鍋心粥底火鍋 (德成街)

营业中

休息中

邊盧精出動！普通嘅火鍋已經唔可以滿足我喇，而家連湯底都唔放過要煮埋粥食😋😋第一次食粥底火鍋，當然唔可以求求其其揀一間就算啦，抵食、海鮮新鮮、粥底靚，鍋心就能夠符合呢3個要求，二話不說提前1星期打電話book 枱。聽朋友講我地今次好好彩，打左1次電話就book 到，因為之前佢book 左幾次都唔成功。鍋心嘅位置唔算好偏僻，由佐敦地鐵站E 出口行2分鐘就到，幾方便嘅。特選海鮮係一定有嘅，之後可能0係7款時令海鮮中選5款，另外再加選8款火鍋配料粥底蔬菜配料最尾落，侍應會放粥同壓碎蔬菜粒，一齊煲新鮮海鮮，鮑魚同蝦仲識郁嫁😍牛肉切到好薄，牛味重，淥10幾秒就食得👍🏻👍🏻👍🏻👍🏻海鮮熟左入口鮮甜，爽口加左粥落火鍋底度，好綿，吸哂海鮮精華，好甜，我食左3碗😂😂總括，呢個價錢又鮑魚又蟹又其他海鮮，食到飽之餘侍應又細心服務，真係抵食嘅

呢度全部都係卡位，保證你坐得舒服食得舒服👍有時候放工一班人圍威餵下去火鍋丶去打邊爐，好易搞到自己成陣雞煲味，所以有陣時候幾鍾意食雞煲都好，我都會去搵一啲粥底火鍋😁因為粥底火鍋第一陣味冇咁大，第二可以食到好多海鮮😊！第三通常啲海鮮嘅鮮味可以留在最底慢慢品嚐如果你問我推介哪一種食物，我覺得呢度每一種嘅海鮮丶每一種能吃的都非常之好食👍。如果夾硬要去講一種我覺得鮑魚係絕對唔可以唔試。佢哋個粥底加埋鮑魚一齊食落口度我覺得真係實在係我食過最好食嘅粥底火鍋😍😍😍😍😍😍自從來過呢度之後，除咗雞煲之外呢度簡直係我嘅第二至愛。

呢間係出名好犀利嘅海鮮粥底火鍋店，好有衝勁嘅員工，上菜速度快而準! 點解咁講呢? 因為要先上海鮮，食到咁上下先至嚟其他食材，最後就加粥同配料煮成精華嘅粥品，而呢度嘅職員都好專業，會留意到我地食到d咩景況，然後適時送上食材。佢要準時令每檯食客係8點半前食完離場，仲要清乾淨比下一輪食客。第一次食咁有效率嘅火鍋。海鮮食材方面都好新鮮，鮑魚大隻又彈牙，蟹厚肉又有羔，沙白、花甲、聖子、蝦都好鮮甜，魚肉滑滑，每款海鮮都有建議煮嘅時間，唔怕盲耍耍煮過龍。埋單每人$220左右可以食到呢個質素很不錯!

🥢超級新鮮海鮮粥底火鍋🥢之前在佐敦吳松街起家的一間粥底火鍋，一直是我覺得海鮮是最新鮮最抵食的，近日搬了新舖在德成街，新舖大了又坐得舒服全部大卡位，去試下水準有無下降🥢5款自選海鮮，8款自選配料粥底$200位🥢當晚由於walkin 去到等，大約10:45 先有位置入坐，入坐需用紙仔點你要的海鮮及配料，然後跟檯上指示將不同的配料，用計時器煮熟🥢鮑魚，有事先清洗過，涮到很乾淨白雪雪，煮完很軟滑，夠新鮮🥢蟶子，中size ,洗到乾淨，食落很爽鮮味🥢黃金蚌，新鮮清甜又爽口🥢大尾魷，新鮮爽口彈牙，魷魚鮮味突出🥢多寶魚，整條上，但5人份量的魚比較細條🥢西班牙黑毛豬梅頭肉呢個超軟滑好食，豬肉很香而且軟，比牛肉更好食，但比以前店份量少了🥢美國肥牛味道ok , 中間又是最好又不是最差，都算軟滑，但份量都是的確是比以前店少了🥢自家制手打雞骨丸必食的一項，由雞肉及雞軟骨打成，口感除了雞肉香味外，碎了的雞軟骨脆脆的口感很特別，別家食不到🥢芝士豆腐芝士香味加上軟滑的魚肉豆腐很軟熟，味道很好🥢菠菜餃具爭議性，因為同檯5 人有2人鐘意有2人不喜歡，1人無

之前喺舊鋪食過已經覺得好正，搬咗新鋪之後一樣正200蚊1位免加一固定海鮮兩款 蟹同沙白自選海鮮五款 貴妃蚌 貝皇 鮑魚 多寶魚 大尾尤自選配料八款 手打雞軟骨丸 黑毛豬腩片 黑毛豬梅頭肉 美國肥牛 菠菜豬肉餃 花枝丸 竹苼 蟹粉包 三款配菜 粟米 芋頭 南瓜 最後湯底加入粥膽超級鮮甜

之前係舊鋪食過一次，二百幾蚊，性價比幾高，但環境幾逼，坐樓上冇乜冷氣😵依家新鋪寬落左好多！冇咁逼，冷氣夠涼呀！😂海鮮好新鮮，啲蟹啖啖肉，蜆呀其他貝殼類都好甜😍加粥膽前店員會視乎個鍋有幾多湯就加幾多個粥膽。個粥底有南瓜芋頭加埋海鮮嘅精華😍正！食唔曬可以加一蚊買個外賣碗拎走當第二日早餐😏雖然唔係任食邊爐，但都會食得好飽。飲品另加，唔洗加一，人均二百零蚊。一日三輪，時間可以食兩個半鐘，我地食0830-1100，最夜果場可以食到凌晨2點😂

今日家姐請老豆食父親節飯，她說知道呢間店在佐敦吳松街搬左黎德成街，方便了爸爸唔使行咁遠，所以就ＢＯＯＫ了呢間食飯。佢呢度分左兩個時段，一段係六點，一段係八點半，我要返工收六點，所以揀左八點半呢一段時間食，因為早左少少黎到，侍應話要等到八點半先會安排入座，見佢地差不多時間開始安排上一批食客埋單同埋清理場地，都真係差唔多八點半了，我們安排座下後，家姐見老豆行左一段路都冇嘈，見佢咁乖，就獎了他一罐無糖可樂，而媽咪就叫了一支水，我們要在菜單上揀選５款海鮮及８款火鍋配料，另外每人可分到半隻蟹。點選完佢地就會陸陸續續咁上枱，見佢地係收晒所有食客啲菜單後，就有時間性同次序咁一批批咁分俾食客，因為佢係全部食客既單同時間出，在我們黎講，出得比較慢。首先上左個粥水鍋先。再黎個蟹，四個人分到兩隻蟹，我同家姐都唔食，俾晒老豆同亞媽食，隻蟹都幾大隻，亞媽話隻蟹好新鮮，啲肉一梳梳咁，好多肉。好甜。👍跟著來了海鮮類。扇貝有四隻，大隻又鮮甜。沙白都有廿幾隻，冇沙隻隻都冇沙、肉又肥厚。北寄貝都幾鮮味。鮑魚都幾大隻，唔靱。魚就用上左口魚，四個人有一條，幾滑幾甜。大尾尤係魷魚，唔算太多，但食落都一咬就斷，新鮮！食完海鮮又再

海鮮粥底鍋，勁正！基本上海鮮樣樣都超新鮮的！奄仔蟹勁多膏，蟹肉質豐厚味鮮甜，激讚！仲有海蝦唔敢影，因為係新鮮到仲會跳！鮑魚大大隻又唔韌！肥牛唔太肥而且牛味香雞軟骨丸個口感好得意，啲肉打到好林但又配左啲雞丸骨增強返口感，唔錯喎又仲有叫左冬瓜，索晒個海鮮精華湯超級好味！店員見你食完海鮮就會俾南瓜同芋頭你，最後落飯煮粥前加落去滾，海鮮湯底配埋南瓜芋頭，個粥真心正！重點係埋單只係每人大約200,CP值極高！大滿足呀！

三人食頭一個時段：晚上5:45至8:30。去到已經有十多張枱入座左，都幾多人喎。基本上每樣嘢都係每人都一樣咁多，唔使爭食😂上左蟹同沙白先，蟹好正有膏又啖啖肉，所有海鮮都好鮮甜，同埋有曬時間表提你要淥幾耐，唔會耐左老曬。如果一次過擺好多海鮮會食唔切。所以我地每次只擺一兩款，食曬先再加其他嘢，可以熱啲又唔使咁急，又可以傾下偈。性價比超高，因為如果自己買料買咁多款真係人都癲，未計處理海鮮時間，同埋唔使洗嘢嗰下都已經喺返度。加上全部海鮮都好鮮甜，啲蝦都係生既識跳。正！想試埋其他鍋心系列既餐廳

抵食海鮮邊爐二百幾蚊有7款海鮮仲有兩款自選配菜d 海鮮都幾新鮮好鮮甜蝦上枱時仲係咁跳用清湯底打邊爐食曬d 海鮮再食埋自選配菜侍應會用你的湯底加入白粥, 南瓜粒, 芋頭粒, 栗米件煲粥個粥吸收曬所有精華正呀!

店內地方很大，全部都是卡位。8個成人，一邊坐4位，共用2個爐煱。雖是如此，座位也很寬敞的，唯獨枱面唔夠地方放食材，要趕緊吃滾好的海鮮和食物，否則枱便放不下了。8:30 pm 全部訂位一起如貫入座，你早到也是要等清場才可入座。其實第一輪是5:45-8:30pm，可大部分都未放工，為了一起吃只能吃第二輪了。7種海鮮：2款是必有的-膏蟹每人半隻和沙白，另自選海鮮5款- 蝦每人2隻多寶魚魚肉滑溜少骨，8人有兩碟。鮑魚，大大鮑魚仍不斷蠕動。蟶子本來要皇貝，但無，便改了北寄貝。所有海鮮都非常新鮮。另選8款食材：每人有西班牙黑毛豬腩片2片以上、自家製手作雞骨丸3粒、美國肥牛2片以上、農場雞件2件以上、花枝丸切半，每人約2粒、脆皮芝士腸2條、嚮鈴卷2條、蘿蔔片。其他有粟米、芋頭粒、南瓜粒。淨係以上多過15款的食物，依據牆上的海鮮沸騰時間提示，滾完再吃，吃完再滾，相當忙碌於不斷吃。經過2小時左右，粥水底已吸收各種食物的鮮味，是時侯請員工幫忙煑粥了。先在粥水中加漿糊狀的傑粥，然後加入冬菜、菜甫、梅菜。但因當天無豬供應，所以無豬油渣。當再沸騰時便可熄火吃粥了。最後芫茜因不是個個喜歡吃，可自由是否加入。粥的鮮

抵食新鲜的的選擇，每位大约hk$220，值得一試的火锅店，可是限時有点趕，座位和枱都較窄，坐得唔太舒服。粥底ok，晩上满坐，呼叫服务员無乜人應因为他們太忙。。。

一家人去慶生 幾好選擇一個餐包幾款海鮮 有多寶魚 蟹 大蜆 沙白蜆 蝦 鮑魚 再加三個自選食物 （我去到響鈴冇哂 ）一人半隻蟹 好多膏d蝦勁生猛 札札跳 好驚佢彈到我有技巧 夾落粥底5秒等佢死左先好放鬆個夾唔係真係比d粥彈親鮑魚都好新鮮 個邊仲識郁沙白蜆都好最後佢幫你隔渣 再落粥膽超鮮甜呀

平時成日聽朋友講呢間粥底火鍋又好味又抵食，今日終於都book到位嚟食啦！一壽到餐廳即刻入座，呢度好多職員，而且好多後生仔女，相信係part time！令到成個場好有生氣咁！入到壽，發現餐廳安排左我地住冷氣位，好凍，於是同個年紀相對較大嘅叔叔講想熄冷氣，雖然佢有熄到，但佢就好似唔太耐煩咁啦！不過算啦小事，開餐最重要！我地揀左好多海鮮，全部麵好生猛！啲海蝦送到台面時仲識跳！證明唔係冰鮮蝦！另外蟹好大隻好蟹膏，非常好食！除咗海鮮之外，其他火鍋配料都好新鮮好好味，有種俾平嘢我食嘅感覺！仲有小花膠食！！！食哂啲火鍋配料後，就會幫我地整成粥，食哂之後發現好飽。每個人$300都唔使就埋單，好抵食呀！溫馨提示一啲會飲酒嘅朋友，呢間餐廳嘅酒牌仲未續，如果你去食嘅時候想飲酒，就要自己出去7-11買啦！，而且唔好買支裝酒，要買罐裝嘅。

好正～好新鮮既海鮮粥底火鍋呀🙂以前一直以為粥底火鍋係用粥做湯底，終於知道係火鍋完個湯再煮粥😆😆😆😆有五款海鮮揀，有貝有蟹有飽魚有蚌又有蝦 全部上枱仲識郁架 ！好新鮮！重點係佢果到有張紙會教埋你烚海鮮最佳時間 ！包你食到海鮮最正既味道🤩！平時唔識野求其烚係會烚到啲海鮮韌晒架嘛～個湯索晒啲海鮮精華再煮埋粥 鮮味十足🤩加埋啲芫茜豬油渣粒真係香到痺啲火鍋料雖然得8款 都夠食啦！食左墨魚燒同花枝丸係兩款唔同既墨丸，墨魚燒比較彈同有炸香 ！花枝丸都彈牙，又夠鮮甜～另推芝士豆腐～芝味十足！又有口感！花膠仔好滑🤩好正黑毛豬梅頭都好正，香肉🤩卡位坐得舒服 $200位唔錯～好飽但無飲品提供，水都係要自費的～