鋿晶館

营业中

休息中

同朋友去荃灣食點心都會食呢一間，因為全部點心都好新鮮，今次去食又係好多人，不過等一陣就有位可以入。首先要推介黑松露燒賣，個燒賣皮勁好食，餡料都勁香，加上上面黑松露醬好似畫龍點睛咁樣令到成個味道更加出到呢一度嘅點心啲餡好多，蝦餃個皮都好有彈性，入邊有好多隻蝦咁，大滿足！另外有叫咗炸春卷同埋炸腐皮卷，兩個炸物點醋食好正，又係啖啖都係蝦肉，食得出啲餡都好新鮮我哋仲叫咗個叉燒腸粉，呢度嘅腸粉都好彈滑，唔會係好多粉嘅感覺，入邊啲叉燒餡真係食到係蜜汁叉燒，甜甜地材料新鮮！最後仲有叉燒包，同出面坊間唔同，呢個叉燒包嘅調味比較獨特，偏向比較甜嘅嗰一邊，如果鍾意食甜嘢嘅朋友會覺得好正～Overall嚟講性價比好高，啲點心都好好質素，如果下次經過會再嚟食！

之前去過上環店，今次同朋友嚟到荃灣店，店內設計新穎，主打自家手作點心，即叫即做🤩，而且仲有經驗豐富嘅名廚主理，曾經喺日本，及香港多間米芝蓮酒店，大型連鎖酒樓就職😍急不及待要試啦😋先試～🌟齒頰留香脆蘿蔔腸，第一次食，腸粉皮薄又滑，內餡係香脆金並色嘅外皮，包住一條條清甜嘅蘿蔔絲，好有層次，口感豐富😋佢哋嘅～🌙月半彎晶瑩鮮蝦餃～🍄黑松露北菇燒賣皇～都係大大粒，漲卜卜，餡料爆滿，蝦餃外皮晶瑩通透✨，咬落好彈牙鮮味；燒賣食落都啖啖肉，仲有陣陣黑松露香。至於🥬🍤鮮蝦菜苗餃，外層已經可以見到綠色嘅菜及燈紅色嘅蝦肉，賣相吸引。點心當然唔少得～～咱家秘製叉燒包～包好軟熟香甜，叉燒餡比一般嘅更為香濃，配搭得好出色整體來講食物質素都好有水準、加上價錢好親民，店員都好親切🥰

即叫即整點心專門店— 鋿晶館 天氣涼返少少啱晒出去周圍玩下因為時間都比較早，所以我哋決定要去飲茶先呢間點心水準不錯，精緻又抵食 價錢卻十分親民黑松露燒賣一上台己聞到好香的黑松露味 燒賣咬落去饀料紮實 十分美味月半彎晶瑩鮮蝦餃食得出大大粒鮮蝦喺入面 晶瑩透薄，鮮蝦十分彈牙鮮蝦菜苗餃外皮間瑩剔透，煙煙韌韌 味道恰到好處 彈牙卻不會太厚皮蒜香蝦春卷春卷外皮香脆，是剛剛炸起的 每一啖都咬滿滿的大蝦 而且脆口不油膩！ 秘製叉燒包經過自家調味，再加入叉燒包。包身入口好軟熟 口感好軟綿綿 正啊三寶煎蘿蔔糕煎得金黃焦脆的蘿蔔糕，內裏則細緻軟綿！再搭配上醬料 真係可以狂吃呢

由開店到現在都一兩星期幫襯一次，係好食的，但部份食材開始減料，以前雞札好大件，今日細到比鮮竹卷大一點，外層腐皮轉了，以前很有豆味，現在變得很油，由大舊香軟芋頭變成冬菇都可接受，菇及雞肉越來越細都可接受，但件魚肚細薄到咁有點離譜吧！今日櫃檯阿姐唔同咗，態度好差，買7份點心問佢攞包辣椒油，佢話額外要俾錢，我話入面都無(因為次次都無)，另一阿姐問佢俾1定2包，呢個市儈阿姐話俾1包佢得唔駛錢咩，當堂火都嚟埋！點解堂食可以俾辣椒油，外賣唔得？有本事堂食外賣腸粉落鼓油一律$1，蝦餃燒買落辣油加$1，做生意做到賺人7份點心計較蝕咗包辣椒油好趕客！

鋿晶館門面就用木系底色配上剛勁有力的毛筆字招牌🪵原來而家8點到11點仲做緊85折優惠，好彩10點半黎到仲享受到折頭，裝修佈置都幾新派舊古🤩有用紅磚牆紙加上水泥牆紙，一邊牆面貼著昔日香港風光和一首詩，另一邊就用咗霓虹燈添上一份年輕玩味💡原來鋪頭都唔係簡單小店，師傅曾經係東京有40幾年歷史既連鎖中菜品牌既高檔店富麗華工作，專為名人提供頂級粵菜同滬菜美食享受，係香港都做過唔少酒店既米芝蓮中菜同大型酒樓集團既點心主管🧑‍🍳而家出黎獨立創業，主打就係現場即點即做既手作點心，唔係隔夜點心或者大陸工場供給現貨，更好味道同更健康👍🦐月半彎晶瑩鮮蝦餃 | $20 | 8/10蝦餃皮名符其實係晶瑩剔透，包住既鮮蝦肉質爽彈，味道鮮美不會重鹹🍄黑松露北菇燒賣皇 | $18 | 8.5/10利用黑松露去提吊北菇既香味超級正，內餡既豬肉同蝦肉比例恰好，肥瘦適中有咬口🐤紫金名醬蒸鳳爪 | $28 | 7.5/10醬汁用咗曬乾後半脫水既大蒜同辣椒粉等入壇發酵而成，係廣東客家菜特色辣椒醬，同鳳爪好夾，皮爽肉滑鬆軟🐮蒲江春鮮竹牛肉球 | $30 | 7/10葱花係入面帶黎爽爽既口感同香氣，牛肉唔會過油有彈牙感覺🫔上湯鮮竹

除左上環有得食之外，原來依家荃灣同旺角都有得食啦🎉本身上網睇到師傅係由日本東京富麗華黎港，又係米芝蓮酒店同大型連鎖酒樓集團做主管🤵🏻‍♂️見到裝修華麗，點心又精緻，都諗住係中高價位既茶樓，點知睇埋menu相，平到我唔信🤩今日一於就試下係咪平靚正先。🍵茶芥💰$6🐒鳳爪排骨金鳳飯💰$32🐒黑松露北菇燒賣皇(2粒)💰$18🐒鮮蝦菜苗餃💰$30燒賣既話黑松露味唔算好突出，但餡料實在，食得到瘦肉同北菇既口感而菜苗餃方面晶瑩通透，入面有幾多蝦仁都睇到🦐。🐒咱家秘製叉燒包💰$20🐷同出面食到既唔同，佢內餡係偏結身，顏色都係深色啲，食得出真係自家製。🐒齒頰留香脆蘿蔔腸💰$34呢款係全部入面最驚喜🤩因為第一次食蘿蔔既腸粉，而且仲要有脆脆，食落係外軟脆交集😋但係好match。中意食點心既朋友一齊要黎試下🥧因為除左點心係自家製品牌外，仲要係現場即點即做手作點心，真係買少見少🥹

荃灣創意點心館荃灣不嬲都咁多嘢好嘢食！帶住我兩老就梗係要飲返餐茶啦🫖🫖🤤!一坐低就叫咗🫖🫖🫖烏龍茶☺️然後由於花多眼亂，我哋都諗咗一陣食啲乜嘢，最後決定食～～～鮮蝦餃（$20/2粒）、香煎蔥花蝦米腸（$32)、黑松露北菇燒賣王（$18/2粒）、鮮蝦菜苗餃（$30)、蒜香蝦春卷（$34)同埋秘製叉燒包（$31).佢哋嘅點心有小份量呢個選擇真係好貼心，咁你就可以食更多嘅嘢！蝦餃晶瑩剔透立刻好大粒！至於佢哋最出名嘅黑松露燒賣呢🤤真係有好大粒菇係中間！至於叉燒包可以話係包又軟林林叉燒爆汁😌整體來講性價比好高嘅一間新式飲茶舖頭！

第一次在荃灣鋿晶館飲茶在大半年前，當時見門口有幾多人等位，心諗d品質都應該唔錯就試一試；的確，d嘢食就還好，但全場滿座，坐得比較逼，搵人加下水都要等好耐。今日經過見冇咩人唔洗等位就再幫襯下。估唔到令人非常非常失望。叫咗六樣嘢，其中一個田園野菌餃有陣酸臭味，明顯已經變壞。我嘅friend初時就細細聲好有禮貌同個呀姐講個餃子變壞，想叫佢地取消拎走呢個餃子。呢個新人呀姐都幾nice，但佢應該話唔到事就走搵個大家姐。之後個大家姐好似當冇件事咁，十幾分鐘睇住佢執枱、收錢及送餐，完全冇理會過我地。到有一刻我忍唔到大聲叫個大家姐拎走份變質嘅餃子。佢一句唔好意思都冇，仲話佢忙緊其他嘢，可以換過一份😓。你d嘢變壞點會只得幾粒，同一批d貨都會應該掉咗佢啦！（希望你地之後有人會跟進）明明一件好簡單嘅事；取消一份變壞嘅嘢食都咁難。生意唔好係有原因的，價錢不算便宜，而服務實在太差了，荃灣飲茶有更好的選擇。

老爺鮮蝦腐皮卷➰ $36完全係即叫即炸，食落好香口，咬落脆卜卜濟寧蒜香蝦春卷➰ $33炸得好香口。味道好夠，對本人而言會有少少🤏鹹，不過對於喜歡重口味人士會好好食，因為真係食到有蒜香又夠鹹黑松露北菇燒賣王(2粒）➰ $18黑松露味唔係好出，不過菇好有菇味，同埋燒賣偏大粒月半彎晶瑩鮮蝦餃(2粒）➰ $20皮唔算薄，不過餡靚。蝦如其名，真係夠鮮，爽同彈牙咱家秘製叉燒包➰ $20叉燒餡都係有啲鹹，而且唔係好覺有叉燒味，唔知係咪秘製嘅效果香噴噴招牌流沙包➰ $28餡夠多。不過遺憾嘅係自己食得太慢，當食流沙包嘅時候已經凍咗，冇咗流沙效果總括嚟講，包就有啲普通，炸嘅點心好食，全部點心用嘅蝦都好鮮。不過啲點心有啲多油，同重味。另外，有個侍應姐姐幾好人。

呢間餐廳晚餐都有點心，去左試，餐牌好多選擇，菜式有傳統嘅點心，都有其他新穎嘅點心，所有點心都係落order先蒸，熱辣辣，好新鮮好出色😋😋😋老爺鮮蝦腐皮卷超推介呢個腐皮卷，外皮好脆，裏面包住好多蝦，舊蝦好爽口，好好食蒜香蝦春卷賣相好靚，好吸引眼球，食落仲正，春卷卜卜脆，但係一啲都唔油膩，啲餡料超足料，夾住好多蝦肉，啖啖蝦肉，好正！黑松露北菇燒賣王燒賣好大粒，有好多冬菇條，好香好足料香噴噴招牌流沙包入面開個包，啲流沙多到湧出來，好香奶黃味，正！全日都唔使+1 ，茶錢唔貴，每位$6，去飲茶非常好嘅選擇👍🏼👍🏼

今日專登黎呢間食點心！因為前排有朋友係呢度食完話呢間既點心好出色，所以襯今日黎荃灣買野順便過黎食😋餐廳標榜點心係即製～所以要等耐少少～果然上碟熱辣辣！先黎個蝦餃同叉燒包！呢個叉燒包好正，一咬落去啲叉燒汁擁晒出黎，好多汁，小心燙親！但真係幾Juicy 😋足料！之後到呢個蝦餃，食到佢既材料都係用啲大蝦黎做，所以蝦肉既肉質好實好好食，唔係平時普通茶樓既蝦餃～🥰之後就係炸既點心！叫左個蝦春卷同咸水角，又係新鮮熱辣！燙口架～小心睇熱！🤤春卷個蝦都係用大蝦整，所以都係好好食，外層又炸到好脆，好大份，抵食！咸水角既口感好煙靭，比平時食到既口感唔同似年糕既口感，外層都係好脆～最後就係黑松露燒賣！😍呢個係我至愛，好大粒，又冇肥豬肉，好好食～ 呢度既點心兩個人黎食都岩岩好，因為有兩粒裝既點心叫～而且性價比好高，價錢唔貴，聽講個點心師傅係做過米芝連餐廳既主管lol唔怪得食落係唔同啲！真係好食好多～會再返黎食🥰

細細個週末時總會跟長輩去酒樓亦都塔養左一個愛食點心嘅喜好有時人數唔多又好想食點心時甚至會去到一啲小型點心店用餐今次食到一間即叫即蒸 味道唔錯嘅點心食店🥢香茜滑牛肉腸👉🏻腸粉超級滑 芫茜味幾濃 食到芫茜本人和牛肉混合一起好match 食腸份最愛香茜牛肉腸🥢上湯鮮竹卷👉🏻上湯好飲 好香腐竹味 鮮竹卷濕潤度保持平均🥢鮮蝦菜苗餃👉🏻餃皮唔厚又滑溜 餡料多 有原隻蝦🥢煎釀茄子👉🏻本身唔係咁鍾意食茄子 但呢款茄子又覺得ok 因為中間煮得熟透 吸哂醬汁 偏淋口感 係我唯一會食茄子嘅味道👉🏻釀鯪魚肉 樂足料魚味濃🥢鳳爪排骨金鳳飯👉🏻食埋個飯就非常飽肚了 2個人share最岩份量👉🏻排骨鳳爪舖滿面又新鮮即蒸 食到粒粒金鳳飯而不是爛飯🥢百吃不厭鹹水角👉🏻鍾意食鹹水角呢種表面煙韌 鹹鹹甜甜嘅炸點心👉🏻入面包左比平時食開份量多好多嘅豬肉

好耐都冇飲茶啦～今日嚟到荃灣呢間新開嘅自家製品牌中式餐廳食點心😆茶位都只係6蚊！餐廳所有點心都係現場即點即做嘅手作點心。師傅曾就職於日本東京富麗華多年，專為高管達人同明星服務，回港後係多間米芝蓮酒店同大型連鎖酒樓集團做主管，經驗好豐富架！🥟月半彎晶瑩鮮蝦餃（$20）蝦餃都幾大隻，而且皮薄餡靚，入面超級多蝦！啖啖蝦肉😍必食之選！🦐黑松露北菇燒賣皇（$18）上面嘅黑松露都幾多幾香👍🏻食菇仲香菇同蝦，幾有咬口～🌯齒頰留香脆蘿蔔腸（$34）出面嘅腸粉幾滑，入面包住金黃嘅蘿蔔絲，好香脆😄😄🥯咱家秘製叉燒包（$20）叉燒包入面嘅叉燒切得幾大舊，味道正常，不過不失～🥓黑椒醬皇金錢肚（$30）金錢肚唔會好韌！醬汁亦唔會好鹹，啱啱好！🫔濟寧蒜香蝦春卷（$34）呢度點心係最特別，喺其他地方都冇見過！春卷皮炸得好香脆！入面亦有好多蝦肉！夾埋蔬菜、甘筍絲一齊食唔會覺得特別好肥膩😍不過就好似食唔出有好重嘅蒜味😚

呢間新開點心店都幾多選擇 雖然望落好似好普通 但食落新鮮又好食😋. 齒頰留香香脆蘿蔔腸 . $34呢個望落好似無特別 但食落係最好食🤣🤣 腸粉蒸得熱辣辣 上面有啲蔥花點綴 個皮唔算厚 咬落入面係脆口 以為入面係有炸兩 其實係炸左嘅網狀脆脆 包住粒粒蘿蔔. 黑松露北菇燒賣皇 . $18/2粒呢個燒賣蒸得好熱 個皮唔會淋哂 黑松露味仲好香. 月半彎蒸鮮蝦餃 . $20/2粒蝦餃好大粒 入面蝦肉都有返咁上下 個皮少厚 但可接受 仲加左啲蔥係入面tim. 鮮蝦菜苗餃 . $30一共3粒 比較少見係入面菜苗黎 加左d薑粒 幾夾 好健康咁 蝦肉比例唔少 係皮晶瑩剔透 唔會太淋同厚. 咱家秘製叉燒包 . $20一共有3大個 熱辣辣 蒸到個包唔會好濕 好軟熟 叉燒好大舊 係個汁少少咸😂

今晚去同朋友係荃灣搵食，朋友突然想食點心，所以找到這一家位於沙咀道叫鋿晶館的小店，這店主打是自家製即點即做的點心，絕非連鎖集團那種工場出產的貨色，而且據說師傅曾經日本從事高級餐飲多年，並主力為高官達人提供優質服務，之後亦曾於多間米芝蓮食店從事主管工作，所以決定試一下。香脆蘿蔔腸粉 : 應該是這店的其中種招牌菜式,其他地方很少見到這樣的做法，嫩滑的腸粉包著簡簡單單的單一餡料蘿蔔，蘿蔔炸到外脆內軟，咬下去口感豐富，味道絕不比其他餡料的腸粉差。黑松露燒賣 : 鮮蝦及肥瘦適中的豬肉作為餡料,再加上黑松露的香味，配合起來別有一番風味，黑松露是鋪在燒賣上面，所以咬下去的時候未能做到每一口都嘗到黑松露的滋味，個人覺得如果可考慮將黑松露混到肉裏面，口味可能更佳。叉燒包 : 雖然外表平凡，但係咬下去發覺叉燒餡料十分充足，而且肥瘦適中，絕對是真材實料，絕對不會像其它某些店鋪只有叉燒醬和肥豬肉。蝦餃 : 餡料新鮮可口，彈牙好味，算是市面上較為高水準的蝦餃之一。鮮蝦菜苗餃 : 大大隻晶瑩通透用料十足，無論蝦的分量和菜苗的分量也十分足，菜苗鮮嫩不會老，蝦也新鮮爽口彈牙。