鍾廚

营业中

休息中

鍾廚喺時代廣場裏面感覺價格定位比較低的一間中餐廳，當日去試吓飲茶，點了五樣點心，分別係春卷，叉燒腸粉，鮮竹卷，蒸蘿蔔糕和紅油抄手。總體來說點心質素屬於中下，腸粉的皮是我一生裏面食過最厚的，感覺就厚过棉胎，非常之唔好食，但如果你是為了充飢的話，這個應該能夠讓你吃飽。紅油抄手感覺就係雲吞浸喺清水入邊，並不是我哋平時食到的那種紅油抄手，如果當食清湯雲吞的話都算OK嘅。另外三樣點心，春卷，鮮竹卷和蒸蘿蔔糕都算正正常常啦，一般水平。最少春卷都唔會淋哂。總體感覺點心質素就係粗粗地，屬於中下，但其實最後睇睇價格亦都唔係屬於中下，其實亦都唔係平，所以我認為CP值其實一點到不高，所以我絕對唔會再返嚟幫襯，下次會試吓商場內其他價格和定位高一啲的餐廳，但最少質素應該比這間要好。唯一可取的就是茶，因為每台都有一個自動煲水機，唔使每次都叫侍應過嚟加水，就係自己撳掣煲完就ok,啲水肯定夠熱,非常方便。題外話，期間侍應兩次走埋嚟游說我哋食嗰個雞套餐，超級麻煩，就算同佢講我哋想飲茶食點心，佢都繼續煩。

環境裝修像去了六七十年代的中式餐廳，有點兒特色。我們叫了古銅麻香雞，皮很脆，配上芝麻的香味，雞肉嫩滑，好好吃。牛肝菌紅燒豆腐不錯，豆腐很滑，配上牛肝菌的香氣，味道很好。另外還叫了花膠魚香茄子，這個菜沒有什麼特別，只是魚香茄子中加了花膠，但味道還是不錯的。

很久沒有光顧了，QR code自助下單，菜式選擇少得可憐🥺好友於內地回來，一心想帶他食美味中菜，失望至極不知是否換了廚師👨‍🍳禪園小炒皇原來是素食，失望菇類較多，味道淡白切清遠雞瘦得可憐，半碟是骨味道一般大澳蝦醬骨，終於有一樣是好味的鬆脆可口，蝦醬味道剛好本想再加餸，但實在選不到，唯有轉地方再食😹

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️見好耐冇飲過茶，又出開銅鑼灣行街，就諗住試下呢間都多人等嘅「鍾廚」。其實出面等位嘅狀況都幾惡劣，而就算入到去服務都好差，睇落唔算少員工，但係就叫極都唔應，終於叫到嘅時候態度又差，食到都幾燥底😫嘢食方面，真係冇話有邊款覺得好食，出面啲點心專門店一定好食過佢。真係要講嘅話，個黑椒金錢肚味道幾好嘅，炆得夠腍。腸粉試咗兩款 - 黑毛豬叉燒腸同埋春風得意腸，兩款嘅腸粉皮都比較厚而唔算滑，餡料都唔多，失望。

同朋友放假又黎到時代「搵食」啦！今次就黎試試呢間「鍾廚」。門口勁多人等，心諗一定好好啦。點知入到去，個環境格局都好似曾相識咁，上網一搵，原來「鍾廚」係稻香集團黎，真係有啲失望！好啦，我地就叫下啲點心食先。叫左鮮蝦餃、燒賣皇、菠蘿菠蘿包、蝦春卷、蒸鳳爪、鮮蝦腸、川汁抄手、潮州粉果、炸銀絲卷同蒸排骨。覺得呢到段粒計蝦餃燒賣都真係幾無奈，對2個人黎食係幾好既，但四個人都要一粒一籠嗎？咁都明白單粒計比一籠計係會貴啲既。咁講番味道先，菠蘿菠蘿包係有驚喜，內有菠蘿粒，好特別。其他點心都係一般酒樓飲茶味道，吾算好好食。人均都要$180位，一啲都吾值。

一到週末，又係出外揾食的時間，上次經過時代廣場12數的鍾厨，見到超多人排隊門口仲寫住水滾茶靚，心諗下次一定要嚟試下，咁多人實唔會差得去邊，今日一早11點零去到，不用排隊直接入去坐低叫野食，每張枱旁邊都有自助加水机同茶壺，佢嘅沖茶架步就好似稻香咁，完全係自助形式，極之方便。要自己用手机掃描落單，揀咗幾樣必食的點心，其中一樣係鹹水角和酥炸鯪魚球，剛剛下完單不用兩分鐘食物就上枱，鯪魚球外表皺皮縮曬水，而且一啲都唔熱，只睇外表完全唔想食，所以叫服務員換過一碟熱的比我哋，而鹹水角雖然係凍嘅，起碼咬落去不會太過油膩，還可以接受，其他點心不過不失唔可以話好出色，同一般酒樓無異，如果以燒賣為例，一籠四粒要成$72,以這個價錢去食一般酒樓嘅水準，就不是很值得。

今日約左屋企人去銅鑼灣諗住去飲茶，但公眾假期時代廣場間間酒樓都人山人海，本身想去金滿庭點知已full晒 最尾係得呢間鐘廚有位，咁我地就轉陣去呢間，因為都未試過，就去試試，點知就係一個慘烈既經驗 一坐低，有個呀姐話轉頭幫你整個茶壺（因為佢個茶壺幾advance 我都搞左陣先識operate) 咁ok la ，咁我地等，等等等，十分鐘，廿分鐘，說好會返黎既阿姐已來無影去無蹤。 好，咁我地好快又落左單，因為佢地話有時限，而佢地啲野食又真係好快黎到～我地個春卷黎到，諗住叫阿姐比把較剪我地分野食，佢明明望住你，但佢直行直過，完全當你透明 ^_^ ok fine ~~~我地自己用筷子扯開佢 又，一位上菜阿姐又端上枱，係一舊用錫紙包住既野，我地問，呢個咩黎，佢話：「我唔知」 (我地拆開左先知，原來係珍珠雞^_^最尾，有個阿姐喺我地就黎夠鐘交枱既時候，佢 竟 然 主 動 上 前，仲 開口 同 我 地 講 野 （我到呢刻先知，原來呢間酒樓啲傳菜侍應，原來佢地係睇到啲客同識講野架^_^) 講返佢開口講咩先，佢話：「你地啲野黎晒，時間都..」 意即：你地都夠鐘，你地仲做咩f__king occupy ou

一心嚟到食通天用咗啲coupon去，盲舂舂就咁入咗呢一間，貪佢唔使等位，安排咗包房裏面一張大枱四個人面對角落頭牆邊，房裏面已經有三台共六人，疫情下感覺有啲侷促，見到外面大廳都有幾張空枱，不過問過服務員又比左一啲藉口，唔係好想幫我哋換枱，食完走嘅時候出嚟見到嗰啲枱都係空嘅⋯⋯ 最後感到無奈，都係留喺房裏面壁。點菜係用app，點心款式唔係太多，特色小食小菜都好少，所以求其點左幾款例牌點心，再加個乾炒牛河就算。蝦餃燒賣叉燒包一籠一隻，有啲費時失事，除咗蝦餃係大隻少少之外，根本就冇乜特色，擺埋一籠就算囉⋯⋯春風得意腸賣相一般，溝出嚟嘅顏色怪怪地，春卷係幾脆嘅，味道就冇乜特別。金錢肚同埋鳳爪，唔知點解可以蒸到個碟底係乾爭爭，雖然味道OK，但係始終冇咗剛剛蒸好新鮮出爐嗰種感覺⋯⋯乾炒牛河冇乜豉油味，仲好油，得個咸字。成餐飯飲咗好多茶，成個下晝都好口渴。好奇怪，喺門口攞位嘅時候，就即刻要決定飲咩茶，跟住就俾咗一包仔普里茶葉我，到坐低嘅時候再比服務員開茶，感覺奇怪，有啲似入隔離營或監倉前嘅物資分配⋯⋯ 用嘅係一個細紫砂茶壺，茶葉沖左幾次就變得好淡囉。服務都算係咁，上菜收碟都好有效率，又自動自覺chec

星期日喺時代廣場行街，午餐一於喺度解決。呢次試吓12樓嘅「鍾廚」。十二點多，大概要等四至五張枱。========================【黑椒金錢肚】$40醬味濃郁帶少少辣，幾惹味；金錢肚彈牙，一份五至六塊，份量ok! 【陳皮鯪魚球】$37鯪魚球幾彈牙，陳皮味唔係好突出；墊底嘅娃娃菜吸收湯汁，對我來講娃娃菜先係重點！【雞蛋豬腳薑】$44賣相不錯，每份有兩隻雞蛋、五六件豬腳，味道酸甜平衡，豬腳軟腍入味，雞蛋只係表面有薑醋味，炆耐啲會入味啲。【鮮拆鮮蝦餃 】$12每籠一隻，賣相晶凝，摺褶整齊清晰；皮薄亦不至於一夾即穿。入面有原隻蝦肉，幾爽口。【乾炒牛河 】$128河粉碎開難夾，牛肉偏鹹嚡口。【脆皮腐皮卷 】$40餡料有鮮蝦，外層脆身，味道不錯；可能炸好冇吸油嘅關係整體偏油，蘸喼汁解油膩。【香麻叉燒酥 】$37口感頗香口鬆化，不過叉燒酥底都幾油，叉燒餡料份量如果多一啲會更吸引。【韭菜鮮蝦腸 】$39腸粉滑，鮮蝦餡料偏碎，差咁啲口感。整體而言，地點就腳，一行三人埋單四百幾蚊，價錢幾抵！========================鍾廚📍銅鑼灣勿地臣街1號時代廣場12樓1201號舖

致電來訂了12人的，員工說會安排四人一圍3張枱。留了性有姓名也留了電話。去到當天，員工竟然說我沒有定枱，也沒有打電話來。我展示了我的電話記錄，他們呆了，只是互相說他有打過來，但我們沒有記錄。一句沒有，就打發了我們。這是我們重要的日子！作為一個顧客，我如何有信心把重要的時刻交給你們再來光顧😡😡😡😡 我們人多才致電訂枱，這次真的令我們很麻煩，十分失望，服務態度十分差。我只能說以後都不敢再打電話來訂枱,Covid 絕對不是一個藉口

行街行到唔知時間來到搵食，下午茶時間入座後，隨即被吹速下單原來他們要落場食到最後一枱走，清場😂飲茶🫖點心正常野另有一人餐 $128 算吸引有湯有甜品我們入坐，坐了位卡位卡位闊落，舒服！每枱也有一個可加水的水煲水滾茶靚好周到。幾好玩！就是被這酸菜魚吸引了入座事實是酸菜魚和水煮魚的混合版本或者紅油版本酸菜魚我唔食得辣，食左幾舊就覺辣了魚肉好多魚骨部分是炸了一同放進的幾特別，不浪費除了酸菜之外，魚沒有酸菜味的當一窩辣魚咁食，係好食！份量十足！竹笙紅燒豆腐豆腐不油，溫度好足夠一路食，一直出煙，不得了！竹笙幾件，菇好滑😚⭕️全店職員戴上口罩 ⭕️進店前量度體溫 ⭕️提供酒精搓手液 ⭕️座位間有距離感，有透明膠板相隔

真的是非常生氣，當天差不多3:00到達，被安排坐卡位，先來了一款點心，已經有一隻曱甴在牆上爬過，本着不希望生事的心態，覺得餐廳總會有曱甴，也盡量包容，不想鬧事，自己用紙巾包下，然後吃着吃着，又有另一隻曱甴爬過，再無法忍受，便跟店員說，只是說現在沒辦法捉，這曱甴一直爬來爬去，沒人理會，也沒有安排我們到別的地方坐，之後我在他們網站寫投訴信，也沒有人回覆，衛生情況太差，短短半小時已經有兩隻曱甴在我面前爬行。

星期六10am左右到 啱啱開門冇耐，入面已經好多人我哋兩個人嗌左七款點心早茶仲有discount 埋單都係二百幾蚊 都幾抵！講吓食咗啲咩先首先係脆皮腐皮卷-蝦肉滿滿，但味道淡咗少少XO醬蘿蔔糕-呢個差唔多其他枱的人都有叫 非常好味 推薦呢個必叫蝦餃燒賣- 一粒起計鮮竹卷- 個人覺得好好味 入面嘅蝦肉好豐富珍珠雞- 味道普通最後就係用鍋上的的生煎包- 熱辣辣！味道正常整體來說，食物的確唔錯以較新式嘅飲茶來講各方面都唔錯！

今日3點打去想叫兩隻乳鴿4:45攞 問有無落場時間，接電話小姐話無 但要黎比錢先 咁ok無問題啦落去比錢先，已經講明4:45先攞。到我4:45攞時成盒野係凍既，我話講明4:45攞喎 我唔要求係熱既 但連暖都唔講得上喎，個位小姐話一係我叫廚房幫你叮返熱囉，個態度重係串架喎，我唔知 又唔係我整既 我而家幫你叮返熱喎重想點咁款 😳😡 咁都得架喎，係就醒啲 唔好係我面前話叮返熱比我啦！話整返熱都好呀！真心無下次，唔會再幫襯! 🤬🤬

一行七人分了兩枱都這裡晚飯。老虎斑+貴妃雞 $398，條魚吾太大，幸好蒸得啱啱好，貴妃雞半隻就啖啖肉。波士頓龍蝦伊面 + 义燒 $368，伊面比較淋，义燒個汁就好鹹。雞絲粉皮$58，冇試。瑤柱旦白炒飯$148，冇試，但目測炒得幾乾身。蒸饅頭（6件）$36，正正常常。禪園小炒皇 $108，冇乜獲氣，又吾夠熱，這個比較差。鑊仔梅菜扣肉 $138，個汁吾錯，梅菜好甜，幾好送飯。波蘿咕嚕肉 $128，藓波蘿好甜，咕嚕肉系梅頭，所以冇骨，成晚最好食系這味餸。埋單連茶錢$1590，系銅鑼灣這個地區，算系ok 啦！