鉄火堂 (厚福街)

营业中

休息中

星期六同朋友尼食，佢話幾抵食所以就尼試下，$59可以任揀4樣野食，要5樣就$69，但我地果日就話唔可以揀牛仔柳，另外仲可以加蛋或其他野，或食下佢D前菜咁環境裝修都幾靚，幾闊落，坐得好舒服4樣野入面我就揀左蔥碎吞拿魚，三文魚籽，帆立貝，火焰三文魚腩最好味係蔥碎吞拿魚，雖然賣相有D醜，但佢唔腥，好新鮮三文魚籽份量係夠的，望落都多又大粒，不過有少少腥帆立貝算厚身，都幾大粒，唔腥，唔濕火焰三文魚腩雖然燒得好香但好一般，可以唔叫，食下其他

叫左碗自選四餸魚生飯(有好多款 完全選擇困難症)，價錢都幾經濟，味道都唔錯幾新鮮其中個左口魚邊好香好滑&蟹膏都幾好，夠濃(深綠色果舊)（本身以為係橙黃色稀啲果種，不過依種都好好味）不過啲魚生真係太太太少了... 好薄又細片😭依個價 都可以過下食魚生既口癮既&尖沙咀區黎講真係算平啦～都可以啦😃

一試，對魚生丼改觀自選四選魚生丼（甜蝦、火炙黑椒三文魚、鰻魚、帆立貝、各2片）+ 味噌湯 只需$59。但我另加$5轉黑胡椒三文魚飯。當我交單後，聽到隔離座食客話薑味壽司飯，好正我好轉想轉當我食一下，真係好新鮮果然是日本直送帆立貝肥美，甜蝦又大隻！而鰻魚也是厚切的！好滿意原來跟丼都會有一小舊薑蓉，我立即拌飯一試，原來真係好好味並非平日能食的中式薑蓉，而是帶有一點甜味，拌飯真係好開胃！下次我一定要揀薑味壽司飯！但我本新的飯，就有三文魚碎，但就食不到黑椒的味道。一個四選的丼其實已經好飽，但如果你想試多一個魚生都只需$69。而且午餐時間12-5pm 是免加一服務費的！我另外追加了小食（蟹肉忌廉薯餅）$26。雖然外面炸得香脆，但裡面並沒有什麼味道只是覺得有一點很軟很林的薯蓉 炸出來一樣，亦未食得出有蟹肉的味道雖然有跟蛋黃醬，但點了只是覺得入面的忌廉愈食愈「流」。

4個人吾知食咩好，系尖沙咀行行下去左厚福街咁岩見到間日本野☺️哎啊望到個menu好似好多野簡4個人叫左3樣野 分量充足4個人夠食☺️<享用左鐵盛既-100毛半價優惠 ><Assorted Tuna Sushi set 原價 $398 >Including 海膽杯、溫泉蛋、沙律、味噌湯而家只系like 一like 佢既Facebook post就可以<半價$199>享用☺️ 好抵啊❤️吞拿魚壽司、一次試哂吞拿魚嘅唔同部位最愛佢個溫泉蛋～落d醬油好好味沙津就冇咩特別望住個一粒粒三文魚子既海膽杯已經流晒口水☺️然後自由組合～自選左4款魚生壽司飯加拿大海膽、甜蝦、蒜味螺肉、火炙三文魚海膽份量超肥美,但係有少少腥，甜蝦尚算新鮮四色山葵醬油漬魚生飯三文魚沒試到，但吞拿魚同埋帶子都好鮮甜❤️Share 食都食得幾滿足

同朋友weekend黎食dinner，聽講平時都要排隊，但好好彩果日唔洗。店員有推薦壽司set，最近有半價，但最後都冇揀壽司，揀左自選魚生飯。個menu上面都幾多款可以揀，我揀左腐皮、鰻魚同三文魚。d魚生真係好新鮮，三文魚幾厚身。鰻魚18蚊有三舊，雖然唔係好大舊，但真係好好食。腐皮有五塊，甜甜地，好食！整體十分滿意，可以自選魚生，百搭性十分高，一定揀到自己鐘意既配搭。價錢都唔貴，會再同朋友黎食！！

冇幾耐之前去過日本 開始鍾意食吞拿魚 返到香港 睇過啲電視節目介紹呢間鐵火堂 都覺得呢間野應該都幾抵食好似話係原條藍鰭吞拿魚日本空運過嚟 先再喺香港處理 價錢可以做到比較平民化(因為之前喺其他地方食過吞拿魚拖羅壽司 食幾件已經係呢個set既價錢)所以就增過咗嚟試今次同女朋友過嚟 揀咗呢個鉄盛吞拿魚set 一人一份唔洗爭喺facebook點讚之後可以半價399蚊變199 (要加一)八件吞拿魚壽司 再加四件碎蔥吞拿魚卷有中拖羅大拖羅另外有個三文魚子海膽飯杯同埋溫泉蛋十件拖羅好好食 魚味好重 油味好香另外嘅三文魚子海膽杯都大份成個set食完都幾飽所以下次會再嚟食

$59 4款刺身，$69 5款刺身，配白飯或者壽司飯，仲有面豉湯！作為大食嘅我，最關鍵係白飯或者壽司飯可以任添！！其實唔係第一次去，每次去都添一次或者兩次飯～有得揀三文魚、火炙三文魚、火炙黑椒三文魚、火炙三文魚腩、三文魚子～三文魚愛好者萬勿錯過！有兩樣比較冷門嘅都有得食，希靈魚、火炙左口魚裙邊！油甘魚都有分普通油甘魚同埋油甘魚腩～有一個特別嘅未有機會試，就係蟹膏！下次一定要試～我有一個特別的刺身飯食法分享比大家知，就係將新鮮的Wasabi，不放落醬油度，直接拌飯。咁就完全將Wasabi嘅味道提升出嚟！

食之日：17/01/2019 自從第一次喺鉄火堂食過佢嘅酥炸河蝦🦐之後，就成為我嘅大愛，每次去都必點。河蝦係即點即炸，送上枱嘅時候仲Feel到熱辣辣㗎～ 咁我今次去又諗住點我嘅大愛啦，點知冇曬，食唔到，但依舊點咗蝦 - 泰式生蝦沙律 （$68）賣相唔錯，生蝦都有6隻，個泰式香草汁都幾野味，同埋都幾辣。但係生蝦個肉質唔夠爽，質感差小小，而且成個沙律要配其他主食一齊食先balance翻個酸辣度。另外嗌咗個厚切五式藍鰭吞拿魚丼，先講飽肚感一流，大食朋友嘅最愛！（$150）美中不足係過於追求食材既豐富以致味道混淆，大致食得出只有藍鰭吞拿、吞拿魚蓉同普通吞拿魚。藍鰭吞拿魚既肉質口感一食就知係成個丼既主角！ 油脂分佈同味道都屬於上級，至於吞拿魚蓉同吞拿魚就略嫌普通左，果然主角係需要配角㗎～😂整體合格，以晚市差不多半價既價錢食可以接受，仲有面豉湯跟餐，正價的話就不了。環境就有小小迫，坐得唔算舒服，冇乜private空間，不過每次去都見到有外國過去食，食住魚生，飲住啤酒吹水🍻都幾chill～

三文魚腩 三片睇落係厚切 一夾先知係有一邊厚，另一邊係底就薄到咩咁 食落一點都不肥美 火炙黑椒三文魚 三片上到枱嚇左一下，同普通三文魚無分別，佢只係無切走個塊只有2mm闊的皮，加幾粒黑椒上去就當火炙汁燒帆立貝 無燒，就咁落燒汁就上枱諗住佢做魚生飯，飯應該不會太差吧。點知。。醋味太重，仲要有硬飯夾係入面。唔知佢想點。(可能預你豉油撈飯)一食完就收走野，完全想趕客做下一枱。。百幾蚊的價錢，超市魚生的質素。一定無下次

之前係尖沙咀食過鐵火堂 今次帶埋朋友嚟油麻地分店 .呢間店主要係食自選魚生飯 每樣野唔同價錢 不停咁加上去 有普通壽司飯同菇飯 我揀左菇飯 食完d飯唔夠可以無限添普通壽司飯.魚生選擇好多 我地每人拎住一張點菜單好似考試咁低頭思考🤣 睇嚟大家都選擇困難症 諗完一大輪最後我揀左3款 其實佢每樣十幾至二十元 好快會愈tick愈多 .魚生飯跟一個面豉湯 嚟到個賣相幾好wo 擺到滿哂咁 應該係佢個碗太細 一開始真係唔知點食好 不過佢蛋上面個鐵字無左🤣 魚生都幾新鮮 重點係可以自選 每人揀番自己想食嘅就得.朋友食完都話可以encore

今日第二擊食評 丼飯!去到厚福街,左望右望都唔知食咩好見到有間丼飯就沖入去,因為覺得難食極有限六點零入到去唔多人,四個人都唔洗等位好多款式選擇,最後就簡左御海飯!!!有鮑魚,鰻魚,松葉蟹鉗先試鮑魚,汁煮過,甜甜地,夠淋,入味,唔錯鰻魚正常味道,但見到有得簡就會想食,哈松葉蟹鉗...唔覺有咩味,可能少食蟹所以唔識分搭單既蛋餅出奇地怪怪地,有d酸味咁.....扣分食晒成碗都唔夠飽, 連朋友A,B,C都一樣證明份量係比較少,冇異議照睇就唔會返兜,始終而家有不少丼飯店開左選擇好多,隨口都講到兩間...以上食評只反映本人立場,如有雷同,實屬不幸

今日經過厚福街, 見到呢間價錢唔貴既日本野, 又有個阿姐在門口招萊, 便試試吧~佢$59可點4款配料, 選擇超多，再加一個湯及壽司飯, 如果想食5款, 都只係$69，仲唔駛加一由於價錢唔係好貴, 我都係覺得食熟食比較安全。點了鰻魚, 帶子, 蟹鉗, 左口魚，佢還自動配了個玉子鰻魚味道唔錯, 蟹鉗無咩味, 帶子既汁都唔錯, 左口魚味淡及略嫌薄, 不過幾爽口~ 整體份量OK, 白飯任裝。以呢個價錢我覺得都唔錯, 幾滿足~~~

之前喺網上見到有個推廣，只要讚好佢哋嘅Facebook post，就可以食到半價嘅壽司set，起初唔係抱有好大期望，點知食落覺得幾有驚喜😍😍呢個係吞拿魚壽司set，每一款都係吞拿魚嚟㗎，仲有中拖羅同大帶拖羅，中拖羅食落有啲根，大拖羅就入口即溶，幾肥美㗎！覺得最有驚喜嘅三文魚子飯， 仲有海膽，幾鮮甜，粒粒三文魚子晶瑩剔透，鹹香十足😙😙另外嗰款就係雜錦壽司拼盤，有12款唔同嘅壽司，魚生肥美，完全冇冰感😋蝦肉肥美，帶子軟綿！仲有滑溜溜嘅溫泉蛋同埋富有口感嘅蟹籽吞拿魚碎飯，同朋友都讚不絕口

諗住食個飯就去睇戲 可惜周圍都多人時間既關係就入左呢間試下本身唔抱太大期望 諗住竟然冇人等位...🙊不過原來都唔差一百蚊有找既魚生飯 質素都合理👍🏻👍🏻👍🏻有自選同埋佢set好既款式咁同男朋友就叫左佢set左既三文魚四色丼有火炙三文魚, 三文魚, 碎蔥三文魚 同三文魚籽而我就自選啦揀左三個餸 火炙黑椒三文魚, 三文魚籽同八爪魚啲魚生都幾新鮮推介火炙黑椒三文魚👍🏻表面燒過下 但入面仲好爽口 又唔似普通三文魚咁淋三文魚籽都好鮮味 非常juicy今餐係一個bonus 冇諗過會想再encore偏愛日本野既我 又可以bookmark多間餐廳選擇😆有機會再去試下其他魚生！同埋店員幾細心我指下個poster 叫男朋友睇下咁係放牙簽既方向店員以為我要牙簽就自動拎左比我👍🏻👍🏻

陸陸續續開左好多專賣爆多魚生大大碗嘅日式丼飯店，今日嚟到呢間係尖沙咀厚福街嘅 鉄火堂 ，由於呢期個心一直好想食海膽，所以叫左一款 三色海膽丼同兩款丼飯，除左海膽丼，其他兩款都好新鮮好大堆頭，佢飯底少，魚生蟹肉多，反而海膽個人認為唔太值，量都多嘅，但色澤口感三款都唔夠新鮮。