錦丼 (iSQUARE國際廣場) (已結業)

Food - 錦丼簡評：唔好食星期五晚去iSquare揾野食，去左依間錦丼。佢啲菜式既名稱聽落就好豪華，但實際食落口就十分之失望。首先係 "極上石狩鍋" ($98) ，個名就改到好高級，本來諗住好好味，可惜現實只係一鍋好淡，冇味既水浸蠔仔，配白飯… 同埋啲蠔亦唔新鮮。如果同一碗蠔仔粥或蠔仔泡飯去比較一下，依個 "極上石狩鍋" 可以理解為一鍋求其整，同時間限本係未完成既鍋。另外重加左個香荵玉子(加 $28)，諗住煮蛋應該處理得好少少，好可惜，我食落口時只係覺得又乾，又實，難食。雞蛋都做到咁差既話，我除左失望，其實真係重有啲嬲… 可能鋪租貴係一個影響食物既因素。我覺得做食材價錢平都可以做得好味好食，但如果求其煮，就真係冇可能做倒好食既野岀黎。希望依間錦丼好好反醒下，暫時真係連合格都唔敢當。