錦麗 (德福廣場1期)

营业中

休息中

之前去越南後，對越南嘅咖啡一直都念念不忘。間唔中都會食下越南野懷念一下。錦麗出名就好多人都知，今次lunch就去食下佢嘅生牛河。湯底香濃牛味十足，再加埋佢個小杯嘅配料，香葉、芽菜，最重要係加幾粒辣椒仔，再飲啖個湯，成陣牛味出晒黎！生牛肉十分嫩，加埋個粉同湯底，成件事都好享受。佢嘅米紙卷同樣都係必食推介，雞肉夾住菜同彈牙米紙，加埋佢個酸甜汁，好夾。重點越南滴漏咖啡，雖然真係地區問題，越南個陣味香港飲唔番，不過都不失為一杯唔錯嘅越南咖啡。