擇，下次可以encore

朋友之前介紹過呢間Yung’s Bistro，話係主打精緻點心同埋粵菜，今日終於約齊腳嚟試試。我哋點咗個 雞樅野菌炒鮑魚，一上枱已經聞到好香嘅菌味，估唔到雞樅菌同鮮鮑魚嘅配搭咁有火花！鮑魚片爽口彈牙，雞樅菌鮮甜，成個味道好有層次，真係色香味俱全。另外叫咗碟 乾炒牛河都好有鑊氣。牛河炒得夠乾身，唔會油淋淋，牛肉份量足，食落有啲焦香，河粉都索到味，算係有水準之作。整體嚟講，呢度環境幾舒服，唔似傳統酒樓咁迫。雖然價錢唔算平，但係啲菜式睇得出係用心製作，無論賣相定味道都有板有眼。如果想試下啲精緻啲嘅新派粵菜，呢間絕對可以一戰。

同同事叫左個行政lunch set，前菜個皮蛋同叉燒都唔錯，主菜揀海斑球，夠新鮮又唔會太咸。飯後白兔糖甜品有驚喜。環境企理，唔會好嘈，啱同同事傾計。食完坐一陣都唔會催你走。下次黎試下佢個星期限定menu。

同同事叫左個行政lunch set，前菜個皮蛋同叉燒都唔錯，主菜揀海斑球，夠新鮮又唔會太咸。飯後白兔糖甜品有驚喜。環境企理，唔會好嘈，啱同同事傾計。食完坐一陣都唔會催你走。下次黎試下佢個星期限定menu。

看完演唱會第二天，當然要在香港好好逛街shopping啦！尖沙咀的K11 Musea品牌好多，款式也比內地潮很多。逛累了就來到這家朋友推薦的Yung’s Bistro粵菜餐廳。總體來說還不錯，感覺是把傳統粵菜做得挺有新意的。環境很好，裝修得挺舒服，聽說外面的陽台還能看到一點維多利亞港的景色（我們沒坐外面）。他們上菜速度蠻快的，服務也確實很周到。個人比較推薦他們家的 「嘆」燒原隻鵝髀，皮脆肉嫩，很有特色。還有 精選是日燉湯 也很不錯，味道很濃郁。對了，一定要試試那個 鏞鏞雪茄（就是那個手卷），造型特別，味道也很有驚喜！

平時好少嚟K11 MUSEA，但朋友推介話鏞鏞藝嚐館值得一試，於是book咗位試下，點知真係有驚喜。餐廳裝修帶點現代感，但menu同味道完全係正宗粵菜，畀到我一種熟悉又新鮮嘅感覺。一坐低就即刻點咗炭燒燒鵝，真心係我近排食過最正，肉汁鎖得好好，油香濃郁，點啲酸梅醬食，直情人間美味。仲叫咗瑤柱櫻花蝦炒飯，炒飯好香，瑤柱同櫻花蝦嘅鮮味好出，飯粒乾身又夠味，食到停唔到口！其他菜式試咗花膠瑤柱扒西蘭花，花膠軟糯，醬汁濃郁，西蘭花爽脆，係一道好有質感嘅菜；甜品點咗紅豆湯配芝麻湯圓，紅豆湯甜度啱好，湯圓煙韌，仲有陣陳皮香。環境方面，坐近窗位望住維港真是一個bonus，夜晚應該仲靚，不過假日都幾旺場，建議要book定位，唔係可能要等。

同班朋友相約去K11 MUSEA搵食，決定試下Yung's Bistro，果然冇失望！一入餐廳，環境好有格調，落地玻璃望住維港，夠晒chill，但又唔失傳統粵菜嘅親切感，啱晒我哋呢啲鍾意有新鮮感嘅人。重點當然係佢哋嘅炭燒燒鵝，肉質嫩滑，油香四溢，點少少酸梅醬，入口勁好味，一碟四人share都嫌唔夠，差啲想再叫半隻！另外點咗揚州炒飯同清炒時蔬，炒飯粒粒分明，火候啱啱好，蛋香同火腿粒好match；時蔬簡單但夠鑊氣，平衡晒啲濃味菜。甜品揀咗大白兔糖奶凍，奶香濃郁，仲有陣陣白兔糖嘅回憶味，食完真係好滿足！下次要試埋佢哋嘅點心，見到隔離枱食好似幾正。

踏入K11 MUSEA的玻璃穹頂下，循著香氣找到這間隱於藝術空間中的寶藏餐廳——鏞鏞。新派粵菜的精緻與現代美學在此交融，每一道菜品都像藝術品般令人驚歎！招牌燒鵝外酥裏嫩，香氣縈繞舌尖，搭配秘制醬汁，傳統與革新碰撞出驚喜。水晶吊燈灑落暖光，綠植與藝術裝置環繞，用餐時仿佛置身都市桃源。服務員態度親切專業，細節處處顯心思。無論是情侶約會還是家庭聚餐，這裏都能讓味蕾與心靈雙重滿足。強烈推薦給追求品質的你！

我們是去飲茶的。 這間菜館所有的食物價錢不菲拍得住麗晶的中菜館但講真食物的質素一般沒有什麼特別。 燒鵝例牌要大約$300但完全食得出是隔夜的因為皮不脆肉也韌。 鮑魚鍋飯極之肥味道唔識講總之唔好食。 茶的質素沒有特別和坊間一般酒樓一樣但收$38一位。 唔係有心彈呢間菜館，但收咁嘅價錢提供這樣的食物質素和服務我就覺得不值啦。

朋友生日，带我嚟K11 Musea呢间超有格调嘅中餐，环境非常安逸，第一次係餐廳呢個角度望住維多利亞港，而且食物出品都幾有水準。第一次試呢味皮蛋配酸姜，真係估唔到原來皮蛋同埋酸姜係可以咁夾，燒鵝皮脆肉嫩，肉汁豐富，油香四溢，醬汁特備，不虧為佢哋嘅招牌菜。大白兔奶凍完完全全就係童年時嘅味道，淡淡嘅奶香又唔會特別甜，搭配可可脆片，既中和咗甜味又增加口感層次！

店內環境優雅，有無敵海景相伴，可以話係佔盡地理優勢，服務都尚可。嚟到必點招牌燒鵝，又香又嫩，口感非常好，本來覺得燒鵝呢味菜其實每間都差唔多，直到今次體驗咗呢度嘅燒鵝先知到原來可以咁好食

位置係K11嘅7樓，有啲唔係咁易搵到，環境乾淨整潔開敞明亮，服務都唔錯，響應比較及時。菜品方面比較驚喜，比較深刻應該係各樣精美嘅點心，尤其果味雪茄卷，口味總體都唔錯，燒鵝同陳皮牛肉味道都好正，臘腸都唔錯，價位中規中矩

招牌燒鵝依然保持著鏞記一貫的高水準，皮脆肉嫩，汁水豐盈，搭配秘制酸梅醬，令人回味無窮。蜜汁叉燒肥瘦相間，香甜可口，也是不容錯過的經典之選。香煎鵝肝配黑醋汁，鵝肝入口即化，黑醋汁的酸甜恰到好處地中和了鵝肝的油膩感。松露菌菇餃，外皮晶瑩剔透，內餡鮮美多汁，松露的香氣更是畫龍點睛。餐廳的點心也是一大亮點，造型精緻，口味獨特。例如，黑松露蝦餃皇，蝦肉鮮甜彈牙，黑松露的香氣濃郁；香芒楊枝甘露，清涼爽口，是餐後甜點的絕佳選擇。

環境：開係最富麗堂皇的K11，別具一格，一覽無遺的海景，令人陶醉的夜色口味：羹非常好吃的清淡，蛋花從口中絲滑過直接入胃，口味淡到層次豐富，體現了廚師的高級之處，燒鵝好像帶有麻將，第一次吃到這麼特別的服務：10分打個7-8分吧

放完sem break約同學嚟食嘢，呢度環境靚但價錢都偏貴少少。最後發現佢下午茶時段有tea set，兩個人有齊鏞鏞招牌嘅手捲雪茄、蝦餃、叉燒酥，仲有甜品同飲品，幾抵食！叫咗： 🥟 手捲雪茄 (脆卷配鵝肉，好特別！) 🥟 翡翠金冠蝦餃 (蝦餃皮薄餡多) 🥐 芝麻蔥茸叉燒酥 (酥皮夠香脆) 🍮 宇治抹茶鮮奶凍 (抹茶味道幾香)份量兩個女仔食啱啱好！以後可以帶屋企人嚟飲茶～