錦丼 (iSQUARE國際廣場) (已結業)

同朋友睇完戲，就順便喺isquare度食晚飯，呢間餐廳其實一直都想試，但每次都好多人，可能係星期日晚上人比較少，所以終於可以一試。四個人，每人點了一個魚生飯，另外再點了幾款小食，魚生尚可，唔係特別鮮味，不過不失，小食就比較喜歡海膽芝士焗金菇，另外清酒煮蜆的湯底有酒香，味道不錯吸引我們進入此店其中一個原因，就是用任何信用卡結帳都有八五折優惠，埋單每人都係200蚊左右，都係抵食既如果對魚生唔係太執著，呢間都抵食既，大家可以一試

早排同朋友食晚飯，諗住順便清埋啲cash dollar 晏晝打電話去問過有無得用cash dollar ，仲實牙實齒話有點知埋單果陣話機壞咗無得用講返嘢食，叫咗個四色丼，認真麻麻地啲魚生全部都係暗色嘅，一睇就知唔新鮮食落口果然係不出所料，陣味有啲腥腥哋八爪魚更加係好似食緊橡膠咁呀啲飯仲痴埋一舊舊實嘅雖然唔係真係十分差但絕對唔值呢個價錢 何況同一價錢有好多更好嘅選擇囉呢個食評係話寫唔夠200字冇得俾整體評分，本身寫唔夠

話說個日睇完保鑣救殺手諗緊iSquare有咩食聽講有錦丼有金丼 好想試但可能太夜冇得試最後叫左築地四色丼夠足料 海鮮都好新鮮不過價錢就貴左啲同我係東京食嘅海七丼爭好遠🙈_________________________裝修環境：✨✨✨✨✨服務態度：✨✨✨✨食物質素：✨✨✨✨(5個✨為滿分)價錢：$148________________________唔信我嘅可以自己去試試😂地址：尖沙咀彌敦道63號 iSQUARE 國際廣場7樓702號舖

星期六晚上諗唔到食咩好,就上左黎錦丼食日本野之前已經去過幾次食晚飯,都覺得價錢同食物質素唔差位置比起其他餐廳更高既樓層,可能因此咁所以唔需要等位之前試過三文魚丼,便當,今次就試下四色丼有三文魚,帶子,甜蝦,八爪魚,全部都好新鮮,加上個飯份量適中另外有一小碗蒿麥麵,幾清甜服務質素就之前好少少,今次侍應無上次咁主動不過係尖沙咀百零蚊既價錢我覺得相當抵食!

店內裝修幾有心思好似去左日本旅行咁哈哈可樂真系令人跌眼鏡冇汽嘅感覺仲差過水機zum出黎yuyu叫左個泡菜豚肉鍋($79)只系少少辣湯嘅味道偏淡, 有少少用水浸泡菜嘅感覺而泡菜嘅味道吾夠濃同入味, 亦吾夠爽口但系份量真系好多,好似食極都仲有咁睇黎泡菜嘅野都系去翻韓國餐廳食好d滑蛋豬扒丼 ($68)蛋果然好滑豬扒黎到嘅時候亦好熱豬扒嘅皮亦好脆, 吾會炸到好厚嗰隻睇得出系即叫即整, 一d都吾馬虎期待以上鹽燒鯖魚定食($68)爸爸對於呢個系好評, 但系至於細節我就冇問到啦

成日去Isquare睇戲都經過呢間日本野, 次次都比佢好日本化既設計吸引, 但每次都無緣入去試試睇完戲好肚餓, 就二話不說去食呢間日本菜我地分別叫左兩個魚生飯, 築地四色丼同海鮮丼, 有一碗麵豉湯奉送築地四色丼有甜蝦, 帆立貝, 八爪魚同三文魚, 一黎到見到個帆立貝唔係白色,是偏黃色, 未試過起其他舖頭見過, 以為係特別新鮮, 原來係唔太新鮮, 其他刺身尚算新鮮, 但魚生飯偏硬及稍熱, 令上面既刺身很快便熱了, 整體感覺不太好吃, 有點失望朋友吃的海鮮丼反而有驚喜, 到來後被佢顏色吸引住, 見到很多蟹子及三文魚子,未知是否因為角切的關係, 吃起來的口感也特別新鮮, 雖然未說得上是上乘, 但是多種不同的刺身配合起來口感真的不錯服務整體來說不錯, 員工都很禮貌我們只吃了午餐時段, 未知晚飯的質素會否不一樣呢, 但這樣的價錢相信可以在尖沙咀其他地方找到更好的

在門口看見金箔鮑魚海鮮丼半價的宣傳牌，決定要試試。六時半左右入座，無需等位，但要一小時內交枱，當然無問題。隨即點了半價的金箔鮑魚海鮮丼和和風石狩鍋，追加的飲品很小一杯，所以沒有點。和風石狩鍋只有一個魚頭和少量蔬菜，份量不多。魚頭腥，但湯底沒有魚味，和麵豉湯味道非常相似。金箔鮑魚海鮮丼的刺身份量很少，只有四款，每款薄薄的兩片。另加三片鮑魚刺身，但有沙。八爪魚和三文魚不新鮮，其餘兩款還可。金箔很大片，但沒有味道只能作裝飾，純屬噱頭，有點無謂。半價後（$84）價錢算合理，不過刺身的質素相比其他日本食店只屬中下。

老實說，每次經過都不見滿座，加上openrice 評價好壞參半，縱然餐牌吸引，還是一直未敢去試。直至這次朋友聚會，大家都想吃刺身丼，地點定在大家方便的尖沙咀，友人提出了錦丼。我對她們說了這間餐廳長期未見多人，她們竟說人不多正好，可以沒限時的暢談。反正相聚大於享受美食，所以便決定去錦丼。一到門口已見半價丼的宣傳，所以未坐入去便決定一定要點半價丼。最後我們要了兩份半價的金箔海膽拖羅丼，連麵豉湯也只是$94實在是太抵。一大塊金箔增加了刺身丼的華麗感，說是海膽拖羅丼，但其實兩邊的三文魚籽份量更多。在沒有期望下，刺身的質素是比預計好的。海膽未至鮮甜，但味道尚可；拖羅蓉入口新鮮不腥，三文魚籽脹卜卜夠晶瑩飽滿，味道微鹹中帶鮮，一樣沒有腥味。另外它每天有不同的特價$12x的定食，這天的是泡菜豆腐豚肉鍋、蛋黃醬焗帆立貝、加洲卷定食。泡菜鍋裡的泡菜都被煮到沒味，但湯汁的味道卻仍然淡到不行，完全不是慣常吃到的模樣；而豚肉口感粗糙，味道和清水煮分別不大；蛋黃醬焗帆立貝，蛋黃醬多到完全掩沒了很小一顆的帆立貝，基本上只吃到蛋黃醬的味道，帆立貝鮮味與否都吃不出來了。清酒煮蜆$48一上桌已聞到陣陣清酒香，但可惜蜆是沒

以前曾經來過錦丼食飯，但感覺上價錢偏貴，不太物有所值。今次係isquare 搵食見到有半價金丼，睇落好吸引呀，而且又唔使等位就一於試下啦！今期半價是金箔鮑魚海鮮丼，半價只需$84，和朋友毫不猶豫地都選了這款。一上枱證明圖片沒有欺騙人，的確有一大塊金箔舖係面，差不多蓋著整碗飯。鮑魚煮得幾入味但又保持爽口，好食至於金箔其實沒有味道，只為賣相加分。刺身大約有4款，每款2-3片，質量還好，但都切得幾薄。至於白飯真係我食過最酸的刺身飯，比壽司飯更酸 對於不喜歡食酸野的我来説係要劣評呢個飯。睇廣告牌其他金丼都好吸引，如果改良下個飯，有半價優惠一定會再來食。

四色丼 不過如此 $148睇相好吸引 食落好一般 不特別鮮甜。可能期望愈大 失望都愈大 真系試一次就夠/比較出色既系芒果熱卷，$88新鮮油炸 不油膩 配上芒果酸甜酸甜 正開胃全晚性價比最高既食物。/芝士腸$18熱辣辣 食落爆汁 有埋沙拉醬點 都吾錯 可以一試。/烤茄子：茄子本身淡而無味，但都算整得幾Lum 同多汁，配上木魚薄片，咸咸地，吾錯，系健康人士之選，但個人認為garlic燒茄子,惹味好多。/埋野：322 包加一總而言之：可以一試 但性價比不高

Food - 錦丼簡評：唔好食星期五晚去iSquare揾野食，去左依間錦丼。佢啲菜式既名稱聽落就好豪華，但實際食落口就十分之失望。首先係 "極上石狩鍋" ($98) ，個名就改到好高級，本來諗住好好味，可惜現實只係一鍋好淡，冇味既水浸蠔仔，配白飯… 同埋啲蠔亦唔新鮮。如果同一碗蠔仔粥或蠔仔泡飯去比較一下，依個 "極上石狩鍋" 可以理解為一鍋求其整，同時間限本係未完成既鍋。另外重加左個香荵玉子(加 $28)，諗住煮蛋應該處理得好少少，好可惜，我食落口時只係覺得又乾，又實，難食。雞蛋都做到咁差既話，我除左失望，其實真係重有啲嬲… 可能鋪租貴係一個影響食物既因素。我覺得做食材價錢平都可以做得好味好食，但如果求其煮，就真係冇可能做倒好食既野岀黎。希望依間錦丼好好反醒下，暫時真係連合格都唔敢當。

約咗BFF去ISQUARE睇17:50「29+1」所以我地就決定到戲院旁邊的錦丼開飯食店外面貼咗張宣傳用中銀信用卡找數主餐牌可以8折好彩朋友有中銀卡咋門口外見到呢個好吸引的牌「金箔鮑魚海鮮丼」做緊半價優惠只係$84咋真係好抵餐牌入面啲魚生飯平均都講緊$100-200嫁所以我地一人嗌咗一個, 再加咗啲小食同飲品溫泉玉子煙肉野菜沙律芝士燒糯米雞亦金箔鮑魚海鮮丼其他食物唔講喇冇咩特別講返呢個「金箔鮑魚海鮮丼」初頭一上台果陣我同朋友真係「嘩」一聲事關佢塊金箔真是好誇張塊金箔好薄, 食落好似有塊「依」咁影完幾張相佢已經同啲魚生融為一體我想就咁食返塊魚生多啲呀最有驚喜係舊鮑魚淋得嚟帶少少爽唔似喺其他餐廳好似食擦子膠咁最令人失望係個飯味道好似平時喺屋企煮果啲飯咁同時唔知係煮得耐定係咩原因啲飯已經太軟身, 完全唔粒粒分明所以我最後係食剩咗咁多好彩唔係嗌咗個百幾兩百蚊嘅貴魚生飯咋如果唔係真係揼心口呀真係因為我地有兩個半價飯又要用銀8折優惠所以個經理話要分返開兩張單找數好似有啲蠢喎呢個方法如果個個客都係呢個情況咁咪有排搞?

近期好似D丼 hit返,響尖沙咀睇完戲"直落"開飯~我叫左個玄庵丼,蟹棒好鮮甜XDD 吞拿魚都好厚實,仲有好多蟹籽~~至於朋友點的黑甕丼海鮮比較多,吞拿三文仲有蝦,三文魚好豐腴~~D魚生件件都好厚,隻蝦又夠滑,不過最開心都係有飯又有冷面!滿足我選擇困難症的人~雖然係幾好食,但我就覺得價錢偏貴喇

為左呢個優惠而黎的, 果然係冇偷工減料, 真係放一大塊金''薄''係碗飯度D用料都算新鮮, 份量都足夠比你爬哂成碗飯, 滿足啊~ 聽講每個星期都有唔同既飯會半價, 如果我係尖咀做野一定成日幫襯的

招呼不週，趕收工。不問要茶不送來，匆匆收好餐牌，多望一眼都沒機會。店內有一枱客，人數多，服務員殷勤招待那枱客，服務不一。食物一般，手卷紙菜不脆，烏冬還可以，壽司的飯壓得太緊。