鉄火堂 (厚福街)

营业中

休息中

今日自己一個嚟尖沙咀，行行下有啲肚餓，所以就決定嚟呢間鐵火堂食嘢啦。咁係午餐時間啊，所以有個優惠。就係好似車仔形式咁樣揀刺身同埋飯，都真係好抵食，我三刺身加埋湯都係$59。咁我就叫咗帶子，吞拿魚同埋蝦刺身，佢好快就上咗菜啦。感覺非常之新鮮，同埋我幾鍾意個客肉質非常之鮮甜。加上餸嘅湯，熱辣辣車唔係好鹹，非常啱我口味。但係我見佢餐牌如果唔係午餐食要正價嘅話都成百幾蚊，好似就冇咁抵啦。最後覺得午餐去食多幾抵嘅，下次再試吓其他刺身啦。

點了一個角切雜錦魚生丼，食物黎到魚生丼有吞拿魚、三文魚🍣、三文魚子、八爪魚🐙同中間的蝦🦐，雖然我都知圖片只供參考，但係內層入面全部都係青瓜而且賣相都唔太好，另外粒粒三文魚居然有骨的，而個蛋係凍到超硬，可能放太耐？講真大家都係搵啖好野食，但呢間仲要服務態度真心差，其實我一向入餐廳對侍應的服務要求不高，見佢地忙都等佢地得閒先問佢地拎餐牌，但佢地差點飛左個餐牌落地下食物不新鮮，價錢不算便宜，服務差，我係openrice的第一次劣評就俾左你～真係幾失望下！

去開尖沙咀行街，又唔想用太多時間等餐廳，lum去左厚福街碰下運氣，咁岩見到呢間食魚生飯，又唔洗等位（可能好彩）見個價錢okay，最後就入左去試喇！可能時間尚早，餐廳未滿座~因爲太肚餓既關係，我同男朋友好快就點左想食既魚生飯組合，我叫左一個自選魚生飯，揀左帆立貝、吞拿魚、油甘魚、三文魚，另外再叫左海膽帶子三文魚丼。上菜時間快，魚生飯望落似樣，件數亦唔少，以百幾蚊食到咁多款刺身，價錢都幾經濟實惠。整體味道都唔錯幾新鮮，唯一不足係魚生有點薄，性價比黎講算唔差，特別適合想食early dinner之後仲想行街既朋友！海膽帶子三文魚丼自選魚生飯（帆立貝、吞拿魚、油甘魚、三文魚）

Good and budget Japanese lunch option recommended! Although the portion of the sushi bowl was slightly smaller than the dinner ones, it was still satisfying enough! Sashimi was pretty fresh and you can choose either plain rice or sushi rice, 4 or 5 choices of sashimi. I recommend seared salmon belly, seared thin slice steak and tuna and spring onion.|Sushi bowl💰HKD59 (4 choices of sashimi)💰HKD69 (5 choices of sashimi)

Service and price ok but the food has no quality. Shashimi is not fresh, stingy indeed. It was so tricky that they spilled some sauce on top of shashimi to cover the stingy taste. Just good looking for photo taking, taste really not good. Totally unimpressed, definitely will not try again.

本身黎厚福街唔係食鉄火堂，但本身想去間餐廳已經打晒蛇餅，所以就行左去食鉄火堂，大概七點零鐘，未見人龍出現。餐牌有得揀已經set好晒/自由配搭嘅魚生飯，其餘仲有壽司之類可以嗌我地嗌左一人一客自選魚生飯，由飯（白飯/壽司飯/薑飯等等）、各種魚生（刺生/熟食/火炙都有）到配料（蔥/薑/青瓜/wasabi）都可以隨便搭配貌相舖得幾靚，舊鉄火堂玉子係送嘅。飯嘅份量好多，一定塞得飽你。魚生方面，大部份每款都會比三片你，食落都鮮甜，但唔夠厚，遜色左啲。每個飯仲有額外配埋個麵豉湯比你價錢方面，每款魚生主要由十幾到三十幾一款，我地每人各自揀左五款，成碗飯每人大概$130幾左右，都唔算貴丫呢度本身寫限時90分鐘，但我地食唔夠一個鐘，已經比職員趕走，出面都開始有人等位。

星期六同朋友尼食，佢話幾抵食所以就尼試下，$59可以任揀4樣野食，要5樣就$69，但我地果日就話唔可以揀牛仔柳，另外仲可以加蛋或其他野，或食下佢D前菜咁環境裝修都幾靚，幾闊落，坐得好舒服4樣野入面我就揀左蔥碎吞拿魚，三文魚籽，帆立貝，火焰三文魚腩最好味係蔥碎吞拿魚，雖然賣相有D醜，但佢唔腥，好新鮮三文魚籽份量係夠的，望落都多又大粒，不過有少少腥帆立貝算厚身，都幾大粒，唔腥，唔濕火焰三文魚腩雖然燒得好香但好一般，可以唔叫，食下其他

叫左碗自選四餸魚生飯(有好多款 完全選擇困難症)，價錢都幾經濟，味道都唔錯幾新鮮其中個左口魚邊好香好滑&蟹膏都幾好，夠濃(深綠色果舊)（本身以為係橙黃色稀啲果種，不過依種都好好味）不過啲魚生真係太太太少了... 好薄又細片😭依個價 都可以過下食魚生既口癮既&尖沙咀區黎講真係算平啦～都可以啦😃

一試，對魚生丼改觀自選四選魚生丼（甜蝦、火炙黑椒三文魚、鰻魚、帆立貝、各2片）+ 味噌湯 只需$59。但我另加$5轉黑胡椒三文魚飯。當我交單後，聽到隔離座食客話薑味壽司飯，好正我好轉想轉當我食一下，真係好新鮮果然是日本直送帆立貝肥美，甜蝦又大隻！而鰻魚也是厚切的！好滿意原來跟丼都會有一小舊薑蓉，我立即拌飯一試，原來真係好好味並非平日能食的中式薑蓉，而是帶有一點甜味，拌飯真係好開胃！下次我一定要揀薑味壽司飯！但我本新的飯，就有三文魚碎，但就食不到黑椒的味道。一個四選的丼其實已經好飽，但如果你想試多一個魚生都只需$69。而且午餐時間12-5pm 是免加一服務費的！我另外追加了小食（蟹肉忌廉薯餅）$26。雖然外面炸得香脆，但裡面並沒有什麼味道只是覺得有一點很軟很林的薯蓉 炸出來一樣，亦未食得出有蟹肉的味道雖然有跟蛋黃醬，但點了只是覺得入面的忌廉愈食愈「流」。

4個人吾知食咩好，系尖沙咀行行下去左厚福街咁岩見到間日本野☺️哎啊望到個menu好似好多野簡4個人叫左3樣野 分量充足4個人夠食☺️<享用左鐵盛既-100毛半價優惠 ><Assorted Tuna Sushi set 原價 $398 >Including 海膽杯、溫泉蛋、沙律、味噌湯而家只系like 一like 佢既Facebook post就可以<半價$199>享用☺️ 好抵啊❤️吞拿魚壽司、一次試哂吞拿魚嘅唔同部位最愛佢個溫泉蛋～落d醬油好好味沙津就冇咩特別望住個一粒粒三文魚子既海膽杯已經流晒口水☺️然後自由組合～自選左4款魚生壽司飯加拿大海膽、甜蝦、蒜味螺肉、火炙三文魚海膽份量超肥美,但係有少少腥，甜蝦尚算新鮮四色山葵醬油漬魚生飯三文魚沒試到，但吞拿魚同埋帶子都好鮮甜❤️Share 食都食得幾滿足

同朋友weekend黎食dinner，聽講平時都要排隊，但好好彩果日唔洗。店員有推薦壽司set，最近有半價，但最後都冇揀壽司，揀左自選魚生飯。個menu上面都幾多款可以揀，我揀左腐皮、鰻魚同三文魚。d魚生真係好新鮮，三文魚幾厚身。鰻魚18蚊有三舊，雖然唔係好大舊，但真係好好食。腐皮有五塊，甜甜地，好食！整體十分滿意，可以自選魚生，百搭性十分高，一定揀到自己鐘意既配搭。價錢都唔貴，會再同朋友黎食！！

冇幾耐之前去過日本 開始鍾意食吞拿魚 返到香港 睇過啲電視節目介紹呢間鐵火堂 都覺得呢間野應該都幾抵食好似話係原條藍鰭吞拿魚日本空運過嚟 先再喺香港處理 價錢可以做到比較平民化(因為之前喺其他地方食過吞拿魚拖羅壽司 食幾件已經係呢個set既價錢)所以就增過咗嚟試今次同女朋友過嚟 揀咗呢個鉄盛吞拿魚set 一人一份唔洗爭喺facebook點讚之後可以半價399蚊變199 (要加一)八件吞拿魚壽司 再加四件碎蔥吞拿魚卷有中拖羅大拖羅另外有個三文魚子海膽飯杯同埋溫泉蛋十件拖羅好好食 魚味好重 油味好香另外嘅三文魚子海膽杯都大份成個set食完都幾飽所以下次會再嚟食

$59 4款刺身，$69 5款刺身，配白飯或者壽司飯，仲有面豉湯！作為大食嘅我，最關鍵係白飯或者壽司飯可以任添！！其實唔係第一次去，每次去都添一次或者兩次飯～有得揀三文魚、火炙三文魚、火炙黑椒三文魚、火炙三文魚腩、三文魚子～三文魚愛好者萬勿錯過！有兩樣比較冷門嘅都有得食，希靈魚、火炙左口魚裙邊！油甘魚都有分普通油甘魚同埋油甘魚腩～有一個特別嘅未有機會試，就係蟹膏！下次一定要試～我有一個特別的刺身飯食法分享比大家知，就係將新鮮的Wasabi，不放落醬油度，直接拌飯。咁就完全將Wasabi嘅味道提升出嚟！

食之日：17/01/2019 自從第一次喺鉄火堂食過佢嘅酥炸河蝦🦐之後，就成為我嘅大愛，每次去都必點。河蝦係即點即炸，送上枱嘅時候仲Feel到熱辣辣㗎～ 咁我今次去又諗住點我嘅大愛啦，點知冇曬，食唔到，但依舊點咗蝦 - 泰式生蝦沙律 （$68）賣相唔錯，生蝦都有6隻，個泰式香草汁都幾野味，同埋都幾辣。但係生蝦個肉質唔夠爽，質感差小小，而且成個沙律要配其他主食一齊食先balance翻個酸辣度。另外嗌咗個厚切五式藍鰭吞拿魚丼，先講飽肚感一流，大食朋友嘅最愛！（$150）美中不足係過於追求食材既豐富以致味道混淆，大致食得出只有藍鰭吞拿、吞拿魚蓉同普通吞拿魚。藍鰭吞拿魚既肉質口感一食就知係成個丼既主角！ 油脂分佈同味道都屬於上級，至於吞拿魚蓉同吞拿魚就略嫌普通左，果然主角係需要配角㗎～😂整體合格，以晚市差不多半價既價錢食可以接受，仲有面豉湯跟餐，正價的話就不了。環境就有小小迫，坐得唔算舒服，冇乜private空間，不過每次去都見到有外國過去食，食住魚生，飲住啤酒吹水🍻都幾chill～

三文魚腩 三片睇落係厚切 一夾先知係有一邊厚，另一邊係底就薄到咩咁 食落一點都不肥美 火炙黑椒三文魚 三片上到枱嚇左一下，同普通三文魚無分別，佢只係無切走個塊只有2mm闊的皮，加幾粒黑椒上去就當火炙汁燒帆立貝 無燒，就咁落燒汁就上枱諗住佢做魚生飯，飯應該不會太差吧。點知。。醋味太重，仲要有硬飯夾係入面。唔知佢想點。(可能預你豉油撈飯)一食完就收走野，完全想趕客做下一枱。。百幾蚊的價錢，超市魚生的質素。一定無下次