鋿晶館

营业中

休息中

這家鋿晶館最近成為了街坊熱愛的餐廳，因為晚市都可飲茶吃點心，在區內少有，而且價錢不貴，全日免收加一，成功突圍而出。點心款式基本的都有，而且上菜速度很快，不過茶的款式有限，這晚想喝香片是沒有的，但$5茶位的確不貴。職員服務合格，見到沒有茶水會主動添加。今晚就要試齊這裡的糕點、蒸點和炸物。老爺子古法馬拉糕$22 就是原籠馬拉糕，切開四件，比較少糖，味道較淡，適合吃得健康的人。蒸得夠鬆軟，口感不錯。半肥不瘦叉燒腸$30,裏面叉燒餡很多，而且叉燒質素高，的確半肥不瘦，爽口又香，有蜜汁味，加上甜豉油，吃著滑嘟嘟的蒸腸粉更加一流，很推介！馳名南翔小籠包$26, 一籠三隻， 有青瓜墊底，容易夾起不穿皮，這就可以吃到最多的湯汁了！而且湯汁確實是極多，先在小籠包傍邊咬個口，吸啜鮮甜的湯汁，再吃裡面新鮮夠結實的豬肉餡，醮陳醋吃很香呢！上湯鮮竹卷$28, 鮮竹卷很香腐皮味，浸在湯裏也不會太軟身，仍有質感；裏面肉餡配上爽口的蘿蔔椰菜，吃著爽爽的；還喝光了上湯，滿是豆腐香！好姐潮州粉果$16,很久沒有吃過這麼好吃的粉果！咬開裏面是爆餡的，材料都是一般有的花生、韭菜、 沙葛、肉碎、蝦米、冬菇等，但就比一般粉果爽口

最近在荃灣又發現了一間新式點心店🤩查下底細之後，發現原來係一個自家品牌，專門製作手作點心，而且即點即做，所以就和朋友Happy Friday飲個茶、食個包😎疫情下的我特別注重餐廳環境，座位感覺都乾淨企理既👍🏻而且店員會自動波送上大碗給我們洗餐具，感覺令人安心。排名分先後：🥢糯香麻蓉煎堆仔 $22平時因為太邪惡的緣故，煎堆一向少吃！不過朋友仔想試，就陪佢試下啦~估唔到原本只係諗住淺嚐半粒既我，食左一啖之後停唔倒口，鯨吞左一粒🤤香脆軟糯且充滿芝麻香的外皮包著黑芝麻蓉，入口又唔會好油膩，甜甜的好好食！誠意推介一定要試😉食完再減lol/🥢鮮蝦菜苗餃 $26菜苗餃超大粒，晶瑩剔透的皮下，是飽滿的鮮嫩菠菜和大大粒爽甜蝦肉，足料美味😋/🥢月半彎晶瑩鮮蝦餃 $18/2粒鮮蝦餃同樣新鮮，彈牙的蝦肉量多😍除了摺位的皮略厚了一點點，都無可挑剔/🥢馳名南翔小籠包 $26小籠包皮厚薄適中，湯汁超多！豬肉新鮮，調味恰到好處，唔洗沾喼汁都好好食呀！/🥢香茜爽滑牛肉腸 $30腸粉如其名😎非常爽滑！牛肉嫩，甜豉油都唔會太鹹，perfectly match/🥢咱家秘製叉燒包 $16叉燒包鬆軟，餡料豐富，醬汁惹味，叉燒鬆軟

想食點心又唔想去酒樓咁多人又感覺唔夠衛生？俾我搵倒荃灣這間鋿晶館，場內環境乾淨企理，自家製品牌，點心師傅曾就職於日本東京富麗華多年，專為高管達人和明星服務，回港後係多間米芝蓮酒店及大型連鎖酒樓集團做主管，經驗豐富。現在只須平民價錢就可以食倒星級點心，一於叫多幾樣野食先😋黑松露北菇燒賣皇（2粒）$19勁大粒，望都望倒成隻鮮蝦，好鮮味月半彎晶瑩鮮蝦餃（2粒）$19皮煙韌，蝦肉彈牙，翠肉瓜粒爽口，而且蝦餃燒賣可以選擇2粒/4粒，好適合我地兩個人黎食又想食多幾款香噴噴招牌流沙包$26果然是招牌菜，流沙奶黃蛋黃味濃郁，包皮鬆軟，好好味呀紫金名醬蒸鳳爪$26好野味，而且鳳爪皮唔會蒸得太林粉果皮薄通透，餡料豐富，九菜芹菜味濃上湯鮮竹卷$28加左紅蘿白同椰菜更脆口，腐竹皮是新鮮的米黃色，唔會overcook半肥不瘦叉燒腸$30，粉皮勁煙韌，皮薄餡靚，半肥瘦叉燒加埋香菜好好味呀😋必食推介手作點心即叫即蒸，難怪樣樣都咁靚仔，唔會蒸到過曬火，真係等耐啲都值得。

呢間舖有10多種系列食物，我哋點咗『南北包點』系列嘅『咱家秘製叉燒包』新鮮熱辣，層皮好鬆軟，餡料調較啱啱好，正！『甜甜蜜蜜』系列嘅『脆炸北海道牛奶』皮脆到食落有聲，牛奶creamy，好完美。『蒸蒸日上』系列就點咗以下四款『好姐潮州蒸粉果』、『黑椒醬皇金錢肚』和『上湯鮮竹卷』『浦江春鮮竹牛肉球』，粉果皮超薄，見到入邊的餡，而鮮竹卷令人驚喜，入邊有蝦，你知通常有蝦矜貴好多，仲要係整隻蝦以上各樣即點即蒸好新鮮，我坐係收銀隔離張枱，就咁八卦到師傳好有來頭，曾經係東京富麗華工作多年，亦係香港大型連鎖酒樓集團做過主管，還有米芝蓮餐廳亦做過主管，絕對係經驗豐富之達人，呢度仲有好多嘢未食過，下次一定再來食其他嘢，始終一次過好難食晒全部好嘢。

喜歡飲茶食糕點，夜晚黑突然想飲茶食下一盅兩件，就要來荃灣沙嘴道既鋿晶館，包你食過番尋味。 第一次來呢度食晚飯，當看裝潢覺得還不錯，飲啖茶食個包呢個燈牌真係好正，好吸睛。吸睛還吸睛，野食最緊要。看看點心紙，都好多野揀，蒸野，包點，盅飯，燉湯樣樣齊。見到咁多野揀，都真係樣樣想食。我們二人點了好多野食，有半肥不瘦叉燒腸，馳名南翔小籠包，老爺子古法馬拉糕，大良薑汁雙皮奶，鳳爪排骨金鳳飯，蒲江春鮮竹牛肉球,麻辣貓耳朵還有糯香麻蓉煎堆仔。對於飲茶來講，呢度野食的質素真係好高，基本上上樣樣我都鍾意食，煎堆仔夠香脆，叉燒腸外皮夠滑又夠彈牙，馬拉糕夠鬆軟，不會硬邦邦，麻辣貓耳是雲兒，少少辣脆卜卜勁開胃。呢度仲有好多不同類型既茶點，下次可以約多d人一起來飲啖茶食個包啦。

今日去荃灣沙咀道單車舖買啲零件，見到一間裝修嶄新嘅點心專門店應該開店不久，所以決定試吓。同店員閑談中知道點心師傅曾經喺東京富麗華工作多年，招呼過好多高管達人和明星，做點心嘅經驗十分豐富，可以話係用平民嘅價錢就食到米之蓮餐廳嘅水準。點心嘅選擇都好多，而且蝦餃燒賣可以叫半份，啲點心重係即叫即蒸。脆炸北海道牛奶一啖咬落去外皮十分鬆脆但唔油膩，可能用上北海道牛奶嘅關係奶味十分濃郁而且滑溜，甜度剛好，令你食唔停口。好姐潮州蒸粉果份果皮搓得晶凝通透，餡料有粉葛，豬肉，花生同芹菜，味道正宗加上熱辣辣，好好味。咱家秘製叉燒包叉燒包皮夠鬆軟，用上半肥瘦叉燒而且份量唔少，秘製嘅醬汁跟叉燒味道好夾，值得一讚。浦江春鮮竹牛肉球牛肉球分量十足，而且夠彈牙同埋有牛肉味，再加上芫荽和上等嘅鮮竹一齊食，味道一流。

食點心覺得去茶樓食先最好但而家越來越多地點都有點心食地方都乾淨左👍👍👍用餐既時間都唔需要甘趕都好似多左年輕人飲茶🫖飲茶都唔再係老派野嚕😂鋿晶館成日都經過 次次lunch time都好多人可能只計茶錢唔洗加一服務費，同埋佢地既點心都係自家製作，所有既點心即叫即整巧手野，而且係網上surch到點心師父曾經係日本東京富麗華任職多年，回港後係好多間米芝蓮酒店同大型連鎖酒樓集團做主官。甘講得應該d點心都有質素同保證既😌一於lunch去試試佢👍👍👍我覺得最靚既位置係有霓虹燈飲啖茶食個包好吸引人注目牆上面都掛住一d點心牌而且樓上掛住一d雀仔既裝飾 用d光亮既燈射住有種感覺好似在庭院用膳😂齒頰留香脆蘿蔔腸一上枱睇到係晶瑩剔透腸粉皮好簿 之後有層脆卜卜既酥包住d蘿蔔絲 食落係香甜既蘿蔔又有層滑溜溜皮 好特別👍糯香麻蓉煎堆仔煎堆仔外面有好多既黑白芝麻，炸到金黃金黃色又圓又細粒 咬落煙韌有點黏口 裏面係黑芝麻甜甜的食包 我一定會叫流沙包 包軟綿綿咬落有流心既感興奶黃食落都起沙 但小心被熱到咀果然係巧手既製作鮮蝦菜苗餃不得了粒粒都大大粒 皮又唔厚 亦放了不少既蝦肉同菜苗 咬落菜味都突出 蝦肉彈牙新鮮小龍包皮簿

讚1.環境企理，坐得都闊落既2.部份點心係唔錯既，粉果皮滑溜唔黏牙，餡料切得均勻，煎蘿蔔糕既料好，蘿蔔多，雖然煎得唔夠香口，但蘿蔔糕本身好味道噃，茶都夠味，計環境同味道，呢間平衡得幾好彈1.北菇雞飯完全唔得，雞肉醃到係死肉咁，連豉油都無味

去荃灣行街 見呢間「鋿晶館」好多人食聽聞點心係自家製，所有點心現場即點即做，手作點心入到去有個好吸引「飲啖茶食個包」霓紅燈  大家都可以飲啖茶打個卡!🤣😝濟寧蒜香蝦春卷呢個濟寧蒜香蝦春卷賣相好吸引，炸得金黃色😍可以睇得出餡料好豐富 入面有豐富既鮮蝦與蔬菜春卷咬落去好脆卜卜，蝦肉爽口彈牙加上蒜香味 味道確實不錯😋😋鮮蝦菜苗餃一籠共有三隻，鮮蝦菜苗餃十分晶瑩通透👍🏻👍🏻睇到入面全是滿滿既菜苗同鮮蝦  整個外表整得脹卜卜菜苗餃外皮煙韌，菜苗鮮嫩清新，蝦肉份量也不少皮薄餡多 正阿!!🤤黑松露北菇燒賣皇燒賣皇size都幾大粒 燒賣上面放上黑松露入口好香黑松露同北菇味道 加上豬肉爽滑口感整體燒賣皇口感豐富，味道十足!👍🏻馳名南翔小籠包小籠包皮薄餡皮薄多汁，豬肉肥而不膩肉汁飽滿 再點醋汁 更加開胃😋😋我喜歡佢地小籠包下面放節瓜片 拎起好方便亦添加爽脆口感月半灣晶瑩鮮蝦餃食點心有得少得蝦餃呢鮮蝦餃皮都算薄 啖啖蝦肉 夠爽口😍香嘖嘖招牌流沙包樸素外表 簡單既真材實料流沙包熱辣辣，一咬開落去流出香濃奶黃餡 奶黃餡帶有鹹蛋黃味道😝😝👍🏻半肥不瘦叉燒腸叉燒唔會過瘦 果然係''半肥不瘦'' 🤣配上甜豉油，味道清

今晚專程帶了奄尖寶寶😎去荃灣鋿晶館飲夜茶！ 先來了鳳爪排骨飯，寶寶連聲👍🏼🉐️🉐️🉐️⋯⋯食得好高興！ ☝🏽 梗係正啦，我得得戚戚話佢知：鋿晶館係👩‍❤️‍👨夫妻檔，點心堅持即點即做！而且師傅🧑🏼‍🍳係喺日本凱旋歸來，做過🍽米芝蓮星級酒店的！所以飲夜茶都預少少時間等等位啊！講返 🐥鳳爪排骨飯～粒粒米乾身有咬口，寫明係🍚金鳳飯；排骨甘香，鳳爪係精粹，好入味選骨者至愛！🔥鹹水角～ 🧖🏻‍♀️皮薄既鬆化又煙韌，現炸所以不肥膩，滿滿的懷舊味道！果然係百吃不厭！🥟鮮蝦菜苗餃肥嘟嘟， 晶瑩剔透看到內𥚃大大的蝦同條條的菜苗，咬一啖好 Juicy! 💦仲有老爺子古法馬拉糕，🥧紅糖嘅香味撲面而來！金啡色氣孔細細的分佈均勻，🤸🏽‍♀️質地鬆軟又實在！ 師傅果然好功夫👏🏼

想飲茶，但係又唔想同人迫，咁就去啲飲茶小店，有茶飲又有點心食，可以安慰下想飲茶嘅心癮😌。🔻咱家秘制叉燒包$16🔻叉燒包同平時食既唔同，唔會一味死甜，依個叉燒包甜中帶咸🤤，醬汁飽滿，仲有勁多片叉燒🤩。🔻紫金名醬蒸鳳爪$26🔻醬汁好足，而且夠入味，鳳爪軟淋掛汁🤤。🔻齒頰留香脆蘿蔔腸$30🔻依個好好食😋，食落口好香脆，蘿蔔味香濃👍🏻，加埋咸咸地既豉油，腸粉軟糯得黎又咸香脆口🤤，幾好食。🔻好姐潮州蒸粉果$16🔻好飽滿🤩，啖啖沙角同花生🥜，香氣十足，皮薄軟綿，餡料香濃🤟🏻，比平時酒樓既大隻同多餡，粉果愛好者必試😋。🔻半月灣晶瑩鮮蝦餃$19🔻皮薄餡靚，真正既蝦餃🦐，有成4，5粒大大隻蝦肉，食一隻都已經可以好滿足🤤。🔻黑松露北菇燒賣王$17🔻🤤菇味好香，一啖入口好實在，因為好大粒，肉質爽口😚，而且菇味好香🍄，加埋黑松露，味道更香濃惹味👍🏻。其實依啲小店都唔錯，舒舒服服坐喺度，又冇茶樓咁嘈，其實好啱後生一輩👍🏻

而家飲茶食點心，大家都相當之有要求，因為一般酒樓嘅點心質素實在太差，所以今次朋友帶我嚟呢間專食手工手作點心專門店，試吓真正嘅廣東點心有幾正。餐廳點心係自家製品牌，所以所有都係即叫即做即蒸，非常新鮮美味，並唔係一般酒樓嘅點心可比的。百吃不厭鹹水角$22秘製叉燒包$16月半彎晶瑩鮮蝦餃$19。兩粒好姐潮州蒸粉果$16黑椒醬黃金錢肚$30呢度嘅點心真係好正，我估因為師傅真係頂級、有料，並曾經喺大集團任職有關。同店員傾開，知道師傅原來喺日本任職多年，專為明星、高級管理人員服務，回港之後又曾經係米芝蓮和連鎖酒樓餐廳任職主管，所以真係非常之有經驗及做點心嘅心得，難怪呢度咁出色啦。

去donki前餓搵野食試左佢啲招牌點心舖頭唔算大，但有少許打卡位📸📸食物除左傳統嘅點心，仲有好多新式嘅點心馳名南翔小籠包 $26多汁好食，但食時要小心💢鮮蝦菜苗餃 $26個樣有啲似粉果，但好食過粉果入面係菜苗同蝦🍤煎釀虎皮尖椒 $30尖椒本身有啲辣，如果平時中諗食辣既要叫💢🔥所以點心都即叫即煎，所以夠曬熱師傅曾係日本東京富麗華做，專為高管達人同明星服務返香港係多間米芝蓮酒店及連鎖酒樓做主管，經驗豐富

另外一個星期四我們幫襯了這間新開張的鋿晶館，為何不幫襯我喜歡的大師兄因為它已經轉手了，在疫情底下小店真的很難生存啊！車爸爸為我選了這幾款點心第一樣是我挺愛吃的菜苗餃＄26，其實一看那個澄皮的賣相已不覺吸引，首吃下去外皮很黏牙然後內裏的菜苗餡沒什香氣，所以這個菜苗餃對我來說絕對不能合格！第二款點心是金錢肚＄30這個是車爸爸的至愛點心之一，可惜醬汁只停留在牛肚的表面，可幸的是牛肚不會過韌，所以這金錢肚也未達致我心目中的理想的水平。最後一個點心是北菇棉花雞＄33這絕對是酒樓的價位可幸的是質素也尚算不俗，魚肚份量頗足加上雞件亦弄得頗滑溜，是在三個之中最吸引我的一款點心。而我們亦點了一個鳳爪排骨飯＄28估不到這飯又挺抵吃，內裡飯和餸料的份量不少而味道也不錯，可惜的是飯粒比較濕身弄得我們連豉油也不敢下呢！

從IG見到呢間點心舖嘅介紹，再喺OpenRice 睇下啲食評，普遍都有不錯評價，就膽粗粗試下啦，點知又來一次失望中伏😩首先食點心配中國茶好正常喇，點了鐵觀音，大茶壺裡面只是有一細包茶葉，啲茶沖來沖去都係淡淡的。點了一個$80嘅籠仔蒸飯配油菜燉湯嘅餐，再加幾款點心。套餐選了石斑片蒸飯，燉湯就無得揀，係姬松茸雪耳燉雞湯。廚師刀功好叻，石斑切到好薄，有四片咁多，係兩大和兩小片嘅組合。仲要蒸到過熟，啲肉老晒又鞋口，又無魚嘅鮮味，整個飯嘅味只靠鋪面的蒜蓉味。而飯身窄長，應該是泰國米，飯身幾硬下唔係粘身軟糯嗰種。個燉湯望落足料，但味道好淡，真係非一般嘅燉湯😏點心叫左鮮蝦腸粉，蝦餃，燒賣，牛肉和鮮蝦菜苗餃。蝦腸粉賣相一般，望落份量較少，皮厚煙韌，蝦都算大隻，不過無鮮味，最失敗係個腸粉豉油，應該無特別處理過，用左普通野，一點腸粉豉油嘅鮮甜都無。大佬呀！腸粉嘅豉油好重要架。其他餃類點心個皮都係幾厚道下，燒賣主要只係食到面頭嘅少少黑松露味。除左牛肉球仲有少少本身嘅牛肉味外，其他全部點心都係無咩味，好似不斷食緊同一樣野咁。睇其他食評還標榜廚房大佬係有米芝蓮嘅背景點點，試食過真心覺得好一般，簡直是平均水準以下