錦丼 (iSQUARE國際廣場) (已結業)

去左尖沙咀食日本丼，去左間叫錦丼嘅入面d裝修好日系，所有傢私都係木製，好似身在日本咁叫左玉子，餃子同一個刺身丼個玉子好嫩滑，又有d葱花，個蛋好鬆軟，正啊個餃子脆卜卜，唔係好油，個餡都幾有味，total有四件個刺身丼，一黎到就覺得好豐富好正，有海膽，三文魚子同三文魚，再配埋個味噌湯，$168個海膽食落又幾鮮甜，幾creamy 吾錯吾錯，三文魚都幾肥美，魚脂味都幾重三六魚子就okay la.本身麻麻呢款刺身，但食落又吾係好腥，都接受到整體黎講都不錯啊，會再翻黎食，service都幾好，吾錯吾錯

今日放工真係太肚餓喇, 約左fd睇戲但又未夠鐘, 所以自己o係isquare 醫肚先~之後就搵到呢間錦丼, 佢既外型好日本, 睇落似貴價日本菜,不過望望個餐牌, 見個丼飯做緊半價, 我就毫不猶疑咁入去試試啦一支弓揀左一個刺身丼飯食, 簡單方便~~因為有半價既關係, 我點左聽個名都覺得好巴閉既金箔伊勢海老丼~其實我諗住百幾蚊應該都係蝦身有少少金箔, 點知黎到係成塊金箔鋪左o係度~大塊到有D 呆啊!至於個伊勢海老丼除左有甜蝦, 大海老之後, 原來仲有海膽, 魚子,都幾豐富~ 整體黎講都幾新鮮, 最驚喜係個海膽,首先我唔為意呢個飯有海膽啦, 第二都幾好食而且份量都唔少WO~~百幾蚊呢個飯真係好平haha~~至於D 金箔其實就裝飾用, 食落就無咩味~~個人覺得個壽司飯可以落多少少醋, 會再好味D~~Service 都OK, 加茶都幾勤力~~ 幾抵食今餐~~

留意左呢間錦丼好耐, 佢個門口好冠冕堂皇, 又有牌匾, 燈籠, 大鼓等裝飾, 似係日本高級野.今日黎尖沙咀行街, 估計午市應該唔會太貴, 入左黎食個午飯。佢入面仲有好多日式既裝飾, 想整到成個室內築地咁。今日主攻冷丼, 姐係剌身丼。Menu 入面淨係刺身丼已經有成十幾個, 百幾又有, 二百幾又有,視乎你揀咩刺身而定。我就揀左市場三色丼 $168, 雖然叫三色丼, 但係除左有三文魚, 海膽同埋魚子之外, 仲有玉子架~個丼飯Size適中, 我覺得一個食係岩岩好八成飽。刺身方面: 三文魚砌到好似玫瑰花咁, 都幾肥, 灘反開有3大片。海膽成４大瓣咁多, 都幾Creamy, 唔腥, 合格有餘啦。魚子份量好多, 食到最後一啖飯依然有好多粒魚子, 啖啖飯都有餸架。刺身丼只要夠新鮮, 其實都無乜好挑剔。服務態度都幾好，一開始唔知點邊個丼好都有續一推介; $168 有人可能嫌貴，不過呢個地段我覺得合理既，鋪夠大，坐得舒服。

係尖沙咀黃金地段要搵一間價錢親民既日本菜真係一D都唔簡單！錦丼雖然位於國際廣場，但位置一D都唔算易搵！小妹同朋友兩人同行好隨便咁係商場行下揀左哩間餐廳！事關餐廳佈置仿如還原日本餐廳小店的模樣，招牌擺設、裝飾，都充滿日本風情！去過日本的朋友一定會喜歡！好靚！餐廳客人唔少，好多都係唔同國籍人士，但都好寧靜感覺！讓食客食得好舒服！小妹一黎就叫左壽司拼盤！質素唔錯！魚生勝在夠新鮮！小妹推介三文魚腩！界花唔但只靚，擺盤吸引油脂平均香口，唔飽肚！可以留肚一嚐其他日式美食灸燒芝士三文魚壽司壽司輕輕燒過，聞到芝士、三文魚帶出黎的香味芝士入口溶化，同三文魚融合，配上三文魚魚香，魚油濃郁，三文魚食落更滋味自家製厚燒蔥花玉子，玉子滑一滑，好似食豆腐花咁滑，蔥花好豐富！豐富到食落完全覺得玉子更加香，賣相絕唔輸蝕海鮮丼，呢個黎到一定要食！呢間餐廳小妹不得不讚魚生新鮮程度高，入口鮮甜丼飯嘅魚生完全無吝嗇過，舖得滿滿，海膽新鮮，味道香濃，食落就令我掛住日本蝦身粉嫩，色澤光鮮，甜而爽身，魚子粒粒飽滿，脆卜卜入口，點到您唔覺得滿足

第一次來，被裝潢很日式而被騙了。。。刺身不太新鮮，很淋身，而且有少少出水；牛肉很薄很薄，質素與一般香港街市買既貨色一樣，連任食火鍋既牛肉都好食過佢，一點牛肉味都冇，比較“鞋”；飯亦唔似珍珠米，同樣很淋身，冇口感，而且份量不大；唯一天婦羅係炸得ok d既..個漿粉唔會太厚身，而且係脆的.....佢冇畀汁黎，但見只係一條蝦，所以無特別追問。

係尖沙咀呢邊返完教會，同老公漫步順便搵食。本身想去iSQUARE行下街買野，點知見到呢間日本餐廳，裝潢都幾有日本風味，就決定今日LUNCH係到搞掂！築地四色丼三文魚雖然唔係厚切，但係肉質肥美，充滿魚油香味。另外甜蝦同帶子就好鮮甜，無嘜雪味，八爪魚咸咸地又有咬口，加上酸度岩岩既好壽司飯，大大碗，刺身+壽司飯互和融和鰻魚溫泉玉子飯大大2條鰻魚鋪係上面，加上一隻溫泉蛋，鐘意可以撈入白飯或者就咁食蛋黃，我個人就鐘意就咁食。鰻魚肉質平均，加上鰻魚汁，配上白飯，口感層次豐富，正！

地點幾好，買咗飛看戲可以係呢度食下嘢先，唔怕會遲咗。裝修夠晒日本風味，出面仲有個鼓可以影下相! (其實係唔可以打出聲的，大家唔好學相中的小朋友^^")簡直係超值之選啊，二百蚊都唔洗就可以食到有金箔的菜式，用來放上FACEBOOK 呃LIKE都扺啊！金箔之上一朵黃菊花做襯托着，有一堆霸氣的海膽坐陣着，其有下細碎的拖羅（吞拿魚）承托住，旁邊亦有着飽滿的三文魚子擠擁地堆在一旁，而且仲有蟹棒低調地躺着等待我哋嘅試味。食材已經令人大飽眼福，睇見都垂涎三尺。但你估唔到放在一看似冇乜特別的蛋絲原來都可以令呢個飯帶出色彩，小小甜的蛋絲拌着拖羅一齊食原來幾正，繼而三文魚子的魚油爆左出來撈埋鮮甜的蟹棒一齊食，又起了一個好奇妙的化學作用，而海膽，我就比較喜歡一小塊一小塊咁慢慢品嘗，海膽的幼滑鮮美感動了舌頭上的每一個味蕾。朋友叫咗個鰻魚飯，本身啦鰻魚塊幾厚身，鰻魚汁又夠濃夠甜，已經好好食，仲有個溫泉蛋加埋一齊，蛋黃醬爆出嚟撈埋一齊食，呢個鰻魚飯簡直一百分！食多個件壽司先夠皮，燒三文魚好香，仲有片芝在上前，芝士的奶香加上三文魚肉的滑溜，好令人着迷!!整體感覺不錯，食物好，價錢又合理，地方靚，招呼又週到。下次再經

炙燒小樽丼 Seared Salmon & Scallop Don $148This bowl was generally smaller in size and the portion of salmon & scallop was just fair. The Seasame cold noodle that comes together was refreshing and filling! 金箔伊勢老丼 Goldleaf with Sea Urchin and Toro Don The piece of Goldleaf was definitely eye catching! Yet this heartily filled bowl was more than inviting to look at, with the shrimp lying on top, urchin and toro beneath. Ultimate satisfaction!😝 Marks: (9/10) 

係iSquare睇完戲，想食日本菜，見呢間餐廳裝修有日本氣氛，所以就排隊攞位～望下餐牌，好多選擇，刺身，壽司，沙律，串燒，麵，飯，乜都有～叫咗以下食物：豆腐沙律，新鮮爽口健康，配埋芝麻汁好好味～ 推介～三文魚刺身，肉質色澤靚，味道好新鮮～餃子煎得脆，唔油，啖啖肉～加州卷，大件，好新鮮好味，推介！！牛肉飯，大大碗，好味，又有好多牛肉～巨鋒提子，解渴好飲，唔會太甜～總括：食物OK，價錢合理，服務都好好～

作為一個死忠的哈日族，雖然身在香港都絕對不能不吃日本菜～早前就跟男友去到位於尖沙咀ISQUARE樓上的一間別具日本風情的餐廳午膳～我們就是被餐廳內的環境佈置吸引進來的，這裡佈置得十分用心，真係好似返左日本咁！因為午膳應該比晚服膳便宜一點，於是就選擇中午前來～先看看午餐的選擇吧！午餐都是以刺身丼飯為主，也有不少的選擇，還有不同小食～當然也有比較奢侈的選擇，看著非常吸晴！午餐沒有跟配飲品的，跟餐加HK$10點了一杯巨峰梳打，巨峰提子味香濃，唔會太甜，好解渴！海鮮丼（HK$82）作為一個貪食的人，每款刺身都想試下，於是點了這個海鮮丼，上面鋪著晶瑩剔透的魚子及蟹子，份量不少呢～而下層的刺身都是切粒鋪得滿滿，分別有三文魚、吞拿魚、八爪魚、油甘魚、玉子及青瓜粒等，各款的刺身口感不一，一併放進口內十分滋味有咬口～而且刺身很新鮮，加一點壽司豉油拌著壽司飯食，十分美味！吉列鹿兒島黑豚扒（HK$42）小食點了這份吉列鹿兒島黑豚扒，價錢十分相宜就可以食到黑豚扒～是即叫即炸的，炸得十分金黃脆口！黑豚扒的肉質十分易咬，沒有太多的油脂肥膏，炸粉也不多，只是外表薄薄一層！沾上我至愛的吉列豬扒醬汁，十分惹味，如果有白

滿心期待的去試， 裝修幾靚幾特別，但係一食……真係只有一句: “可遠觀而不可褻玩也"金箔鮑魚海鮮丼 $168⋯⋯ 除了鮑魚同金箔，都係平價的魚生湊合而成， 質素真係麻麻!!二階堂便當 $125 依個便當價錢比較合理， 食物都起碼有唔同款式，但都係屬於又貴又唔好食!!!飲品只飲左白桃梳打 味道不錯，價錢亦公道。

鮮鮮鮮丼平時行過係iSQUARE 的呢間日式魚生丼餐廳都好想試, 難得放假就同朋友黎個哈日午餐。餐廳位置好好, 夠靜, 燈光溫度適中, 而且空間很大, 唔會有壓迫感。魚生飯的種類好多, 而且各有特色同口味, 真係好難揀。每款丼都有特別的名稱, 而我個客就係高松丼, 當中刺身有油甘魚、三文魚子、海膽, 另外配一客細細的冷麵, 但冷麵實在太凍, 而且較軟身, 所以都係聚焦係丼度啦。各款刺身都算新鮮, 魚子粒粒都好飽滿, 油甘魚口感適中, 味道清一點。價錢雖然較一般市面餐廳貴, 但環境及質素也不錯。

門面裝潢還好 但食物同想像中有出入價錢唔算平 所以令人有所期待個海膽都大份既 幾香濃三文魚都肥美同新鮮既 不過份量略少魚子有點兒腥 可能係唔太新鮮個壽司飯好難食 一d都唔軟熟同好乾 用匙勺都整唔係好開咁既質素真係貴左d 唔抵。。

好耐無食過錦丼d魚生丼飯啦，經過isquare心郁郁又走左去食😜，錦丼係isquare既最上層，為左黎食真係千辛萬苦爬(搭)好多層先到。錦丼既裝潢好似日本魚生市場入面既食館咁，好有去左日本既感覺，食落都滋味d。金箔伊勢海老丼(半價) $104今期既限定餐牌有金箔系列既海鮮丼，睇到都雙眼發光，仲要侍應講今個星期其中既海老丼有半價，嗚呀真係搞唔掂立即叫左。一上枱就見到一隻長過我手掌，超級厚肉既伊勢海老訓左係大大塊金箔床上面，金箔下面舖滿甜蝦，海膽，同三文魚子，完全見唔到飯面。三文魚子比金箔包住，好似金珠咁，咬落甘香鮮甜有淳厚感覺，唔係淨係得個鹹字。大唔代表唔甜，成隻蝦食完都飽左一半，肥美到連個蝦頭都好多肉，口感double上。海膽新鮮無腥味，金黃色好襯金箔。黑甕丼$158另一個我地叫左個包羅萬有既海鮮丼，當中我最中意當然係toro蓉啦，錦丼最出名食鮪魚，toro蓉夠滑，魚香十足，價錢又抵。 另外油甘魚都好肥美，甘香既味道係咁多種魚最厲害。所有魚生都好新鮮好厚切。茶碗蒸 加$14去度邊有得加我都會想試下個茶碗蒸，雖然係一個好簡單既前菜，但就睇到舖頭有無心機，呢度既茶碗蒸材料唔算好多，但就因為

上次去完I square入面食野，經過依間食店已經覺得門口佈置得好有日本風味。今日見得閒，所以專程過黎食lunch。入到去之後，最驚喜就係連入面既裝潢都好有日本風味，彷如自己置身於日本一樣。黎得食日本野，就緊係食魚生啦。我分別同朋友一人叫左一個魚生飯。《築地四色丼》：三文魚既紋路清晰可見，而且肉質肥美，入口即溶。甜蝦同帶子，非常爽口鮮甜。八爪魚有咬口。而個壽司飯因為溝左醋既關係，酸酸地，好開胃。一邊食刺身，一邊食壽司飯，正！《寶塚雜錦丼》：話明雜錦丼，當然係乜都有啦。除左上面講左既三文魚、八爪魚、帶子同甜蝦之外，入面仲有吞拿魚、中蝦、北寄貝等⋯食材好新鮮，而最正既就係三文魚籽同海膽，海膽一d都唔腥，仲好鮮甜添。而三文魚籽大大粒，咬既時候，爆晒入面既油出黎，好好味。《長崎辛味豚肉腸》：豚肉腸有少少辣，而且啖啖肉，好野味！《楊枝金露》：楊枝金露入面有芒果肉，飲落去一d都唔酸，仲好甜添。可以一邊飲，一邊食果肉。《巨峰梳打》：好香巨峰味，而且配埋有氣梳打，好夾。