影片
更多
2022-07-23
58 浏览
好耐都冇飲茶啦～今日嚟到荃灣呢間新開嘅自家製品牌中式餐廳食點心😆茶位都只係6蚊！餐廳所有點心都係現場即點即做嘅手作點心。師傅曾就職於日本東京富麗華多年，專為高管達人同明星服務，回港後係多間米芝蓮酒店同大型連鎖酒樓集團做主管，經驗好豐富架！🥟月半彎晶瑩鮮蝦餃（$20）蝦餃都幾大隻，而且皮薄餡靚，入面超級多蝦！啖啖蝦肉😍必食之選！🦐黑松露北菇燒賣皇（$18）上面嘅黑松露都幾多幾香👍🏻食菇仲香菇同蝦，幾有咬口～🌯齒頰留香脆蘿蔔腸（$34）出面嘅腸粉幾滑，入面包住金黃嘅蘿蔔絲，好香脆😄😄🥯咱家秘製叉燒包（$20）叉燒包入面嘅叉燒切得幾大舊，味道正常，不過不失～🥓黑椒醬皇金錢肚（$30）金錢肚唔會好韌！醬汁亦唔會好鹹，啱啱好！🫔濟寧蒜香蝦春卷（$34）呢度點心係最特別，喺其他地方都冇見過！春卷皮炸得好香脆！入面亦有好多蝦肉！夾埋蔬菜、甘筍絲一齊食唔會覺得特別好肥膩😍不過就好似食唔出有好重嘅蒜味😚
🥟月半彎晶瑩鮮蝦餃（$20）
蝦餃都幾大隻，而且皮薄餡靚，入面超級多蝦！啖啖蝦肉😍必食之選！
🦐黑松露北菇燒賣皇（$18）
上面嘅黑松露都幾多幾香👍🏻食菇仲香菇同蝦，幾有咬口～
🌯齒頰留香脆蘿蔔腸（$34）
出面嘅腸粉幾滑，入面包住金黃嘅蘿蔔絲，好香脆😄😄
🥯咱家秘製叉燒包（$20）
叉燒包入面嘅叉燒切得幾大舊，味道正常，不過不失～
🥓黑椒醬皇金錢肚（$30）
金錢肚唔會好韌！醬汁亦唔會好鹹，啱啱好！
🫔濟寧蒜香蝦春卷（$34）
呢度點心係最特別，喺其他地方都冇見過！春卷皮炸得好香脆！入面亦有好多蝦肉！夾埋蔬菜、甘筍絲一齊食唔會覺得特別好肥膩😍不過就好似食唔出有好重嘅蒜味😚
张贴
