鍾廚

营业中

休息中

平日夜晚，一行人完成project 收工想找地方吃飯。既想食得casual 又想用到時代廣場的泊車優惠，於是就來到時代廣場的樓上找餐廳用餐。上到這一層見到這家中菜的門面簡單傳統，名字陌生。好奇之下就進去一試。裡面的裝潢比門面細緻，樓底亦夠高，餐桌與餐桌之間距離充足，加上平日晚上沒有滿座，不會覺得擠逼。茶具和稻香的自動煲水茶几很像，了解之下發現原來是同一集團。不過餐牌上菜色和普通稻香有分別，就坐下開始我們跟侍應點了一些家常菜式，要了一個水仙茶包沖茶。侍應給了我們鐵觀音，也沒有用紙筆記低菜式。我們不以為然，再點了一個香片茶包就繼續談天。這中菜館的食物質素，整體來說比一般連鎖酒樓較好一些。主打的冰鎮咕嚕肉的確很特別。冰火的感覺加上肉球薄而脆的外層，吃起來就像拔絲地瓜的香脆。配上味道清淡火龍果小球平衡口感，就不會太膩。奶油蝦也比一般類似做法的蝦好吃，香脆得來也成功帶出奶香。另外的湯和芝麻雞都做得恰到好處。比較失望的是帶子豉汁蒸豆腐。可能因為侍應忘記了下單，再追單的時候已經接近last order，因此廚師急起來就太猛火過熟了。不過侍應也算客氣，我們吃過也就施施然離去。餐廳整體還是性價比不錯的，

💥味道可以、衛生麻麻📍鍾廚｜銅鑼灣📍人均消費 $ 1 X X ⚪️⚪️⚪️⚪️⚪️⚪️⚪️⚪️⚪️⚪️又到左要燒時代廣場COUPON既時候喇🤓可以用$100美食優惠卷既餐廳唔多🫣鍾廚係可以用既不過有好多魔鬼細節👹例如：優惠時段同新年唔用得、茶芥加一都唔計等🥺所以都唔算抵食🤫同埋佢話哂坐落時代廣場，我哋唔expect啲衛生咁一般，個個洗啲碗碗杯杯都話係油淋淋的🥶💟 冰鎮咕嚕肉比平時貴一倍就係多左啲冰同幾粒火龍果球喇😏外皮整得幾脆身、入面亦唔會鞋～不過都係習慣食熱既版本🤭💟 點心類都係逐件叫～一人一粒蝦餃同燒腩卷🤗蝦餃啖啖蝦肉無咁肥豬肉🍤燒腩仔就好耐無食都唔錯😄另外仲叫左個糯米飯唔記得影相🍚幾飽肚不過食左兩啖已經好口渴💔應該幾重味精，唔建議叫🤟🏻不負責任點評好味道🌕🌕🌕🌕🌗🌑🌑🌑🌑🌑性價比🌕🌕🌕🌕🌕🌑🌑🌑🌑🌑回頭率🌕🌕🌕🌑🌑🌑🌑🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

早排屋企人生日，去咗呢間比較新式嘅酒樓食晚飯，嗌咗圍菜，大家都食到好飽，食唔曬嘅餸都拎咗返屋企慢慢食。整體嚟講全部食物味道都唔錯，而且全部材料都好足，感覺上都幾抵食。乳鴿一人一隻，個皮都幾脆，油香味都幾足，可以嘅話我都想食多幾隻。龍蝦伊麵放咗好多龍蝦球喺個面上面，見到都流口水，而且上湯嘅味道都唔錯。啲菜煮得好軟腍，配埋啲乾瑤柱絲汁，味道一流，類似係蠔油汁嘅味道。佢仲有煲仔飯、蒸魚同壽包等等，每一樣味道都唔錯，如果佢保持水準既話下次都嚟幫襯。

環境舒服，夠闊落👍🏻但service就一般了問佢咩都叫我地自己掃code就走左去😂而野食方面就不過不失但野食好夠熱👍🏻就算係平時其他酒樓好多時會炸定既炸春卷，鹹水角都係熱辣辣咁上碟😍而唔知係咪我太耐冇飲茶既關係定係呢間特別d呢😂點心係一籠一粒咁上，我點燒賣蝦餃時仲每樣落左「2」，諗住係每樣2籠，好彩屋企人睇真d, 原來係每籠一粒😂🙈🙈黎到時覺得d蒸籠好可愛😂

今日嚟咗呢度午餐，叫咗幾籠燒賣，同事大叫咗一聲，我哋一齊望過去，發現有隻蒸熟咗嘅曱甴係個隻燒賣度，嚇到大家都唔敢食，於是叫個經理嚟，佢睇完就淨係收咗嗰籠燒賣，我哋再叫佢cancel埋其他啲燒賣，太恐怖啦，因為有機會全部幾籠一齊蒸，咁都汚染左。個經理收曬啲燒賣，連一句對唔住都冇就走咗。BLACKLIST佢

裝修本身已經似茶餐廳。點知坐低，服務比茶餐廳更惡劣。每次隔籬枱有東西要攞，侍應每一次都嚟我張枱攞（例如餐牌、碗筷）。仲要呼喝你傳遞俾佢，難道食客係侍應嘅一部份？這樣服務嘅水準喺銅鑼灣時代廣場不能接受。稻香集團果然係稻香集團。

上兩個星期都試左西菜同日本菜，今日飼主帶左我黎位於時代廣場12樓既鍾廚。因為避開左人潮我地兩點零鐘先到餐廳，冇人排隊入去就食得喇！ 內裡環境唔錯，落地一玻璃睇到晒銅鑼灣景，天花有雀仔同木條裝飾扮鳥籠。飼主之前黎過好威威咁示範個水褒點玩，令人驚嘆原來而家飯茶可以咁好玩，當然店家對水滾茶靚既執著啦。1. 茶葉係一包安排入座既時候比埋，全程叫點心都係先助，好方便。家鄉煎薄撐好耐冇食，呢個粉漿煙韌唔錯，可惜煎得燶左少少。馬拉糕正常，不過不失。最抵食一定係個鮑魚燒賣，33蚊一隻，一口鮑加上個燒賣，真心唔錯，滿足感爆登。牛肉球貨真價實，肉實的的，唔錯。

原來是稻氣集團。。。一踏進酒家，看見只得幾台客, 伙記也只得兩三個。已經心知不妙。我們點了一客龍蝦伊麵及貴妃雞，食物價格根本跟水平及分量不乎。失望而回，以後不會再光顧。

一枝公在銅鑼灣，想飲茶記得老友記話呢度一籠一件啱哂，一於試下門口大大隻字＂水滾茶靚＂原來呢度係用自動煲水糸統，好在之前喺大陸都有用過，不然真係＂港燦＂上身😅一共點咗四＂籠＂點心蝦餃賣相唔錯，但係皮唔夠薄，蝦又唔夠爽彈，普通過普通反而燒賣隻蝦就好彈牙，豬肉餡料又好味，不過似曾相識～同稻香嘅一樣咁好食但係價錢貴好多叉燒包唔算差，但好多茶樓都食得到，冇咩特別小籠包真係要喺上海舖先食到好味嘅，其他。。。呢個質素、呢個價位，下次我會去稻香囉！

兩三年前去過覺得好味，今日先知道巳變左稻香，但價錢竟然不是稻香價錢，有D中伏感覺。兩個人叫左7碟點心(其中3碟仲淨係叫得一人份量)埋單仲要$385。味道就是稻香味道，沒有什麼特別。埋單時問用稻香App有無得儲分，佢仲話自己係稻香集團之一但無得儲分。下次都唔洗再幫親。

個龍蝦伊麵雖然份量好似幾多，但真心唔好食，又勁多油…好彩用 Time Square dining coupons，如果唔係真係會覺得唔值…其他小食就正常味…不過應該有排唔會再

24/5/2022 得知近排松葉蟹大熱，我哋 （5人）一於約埋一齊試吓 松葉蟹晚餐！今晚叫咗：-龍鳳滋味配（只限星期一至五），有上湯龍蝦伊面 及 一隻古銅麻香雞，只是$388，龍蝦啖啖肉，麻香雞好嫩滑，好味😋又抵食。私房粉絲雜菜煲，好多材料，烹調適中美味，喜歡佢少鹽，各款菜新鮮。主角：清蒸松葉蟹一隻 $289 （$188/斤），真係好鮮甜，又有蟹膏，好回味呀！甜品叫咗 斑蘭椰汁糕，煙煙韌韌，不太甜，夠晒健康。食店設有自助添水/滾水機，好方便，不用時時要搵店員。呢度環境舒服，每一枱有屏風間隔，自成一個範圍，夠私隱。店員服務友善，亦都好快回應客人需求，值得一讚。圓滿的晚餐👍🏻

午餐在鐘廚今日約咗17年中湊的媽咪同公公婆婆去鐘廚食午餐，呢個仔仔都5歲啦今年9月就小一，整咗小食就先去婆婆家坐下傾下先出去時代廣場，個媽咪訂咗枱，因為疫情差唔多一年一次，今次完工時間長同疫情好些少就再去探他們，公公婆婆好客氣每次都要請我食飯所以都會整啲她們喜歡的小食帶去，她們話家中的酒樓唔太好，我又覺得都唔差講咗幾年今次終於同她們出去時代廣場一試呢間話好好味的鐘廚一試，個媽咪訂咗枱我先到婆婆家坐一會先一齊搭車出去，2個老人家已經70歲但完全睇唔出，她們好客氣叫咗好多嘢，呢餐4個人食咗7百幾蚊話有優惠卷半價好抵食，講真我就覺得一般，一半價錢就差唔多，7百幾就真係貴咗啲，飲完因時間接仔仔放學見下都5點幾就買餸回家煮飯，今日好開心見到仔仔都認得我，大個好多好多嘢講而家轉咗呢行最開心見到啲仔女大健康又活潑

昨晚同兩個很久冇見舊同事相聚食晚飯。也很久沒有去鍾廚。多年前水準不錯。今次今我好失望。我們叫了黑毛豬叉燒，鍾家炒牛肉，上湯芥蘭和羊肚菌豆腐。加兩個白飯和茶錢。收812元。我認為價錢和水準並不成正比。叉燒又凍和乾爭爭。我相信係隔夜。收238 真離譜。太興叉燒好食過佢。炒牛肉麻麻哋。最好食就係豆腐。個白飯有少有凍。我見到廚房用微波爐翻熱個飯。真令人失望。昨晚好少人。但係服務員態度泠淡。到9點己經追我們埋單。我相信員工想早收工。我相信好多人嘗試個一次都冇回頭。我哋唔會有第二次。

位於銅鑼灣時代廣場嘅鍾廚，枱好寬闊，環境開揚，坐得舒服。最近有優惠劵，於是去試試。🤗點心款式唔算多，不過好在可以叫一人份量👍。一人一粒蝦餃，蝦餃超大粒，裡面有3，4隻蝦，勁彈牙😋。可以叫一個叉燒包，自己鍾意就叫，唔洗怕叫咗無人食，要食哂一籠。 叉燒份量比較少，麵包就好多，不過係軟熟嘅。仲有叫咗一條炸銀絲卷，用啲粟米片墊住，再點練奶。炸得幾鬆軟，十蚊一條都幾抵。餐廳嘅做法都幾聰明。 有啲點心有啲人想食，有啲人唔想食。如果點心可以嗌一件自己食，都幾好，又可以環保，又可以慳錢。用叫咗安格斯牛肉腸，個質地同平時食嘅牛肉腸真係有分別。不過粉皮比較厚身，牛肉嘅份量好少。炸雲吞，炸得好脆。不過有啲油。啲餡好少，都係食個脆皮口感。鮮竹卷正正常常，冇乜特別。鮑汁鳳爪幾好味，佢個味唔會好鹹，個鮑汁味好出。雞腳唔會太淋，亦都唔會太韌，質地非常好。 而且食嘅時候feel到啲骨膠原出曬嚟，個口食到黏黏地，好正。食滿100元， 可以用50元現金券，唔計加一。所以我哋扣咗100元，三個人食除番開每人都係80元，都算抵食。整體來說，性價比幾高。