銖記海鮮飯店

营业中

休息中

I am cantonese, actually quite enjoy Chinese food until moving back to HK a few years ago from the US.  When some of my friends are going "wow' or "ooh" or  about certain places and invite me to try, I am always open-minded... but have to say, after more than a few disappointments, I don't quite trust them anymore.  Gi Kee, the fool I am (for the last time), was a restauant I forced to go because a few friends said "it isn't bad at all."  So honestly wasn't expecting much but still ended up supe

朋友一早訂左這裡的雞燉翅,所以一到就有位!我們一行5人點了豉椒炒蜆, 炒菜,帶子蒸豆腐, 椒鹽鮮魷和雞燉翅 !雞燉翅真的比我想像中好, 足料有翅又有雞,不過有點兒過咸!豉椒炒蜆夠鍋氣又入味,但殼太多!炒菜鍋氣足但份量少!帶子蒸豆腐的帶子小, 不過豆腐滑!椒鹽鮮魷夠香口, 而且條條金黃色的真的不錯!

是日跟家人到跑馬地銖記, 補祝媽咪生日♥記得家姐前陣子對味精過敏, 吃罷銖記後覺得其味精過重所以我地一家人已經有一段好長時間冇幫襯了 .由於家姐預先已訂好檯,所以都唔需要等位就被安排入座 須然話坐落於冷氣開放的市政大廈, 但係冷氣真係唔夠強食食吓會覺得有點熱 ....唔好理咁多, 食飯至上 $68的原盅雞燉翅(一位)價錢咁抵, 當然唔好要求咁高 ~平心而論, 雞湯味算濃郁, 魚翅量亦唔少 .餐牌內仲有其他高價位魚翅, 但個人覺得$68的已經好okok !!!$38(隻)蒜蓉蟶子王蟶子王大大隻, 肉質爽, 但沒有太大驚喜 .王子豆腐 (??)menu上寫住<不可不試>之作又真係幾有驚喜喎 炸過嘅豆腐配上特製醬料 (個味好似有咸蛋黃?!)唔會太膩但味道幾濃,  i m loving it ~招牌風沙雞勁多嘅炸蒜覆蓋住半隻雞, 雞肉鮮嫩而且蒜味濃烈, 送飯一流 ~全晚最中伏嘅$98怪味一支梅(??)其實即係燒汁豬肋骨肉 .我同屋企人一致認為唔好味 ><可能唔合口味啦, 總覺得個燒汁味好怪 ...無可否認, 銖記比起一般大排檔食物種類較多服務不錯但價錢偏高, 而

星期六晚 - 跑馬地既銖記 (同老友吃飯), 喱間好出名, 我想去好耐….清湯腩 (蘿蔔同牛腩都唔), 南瓜汁煮玉子豆腐(汁淡又少), 蓮藕餅(雖然ok但係我既業餘Master Chef 朋友既好食好多), 真係見面不如聞名(每人$230)

早兩日路經跑馬地 好想試下聞名已久的大排檔…… 大排檔感覺上比較污糟，但這裏比想像中好，起碼乾淨企理…… 好惹味嘅大排檔…… 很久沒試過 大吃大喝，來到大排檔，首先要啤一啤啦，點左招牌雞燉翅、风沙雞蒜蓉扇貝等……雞燉翅真係有超多翅，味道適中，口感一流……而凤沙雞味道偏向濃味，雞味亦重，肉質也頗滑，上佳作品……而蒜蓉扇貝方面，本人則覺得比較味啖，蒜香不夠，因我較喜歡濃味,而蒸的時間也可 縮短 ，因有點兒太熟， 其他食物都ok！！ 有機會絕對可以再食過！！！

有冷氣開放的大排檔，但坐位不太舒適，但服務相當好，不停換碟，上菜迅速。翅湯鮮甜好味沒有味精，翅料十足。風沙雞個皮十分香脆，雞肉鮮嫩多汁，但椒鹽鮑魚過喊，唯一不足之處。

2013年的7月是特別的,是我工作以來第一次的轉部門工作而不是轉工…..雖說是不同,但大概是我們這邊的客戶群, 比從前的更少,而工作性質上都來個大變身!這個夜正是前戰友們所安排的歡送飯,先要謝謝大家賞光出席!用餐地點是跑馬地的市政大廈,名就聽過好幾次,真正吃的還是頭一回!雖說是大排檔格局,但最少有空調,不會太熱,是不錯的了!又是一個只要負責吃就好的夜,有同事為大家打點好一切,真好!先來點湯品,2個大湯碗的粟米羹, 再加一客胡椒花甲湯打頭陣!粟米羹相當足料加上飲下也羹的獻也夠杰身,可說是剛剛好!也算做得不俗!胡椒花甲豬肚湯雖然花甲是細小的,湯的胡椒下得不少也夠足料,但見不到多少咸菜呢,如果下一點,聚聚火,更理想!花甲沒有沙,吃下仍覺鮮嫩,是滿意的了!而第一道菜是西蘭花鮑貝!鮑貝是外來貨,再加上沒有過老的西蘭花,這一味相對地平平凡凡!再來是Esther指定要點的黃金蝦,店方為大家以人頭計,一人一隻也具份量的!蝦炸得夠脆,蛋黃沙平均的黏在蝦上,蝦殼脆得可連蝦肉同吃!豉椒炒鵝腸也有好一陣子沒有吃過了!炒得是夠鑊氣的,不過如果鵝腸可以肥美一點,更理想呢!老闆也點名要來一份黑椒牛仔骨!當然不會期望

公司每個月都會O係黃泥涌體育館BOOK場打下波咁, 打完就成班同事去附近食飯, 銖記O係正隔離街市1樓, 第一次係老細介紹去食既, 之後我地就食過番尋味了~!我地係每一叫個小菜咁樣SHARE, 呢個就係我叫O既, 貪佢個名夠搞笑, 食落都唔錯, 有蝦, 紅燒豆腐, 魷魚等等, 材料簡單但都幾OK~!我諗大家睇相都覺得正, 連我呢個唔好雞O既人都有讚冇彈, 好香口而且雞肉軟滑!銖記除左撚手小菜之外, 海鮮都幾有保證, 之前食過扇貝同蟶子王都幾正, 又唔算貴, 所以今次都有再叫~!

依到係大排檔，但係環境好乾淨企理仲要有冷氣ＴＩＭ４個人叫左５樣野開心ＳＨＡＲＥ首先要左佢個馳名風沙雞半隻個樣都幾ＯＫ，好多蒜係上面但就唔係好聞到香味，個人覺得佢整得唔夠香口個皮係脆既，但同時都幾多油脂雞肉位唔夠嫩滑，個對比唔夠大最失色係唔夠惹味，如果唔拌埋Ｄ蒜碎食既話真係冇咩特別沙拉蝦球，我最鐘意既一味好普通但因為其他仲普通所以算全晚食得最多既一碟佢有淡淡既橙色，隻蝦好平均咁沾上哂沙拉醬沙拉醬好香甜又帶少酸十分開胃好食蝦球夠多又彈牙，送飯一流再黎多個西檸骨只覺得係一堆亂放既肉排係檸檬醬上面食唔出肉排有用心處理比較硬同難咬檸檬醬就係平平常常的味道沙窩魚頭煲我幾欣賞依個煲因為佢有好多材料有冬菇，枝竹，豆腐，豬肉同魚頭咁多野食好滿足可惜佢Ｄ魚頭爆得唔夠香同徹底仲係好腥，個皮都唔夠香脆可以有進步空間味菜鵝腸鵝腸好少又幼又薄食落一Ｄ都唔肥美有Ｄ似食風大排檔黎講唔算出色，又唔就腳有更好既選擇

毫無計劃去到跑馬地搵野食了無新意咁上跑馬地街市不過卻遇上有誠意既午餐銖記係晚市超級多人唔BOOK可能會等死人個女但原來午市係水靜河飛怕等又唔想BOOK的人或許可以去試下銖記既手勢只係CAUSAL LUNCH肉絲鈔麵 - 麵底卜卜脆,肉絲銀牙冬菇同個汁配合得岩岩好,最正就係順手擺低埋辣椒醬,夠晒野味京都骨 - 酸甜適宜,小朋友之選楊洲鈔飯 - 鈔到粒粒分明,真係好有誠意,比起去酒樓正好多西蘭花鈔尤魚 - 鑊氣夠尤魚新鮮彈牙,正~!!!!!真係值得一試

一般都沒有想到去跑馬地食晚飯，因比較吊腳。銅鑼灣果邊d晚飯又比較商業化，今日心血來潮，好想食小炒住家飯，就即刻諗起好想去跑馬地食。咁邊間呢？ 一般去開彭X記，但今日想搞搞新意思，結果又要上權威網站Openrice問下前程，結果啊公指點左我去試試跑馬地街市那家銖記，聽說是明星飯堂，好有信心去試試。看完餐牌，好理想當然地叫左風沙雞，蒸聖子，加個菜。個雞真係冇得鼎，皮脆肉嫰，好入味。所謂風沙一定有d似避風塘式的炸干蔥，好香口。雞好好肉，雞腿好滑。呢道菜真係好精彩聖子個做法就沒有什麼特別，都係粉絲蒜茸蒸。但係個重點係聖子的size，好大好肥美 最後就一個鹽水菜心。師傅用粉絲，菇同埋一d辣椒去造這個青菜，好特別！有一點點辣，平凡的菜心上加點點趣味，頗有心思。

與友人專登來跑馬地熟食中心大排檔搵食原本一心一意以為大排檔應該有羊腩煲食, 點知2間都沒有供應.我地選左係銖記食就算, 反正覺得2間都應該差不多.對上一次來已經係相隔4年, 記得以前來時人多又迫, 反而今晚就變得冷冷清清.不過水準依舊,我地點左半隻風沙雞, 金姑腐竹瑤柱煲, 鍋貼小棠菜.第一次食這個鍋貼小棠菜炸得非常香脆, 而且蝦肉彈牙再沾上泰式醬汁用來配酒一流.另外金姑腐竹瑤柱煲亦令我滿意, 腐竹好新鮮好香豆味, 再用上蠔油汁燴入令到原本無味既食材更加香濃.最後此店既招牌菜之一既風沙雞炸得外皮香脆, 雞肉都算嫩滑多汁.

一行十幾人，特意走到跑馬地熟食中心食銖記，環境同普通熟食中心無咩唔同，不過我地太多人...所以都幾迫當晚都幾full....想不到一個普通的熟食中心咁旺...仲要係平日而已....好彩book左枱咋~我們預訂左風沙雞同埋翅~~~一大盅的翅湯~~~想不到盛了十多碗居然可以每碗都有翅~~~~~~~~~~睇下~~~~呢碗係我架~~~好正啊~~勁多翅d湯好夠火喉，入晒味，有陣陣雞味d翅好爽口，呢次係我第二次食咁大塊翅~之前係花月庭食過平時我唔會點食架，因為唔環保，不過久唔久一次食咁大件又真係好爽><風沙雞夠軟身，唔會黏牙個皮好脆，入面唔會太乾，不過味道我唔覺得好突出呢樣係我另外一樣覺得好味ge~係咸蛋黃包住d蝦去炸，無殼的，成粒放入口咸咸香香，又夠爽口，唔錯唔錯~另外食左個牛腩都ok架~可怕無影相d牛腩夠腍又入味，完全無筋，個蘿白牛腩湯底夠清，唔覺有味精仲食左蠔同帶子...不過呢兩樣野就麻麻地，個蠔太咸無鮮味...仲有d韌...唔係好得..整體黎講係ok，因為之前無咩期望，係熟食中心食到呢個水平算係唔錯^^

因工作關係，近日常跟老闆到高檔中菜餐館用饍。放假晚上自己食飯，突然想起銖記有些小炒，絕對比一些高檔中菜廳好食，所以有時窮人亦有窮人的口福。蜜椒薈萃牛柳粒 個汁有少許蜜汁，加上黑、白胡椒，所以個汁有點甜之餘亦帶辣，好惹味、香口。牛柳粒煎到恰到火喉，不會太靭，亦無一些高檔中菜廳般用了鬆肉粉，肉嫩彈牙。 風沙雞翼久聞風沙雞係呢度鎮店招牌菜，想試好耐，但由於太好賣，晚上9:30去到己賣哂，唯有點風沙雞翼。雞翼炸得恰到好處，雞皮炸到唔會太多油，炸蒜+炸雞皮一齊食，好惹味。不過，驚喜程度就未及清湯蘿白崩沙腩。 清湯蘿白崩沙腩因有蘿白的關係，個湯好清甜、好好飲。牛腩唔肥唔靱，口感一流。總括來說，銖記的價錢比一般孰食檔或茶餐廳貴一點，但考慮味道、食物質素，性價比極高。

這晚,和幾位好友一起出席在馬場舉行的西班牙美酒佳餚節,這晚我們七點多入場,到了大會宣告將快閉幕時,我們還未捨得走,最終我們過了關門時間才捨得離開.離開時候,我們己醉醉了,但仍在知道自己仍很肚餓,朋友便介紹跑馬地街市樓上的-銖記.這晚雖然醉醉,但仍可以由馬場步行到跑馬地街市,現在回想起,也覺得我們很強.當我們到了街市搭著電梯到了二樓,一開門便有幾位職員問先生小姐幾位呀? 他們來自不同餐廳的職員,感覺就到了一個新樓盤,不少地產sales來向我們招手.今晚就算幾多間食市的職員向我們招手也好,我們已有了心水,也不會因為他們過份熱情來轉軚. 今晚,我們一行四人就來了跑馬地-銖記這時,我們四人也醉醉了,但我們仍可以order銖記的招牌菜,如1)蒜蓉粉絲蒸聖子今晚,我們揀選了蒜蓉粉絲蒸聖子. 先講講這一個蒜蓉粉絲,香濃的蒜蓉加上浸濕了蒜蓉汁的粉絲,是最"正"的蒜蓉粉絲蒸聖子食法,味道真的不錯,可惜口感便遜色了點,時間似乎過了一丁點時間,早點收火相信一定完美.2) 清湯牛腩清湯牛腩的清湯,尚算清甜可口,可惜牛腩也是"韌"了一丁點,如果牛腩不"韌"而且又再厚一點,相信也是不錯.3) 風沙雞今晚揀選了不同