錦丼 (iSQUARE國際廣場) (已結業)

是夜點了兩款丼:分別是中拖羅丼(HK$198)及海八丼(原價HK168,特價HK$134).先談海八丼,一上桌見到兩條人造蟹柳已經打了折扣,玉子無蛋味又出水,兩隻甜蝦瘦弱得可以用蝦毛來形容,其餘海膽及魚貝類都十分普通.餐牌上說此店選用新潟米,但細看之下米粒並非全都是渾圓的珍珠米,夾雜了好些長型的,亦不覺飯香.既然號稱鮪專門店,所以本來對他們的吞拿魚有點期望,奈何六件中拖羅非但談不上肥美,肉質亦鬆散,物非所値. 個人認為,跟同樣主打丼物但價錢稍便宜的定食doraya比較,水準已經遠遠不及.雖然店內有很多魚市場的陳設,招牌上也標明"築地市場",但我覺得如果食客本身對築地市場未有親身體驗,吃完這裡後以為"o車,原來築地都係d咁嘅貨色咋",咁就真係不能不為築地的金漆招牌呼冤也.

尋晚同個friend睇到雜誌介紹，所以特登由跑馬地老連咁遠走去食，得出個結論係，好多時雜誌講野真係唔可以信…九點幾去到等位，等左幾個字，都OK啦，鬼叫未試過咩…有位喇，坐底第一時間叫個最貴「極上三色定食」（HK$268！！仲要兩個人一人要一份），有toro、馬糞海膽同三文魚子…諗住貴d會有保證…點知一上菜已覺唔對路！ 果d toro個樣同普通tuna冇分別囉！！而食落…都係冇分別！（如果呢d都叫toro，咁我一世人都未食過toro！）另外個馬糞海膽，份量少，本來以為會好正，但食落都係冇特別…至於個地方，d位逼到好似快餐店咁！服務？快餐店咁可以有d咩服務？！半個鐘快快食完走人，埋單兩個人差唔多六百大元（因為叫多左支啤酒定一定驚…）！呢個價錢可以有好多選擇！早知係咁，我情願是但去一間板長叫十碟toro壽司好過！

是日到isquare看電影，趕時間趁開場前來頓晚餐，經過此店門口，眼見其店內裝修非常日本feel，又掛念日本吃過的海鮮丼，於是就決定入去食番個丼。雖然是平日夜晚，不過店內人還是很多，不過還不需要輪候，到吧枱坐下。看看餐牌，此店提供二十多種丼，分了黑鮪丼、溫丼及冷丼，主打的是黑鮪丼，黑鮪是鮪魚類中最大的，說穿了其實就是近年經常被濫捕成災的藍鰭吞拿魚。此店在餐牌上更自稱所有海產均由專人直接在築地魚市場挑選直送到港，由於店子新開張，有一部分指定的丼有8折，所以我們是次就只在8折的餐牌上選擇。伙伴選了魚河岸雙色丼，我選了海八丼。在等候食物上桌時，觀賞了店內的裝潢，室內有很多水產店的招牌，牆壁上又利用了一些水產木箱作裝飾，更掛上了一些漁船旗幟，明顯是想模彷築地市場的樣子，店內色彩鮮明，個人頗欣賞這裡的裝潢，不像一般食肆局促又呆板的室內設計。座位之間亦夠闊落，所以環境的確不錯。等了不算很久就上菜，魚河岸雙色丼先來，主要就是三文魚片卷和吞拿魚片卷，但內裡加入了一些沙律醬。三文魚片和吞拿魚片一看就知尚算新鮮，因為兩者的顏色都鮮亮分明，入口感覺結實。店方自稱飯是日本新瀉米，不過飯沒有特別香，口感則還可以

環境: 3 (裝修幾特別)衛生: 4 (新地方幾清潔)服務: 1 (個個侍應都好似掙佢好多錢)味道: 1 (個海胆攞返1分 鮪魚夠胆攞台灣貨扮築地貨重收甘貴)價錢: 1 (價比貨唔那掂 真係食地方食裝修)

尖沙咀的幾個商場落成後，多了幾十間食肆，真係有排試，是日就跟大佬Cheap到I Square的錦丼食日本野。這裡的環境，真的很有築地市場的感覺。新張期間，定食有八折優惠，就每人點一客午市定食套餐好了，我要海八丼，大佬Cheap就揀左玉子黑鮪丼。跟餐會包味僧湯以及蒸蛋，我的湯夠熱，味也不會太搶喉，是可以的；蒸蛋同樣溫度足，幾滑身，裡頭有銀杏，都不太差。可是，對方的湯和蒸蛋均是凍的，應該是水尾的存貨吧！這樣，顯示出店方對品質的控制未夠認真。試了一點黑鮪丼，吞拿魚茸尚算鮮香，加埋隻溫泉蛋，OK喎！我的海八丼，有三文魚、吞拿魚、甜蝦、八爪魚、北寄貝、魷魚、三文魚子、玉子等等，挺豐富的，而且色彩繽紛，食慾太增。誠然，有些材料感覺不算太新鮮，如三文魚和吞拿魚，北寄貝則硬而不爽、八爪魚亦然，玉子又欠蛋味，只是甜蝦及魚子好些少，起碼口感好一點。總的說質素只是一般，下次要試試28樓的匠伊乒衛。

早幾日老公睇雜誌見到開左間咁嘅野,於是今日就去左..點知...拎飛等左一陣就入得.去到就叫左幾樣野包括 ...清酒煮花甲~普通吞拿魚蓉手卷~冇食唔知咩味極品黑鮪大拖羅丼~唔係話特別好食,都係普通吉列廣島蠔~冇咩特別,一碟4隻,唔知點解有兩隻係大,但係佢炸到"篇"左,不過都唔重要築地丼定食~雜誌推介,成碗都好多料..味道好!!黑鮪魚鮫~諗左好耐都唔記得係咩魚嘅魚鮫((好似係黑鮪??))...唔好食,都唔明點解好似落左D黑椒落去整,D肉又黏住D骨...講完野食就梗係講下佢地D服務...講真D服務真係唔多掂,今日係年初一,我唔明,係佢地唔想開工定係點,D女待應好多都黑口黑面,好似得罪左佢地咁,叫佢地寫野,可能人手唔夠啦,叫佢地幫我地寫野,等等到冇所謂,等左成個字都仲唔黎落,個個女待應又唔識搵第二個同事幫我地落,好我叫過第二個同我落單,明明我地係個張檯第一個話要落單,點知個位同事又幫同檯個兩對情侶落,做野都唔識分先後...@@幾左10-15分鐘D野食已經黎到....我地食野其間見到坐係我地對面個對情侶叫人加水,D待應又係應完就走左去,真係唔知叫左幾多次先捨得走黎加...因為我地飯後要趕住睇演唱

好唔好食又睇落去 320 回: 尖沙咀 isquare 第一擊: 鮪魚專門店最好食唔係鮪魚@錦丼http://hk.myblog.yahoo.com/goodboy_philip/article?mid=39882尖沙咀幾個新開大商場, ISQUARE, K11, 1881 都有唔同既食店, 前0個牌忙 D, 所以呢幾個星期先會去食下 , 呢兩日先去較 "親民" 既ISQUARE! 呢度既食店驟眼睇分左四級, 越高層既就越矜貴。矜貴既唔0岩我, 我對普通食下飯就七樓樓下既食肆有興趣多 D!ISQUARE 既食店中, 有好多間0係香港其他地區都有分店, 例如 MONSTER SUSHI, 牛陣, 火頭山...都食過, 所以都係試下新既食店啦! 尤其係位於七樓既一間吞拿魚專門店, 以築地直送作招來, 以吞拿魚主打, 因為我最鍾意食東京築地既拖羅, 好自然比佢吸左入去啦!至於好唔好食? 又睇落去?地址: 尖沙咀彌敦道63號國際廣場7樓702號舖 新張期內, 部分丼有折。MENU 上好多種刺身丼, 亦有小食, 丼亦多元化, 連吉列系列炸物都有。溫泉蛋 $10 : 雖然唔係半熟月見溫泉蛋, 而且

今日去isquare睇阿凡達, 本來諗住食牛陣, 點知等左勁耐都未有位, 又想食日本野, 就轉左去呢間食~睇睇menu, 食物款式唔多, 一個魚生飯都要成$80-130...叫左三文魚飯($88), 跟湯同蒸蛋, 食落三文魚就真係幾新鮮ge, 不過得6塊...壽司飯都好一般, 我覺得唔值$88~仲有吉列豬扒飯($78), 都係跟湯同蒸蛋, d豬扒硬到呢~唔得, 又乾...總括黎講. 唔值!不過佢主sell吞拿魚, 可能會好d掛-_-"

本來對這魚生飯餐廳充滿期待，見它今日開張，當然要去試試，去到的時候已經20:30，拿了籌不用如何等位就有得入，還以為運氣這麼好，原來是惡夢的開始。看MENU用了我同我個fd大概15分鐘時間，終於揀左2碗魚生飯，在20:48落好單，之後我地傾下計睇下相，不知不覺時間一分一秒咁過，都未有得食，坐我們旁邊、比我們早來的情侶有相似遭遇，個女仔d野食來了，但係個男仔既野食就催極都未黎，見個男仔等得勁唔耐煩開始feel到有d不妙，結果我地0係等左20分鐘左右催左第一次。旁邊對情侶趕住睇戲，結果都係冇等，0個時都已經過左21:15。我地就繼續等啦，由21:15-21:30左右我地催多另外至少2-3次，不果，仲要衰到每次催完d waiter都係走左去就算，完全冇意識返黎話番俾我地聽要等多幾耐，最後問個經理都係咁...到21:35 (已經等左45分鐘)，當我再催既時候，我朋友忍唔住大聲咁問可唔可以俾個時間我地，結果個經理返黎同我地講"唔好意思，要再等多15分鐘"，激到我地即刻走人！呢間野唔算大，而且係做魚生飯，真係百思不得其解點解佢可以搞咁耐都未整到d野出黎。我明白新餐廳0岩0岩開張係會亂d，但係亂成咁