錦麗 (德福廣場1期)

营业中

休息中

去過越南🇻🇳， 一定會聽過被譽為全越南最好吃的牛肉河－「錦麗」牛肉粉， 《華爾街日報》更評為「胡志明市最好吃牛肉粉」， 小編知道在香港開了分店，當然要來試試～🙈 想試晒所有配料，一定要試錦麗綜合粉（$62）， 綜合粉由生、熟牛肉和牛丸組成。 隨着店家教導的最地道食法， 「趁熱呷一口湯， 然後將九層塔、鵝蒂等香葉撕碎，放入湯中， 加入青檸汁，辣椒及芽菜拌勻， 粉連湯同吃，就能每一啖都品嚐到濃濃的牛湯精華。」 果然，湯底清甜香醇，牛味濃郁～🐮☺️ 河粉上菜時呈餅形， 品嚐前才把河粉拉鬆，避免了河粉被湯浸淋， 所以吃得到的河粉爽滑得很～ 牛肉質素和口感也是相當不錯； 生牛肉嫩滑，牛味十足， 熟牛肉為本地牛腩，爽口不痴牙， 牛丸彈牙，牛味濃郁。 牛肉更可蘸上是拉差辣醬和甜醬一起吃，是另一番風味！ 青檸薄荷梳打（$25） 梳打配青檸不愧是最完美的配搭， 入口清爽，酸酸甜甜， 加上新鮮薄荷葉和香茅枝，味道更清新，解渴一流！😎

早上十一時半開工無耐已經幾乎坐滿。門口掛住WALL STREET JOURNAL 推介，又令我有衝動入去試試佢既牛肉河。香港的美食只要抱有期望，就通常都會失望。土炮小店既牛肉河同佢比都係不相伯仲。(其實我食過更好的在西環)結論係性價比低......所以叫個滴漏咖啡同米紙卷調劑下。休閒地歎有意思的滴漏咖啡，味道頗苦，咖啡香味有。米紙卷料多結實，調味尚可，最緊要$20性價比很好。服務員就擋是連鎖店的態度吧，好像和鄰家排大隊的文華餐廳互通。環境裝修新穎，椅子在快餐店就不用強求了

其實我想食錦麗好耐上次去apm見到咁多人都冇意慾想排點知有次行行下德福 轉身一刻發現新開左 仲要冇人排！即刻同男朋友狗衝入去試試🤤我當然係叫左錦麗綜合粉生牛熟牛牛丸的配搭基本冇得輸尤其牛丸 充滿牛味 十分彈牙👍🏼另外叫左大蝦扎肉米紙卷兩大舊 蝦真係大隻 口感不錯😋最後香茅青檸薄荷梳打必飲是常識吧😆_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$62+24+26________________________唔信我嘅可以自己去試試😂地址：九龍灣德福廣場1期F29號舖

第二次食錦麗啦，第一次係觀塘apm食排隊排左半個鐘，好多人排啊。今次經過九龍灣德福，見到有錦麗喎，原來是new open的，可能因為6點pm仲好早唔洗排隊，就即刻入去食今次叫左個錦麗生牛肉粉最鐘意食佢既河粉，湯底佢仲有個杯裝住住不同既配料，鐘意重口味既我就落晒落碗粉度大蝦扎肉紫米卷，蝦好大隻，扎肉厚切，$24抵試最後叫左個凍越南滴漏咖啡，沒有驚喜，只是一般的咖啡，只是比普通咖啡多了個程序，就係等d咖啡滴落黎。下次經過會再黎食的～

今晚約左墨丸米一行四人試新餐廳，我大約六點半便到，見無人排隊便拿拿聲入去拎位先，因四人坐位已滿，店員示意坐圓枱同其他人撘枱，雖然有些不情願，唯有坐住先，後尾見到有四人枱食客剛走，而我地還末落單，然後即刻問店員可否轉枱，我見到那個男店員（應該是睇場的）塊面好黑，個樣有點惡，我個心當堂驚－驚，心想一定唔比換好彩最終可以換張四人枱，可能見我地是四位吧！不過有個fd要加班趕不及來，我地最後才只有三人，然後又開始驚那位男店員話我地霸四人枱，門口又開始有人等位，所以我地拿拿聲食完走，就算我地唔走，店員都會好快收拾碗碟趕你走。成個晚餐食得好大壓力，好有澳牛feel但價錢就比茶餐廳貴講返食物方面，湯粉類只有五款選擇，而且全部只有牛，沒有其他了。如果有戒食牛的人想試它的湯粉，可以不需考慮了！－碗湯粉最平58蚊，無餐飲的。因此我地迫住叫野飲最後我地大家都叫左綜合湯粉62蚊一碗，其實都幾貴綜合有生牛肉，熟牛肉同牛丸，初時上枱以為有三粒原整牛丸，點知看清楚原來每粒切開了一半62蚊一碗的！生熟牛肉份量也不算多，好彩牛肉都好淋，唔痴牙，不過有牛騷味，湯頭略咸！炸蝦餅香口好味大蝦扎肉米紙卷材料新鮮豐富，有口感好味本

名氣很大，來自越南的過江龍pho專門店"錦麗"，今天卒之有緣一嚐其滋味了....店剛開時被門外的人龍嚇走。一直等到現在，在德福開了分店，人潮漸退之時再來，那就可免受排隊之苦....店子好像是由某大飲食集團收購及營運的。每當一聽到這訊息時，心裡就往往打了個突 ---- 這樣的話東西味道會不會因而有所下降偏差，淪為流水作業式的產品 ?每一念至此，就令我先對這兒的出品先打下一個折扣或輸數。許多時在沒甚期望底下，可能會遇上驚喜也不定呢....餐牌內的pho確只有牛作主打，在此情況下坐在身旁的小友可以預計是會冇啖好食了 (因他不能多吃牛的)。但今次也沒辦法了，免為其難地給他點了碗牛丸河....至於小弟吃的，當然是其招牌綜合粉了....粉端上前，侍者先捧來一小杯金不換、鵝帝葉、小許紅椒及開邊小塊青檸，感覺上是對勁的....先呷湯，味頗甜濃郁而順喉，但湯色似乎不算清。隔了好一陣子，喉頭只有非常輕微的不良反應。和出面不少的越南河粉湯頭比較，這兒已可算是中規中矩不太差了....三大配料 ---- 生牛肉肉質非常軟嫩無渣，是出乎意料的好；牛腩相反就水準有參差，吃到有幾塊是像在吃擦膠般的，但到尾時的那一兩件

去到德褔，老公：喂，今晚食清啲！下，德褔有啲咩清架呢？池記又厭厭地，老公隨手一指：呢間啦，我想食越南湯河！都好喎，如果個湯正，真係好正架入面有好多吉位，不過都係要等店員帶先入得，入到去佢要求我兩個同後面個兩個同一張台，兩個兩個平排坐個店員既態度係must,下，點解要禁呢？1. 食湯河好易彈到對面2. 如無必要，點解我要對住個唔識既人食飯？3. 雖然係飯市，不過真係有好多吉台囉我無出聲，我後面個對已經抗議，要打對面坐，唔平排坐，最後佢地換左另一張台，至於我無出聲，就繼續要同老公平排坐啦！嗱，如果你係卡位，另計，但係衣家其實係由2張2人台拼埋既4人台！禁不如拆開張台，各自打對坐啦！所以個人就覺得呢個平排坐既安排好弱智同埋店員立即已經安排左一個1位既坐我地對面啦即係有無吉台，都要搭台譚仔都滿坐先搭台啦，你offer緊既係$60一碗麵，飲品，小食，全部獨立叫！無set,無加錢！埋單每位近$100個啲黎！唔係魚蛋粉，車仔麵，排檔，茶記喎，大佬！禁既安排，未免有啲過份！算！下次一定出聲睇睇餐牌，可以揀既野唔算太多，其實禁都好既，專啲會好食啲，太雜質素就會下降老公要左熟牛肉湯河我試左舊牛肉，有啲似牛

之前一路見apm都賣哂牛肉越式檬粉，咁岩經過德福，見新開又未有人排隊，於是入去試一試。叫左個招牌，一個小食凍卷，加杯青檸咸檸梳打。個粉唔算大碗，肉有幾塊，個湯頭係好清都幾鮮甜，牛丸幾彈牙，但不至於會驚嘆，亦唔明apm個間點解成日sold out. 個凍卷好札實，入面有粉絲，青瓜，蝦，好清爽，又唔錯，唔會一咬就散哂。咸檸梳打就真係唔識欣賞，又有青檸味，又有咸檸味，個感覺好怪，又酸又咸。總知食過一次就夠，可以行過德福，last choice先到佢。

Office冷氣真係好凍好凍，lunch想食啲暖胃啲既野😖 九龍灣越南餐廳選擇唔多，食黎食去都係嗰兩間，既然有間新開既過江龍，就試下個pho有幾好食!12點幾去到已經好多人排緊隊，等左約20分鐘先入得，餓扁左🤖落完單後侍應會奉上每人一杯九層塔、芽菜、青檸，可按個人喜好加。錦麗綜合粉 $62 - 有幾片生、熟牛肉同三粒開邊牛丸。先飲啖湯，湯底比平時食開既甜，但又未去到中環既Co Thanh甜得咁過份。擠青檸汁、加入香草又唔同左感覺，甜中帶微酸，味覺嗅覺更複雜，好易令人飲唔停口😛 飯後唔係特別口渴，味精應該唔算多。配料方面，熟牛肉似薄薄一片牛腩，肉嫩，可以當清湯腩就咁食，或者點siracha、海鮮醬，適合重口味食客；生牛肉稍嫌冇咁嫩，肉味還可以。個人最愛係牛丸，食到一粒粒牛筋，仲滿口好香牛既油脂味😍😍😍 佢比中式潮州牛丸冇咁實，易咬啲，有牛筋粒既關係口感會較豐富，亦冇乜黑胡椒味。依度Even lunch都冇set，$62 一碗粉食完大概四五點就肚餓，唔係好抵，始終喺商場地段就要應付貴租。偶然食一次都尚可接受，下次一定食淨牛丸粉！

時間是晚上10:00，其實都唔使排隊，所以可以直入去，隨便找個位坐，但那個四眼女服服員話要清潔，有幾張枱唔俾坐，要我坐圓枱同人迫，而那張枱已經有5個人。平時我是無所謂的，但今天我是剛下飛機，攞住行李，一袋二袋，但你要我坐落去迫，你是不是腦殘？還有一個小時才關門，既然你咁唔想做生意，想趕客，我只好頭也不回，走！成個商場不是只有你一間。希望貴司高層可正視問題。各位師兄，請不要在關門前一小時進去，不然只會受氣

筆者對越南牛肉湯粉情有獨鍾，對香港大大小小的越南湯粉店當然不會錯過。最近在雜誌上見到有間殺入香港，在短短幾個月內已經開了第二分店。過江龍「錦麗」原來是「太興」引入的，選址德福剛好在筆者工作地點附近，今日12:10到達就不用等位，過十分鐘已經門口大排長龍！「錦麗」在1970年於越南創立，被譽為越南最好食牛肉粉品牌，最高紀錄於一天售出超過3,000碗牛肉粉，深受歡迎本土及海外食客大讚。例如：華爾街日報讚「錦麗」係越南胡志明巿最好吃牛肉粉；另外，TripAdvisor評胡志明巿餐廳中排名第23。本港出名的食評人蔡蘭都在專欄上推介。越南餐廳的擺設當然要擺放一些充滿特色的擺設，單車及漁民的手織帽就最有代表性。餐廳內只放有少量越南風味擺設，裝潢反而時尚摩登，用上漁民的手織帽做燈罩，不失越南風味。「錦麗」放有越南 「錦麗」總店的舊照，但這些照片細細張而且放置於不太顯眼的位置，要細心點才能找到。枱上每個位置都放有一杯香葉配料。另外，枱上印有品嚐牛肉湯河的最佳建議。首先品嚐湯的味道，之後撕碎鵝蒂葉、九層塔等香料，最後加入青檸、紅椒及芽菜。餐牌非常簡單，只有前後兩頁。一頁印有五款湯河及十款小食，另一頁則印

朋友係網上見間新餐廳，朋友見到就話呢間餐廳好好食，點都要去試下，所以就決定去試下啦！一去到就見到排長龍，心想一定有排等啦！誰不知等了廿分鐘就到，真是太好運啦！一坐下就見到有杯芽菜辣椒，睇完餐牌後，最後決定點了一個生牛肉湯粉同牛丸湯粉，當碗粉一放上枱，見到一個粉團，初時以為係唔係未煮呢？之後放左啲配菜，就慢慢整散啲粉，再慢慢食。第一口當然飲啖湯先，熱辣辣而啲味道甜甜地，口感好滑，再食啖粉，細細條而感覺好滑口，應該用左不少油處理過所以先咁滑的，而生牛肉都不錯，咬落去好軟綿綿，仲要有好香的牛味，幾不錯。

太興集團下屬的越式河粉餐廳。之前我們去過觀塘那間，排了半小時。這間新店開在德福廣場，相對人少些，週日下午两點來到，大概排了十分鐘便有座位了👍🏼河粉很滑，牛肉也非常嫩。熟牛肉其實是牛腩，生牛肉是牛肉片。牛丸是女兒的最愛，弹牙爆汁。连不愛吃東西的儿子也贊不絕口，還說要帶奶奶來吃😅咖啡是越式的滴濾咖啡，底層是煉奶。很浓郁的味道。咖啡愛好者不妨一試。

Telford 商場一間普通restaurant ...我地坐下來，想落單，叫個waiter 落單，順便俾杯水我地佢話佢地餐廳不提供水，佢只係一間平民餐廳，俾一杯免費水我地，其實幾合理好失望，走咗冇食

我覺得錦麗的綜合牛河水準只屬一般：生牛肉算軟滑，熟牛肉則頗肥膩，牛丸彈牙肉味濃，但河粉略厚，湯沒有味精，卻十分油膩而且並不好喝。雖然每位客人都有一杯香葉和芽菜，可惜湯又不夠熱。如果這兒以牛河做主打，對我而言，實在毫無吸引力。不過，我很喜歡這兒的春卷，皮薄又香脆，最重要是有地道的味道。大蝦札肉米紙卷也做得不錯，包滿食材，真材實料。餐廳在商場內，座位不算舒適。侍應的服務態度也可以。