錦麗 (德福廣場1期)

营业中

休息中

泰菜同越南菜都係我飛佛之一，得閒癮起就會好想食，有時食過d連鎖店既牛pho，真係可以好難食，錦麗係apm開第一間分店既時候真係萬分期待，但apm長期好多人排隊，想食都唔係容易！終於比我等到佢開分店，仲要係德福夠曬近，又可以食pho啦~lunch 去食，唔洗等位，即刻有位等，又想食生牛，又想食熟牛，又想食牛丸，緊係揀綜合粉，有曬所有野嘛！錦麗好貼心咁教埋你點食，飲湯完，再加配料，個湯超正，勁有牛味，牛丸好爽口！想食米紙卷，見到佢有牛油果option，真係忍唔到，大大片牛油果，同個sauce好夾。整體食物質素真係好高，但價錢小貴，不過係香港食越南野要好食又平真係難揾既，食住先啦唯有！

下午茶時間都要排隊，但餐牌嘅選擇係好輝的！ 點解，因為佢地係專賣牛肉粉，唔多鍾意食牛嘅我只係想試下越南小菜！點解我會話妹仔大過主人婆？原因就係佢！🤓🤓🤓❤️❤️❤️睇落好大舊😩但其實得兩件，內餡大滿足，有粉絲有蝦，食落啲菜令到口感好豐富🤤🤤到咗主人婆啦，因為係搭枱咁坐，你會見到好多人都嗌呢個，咁就心思思同男友share食，牛魔王男友都對佢評語一般，但佢個湯係真係唔錯嘅～仲有啲香料係旁邊俾你落湯增加味道～

對於貪心的人來說，第一次就當然要試全餐。什錦牛河乜都有就最好了。河粉上枱時，待應會同你講一句：飲啖湯先。當見到碗河粉時，以為只是比單餸多$2，就有三粒牛丸，就真係太天真了，因為原來係三粒被切成一半的牛丸而已😆至於味道方面，牛丸十分juicy和有好香的肉味👍🏻而生牛肉，十分嫰滑，只是相對肉味較淡，最後，牛肋肉，個人覺得太油，唔太適合加入越式湯河。整體味道是ok的，只是食越南河的其中一個原因是想清淡一點，但呢到碗粉同個湯都比出面的油，扣了一點分。

去越南食過當地河粉後就深深愛上，不過香港的始終不及越南當地的好食。今次試一試錦麗，兩個人食點了一碗生熟牛湯河和一碗牛丸河。這裡河粉全是牛，不食牛的話.....可以只吃小食。這樣叫再share，抵過叫綜合湯河🤣。跟足指示食，先喝牛湯，真係好牛肉湯底，然後加配料（芽菜，辣椒一小塊），再喝湯，感覺完全不同，碗湯無咁油，芽菜香溶入湯中。一丁點兒的辣。真係一碗湯底二種享受。我沒有食生牛，因為無哪份勇氣。至於熟牛，非常之淋，好好味。而這裡的牛丸，是堅係有牛味的，加上十分甜，又夠彈牙，這才是真正的牛丸！如果一個人食，記得要叫綜合。點左個牛油蒜雞翼，幾好味，皮夠脆，頭尾被切開了，食落變單骨雞翼，十分細心的做法。這個蝦米紙卷是這餐的一絕。因為湯河都比較油，雞又熱氣，這個米紙卷加上個酸甜醬能清一清口裡肥膩感，可以留在最後食。

生牛肉pho!個湯好清好香，如果冇咁油就perfect了！每次黎必叫，蒜蓉雞翼，超夠熱同超香口惹味😋😋😋😍!!!!最後配埋個青檸soda,好似飲梗virgin mojito咁！爽呀！

開咗一輪終於來幫襯坐底不久發現原來好多人同我一樣係一個人嚟食見到双眼即時發光粉麵只有牛類，如不合口味那便只能點選小食因沒有供應熱茶或清水，如想口渴那便要選購飲品了！其實個人不論會否另點飲品，也習慣開餐前清清味蕾和完餐時清清口腔⋯每個位檯面一早要放了一杯香葉芽菜青檸辣椒（個人覺得不太好，未有人坐下已經放置在檯上，不太衞生）而小碗內的芽菜是再添加的啊！跟指示先嚐湯，再撕碎香葉，再下青檸汁（我沒有落辣椒，因為唔想辣味蓋過牛肉清湯）除了生牛肉片，還有牛腩條，牛肉有點碎拾拾有四條好粗碌嘅牛油果沙律菜米紙卷，大量沙律菜，可惜主角牛肉果 太渺小⋯食落不甚明顯

I heard that this famous Vietnamese restaurant is always busy. But now that they open another one in Kowloon bay, it is easier to get a seat. I went in on Saturday before 7pm. I chose the popular pho which had medium beef, well done beef and beef balls. It came very quickly. The soup was very tasty, it was very concentrated. The rice noodles was soft and easily slide through my throat. The beef was so good! They were all very soft and delicious! The spring rolls brought me back lots of memory. T

老公至愛越南河，當知道太興集團收購左錦麗常常提要去試!(餐廳背景:40多年來專注製作牛肉粉，在越南嚮負盛名，並獲TripAdvisor評為在2355家胡志明巿餐廳中排名第23及獲卓越獎）趁星期日有空便專程去食，店面很有越南風味，店面較細。枱櫈屬米線店圓形搭枱款款式，食完即走個隻。野食唔叫多選擇，河粉類除了牛還是牛，沒有其他可選擇。如果唔食牛既朋友可以唔洗去了。~牛河:牛河著重湯底，此牛河湯底太清淡，熟牛味道還好，河粉係油滑型，重點少到我個5歲女食都唔飽認真少到誇張。~牛油蒜香雞翼:無味，雞翼無咩炸粉，唔香脆，面頭加上牛油蒜蓉完成，我食左一嘆放棄~老公叫左薏米水，來到薑味濃，老公唔飲，唯有我飲。講食物認真一般，選擇少，湯底淡，份量更少，試一次便足夠

放工去九龍灣返夜學，上完課超肚餓？和同學一同去德福揾食～十點幾你都個我生意，給人印象都唔錯依個時間當然大把坐位啦～坐底點野食先，來個生牛肉河同越南滴滴咖啡（凍）的。製作需時～先送上配料同飲品。約五分鐘到熱騰騰的生牛肉河送到，先將芽菜，辣椒，檸檬汁等加上湯裹攪拌，完成就可以開动，基本上依個生牛肉河連配料食好好味，湯底好濃好熱，牛肉好新鮮。喜歡辣可以加小小辣醬調味～生牛河做得好出色，價錢收費就貴了點。都會再黎試其他野的。

之前Lunch Time係觀塘apm食過幾次，一直以為佢冇分店估唔到今日係九龍灣上完堂會見到錦麗因爲8點半先去食，所以唔洗好似Lunch time咁要等位Order左熟牛肉河值得推薦如果第一次黎就最好叫 綜合 嘅～一次過試曬生熟牛肉同肉丸

晚飯時間只是等了15分鐘左右便能入座太好了😆之前已經望過餐牌，知道只有5款粉選擇，不要緊，目的就是為了牛肉粉與友人各點了一碗熟牛肉河及牛丸河，還有三款小食。熟牛肉河，湯底濃旭，缺點就是油了一點，牛肉應該是牛𦟌，非常入味，而且很淋，再沾一些甜醬及是拉差醬，味道非常惹味牛丸河，牛丸很大粒，吃下去，味道就很像某集團的牛丸，聽友人說，原來這間是某集團旗下的，難怪牛丸味道9成似春卷，脆口，但個人不太喜歡芋頭呢牛油雞翼，也很脆口，淡淡的牛油味，不錯，不過好邪惡大蝦扎肉米紙，這個我喜歡，食落感覺很清新如果下次再來，相信會再點熟牛肉粉及大蝦扎肉米紙呢

係寫食評之前首先要講下這間開在胡志明市，號稱越南河粉第一名的”錦麗” 。話說2017年中自由行去了胡志明市5天，出發前就搜集資料邊到有好食的河粉店，見到大部分的blog都係介紹一些香港見到的河粉連鎖店，例如xx24 ，要不然就是連地點都很難標明的路邊攤。而這家錦麗由於地點並不靠近旅遊區所以一開始並不在我們行程的考慮範圍裏 （胡志明市旅遊區在district 1 , 而錦麗開在district 6 ,在公共交通並不完善的越南，除了專程坐的士和Uber 外，其實都無咩好的方法去到) 。誰知道去到越南的第二天，我們突然多了一些空餘的時間需要無事找事做，翻一翻備用行程就決定去試一試這家遠在45分鐘車程以外（包括塞車)，號稱越南第一粉的河粉店。去到店鋪，見到差不多全店爆滿，而且大部分食客看上去都像是平地上班族，我和老公已經感覺到好的預感(๑>ᴗ<๑) 河粉一端上來，不得了囉！非常非常好食，湯頭是想像不到的那麼清，甜！牛丸非常有牛味！河粉居然食到米香！行程的最後一天，我們又再call Uber , 45分鐘的車程，來回1個半小時再去食一次，感動依然🤤回來香港後一直對這碗河粉念念不忘

晚餐時間唔知食咩好，諗起附近開左間錦麗，決定一家去試下。打開menu有啲驚訝，湯粉清一色係牛，冇選擇下叫左個錦麗綜合粉。綜合粉有牛丸同生熟牛肉，牛肉唔係肥牛薄片而係一舊舊肉，食落似食牛腩咁，OK。牛丸好重牛騷味，要沾枱上嘅醬先勉強食到。另外湯頭太甜，甜到兩老一飲就怕，忌甜人士請留意。大蝦扎肉米紙卷好多菜，可以補充下蔬菜量，食到底先有蝦，足料嘅，但餡料分佈平均啲更好。成餐最滿意牛油雞翼，重牛油味，極脆，食緊蒜蓉包咁。

最近到德福行街個陣都見到一間新開嘅越式餐廳駐滿咗唔少食客，於是，就特意趁OT後(約晚上9點)去試試。呢間越式餐廳主打五種越式河粉，每款都配搭不同嘅牛肉製餸菜，包括生牛肉、熟牛肉、牛丸等等，非常適合牛魔王們去試試。嗜牛嘅朋友甚至可以嚟個全牛宴，嗌個綜合粉（生牛肉、熟牛肉、牛丸），一嚐「一次過滿足晒三個願望」嘅滋味。小弟喺當晚就分別嗌咗熟牛肉粉(港幣58元)、燒豬肉米紙卷(港幣20元)同一杯凍鹹檸梳打(港幣22元)。先講講個熟牛肉粉，成碗大約有5至6塊牛肉，略帶筋勁，所以有少許煙韌。湯底清甜，攙雜唔少洋蔥。至於個燒豬肉米紙卷，相對足料，內有生菜、紫椰菜絲、紅蘿蔔絲等等，顏色豐富，賣相討好，而卷中嘅越南檬粉唔會凍左而黐埋一茁，亦唔會太碎，再配埋個魚露汁料，食落口都幾清新。重點係凍鹹檸梳打，當時見到餐廳做緊推廣，所以就順便嗌左杯嚟飲，發現餐廳製作嘅凍鹹檸梳打味道很好，鹹檸同梳打嘅比例啱啱好，時鹹時甜，間略帶微酸，非常開胃。

經過德福，睇到新開了很多食肆，有臺灣菜，越南粉，泰國菜等，最終我選擇標榜自己係正宗越南Pho的錦麗。中午11:30，客人唔多，暫時不需要排隊，冇午餐套餐，要飲品只可以散叫。因為一個人的關係，我只叫了一個綜合粉，份量剛剛好，如果男士來食應該會覺得唔夠。湯底有好濃牛肉味，食完唔會好口渴。生牛肉一般般，我更鍾意切薄點的生牛肉。但牛丸and牛腩好味，份量都好足，唔會似有的餐廳只有兩塊牛腩。綜合粉一碗62港幣，冇加一。