影片
更多
2010-01-23
69 浏览
好唔好食又睇落去 320 回: 尖沙咀 isquare 第一擊: 鮪魚專門店最好食唔係鮪魚@錦丼http://hk.myblog.yahoo.com/goodboy_philip/article?mid=39882尖沙咀幾個新開大商場, ISQUARE, K11, 1881 都有唔同既食店, 前0個牌忙 D, 所以呢幾個星期先會去食下 , 呢兩日先去較 "親民" 既ISQUARE! 呢度既食店驟眼睇分左四級, 越高層既就越矜貴。矜貴既唔0岩我, 我對普通食下飯就七樓樓下既食肆有興趣多 D!ISQUARE 既食店中, 有好多間0係香港其他地區都有分店, 例如 MONSTER SUSHI, 牛陣, 火頭山...都食過, 所以都係試下新既食店啦! 尤其係位於七樓既一間吞拿魚專門店, 以築地直送作招來, 以吞拿魚主打, 因為我最鍾意食東京築地既拖羅, 好自然比佢吸左入去啦!至於好唔好食? 又睇落去?地址: 尖沙咀彌敦道63號國際廣場7樓702號舖 新張期內, 部分丼有折。MENU 上好多種刺身丼, 亦有小食, 丼亦多元化, 連吉列系列炸物都有。溫泉蛋 $10 : 雖然唔係半熟月見溫泉蛋, 而且
http://hk.myblog.yahoo.com/goodboy_philip/article?mid=39882
尖沙咀幾個新開大商場, ISQUARE, K11, 1881 都有唔同既食店, 前0個牌忙 D, 所以呢幾個星期先會去食下 , 呢兩日先去較 "親民" 既ISQUARE! 呢度既食店驟眼睇分左四級, 越高層既就越矜貴。矜貴既唔0岩我, 我對普通食下飯就七樓樓下既食肆有興趣多 D!
ISQUARE 既食店中, 有好多間0係香港其他地區都有分店, 例如 MONSTER SUSHI, 牛陣, 火頭山...都食過, 所以都係試下新既食店啦! 尤其係位於七樓既一間吞拿魚專門店, 以築地直送作招來, 以吞拿魚主打, 因為我最鍾意食東京築地既拖羅, 好自然比佢吸左入去啦!至於好唔好食? 又睇落去?
地址: 尖沙咀彌敦道63號國際廣場7樓702號舖
新張期內, 部分丼有折。
MENU 上好多種刺身丼, 亦有小食, 丼亦多元化, 連吉列系列炸物都有。
溫泉蛋 $10 : 雖然唔係半熟月見溫泉蛋, 而且接近全生, 不過反而喜歡那種鮮蛋黃味。唔錯! 十元隻都好抵食! 愛黎生食又得, 打落去撈丼又得!
錦丼 $268 : 黎得鮪魚專門店, 就當然係試試主打既黑鮪錦丼, 即係藍鰭吞拿魚, 個錦丼有大拖羅, 中拖羅同赤身,
叫得專門店, 食落更有期望, 睇外相, 大拖羅紋娌吸引, 食落又點呢?
先食赤身(中間), 新鮮度可以...中拖羅 (左面) 魚味唔算濃...新鮮度亦係尚可...大拖羅 (右面) 外型 OK, 魚脂卻比想像中少...總括而言, 質素很普通, 如以價錢及味道黎講, 當然完完全全唔及築地既七成質素, 亦不及香港同樣主打藍鰭吞拿魚既 DORAYA...
錦丼定食, 另有麵豉湯茶碗蒸。
光滑清淡的茶碗蒸
海八丼 $134 : 勝在款式多, 玉子, 赤身, 三文, 海膽, 北寄貝, 蟹棒, 魷魚, 鱆紅, 三文魚子, 飛魚子, 甜蝦, 熟蝦, 魷魚, 八爪魚!
可以樣樣食下, 過下口癮, 新張期內打折百三元抵食既!
帆立貝,海膽壽司包 : 可能唔係主打壽司關係, 帆立貝切得不太好......
二人埋單五百幾。
我地算幸運, ISQUARE 新開食店多數都要等, 只係等左三張枱就到, 之後更多人客, 去到九點幾仲要 CUT 客; 更幸運係, 一坐低聽見前後隔離三四張枱客人不停投訴等左四五個字都未有野食, D 侍應比人追到暈...反而我呢張兩三個字就上齊哂野食!
另外, 當 ORDER 野食時, 我話要一個錦 "當", 位侍應回我係咪要錦 "井"! 呆哂...
小小建議比呢間食店, 其實店既外型裝潢幾好, 裡面日式既擺設亦見心思! 喜歡日本既客人都應該會鍾意! 其實, 新張期內口啤真係決定未來生死咁滯, 咁多枱客投訴上菜時間, 人手唔夠真係要請多幾個, 個問題用錢解決到啊! 至於吞拿魚味道, 本身其實 OK, 問題係 D 吞拿魚明顯放得太耐, 可以用 "暖" 黎形容 ...處理刺身溫準係高難度動作, 太冷或太暖都係要靠師傅質素...初初開業, 老闆都係睇緊 D 好 D!
環境: 3.5
衛生: 3
服務: 3.5 (雖然有點混亂, 不過睇得出侍應好盡力做!)
味道: 2
價錢: 2
最終評分: 2 (味道真係好重要, 尤其是以 "專門店" 作招來, 好味既, 口啤威力加倍, 相反.........)
國際廣場,isquare,錦丼,錦丼鮪專門店,錦井,錦井鮪專門店,尖沙咀,東京,築地,好孩子,刺身,壽司,拖羅,築地市場,
张贴
