鋿晶館

鋿晶館今次到訪一間人氣連鎖點心店，主打每日即製手工點心。先講環境，老實講衛生一般，🫖茶壺柄同枱布都係油笠笠。職員係姨姨居多都算友善。溫馨提示，平日來會有較多優惠🈹。言歸正傳，茶揀左鐵觀音，唔好抱太大要求，茶味苦澀而不生津，冇乜茶香。食物方面點左幾款傳統點心同特色小食。月半彎晶瑩鮮蝦餃-$45/4粒 $24/2粒餃子皮煙靭，但略嫌厚薄唔太平均，有少少影響口感。餡料有三隻蝦，鹹淡適中，味道唔錯。推薦指數⭐️: 2.8/5紫金名醬蒸鳳爪-$30個名好有架世🤣鳳爪好入味，冇雪味，肉質軟腍嘅程度適中，蒸嘅時間啱啱好，唔係蒸到爛晒嘅口感。醬汁濃郁，有豉汁味同蒜蓉香，鹹甜適中。推薦指數⭐️: 3.5/5齒頰留香脆蘿蔔腸-$38呢個小編唔推介，單純見個配搭幾特別就試吓。係腸粉皮包住炸蘿蔔絲+蘿蔔蓉+蔥粒。先讚嘅係口感唔錯，腸粉皮薄，炸蘿蔔香脆，有愛軟內脆嘅口感。但味道上較為單寡，主要得蘿蔔味同香蔥味，同埋都幾油膩，食一件就已經唔想再食。推薦指數⭐️: 1.5/5蒜香蝦春卷-$42呢個好食，首先佢份量都幾多，有四件。外皮炸得好香脆，食到第四件都仲係熱嘅。餡料有鮮蝦同埋蔬菜。椰菜絲同蘿蔔絲處理得好好，好爽脆香甜，配搭彈牙嘅鮮蝦，味道唔錯。佢亦都有喼汁跟埋，建議沾來食，可以解膩。推薦指數⭐️: 3.8/5Payment: 現金💰 店舖推薦指數: 💫3.2/5…Read More

地方乾淨 每日見到佢哋係新鮮製作 現場即製的手工點心 我覺得好過有啲大酒樓， 佢哋一班同事 見到佢哋非常之落力， 唯一係廁所細啲， 但係都算乾淨， 所以係見唔到 香港人比較少去幫襯大酒樓的， 不知不覺間這間點心舖已經開業 三年幾 同時都賠咗我全家人 三個年頭的寒冬， 估唔到佢響 疫情期間都捱得住， 而家通關之後見佢哋生意都冇乜點樣回落到， 佢哋呢間食店都算了不起了， 所以係我哋全家人長期支持及捧場的，還有！ 佢哋出嘅套餐係非常之貼地 及好優惠 因為一個飯有個湯一個菜加埋都係60零蚊 對於我哋嚟講係完完全全 一種享受，希望呢啲小店能夠 繼續 為我哋香港美食之都出一分力，加油。…Read More

一間好冇禮貌的店，只想俾人知道，今時今日咁樣對啲客，你估你真係鑲金嘅咩？以往食過呢間店好幾次，都係一個嚟嘅，嘢食正常，價錢正常，吾特別好，吾特別差，今日假期，諗住歎番一盅兩件，見佢都幾多人等位，即管攞飛睇下要等幾耐，好耐心咁等佢個收銀兼坐位安排做完面前嘅工作先開口問，點知換來一句好冇禮貌嘅回覆：「一位冇位！」完全冇講過可能要等幾耐，又或者半個唔好意思嘅態度，我問自己：「點解還要乞求幫襯你？」以後都唔會！…Read More

北菇滑雞飯塊冬菇連蒂都俾客食，雞係碎濕濕，唔係一嚿嚿，奶黃飽的奶黃漏晒出來，扁的；馬拉糕好似蒸過龍啲水蛋咁有窿嘅，燒賣啲肉散嘅，味道又唔得，價錢又貴，仲要收現金。珍珠雞理論上係獨立一嚿嚿，但係拆出嚟嘅時候就發覺原來佢係將舊糯米雞一分為二然後再包返好；蝦餃就叫做正常啲㗎啦，不過皮好厚，馬拉糕就好似喺粥舖買嗰啲大發不過形狀整到似馬拉糕，仲係濕濕地嘅，如果想飲$8一位茶嘅呢就係得普洱同鐵觀音揀要飲其他茶葉就要加錢，都唔明點解啲人話好食…Read More

今日公眾假期，所以同咗屋企人去荃灣飲茶，間唔中都會嚟呢一間鋿瑩館，除咗點心新鮮之外，最重要係唔會太多味精，而且服務態度都幾好🔥脆炸北海道牛奶 🥛🍰經過油炸後，表面金黃酥脆，內部卻保持著牛奶的滑嫩和香甜。每一口都散發著濃郁的奶香，口感獨特鮮蝦腸 🍤製作而成的腸粉口感滑嫩，鮮美的蝦肉在口中彈牙而出。配搭住特製嘅甜豉油，讓整道菜品的風味更加豐富，是一道經典的廣式小吃秘製叉燒包 🥟叉燒的醬汁渗透入包中，口感鮮美。每一口都能感受到叉燒的豐富風味，配合柔軟的包皮，令人回味無窮山竹牛肉球 🍖搭配山竹，創造出獨特的口感和風味。牛肉的鮮嫩與山竹的甜美相結合，形成了豐富的口感層次，外酥內嫩，最緊要多喼汁，正…Read More

地點喺西鐵同埋荃灣地鐵中間， 任何一個站都要行大約 15分鐘左右....中午去到，任何 食餐優惠 都冇，所以 叫咗個蒸鱔飯套餐。要等大約十分鐘左右， 籠仔载起， 炒飯底有荷葉包住， 豉汁欖角 小小份量， 飯油咗少少， 但係鱔就好好食，不過只係得四大塊， 中午套餐包一個燉湯、一碟菜、 $ 108。另外叫做一籠乾蒸牛肉 燒賣 $32 ， 幾大碟 一共四粒， not bad。五福臨門拼盤 $50 ， 有蝦餃、燒賣、菜苗餃、 潮州粉果同埋一個甜品。我覺得食材都算幾靚 ，不過就 比較淡身啲。亦都試咗一個川芎白芷蒸魚頭腩 $49， 魚頭肉非常新鮮，不過真係完全冇乜味好淡， 因為食材靚唔使點加鹽都有味道。 小籠包有三粒 $36， 感覺上都係似廣東 style 多啲; 我比較習慣鍾意上海灌湯形式。茶第一巡 ok，第二巡冇曬味㗎喇， 不過我都帶咗茶包自己私家 加料 ☕😋$291 加埋落樓。…Read More

鋿晶館喺荃灣，裝修簡單光猛，帶少少舊式茶肆風，位闊落乾淨，服務員熱情招呼好。月半彎晶瑩鮮蝦餃
餃皮薄到透光好似水晶，蝦肉彈牙鮮甜，咬落汁爆出，清新唔膩，蝦味夠濃好正。蒜香蝦春卷
春卷皮炸得金黃脆卜卜，蒜香扑鼻，蝦肉嫩滑多汁，味道香濃唔油膩，點醬油更過癮。名醬蒸鳳爪
鳳爪蒸到軟腍入味，醬汁微辣帶甜，肉同骨髓都好香滑，入口即化，味道真係一流。總體而言，鋿晶館嘅點心整得用心，材料新鮮，味道同口感都掂，價錢平民，喺荃灣食點心真係唔錯嘅選擇！…Read More

鋼晶館是一間懷舊的街坊餐館。餐廳充滿地道的香港風情，總是讓人感受到濃厚的社區氛圍。這裡的「一盅兩件」特別受歡迎，適合和朋友一起分享。脆炸北海道牛奶的外皮金黃酥脆，內裡的牛奶餡香滑可口，每口都感受到濃郁的奶香。山竹牛肉球的肉質鮮嫩，搭配獨特的調味。秘製叉燒包是這裡的招牌之一，叉燒餡香甜適中，令人回味無窮。而鮮蝦腸的皮薄透亮，裡面包裹著新鮮的蝦仁，口感滑嫩。鋼晶館的服務熱情，價錢合理，無論你是本地人還是外地遊客，都能在這裡找到家的感覺。這是一個充滿懷舊情懷的地方，無論是美食還是氛圍，都讓人感受到香港的獨特魅力。如果你想尋找一個地道又美味的餐館，鋼晶館絕對是好選擇。…Read More

相識多年的同學見面，我和朋友也喜歡食中菜，上網知道荃灣的「鋿晶館」飲茶，菜式抵食性價比高，出品有保證，於是來到一齊食晚餐。店內特高樓底，環境舒適寫意，空間感很好，座位寬敞，我們看了餐牌後叫了晚餐。月半彎晶瑩鮮蝦餃蝦餃吸引我的視線，皮薄餡靚，蝦能保持嫩滑，讓人回味無窮。蒜香蝦春卷蝦春卷外脆內軟，蝦肉肉質彈牙，配蒜香味好夾，真心很好味。 脆炸北海道牛奶北海道牛奶是我的至愛，非常脆口，入口美味，讓人一試難忘。名醬蒸鳳爪鳳爪肉質食落嫰滑彈牙，剛好恰到好處，味道不俗。鋿晶館（荃灣）地址：荃灣沙咀道130號地舖…Read More

千祈唔好睇佢係一間普通嘅點心店，佢啲嘢食真係好好食，有時候小店仲好食過酒樓。今日自己一個食嗌咗三個點心，每次去嗌點心都一定會叫山竹牛肉球，唔係每一間都做到呢種口感，牛肉嘅鮮味十足，咬落去唔係冧到散曬嗰隻，而係有口感真係食到有牛肉嘅仲有勁鍾意食嘅鳳爪，叫做名醬蒸鳳爪，個名真係不負眾望㗎，啲醬真係好好味，令到啲鳳爪好入味。同埋啲鳳爪係好飽滿嘅，唔係瘦猛猛。最後梗係要食返個飯先飽肚啦，呢個係梅菜肉餅金風飯。肉餅彈牙，啲肉汁滲落去啲飯度真係好送飯，再嚟多兩盅我都食得曬呀。如果一家人嚟食仲可以食到多幾種唔同嘅款式點心，住家湯都好正㗎，不過今日就未有quota再飲喇，下次過嚟試下啦。…Read More

今朝嚟到呢間平民化嘅連鎖點心店，享受咗一個人嘅悠閒早餐時光！🌅首先試咗佢哋嘅皇牌 - 黑松露北菇燒賣皇！每一粒燒賣上面都有一小片黑松露，香氣四溢！💫 燒賣肉餡嫩滑多汁，加上冬菇嘅鮮味，配搭得恰到好處。而且個燒賣唔會有粉粉地嘅口感，反而係爽口彈牙，食落就知用料實在。😋跟住就係鮮蝦腸啦！腸粉皮薄而且滑溜，一啲都唔會糊，而且個醬油調味啱啱好，唔會太鹹。裡面嘅蝦餡新鮮彈牙，個蝦味重到爆！🦐 而且佢哋啲蝦都係新鮮嘅大隻蝦，一啲都唔會縮水，真係抵食！最後甜品揀咗脆炸北海道牛奶，外皮金黃香脆，裡面嘅牛奶醬滑溜香甜，仲要係熱辣辣嘅！😍 咬落去個外皮酥脆，牛奶醬就即刻流出嚟，香濃嘅奶香味充滿成個口腔，簡直係一種享受！🥛呢個早餐組合真係啱啱好，有鹹有甜，仲要價錢相宜！一個人食都唔覺孤單，反而仲可以慢慢品嚐每個味道。如果想搵個性價比高嘅早餐，呢度絕對係個好選擇！⭐️⭐️⭐️⭐️…Read More

今天行遠啲啲嚟到沙咀道近福來邨呢邊一間點心店食點心，之前見到報章推薦的，所以專登過嚟試吓，剛好不用等位，但不到12:30已差不多坐滿客人了。點心價格不低，蝦餃$45、腸粉$34-$45、牛肉球$30，另要加10%….但係點心即叫即蒸，材料十足，新鮮、好味😋黑松露北菇燒賣皇（兩粒）$21👍好姐潮州蒸粉果（3件）$24👍👍梅菜肉餅金鳳飯$38半肥不瘦叉燒腸$34👍👍👍百吃不厭鹹水角（3件）$26 👍👍是值回票價的！…Read More

上網見到呢間餐廳係一間自家製品牌，手工點心即叫即蒸夠晒熱辣辣😍另外姐姐都同我地講原來師傅仔曾經係日本東京富麗華任職多年，專為高管達人和明星服務，回港後係多間米芝蓮酒店及大型連鎖酒樓集團做主管，經驗夠晒豐富，唔怪D野食咁有質素👍🏻♡流沙奶皇包♡流沙奶皇包外皮柔軟，內餡香濃咬落奶皇即刻流晒出黎，搭埋香茶特別適合，呢個大推一定要點😍♡老爺鮮蝦腐皮卷♡腐皮卷外酥內嫩，入面仲有新鮮的蝦仁，蝦肉好鮮甜，搭配醬汁非常開胃🥰♡暖身提氣薑汁糕♡​這道薑汁糕食完真係好暖身，特別岩晒係咁凍嘅天氣食，超級有滿足感😋😋♡煎釀茄子♡煎釀茄子吸收晒肉汁，外皮少少微焦，內裡卻柔軟多汁，好好食👍🏻♡懷舊乾蒸牛肉賣♡牛肉好鮮嫩，蒸的火候剛剛好，牛肉唔會老又唔會話太韌，合格💯…Read More

香港人最鍾意一盅兩件，今晚嚟到荃灣，口痕上飲茶，搵到呢間鋿晶館。 佢位於沙咀道中間，荃灣廣場隔離，好易搵！入面裝修好港色，有傳統又不失創新嘅元素。店員態度好親切，介紹呢間餐廳嘅招牌菜。原來餐廳是自家製品牌，師父以前係日本做過點心比日本高管達人和明星服務，點心即點即做。 我哋就跟住佢點！1） 艇頭三寶煎蘿蔔糕-啖啖都係蘿蔔肉，唔係出面一絲絲，煎得好香脆2）煎釀虎皮尖椒-大大舊， 魚肉爽彈3）椒鹽豆腐- 外脆內軟，酥脆可口，豆香味十足5） 山竹牛肉球及鮮蝦菜苗餃-所有點心現場即點即做，手作點心。 好有誠意既點心🫖鋿晶館沙咀道130號地舖…Read More

今日終於去咗荃灣嘅「鎖晶館」試試佢哋嘅出名點心🤤。呢度嘅師傅曾經喺日本東京嘅高級餐廳富麗華任職多年，返香港之後喺好多間米芝蓮酒店同連鎖酒樓集後，自立門戶後開咗鋿晶館，主打自家手作嘅點心，每樣點心都係即叫即蒸，非常新鮮。今日我哋二人試咗：🍚梅菜肉餅金鳳飯：好有煮家飯嘅感覺，梅菜同豬肉嘅比例完美，梅菜嘅鹹香同豬肉嘅鮮味融合得啱啱好，真係一流飯伴。🍤月半彎晶瑩鮮蝦餃：蝦餃晶瑩剔透，內餡真材實料，蝦肉夠鮮味同彈牙，每一啖都係幸福嘅滋味。🥟黑松露北菇燒賣皇：黑松露嘅濃郁香味同燒賣嘅豬肉非常匹配，豬肉肥瘦比例適中，食落去口感爽口，超正！🍞咱家脆皮蝦多士：蝦多士外皮酥脆，內層鋪滿厚厚嘅蝦肉，再加上香口嘅芝麻，真係非常特別。🥚流沙奶黃包：新鮮出爐嘅流沙奶黃包，蛋黃味濃郁，內餡鹹香風味獨特，麵皮細緻，真係好好味。🍰暖身提氣薑汁糕：充滿薑汁嘅香味，特別適合冬天暖身，薑汁同糕點嘅甜味完美平衡，食咗之後真係覺得好舒服。呢度嘅點心質素真係超高，每樣點心都係即叫即做，材料新鮮，手工精細，加上服務態度非常親切。下次再去荃灣，一定要再黎試多幾樣其他嘅點心！👍🏼…Read More