鍋心粥底火鍋 (德成街)

营业中

休息中

佐敦地鐵站E出口呢間地舖，鍋心粥底火鍋。最近鍋心粥底火鍋x鉄火堂crossover，暫時只有佐敦分店有刺身櫃。刺身價錢為38元至88元。座位舒適，牆壁中貼滿很多溫馨貼士。餐廳職員也很細心解釋，名副其實令食客窩心。藍旗中拖羅，肉質鮮美。齒頰留香爽口彈牙的甜蝦也令人回味無窮。此外仲有多款新鮮刺身可供食客大飽口福品嚐完刺身後，繼續品嚐海鮮粥底火鍋。在經過餐廳職員溫馨提示，恰到火候的新鮮鮑魚鮮美彈牙，超正。粥底的香味令鮑魚的口感豐富有層次。而龍蝦相信也受食客的寵愛吧！在粥底中烹調後龍蝦更能吃到鮮，彈的口感。品嚐多款新鮮海鮮後。賣相吸引的肥貓開始出場啦！粥底繼續發揮作用，吸收了海鮮的鮮甜美味。碰上至愛的肥牛真係相得益彰我的摯愛響鈴，秒速旁人粥底後立即品嚐，香中帶脆。品嚐完所有嘅美食之後，再吃上一碗多款配料的海鮮粥。真的是滿心滿足，最後鍋心粥底火鍋套餐結帳200元加一(龍蝦+20元)

適逢限聚令的完結，終於可以一家大細一起吃飯。而經家人推介後，我們決定去食海鮮火鍋。係鍋心粥底火鍋x鉄火堂crossover。該餐廳名為鍋心，一進到餐廳環境，座位與座位之間的空間相當足夠，給了我一種很寬敞的感覺。而在門口旁邊，最近鍋心和名為鐵火堂的餐廳合作，只有佐敦分店有。因此能夠看見在旁邊會有很多款刺身可以選擇，價錢$38至$88。而我們本來就很喜歡刺身，因此我們每一款刺身都嘗試過，不得不說這些刺身是真的新鮮，而且還能夠品嚐拖羅，這個這個價錢來說我認為相當物超所值。我們點了四份套餐，鍋心粥底火鍋套餐200蚊免加一(龍蝦+$20)份量真的相當足料，基本上每一個人也能夠品嚐所有不同種類的食物。再來談及這餐廳的海鮮，這間餐廳的海鮮絕對是我嘗試過最新鮮的餐廳之一，原因是因為海鮮端上桌時仍然會在動，充分證明了餐廳只會以新鮮的海鮮給顧客，因此我相當滿意該餐廳的海鮮，不論是沙白蜆，鮑魚，龍蝦等等。而最後那一份海鮮粥也是我嘗試過最好味的粥，該海鮮粥充分吸收了先前焯海鮮的精華，完全吸收了所有海鮮的鮮味，若果大家喜歡吃海鮮的話，絕對不能錯過，誠意推薦大家來這間餐廳品嘗美食。

晚市堂食終於開反，有得打邊鍋餐廳座位寬敞，環境舒適，用日本食用級消毒噴霧消毒飲食用具，安心好多除了海鮮粥底火鍋（$200@位免加一），還有鉄火堂刺身櫃，放了很多刺身包括：吞拿魚、三文魚、油甘魚、八爪魚等等。可一邊打邊爐一邊吃刺身， 刺身係盒裝既，堂食、外賣拎走都得等火鍋食物煮好的時候，就先吃刺身填肚😂由日本直送原條吞拿魚，鉄火堂師傅即劏藍鰭吞拿魚（$66）最喜歡的是中拖羅（$90）(∩´͈ ᐜ `͈∩)海鮮🦞方面，餐廳有提供煮海鮮時間教學給客人看，我推介鮑魚和龍蝦（+$20），鮑魚上枱還在動，超新鮮！龍蝦大隻多肉鮮甜，肉質爽口彈牙，必食！另外吃火鍋不少得汽水，我點了 土耳其蘋果汽水 好喝，很有氣，甜甜的有點像蘋果醋。最後還有濃縮了剛才海鮮精華的粥底鍋！加入粟米、南瓜蓉、芋頭蓉、其他配料和粥底，重點是粥底沒有味精的~原汁原味而且非常健康，可以說每一口都係精華～一定要記得加點醬油！會更鮮味喔 雖然叫左2人份量，但還是吃不完，最後打包左刺身同粥底鍋走

識我嘅人都知我係唔食刺身，又麻麻哋食粥。但最後我發現原來我只係唔食難食嘅刺身，唔食煲唔入味嘅粥🤣🤣🤣。事因最近去咗鉄火堂x鍋心粥底火鍋(不過暫時得佐敦分店先有二合一)，開始咗我嘅刺身初體驗(我諗呢一日食嘅刺身量係我幾年加埋🤣)，仲有海量海鮮𝚙𝚕𝚞𝚜用海鮮熬出嚟嘅粥底，做完𝚐𝚢𝚖食補健康脂肪同埋蛋白質一流🥰。🐟刺身(~$38-88/盒）：刺身係按𝚐𝚛𝚊𝚖計算，入𝚏𝚒𝚝𝚗𝚎𝚜𝚜𝚙𝚊𝚕特別方便。除咗油甘魚、中拖羅、赤身、八爪魚、甜蝦、仲有即劏原條藍旗吞拿魚😍認真超級新鮮，冇又腥又怪嘅味！🥲完全冇點過醬料都鮮甜到爆，甜蝦同埋油甘魚我完全冇停過咁食🤣(對於本身唔食刺身嘅我來講係重大創舉𝚇𝙳)🍲粥底套餐($200/位 免加一，+$20轉龍蝦)：我地嗌咗兩份套餐，配料可以揀7款海鮮同8款邊爐配料，不過揀海蝦要小心，因為啲蝦會係咁跳出黎刷存在🤣，鮑魚同龍蝦都勁爽口🥺，聽講係每日新鮮運到過嚟！仲有南瓜、芋頭同粟米🥺，夠甜食到最尾要落埋一齊熬粥底！好有媽媽味🤣，無味精之餘，粥綿鮮甜，粗糧之鬼如我食到勁開心。

一路有食開鍋心粥底火鍋，因為有我最鍾意食嘅海鮮🦞，仲可以打邊爐烚吓烚吓咁好開心！最近仲嚟個鍋心粥底火鍋 x 鉄火堂 crossover，暫時只喺鍋心粥底火鍋佐敦店有刺身櫃☺️，佐敦鍋心粥底火鍋，除左有海鮮粥底火鍋之外，仲有吞拿魚剌身食! 一次過滿足晒我嘅願望！一於去試一試😋！一入去就見到有個刺身櫃放滿咗好多唔同款式嘅刺身！我試咗吞拿魚、三文魚、赤貝同甜蝦刺身！最鐘意吞拿魚刺身、非常新鮮無腥味，即劏原條藍旗吞拿魚果然唔同啲！粥底套餐非常豐富包括7款海鮮、8款邊爐配料、3款時蔬！海鮮：蟹、龍蝦🦞、沙白、蟶子、帶子、蝦🦐、花甲、多寶魚...✨海鮮全部啖啖肉，好鮮甜！原來佢哋號海鮮係每日由流浮山新鮮運到嫁！上臺嘅時候啲蝦仲係咁跳😂邊爐配料：雞丸、雞滑、響鈴、肥牛、花膠仔、金菇、蘿蔔片、蟹柳....✨配料選擇多，我鐘意食嘅配料都有齊，而且份量又多又新鮮，食到好飽好滿足🥰時蔬：粟米🌽、芋頭粒、南瓜粒食完所有配料，服務員會幫忙煮粥，兩三下手勢就攪掂啦！時蔬撈埋落粥底度煲，加埋之前嘅海鮮同火鍋配料精華，粥底變得非常鮮甜，無落味精都非常美味！食完一碗又一碗！😋😋值得一讚嘅係店內環境非常之乾淨，佢哋使用日本

我前晚外賣了3人份，但碟肥牛和豬肉片只有有風吹得走的幾細片超薄通透薄片，目測與平常在快餐店(如大家樂、吉野家)叫個1人用火鍋的份量相若！其實係咪應該每位一盒，所以我個3人餐係咪應該要有3盒牛和3盒豬至啱呢？準備材料亦很馬虎：蟹殻冇敲過交貨；鮑魚連殻連💩上碟；魚亦只係多寶魚一款，完全沒有任何選擇可言，連鯇魚或者鱔片之類都沒有；蔬菜籃都冇，要我自己另外去街市買些蔬菜回家洗才有菜食！既然要自己拆蟹、拆殻、買魚切片、買菜洗菜⋯⋯咁唔方便，一邊要去你店鋪取貨，另一邊仲要去街市買嘢又入廚房洗洗切切，我不如直接自己响街市買齊材料搞仲好啦！

呢日12月31日我地都係屋企打邊爐倒數，叫左外賣打邊爐料，實在係特別日子太多單太亂，即使提早訂定都係話有食材無哂，我地轉料都唔係問題，但轉完之後直頭漏比埋😓粥水又比漏咗，最後都係要自制湯底；跟住d蔥、蒜配料又好細包，上次叫4人入量都大包過今次成倍，今次仲要有7個人，大家落配料都要慳d駛😂.有讚有彈，野食大多都好新鮮嘅，蟹都大大隻，鮑魚又清洗得乾淨，黎到屋企仲係郁嘅，係蜆類有少少沙啫；.事後我地都有whatsapp返d相比舖頭，同佢地講比漏咗野，好彩佢地都無唔認數，話下次再訂送多一份海鮮比我地

元旦後的星期六，朋友相聚，選擇六人份的鍋心套餐（$200x6=$1200）。外賣套餐要預早一天落訂單，第二天取貨。取貨時才知道有幾樣想選的東西沒有了，所以吃的並不完全是我們選的。這是第一點失望。海鮮是主角，鮑魚、蟹、蠔、花甲，都非常好，水準之上。帶子附帶了大量碎殼，結果要自行清洗和去殼，換碟才能放出來（圖中火鍋爐的右邊白碟）。最令人失望是小蜆（估計是沙蜆或油蜆一類），極～多～沙～！完全毁掉整鍋粥！😠筆者是每天都去街市的熟手主婦，套餐海鮮和火鍋料如果自己去街市買大約都要$800-900，其實鍋心收$1200是合理，但建議各位自己做好後續功夫，例如海鮮要洗一洗、蜆類要吐沙⋯⋯🥺

第一次同事帶去大圍分店今次來佐敦，大好多，坐得好舒服 海鮮款式不算超多，但已足夠吸引，最重要是超新鮮，每次吃都無失望過套餐包半只蟹/人鮑魚大隻而且還在郁動蜆還會噴水，同事中招專心享受，忘記繼續影相席間去了廁所（衛生一般啦）廁紙很厚軟，莫講其他食肆，即使酒店都無如此質素，作為女性真心讚！希望繼續保持質素兼疫下屹立不倒

呢間粥底火鍋我哋由起碼2年前開始幫襯，到而家都翻兜超過10次，因為真係好抵食！揀7️⃣款海鮮+8️⃣款火鍋配料+打完邊爐最後用啲精華煮粥，全部嘢夾埋只需$200一個人！而且海鮮次次食都好新鮮，火鍋配料又正💯，真係強烈推介大家試下！疫情關係，我哋都試過幾次外賣自取，所有嘢都pack得好好，同埋連蔥、蒜、辣椒等配料都會畀埋你好貼心🥰

🦐海鮮🦐沙白蜆同肉蟹 (可加$20轉波士頓龍蝦) 係指定嘅，其他5款海鮮係自選，我哋就揀咗鮑魚、海蝦花甲、蠔、蟶子～
比較推薦嘅係：▪️波士頓龍蝦：雖然唔係好大隻，但食落有鮮味，仲有少少膏▪️鮑魚：上枱時仲識郁好新鮮🤤，食落好厚肉，口感一流！▪️海蝦：啲蝦勁生猛所以要用個蓋合住，同埋放落去邊爐時都要小心😆，蝦肉好彈牙絕對唔會霉▪️沙白蜆 、 花甲：好新鮮，熟左之後隻隻都識開口，同埋冇沙要讚👍🏻🍲火鍋配料🍲▪️黑毛豬腩片：豬牛雞黎講一定要試黑毛豬腩片，佢係好滑嘅豬腩😳，食落又唔會鞋加上小小肥超正🤤▪️黑毛豬梅頭肉：就岩唔鍾意太肥膩嘅朋友仔食▪️貢丸：好香菇味又夠實，係食過咁多間邊爐/粉麵鋪入面最正嘅😋！▪️手打雞骨丸：入面係有一粒粒雞軟骨，超好咬口
▪️肥牛：一般般不過不失▪️雞件：冇醃

食左咁多年都無加過價，但真心份量係比以前少左好多🙈 不過依個價錢同質素我覺得都值得我翻食左10次8次🤣 款款海鮮都好新鮮...🦞🦐鮑魚上枱仲識郁!! $198/位免加一🦀肉蟹+沙白硯 or 🦞波士頓龍蝦(每位加$20+沙白硯)自選5款海鮮鮑魚/蝦/花甲/蠔/象仔蚌/大尾魷/多寶魚自選8款配料推介: 自家製手打雞滑丸自家製手打馬蹄雞滑西班牙豬梅頭片農場雞件黃金粟米餃食到最後仲會加入南瓜粟米芋頭粒，然後加入粥米，個粥底吸收曬海鮮、肉類既精華，鮮甜到呢...加埋芫茜、冬菜、菜甫粒、大頭菜粒、豬油渣粒，超級正🤩 真心推介俾大家👍

今日臨放工時碌電話睇到鍋心粥底火鍋，睇其他食家嘅相，D海鮮好似好新鮮吓，咁5點零鐘就打電話問下有冇位先，問左，有位，但要2位起，我話得1個人得5得，佢話得呀，不過要收2位價錢。由於真係想食，咁唯有好啦，2位價就2位價啦😢。6點去到，個waiter帶我入座，坐底就比左張紙我揀海鮮同埋打邊爐嘅配料。係枱邊有教D海鮮滾水後煮幾耐食得，又有個計時器比你用。 食完海鮮，就開始打邊爐，最後落粥、芫茜同埋其他配料。雖然1個人食要比2個人價😂😂，但其實食物都係岩岩夠多DD。海鮮就真係新鮮，隻龍蝦僻開一半，都重係到郁緊。 埋單$440（免加一），今日天氣凍咗，食完粥，個人暖凹凹😋😋🤗

難得同屋企人係佐敦行街買嘢到黃昏，諗起附近有間粥底火鍋非常足料，諗都唔諗即刻過去搵位。去到既時候晚市岩岩開無幾耐，好彩仲有位。每張卡位都十分闊落，枱面又夠大，坐得非常舒服。食物方面，我哋決定加20蚊要龍蝦，因為屋企人之前食過，龍蝦大隻又新鮮，果然無介紹錯，龍蝦肥美彈牙。另外自選既海鮮全部上枱時都仲識郁！大大隻鮮味十足，尤其多寶魚，份量一啲都唔少。再加上自選八款配件，肥牛，滑雞，豬肉，花膠全部都揀得，雞件真心滑溜，完全係意料之外。最後終於要加粥，之前海鮮火鍋既鮮味結合加粥時落既豬油渣、菜脯等等配料，鮮甜到不得了。不過全晚最滿意既，一定係份量十足既鮮甜海鮮！

即興打邊爐，友人介紹下去look look la...好彩16:00訂夜晚20:00幸好順利、入去全店滿座、肥牛@$40,但份糧太少又貴，肥牛味不錯，其餘海鮮新鮮不過不失，當然有d⋯d 不新鮮貝殻類，好多時人哋話好特別、我就話一般～，粥味ok la

辛苦做完一日野，緊係要食D好嘢吓自己啦呢間粥底火鍋出名平靚正，今次一試果然名不虛傳全部海鮮都超級新鮮，根據餐廳建議嘅時間去淥海鮮，全部都啱啱好，食到海鮮鮮味，又唔驚太熟！掛住食都唔記得影相添比住一張相大家睇吓先，真係要自己去食下先知幾正最正係最後個粥，包含成晚所有精華，再加埋冬菜同豬油渣，真係飽到爆肚都要食晒