錦丼 (iSQUARE國際廣場) (已結業)

之前經過都有人龍排隊，今天是星期六晚反而沒太多人，立即入內嚐新環境裝修甚有日本魚市場感覺，氣氛良好甫入坐便點了海膽三文魚丼，夫君則點了鮪魚油甘魚丼上菜時間頗耐，不過個人尚可接受，到正式開動一刻店舖客人湧現，挺熱鬧因為價目未算昂貴，本來期望沒特別高，但看見鄰座享用的食物外相漂亮，色澤似乎很新鮮，味道想必不差先吃海膽，其實有少許失望，談不上非常新鮮，味甘甜沒苦澀。可惜沒驚喜，只屬一般三文魚反而令人回味，肥美且入口溶化，我平時不太喜好三文魚也覺得值得一試米飯咬下有口感，合格夫君吃的鮪魚油甘魚丼 ，他只說了句好味，詳情就不得而知蒸蛋和味噌湯沒啥特別我倆吃完之後意猶未盡便再點了刺生，分別是三文魚腩、八爪魚、牡丹蝦等了一段時間，看見師傅空閒卻沒上菜，最後還是問一下經理避免遺漏，經理回頭當即有禮貌地安撫說很快便有雖然其他侍應服務不太"熱情"，經理此舉卻挽回不少分數，至少感覺有誠意跟進刺生出現啦！見到就興奮，我急不及待吃八爪魚，濃濃海水味混雜八爪魚獨有鮮味，連鎖壽司店是沒法吃到此質素的夫君則高興地接二連三的吃三文魚腩，由於胃納關係我只專心八爪魚和牡丹蝦牡丹蝦頭很鮮甜，蝦膏更令人忘懷！蝦肉彈牙爽口總結最

一如以往，今次黎一定要食海膽定食。海膽鮮味香濃，正到爆。麵鼓湯唔太咸，蒸蛋 “滑lulu”。因為唔太肚餓，只要多左一個京燒銀雪魚三文魚，但比其他餐貴，要成 $128。碟魚上枱時超級愕然：圖中有三四塊魚，但碟中只有兩小塊，$128 太搶錢啦！跟住細看，銀雪魚燒得好燶，有d 地方已經成黑炭，真係甘都攞俾客人食！！?三文魚雖然無燒燶，但都好乾身！突然間對呢間店好失望，唔想再幫襯！！

不知所謂的餐廳，見到佢門口大大張海報推介北海好味丼$148。入去冇乜人已心知不妙，叫左個試下，點知就中招。d伙計目無表情，明明有空枱都帶我去廚門口d吧枱坐，我安慰自己我食飯啫唔係食服務。到個北海好味丼黎到我面前，我心入面打左個突d魚生份量少魚，海膽俾d$80一板貨比我。我心諗或者好味呢，點知三文魚無味，海膽味有d唔新鮮

錦丼既裝潢好日本feel，令我都俾好大期望佢，不過一路食野一路扣分！首先坐低，侍應送黎既茶係凍既！食左個三色魚生飯set，魚生飯有三片三文魚、兩片吞拿魚、三片油甘魚、一隻蝦。飯就一大碗，一定夠飽。魚生都尚算新鮮，但係同飯既比例相差太遠，飯就大大碗，魚生就少得可憐。一食啖飯，D飯係暖既！唔通正宗既日本魚生飯D飯會係熱既？！再食，入面竟然有D米粒係硬既！係D乾左既飯粒！我唔知佢D飯係點煮，可以搞成咁，好嬲！食到後尾，啖啖都係食白飯（其實已經就住一舊魚生分三啖食黎送飯，但因為魚生實在太少，食到後段淨返好多飯）！茶碗蒸一早整好拎出黎，要等埋師傅整好魚生飯再成set拎俾客人，咁D茶碗蒸就攤到凍晒。任D蛋再滑再香，味道再好都無用，因為唔夠熱！

店子裝潢有日本特色，店員有禮貌，令人有種舒服既感覺。北海好味丼定食 ($148)：魚生款式多，雖然不是款款新鮮鮮味，但可以樣樣都食下。帶子和海膽最正。海膽蟹籽丼定食 ($134)：估唔到甘多海膽，味道鮮甜，海膽香濃，正正正！！櫻花麻醬沙律 ($68)：菜少，豆腐切得太細粒，好細碟，唔抵食。定食中有蒸蛋和味噌湯，蒸蛋香而嫩滑，湯就太咸。下次要再食海膽飯，又抵又好味！

傍晚約七時便到了，內𥚃顧客不多，我們立即被安排到二人座位！環境不錯啊！看到餐牌有很多不同的選擇，好不容易便選了以下三款：（1）咖喱豚肉飯＋麵豉湯＋日式蒸蛋（＄88）﹣三年多以來第一次再嚐咖喱，特別美味！是屬於甜咖喱，有少許辣！可辣點：）﹣咖喱的味道配合珍珠米和豚肉，正 不過texture可稀點，太黏！﹣豚肉的質感不錯，份量適中！﹣白飯的份量應該大約有4﹣5碗普通飯碗﹣日式蒸蛋很滑！極美味！（2）海鮮薄餅（＄35）﹣海鮮薄餅的賣相似平面的八爪魚丸，但味道很不錯！﹣特別的是有沙律醬外，是加入士多啤梨醬！味道清新，油膩感減低了﹣要熱辣辣時進食，味道和質感會更佳！（3）黑鮪壽司（＄68）﹣芥末很好味 香味很濃！﹣淨吃黑鮪蓉的味道會較突出，還是加入芥末的好！﹣壽司賣相很美！而且也很新鮮！茶也很香很好喝！侍應們的服務也很快！而且普遍都是有禮貌的！總括而言都值得再光顧，而且在結帳後送了一張優惠券，應該短期內又會光顧了 咖喱豚肉飯 鮪魚壽司 海鮮薄餅

前幾日朝早出左OFFICE做野，難得去到TST...緊係想食好少少慰勞下做左成朝早餐都未食既自己啦本身係日本魚生粉絲，行經ISQUARE....呢間鋪裝修好有日本FEEL...又主打魚生飯...見佢D相好靚~所以一條友膽粗粗入去試下...MENU好多選揀...自己一個人...冇得叫好多樣野試最後揀左呢個...築地四色丼~~由於未係好多人，上菜好快呀~~一黎到...嘩...個樣好靚呀，同MENU既相90%似~~佢仲有我最鐘意既蒸蛋...又暖又滑...前菜一流~~主角魚生飯...本身等上菜...手多多禁入黎open rice...有人話魚生麻麻地,個下有d驚~~不過信自己...食落三文魚/帶子都好鮮...三文魚仲要厚厚的，正!!!!!!!!!!!!!!!!!!!!!!!!!!!!!! 成個SET有湯有蛋有魚生飯....我其實食唔哂~~食左個蛋同魚生已經7成飽...食多兩啖飯再飲啖湯就已經投哂降~~!!!

今日路過見到裝潢貌似築地，決定入去一試，誰不知只有賣相，食物質素其差，飯只有酢味，黑鮪沒有味道，帶子不鮮，味噌湯只是鹽水味道，牡丹蝦的尾斷了，山葵是平價貨。結論：特價126元的丼有8成是舖租，food cost 只佔1成，食物質素可想而之。忠告：不可一、不可再。

因為某位朋友食過呢度既魚生飯，極力推介，兼有coupon，所以就黎食。無得book位既, 所以4個人就攞籌等位...入到去個環境算唔錯~好有置身日本既feel~ 我地食左以下3款魚生飯...海膽+三文魚+三文魚子飯我同朋友A 食既, 個三文魚係真好味既...個海膽都ok, 一般啦..但個魚子有d苦...最鍾意個飯...好有醋味..唔錯~攪伴鮪魚飯朋友B 食既, 話好好味牡丹蝦 + 唔知咩魚飯朋友C 食既, 話d魚無味由於以上3款都係特價飯, 所以未能同時使用coupon...不過不失, 但未必會再食囉...因為唔係咁吸引...如果佢d魚子唔好咁澀, 仲有d魚有番d 鮮味...可能會retain到d客...因為唔好sai左個飯丫...p.s. 服務生都好有良心, 唔知9點半好似有優惠, 有一對客人9點25分想衝入黎果陣, 呢位服務同佢講等5分鐘就可以有優惠喇~都ok既

知道呢間食評麻麻, 不過上次食完又覺得都ok, 加上近日真係勁想食 三文魚子, 於是決定再食一次叫左一個 三文魚子+海膽 飯 !! 同 menu 幅圖有 9成似, 份量亦好足 ~~ 不過海膽味就唔係好夠濃, 如果撈埋 三文魚子 一齊食會 食唔到 海膽 味 ~~ 三文魚子 好好食, 好鮮好大粒 !! 可惜到最後真係好飽, 齋食 三文魚子 太咸, 都要忍痛 放棄 仲有 就係 其實係一個 有 前菜, 蒸蛋 同 麵豉湯 既 Set. 個 蒸蛋 真係好好食, 非常之滑 ~~ 正! 我覺得呢個飯係不錯的, 會再去食~ 服務態度係 的確 麻麻地, 我坐果張枱 係 最後, 而所有 waiter 都係 企晒係我地前面, 基本上係唔會有人見到我地, 希望佢地可以改善一下啦!

即試即評。海八丼，魚生唔係唔新鮮，但肯定唔係靚，鮮甜欠奉，一件件冷冰冰，賣相亦麻麻，絕對不值$188。聲稱築地，實在可笑。咖喱飯，還可，汁thick得d。親子丼不俗。麵豉湯用平麵豉，得個咸字，差過元氣。跟泡菜，九唔搭八。蒸旦偏咸，欠鮮甜，毫無日本口味。

有個FRD食過呢間野話再同我黎食多次點知....我叫左個滑蛋鰻魚飯得勁少鰻魚我叫2客鰻魚壽司好過完全唔值$100!!朋友叫左三文魚飯都係普通....冇下次喇...

日本菜真的周圍都有~ 要搵一間好食既又真係好難今次一嚐i-square 的其中一家日本菜...又再一次失望而回魚生飯不太新鮮~三文魚此等最基本的魚類,應該很容易掌握吧? 可是味道真的十分普通~跟平時在超市買的差不多~!海膽不夠新鮮, 實在失望麵豉湯十分咸...難道是即沖即飲那些?!?!?這個價錢..不應該是這樣的吧............如是者的話....我巳經不用出去食飯了..自己在超市巳經可以弄到一個set 回家~ 不是嗎?

之前係出面睇相,好似好正咁,恨左食好耐.....上個星期同男友黎食,店入面都有幾木台客人,我就叫左個咩野都有既魚生反~!大家唔好比張相騙左....吞拿魚個樣好似幾好,但係味道都係普通....根本冇呢間野所講既鮪魚專門店既水準!!而果塊三文魚既味道,真係好麻麻!!係JUSCO買果D仲好味!!仲有果pat海膽,食少少已經腥臭到想嘔....勁難食!!油甘魚仲要食度有魚骨....師傅呢種低水準根本唔配收呢個價錢($168)!!我男友食呢個都係勁麻麻...!!紅色果幾舊吞拿魚,口感係有既,不過味道都係普通....2個set冇咩特別.....仲有個麵豉湯,咸到喊!!番到屋企,我同男友都覺得好口乾!!我地都懷疑係個麵豉湯加左味精.....呢間野以後都唔會再去!!!勁難食!!

平時上到嚟 i Square 想食刺身都會過嚟食...已經唔係第一次幫襯...今次嚟到已經接近夜晚八點...攞籌等到有位都成個鐘...算啦...諗住係放假前夕多人等位都正常...一入到去同女朋友唔洗5分鐘已經諗好食咩...(因為食開)...不過叫咗十幾分鐘先有人得閒同我地落order...落完order之後....等完又等...等完又等...見倒遲嚟嘅人已經有野食...壽司吧d 師傅又好得閒咁吹水...就搵個侍應問下係咪落漏單??? 之後就同我check check...最後之前同我落單嘅果位女侍應就話唔好意思...落漏咗單...order半個鐘之後先發現無入過單...有無攪錯?!!! 野已經唔想食...即刻走人...等位到走人超過90分鐘白白浪費咗...仲要餓住走... 女部長又一d表示都無... 不過以後我地都唔會再喺依間野浪費一秒鐘... Never come back anymore~ 其實依間野嘅問題係所有侍應落單嘅時候都唔會抄低...純用腦去記... 不過如果真係記倒嘅就唔會發生d 咁嘅事...