鋿晶館

营业中

休息中

夜晚收工後同屋企人去咗呢間高質好味既新派粵菜餐館-鋿晶館. 鋿晶館原本係荃灣開店,主打廣東點心. 而上環分店更加入海鮮、小菜、燒味及燉湯,令餐廳多樣化來到鋿晶館當然要試下佢地既招牌菜-老爺子半肥不瘦蜜餞叉燒.叉燒如其名半肥瘦,外脆內軟口感好好! 蜜汁香甜而且分量十足. 叉燒好多地方有得食,但真係做得好既冇幾多間. 鋿晶館既招牌叉燒真係值得推薦而另一道招牌菜係香芒貴妃大蝦球 - 蝦球係十六頭越南虎蝦新鮮爽口. 蘸上蛋漿炸, 再配自家調校的芒果日本沙律醬. 香甜得黎又食道蛋黃醬同芥末醬既香味. 絕對係新式而又好食既廣東菜!龍蝦湯瑤柱燴海皇羹係另一道值得推薦既菜餚. 材料有:蝦肉，瑤柱，菇菌，紅蘿蔔，豆角，蛋白等等. 足料得黎湯汁鮮美! 而且分量都幾大,兩個人飲一盅我覺得都好夠飲蜜椒金薯安格斯牛柳粒亦都係好值得一試既新式菜式. 香甜蜜汁配上香脆既甜椒同炸薯粒, 配上新鮮嫩口既安格斯牛肉粒. 好食得黎分量都唔細最後仲有豬潤浸莧菜苗. 黃沙豬潤厚切得嚟又冇渣。莧菜夠而且食落鮮甜,值得一試.開心的一個晚上

鋿晶館地址 ：上環德輔道中287-291號地舖中秋節原本想一家人出街食飯, 但是又要打針又要做快測, 人數上限又限制, 疊埋心水在家食好了。之後再去同長輩食餐飯, 人數小比較好安排。龍蝦湯海皇羹好足料，啖啖都食到配料：蝦球、瑤柱、冬菇等，飲完都少飽了燒汁斑頭腩，一客有6-7件 外層微微燒脆鎖緊肉汁，腩位肉多而肥美，魚口富油脂入口好滑嫩。配上甜甜的蜜燒叉汁 ，so sweet 非常惹味 叉燒肥瘦適中又夠腍身，每塊都沾滿蜜汁味啊！香芝大蝦球，彈牙到爆，蝦大隻肉地厚，食落口感與別不同，個芝士汁好creamy ,似我地食芝士e麵個汁。金薯牛柳爆到薯粒表面香口，小小焦香，牛柳粒一口大小，甜甜地幾惹味份量設計得剛剛好，就算兩個人也可以食到多個菜式。

📍#老屎忽係上環#oldszefood #老屎忽 #老屎忽食飯 #老屎忽搵食 #老屎忽都要OT #上環最近同女朋友2個人去左間中菜館度食，上網睇好多評價都講師傅大有來頭，曾任職於日本東京富麗華同香港多間米芝蓮酒店、酒樓集團，有好唔錯嘅經驗。回疆大汗欖角醬燒骨 🐷 燒骨一碟有大概6-7舊，份量都okay。外層微微烤焦，食落香口惹味。香芒貴妃大蝦球 🍤 每枱都食既必食之選，香香甜甜嘅汁加埋爽口彈牙嘅蝦球，絕對係無得輸。燒鵝燒腩仔拼盤 🐷 燒鵝燒香嘅外皮加埋啖啖嘅鵝肉，啱曬鐘意食鵝嘅朋友。燒腩仔每塊都有好香脆嘅皮，水準高質。龍蝦湯海鮮羹🦞香濃嘅龍蝦湯加埋豐富嘅海鮮配料，可以係餐前暖一暖胃。啫啫蝦乾生菜煲🥬每一碟都係現場即刻落碟落煲到，聽到啫啫聲，唔錯嘅打卡位😂鋿晶館 (上環)📍上環德輔道中287-291號地舖

同閨蜜去完剪髮，想搵間舒舒服服嘅中菜館坐低傾下偈，順便食餐晚飯。由友人帶路，嚟咗上環呢間人氣精品點心店「鋿晶館」。聽朋友講，餐廳係自家製品牌，所有嘅點心都以人手製作，現場即叫即做，新鮮熱辣，所以佢每次放假都會同屋企人嚟呢度飲茶。另外呢度嘅師傅亦大有來頭，曾任職於日本東京富麗華多年，專為高官達人同明星服務，回港後，喺多間米芝蓮酒店同大型連鎖酒樓集團做主管，經驗豐富，所以食物嘅質素絕對有保證！既然友人係常客，點菜任務當然由她負責。先嚟每人一盅龍蝦湯瑤柱燴海皇羹，湯羹用料好豐富，用上龍蝦肉、蛋白、瑤柱及菇菌等熬製而成，入口味道非常鮮甜，啖啖滋味。香芒貴妃大蝦球：虎蝦新鮮又大隻，肉質爽彈，外層蛋漿炸得又薄又脆，再配上自家調校嘅芒果沙律醬，味道酸酸甜甜，清新開胃。老爺子半肥不瘦蜜餞叉燒：叉燒嘅肥瘦度啱啱好，望落飽滿有光澤，上桌時仍保持新鮮熱度，入口既鬆軟又有肉汁，配上甜而不膩嘅蜜糖汁，好惹味。燒汁煎焗海石班頭腩煲：班頭腩經油鑊爆炒，再用砂鍋熱力焗熟，外層嘅魚皮被煎至金黃香口，魚肉滑溜鮮甜，而且最正就係上檯後10分鐘仍熱烘烘，用嚟送飯真係一流！豬潤浸莧菜苗：黃沙豬潤好滑溜，厚切得嚟又冇渣。莧菜嘅水

今日嚟到上環呢間酒樓飲茶，我同朋友興之所至玩起一個遊戲，就係諗住大，中，小， 特點和頂點樣樣揀一樣，咁以下就係我哋揀咗嘅食物：1. 活拆生剝鮮蝦腸 （頂點），腸粉皮可以feel到彈彈下的感覺，亦好通透，蝦粒分配均勻，每一口都可食到新鮮彈牙的蝦肉。2. 馳名南翔小籠包（特點），勁多汁水，餡又多，大大舊，沒有100分都有98分。3.九製陳皮叉燒酥（ 大點），酥皮够脆，叉燒够味，加埋陳皮的清香，爽吖。4.大白菜蒸鯪魚球 （中點）和5.好姐潮州蒸粉果（小點）亦都唔錯，點解冇第6樣，因為食5樣嘢已經好飽。

[ 鋿晶館 ]之前係旺角分店食過鋿晶館，環境&點心都不錯。今次lunch time嚟到上環分店同個附近返工嘅朋友食點心🤤點心唔同日子&時間嚟價錢都有所不同，大家留意番喇😀蒸點類✿ 好姐潮州蒸粉果 (小點) 蒸粉果火喉剛好，外皮煙韌，餡料好香芹菜&胡椒味，風味十足👍🏻✿ 黑松露鮮蝦燒賣 (中點2粒/特點4粒)燒賣好足料，有蝦有豬肉，配埋黑松露味道更香濃🤤✿ 沙嗲金錢肚 (大點)沙嗲醬香濃，金錢肚非常入味，口感唔韌。✿ 馳名南翔小籠包 (特點)熱辣辣嘅小籠包外皮夠薄，肉汁多到辣親個嘴😳脆點✿ 九製陳皮叉燒酥 (大點)叉燒酥熱辣辣，酥皮香脆，面頭配搭肉鬆更可口。包點✿ 糖冬瓜懷舊千層糕 (大點)懷舊特色糕點，味道唔會太甜，千層糕層次分明，看似用唔少工序先整到😮手作腸粉✿ 卜卜脆蘿蔔絲膠 (特點)腸粉皮滑溜，包住炸金絲網&蘿蔔絲，口感有啲似蘿蔔絲酥餅。總結🫦之前去嘅旺角分店係新派點心店格局，雖然上環分店係傳統酒樓格局，但面積好大😮 點心都係即點即製夠哂熱辣辣🔥✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿鋿晶館地址: 上環德輔道中287-291號地下至2樓電話: 28506722✿✿✿✿

香港懷舊點心比以前少好多（因為好多時都係見到可愛動物造型）難得呢度有得食 即使現場即叫即做都唔駛等好耐👍🏻好耐都冇食到即叫即整脆麻花卷la!要讚一讚過脆麻花卷，超級脆口又唔會「戒」口因為好多時食呢啲咁脆炸嘅食物我會食到成個口損晒😂 但係呢個唔會～而且完全唔會有任何油炸嘅油膩感，食得出新鮮即刻炸出嚟呢個真係好好食 😋蝦餃 （佢有四粒同埋兩粒揀）本身諗住再追單多兩粒但係又想試其他點心）😂仲有潮州蒸粉果 棉花雞同叉燒酥個粉果皮薄 而且入邊加咗辣椒碎啱晒我😋 煎蛋牛肉飯個煲仔飯keep住溫度👍🏻個牛肉餅好足料 完全覆蓋成個小煲仔基本上係一啖飯可以配到一啖牛肉餅 食得出佢係新鮮牛肉到出嚟唔係隔夜再翻蒸 仲加咗一啲馬蹄 正蒜香蝦春卷暫時食過最香脆嘅春卷皮薄餡多😋 坦白講點心係唔錯❤️（尤其係炸/ 焗嘅點心）而且見到好多茶客都係熟客，經理會同客人傾偈打成一片，有一種小社區嘅感覺😊我呢啲周圍鍾意同人傾偈嘅人😂又傾咗兩句先至知道師傅原來曾經喺日本工作係服侍名人，返到香港之後係米芝連餐廳同酒店做主管，唔怪得知啲對點心新鮮程度同埋質素都好有要求😊下次再同屋企人嚟食懷舊點心😊

今晚收工之後黎左鋿晶館食埋晚飯先返歸，鋿晶館晚市小菜之前試過質素都唔錯。地點喺上環港鐵站出口附近，都方便。入面裝修光猛，地方乾净。餐牌有小菜，燒味，湯羹魚翅，海鮮，都有套餐。老爺子半肥不瘦蜜餞叉燒 例 $128先黎一客燒味。叉燒一客9件，隻碟係暖既。叉燒半肥瘦，外皮少脆而入面非常腍，個汁都好啱味，蜜汁調得好。呢個份量都唔少。正野！龍蝦湯瑤柱燴海皇羮 龍蝦湯瑤柱燴海皇羮用左兩隻好靚嘅湯碗裝。材料好多吓，有爽脆蝦肉，瑤柱，菇菌，紅蘿蔔，豆角，蛋白等等。味道好清，不過我都冇另外加調味，都幾健康。如果龍蝦湯味道濃d就更好。燒汁煎焗海石斑頭腩煲 $168燒汁煎焗海石斑頭腩煲原煲上，吱吱聲熱辣辣上枱。石斑頭腩有10舊左右，雖然有骨，不過好入味，外脆內淋，明顯煎過。其他配料有燈籠椒，蒜頭同洋蔥，非常入味。蜜椒薯角一口牛 $118牛柳粒好淋，牛味又濃，份量唔少。薯仔外皮少脆而內軟。其他配料有燈籠椒同洋蔥，最後灑上白芝麻粒。呢道菜都好好。蝦乾啫啫通菜煲 例 $98蝦乾啫啫通菜煲都係原煲上，吱吱聲熱辣辣。通菜好嫩，吸咗好多油，配有蝦乾同肉碎，一d都唔寡。陳皮綠豆沙食完仲有糖水送，係陳皮綠豆沙，綠豆煲到爛哂

今日收工約咗屋企人一齊食飯～一於同佢地食下小炒、飲下茶啦☺️酒樓環境闊落，而且燈光都幾光猛，職員相當爽手～最後，我地點咗香芒蝦球、拿破倫牛仔骨、燒汁斑頭腩、啫啫通菜同埋叉燒燒肉。首先，香芒蝦球食落好特別，蝦球食到啖啖新鮮蝦肉，配埋個酸酸甜甜嘅芒果汁好開胃！好推薦依一道菜！另外，我地都好好奇拿破倫牛仔骨係點嘅味，所以就點咗黎試下喇，一上枱已經聞到勁香嘅茄汁味，牛仔骨食落好嫩口，唔會鞋烚烚，酸酸甜甜咁好惹味！另外，燒汁斑腩頭舊舊都好大件，整得好滑同埋好嫩，個外皮輕輕咁煎炸過配甜甜地嘅燒汁，唔經唔覺已經食晒成煲！啫啫通菜好有鑊氣，上枱個方式都好特別，係去到枱面先至將通菜倒入去燒紅咗嘅砂煲到，一瞬間已經聞到個鑊氣香味，通菜仲要用大蝦米同埋肉沬去炒成，所以食落唔會好單調，正！最後就係叉燒燒肉喇，外皮脆卜卜，叉燒大大舊，油亮油亮咁，送飯食一流～

同長輩食飯多數都要book酒樓/中菜廳因為老人家唔太中意食西餐，終於比我搵到個家庭飯局聚會嘅好地方！😄 位於上環嘅鋿昌館係自家製品牌，所有點心都係即點即做嘅手作點心。大廚曾經係日本東京做廚多年，回港後先後喺幾間米芝蓮酒店同大型連鎖酒樓集團做主管，主理中菜經驗豐富！📍龍蝦湯海鮮羹：有幾款不同種類嘅海鮮，好足料都好香濃嘅龍蝦湯。碗湯嘅料好似仲多過D湯本身😂📍例牌叉燒拼燒肉：燒肉嘅皮烤得好香脆，豬肉偏肥。叉燒肥瘦適中都幾多油花。味道咸中帶點甜👍🏻📍香芒汁蝦球經理介紹必點菜式之一😊基本上每枱客都有點！大蝦非常新鮮，蝦肉咬落非常彈牙，配上酸酸甜甜秘製芒果醬汁同花生碎一齊食，味道同咩感有層次👍🏻📍啫啫通菜煲上枱時仲聽到咋渣聲，一打開蓋陣香味濃到隔離枱都忍唔住望過嚟😂加咗豬肉碎去炒嘅通菜再用煲上原來係咁香口嘅！📍金薯牛柳粒加咗好多炸過嘅薯仔同埋三色椒一齊炒，黑椒味香濃，牛柳肉質都幾嫩。

OT，近近地係附近食飯～之前同同事食過lunch ge點心，覺得唔錯～試下晚市又如何先！海皇湯羹先來配湯～好足料，啖啖都食到唔到既配料：蝦球、瑤柱、冬菇等，飲完都少飽了😂叉燒肥瘦適中，又夠稔，舊舊沾滿蜜汁味啊！有d位仲幾爽口，推介欖角醬燒骨 外層微微燒脆，啖啖肉加埋鎖甜甜地嘅醬燒汁，超惹味 送飯食一流～豬潤莧菜勁大舊豬潤！肥美爽口 唔會overcooked！估唔到配埋莧菜食又幾夾～總括黎講，份量ok，野又好食！會encore

上環晚飯好去處，呢度食中菜好地方，位置寛敞，光線充足 回疆大汗欖角醬燒骨🍖特別推介好入味欖角醬燒骨，個醬汁甜甜酸酸好好味，燒骨又香又入味，肉質好淋 香芒貴妃大蝦球🦐必食香芒貴妃大蝦球，蝦球好大粒，香芒汁又惹味😋 蜜汁叉燒🥓叉燒肉好鬆軟，蜜汁好香濃，令到叉燒好好味 百里香燒汁斑頭腩煲🐟百里香燒汁好香，斑頭腩肉質好有彈性，用煲上保持温度 龍蝦湯瑤柱燴海皇羹🍲龍蝦湯海皇羹好足料，瑤柱好香，海皇羹味道唔錯

鋿晶館 🥬同屋企人去完海味街入貨之後就帶媽媽之前話想試既自家製品牌既中菜沿住電車路行好快就到入到去環境寬敞 食都食得舒服啲每張枱既距離唔會太近而且光線充足員工好有禮貌仲推介左幾款小菜俾我地🦞 龍蝦湯海皇羹個碗都幾精緻一開蓋都忍唔住心心眼因為見到個羹好足料仲聞到陣陣香味食落好滿足🐽 脆皮燒腩仔燒腩仔份量都幾多仲要好多肉咬落去個皮脆脆地肉又唔會好乾仲有個醬俾我哋點吓 幾好幾好🦐 香芒貴妃大蝦球對於好鐘意食芒果既我黎講呢碟香芒貴妃大蝦球真係好吸引芒果汁配上又大隻又爽口的蝦再加埋花生碎咬落去好有層次好滿足 🍲 燒汁班頭腩煲上枱時熱辣辣仲要有滋滋聲頭腩份量好多 而且幾好食配埋好香甜醬汁🥒 魚肚雜菌浸勝瓜厚身既魚肚吸收曬D濃湯咬落去魚肚既時候覺得好Juicy而個勝瓜都炆到好腍最後飲埋啲湯好清甜睇到佢話所有點心現場即點即做師傅原來係日本東京富麗華做左好多年係香港仲做過多間米芝蓮酒店及大型連鎖酒樓集團既主管下次要黎試下D 點心先得 🤤📍 鋿晶館(上環)上環德輔道中287-291號地舖

朋友約我去飲茶，推介去呢間，因為係自家製品牌，所有點心即點即做，手作點心。酒樓有三層，去到吾使等已經可以上樓入座。目測有唔少街坊熟客。《馳名南翔小籠包》堅係皮薄多汁，皮薄得嚟又唔會一夾就散，真係好好味。《藥膳雞腳》燉盅上枱打開已經好香，足料有鮮淮山、龍眼、𣏌子、當歸、紅棗、黨參，湯超甜，我一個人成碗清曬。《黃金蜂巢芋角》，呢個真係幾特別，手工點心，以前未食過，炸得好靚又香脆，但又唔油膩，芋頭好香口。《豉汁排骨陳村粉》呢個點心已經好少酒樓有得食。今日懷舊一下，豉汁好香，排骨滑滑。聽朋友話，酒樓師傅曾在香港多間米芝蓮酒店及大型連鎖酒樓集團做主管，難怪佢地嘅點心又真係幾好味。除了早茶點心，亦設有下午茶時段。當然也有午市點心套餐及晚飯小菜。仲有阿仔好恨食嘅片皮鴨。都適合一家晚飯聚餐。

高質平價的酒樓買少見少，呢間之前有朋友介紹過，今日心血來潮，黎咗上環分店飲早茶。 呢度嘅點心大部分都係即叫即整，平日有分早茶同下午茶時段，仲有不同嘅特價優惠組合，想當經濟實惠。我地點咗兩份”晨早孖寶” 加藥膳鳳爪同黑松露燒賣2人份，埋單$150有找，超抵食。 蜂巢脆芋角新鮮熱辣上台，外層好鬆化，足料內餡有香菇豬肉，口感豐富，會令人食唔停口。 鮮淮山藥膳鳳爪 藥膳湯用上鮮淮山、黨參、圓肉、杞子等材料前一晚開始烹調，雞腳好入味軟冧，湯頭香濃唔油膩。 鮮竹牛肉球 加咗好多葱同芫茜嘅彈牙牛肉球，味道層次更豐富。 黑松露燒賣皇 份量不算特別大，以豬肉配上鮮蝦嘅QQ燒賣，加上少許黑松露點綴，特別鮮味。 鳳爪排骨飯 小小1碗的盅頭飯，飯粒軟硬適中，鳳爪排骨好入味同軟嫩。 新疆紅棗糕 自家製紅棗糕，用上新疆一等大紅棗製成，入口啖啖清香棗味，唔太甜，值得一試。