鉄火堂 (厚福街)

营业中

休息中

之前見倒有宣傳過可以自選魚生飯. 見佢價錢唔貴, 所以一直都想試下.平日晚上黎食, 唔洗等位.雖然可自選, 但我結果都係揀左蟹丼. 我覺得味度唔錯. 材料算新鮮, 蟹鉗同蟹肉都係真材實料. 最重要係冇食倒蟹殼, 睇得出店家誠意! 當然入口貨, 少少雪味在所難免, 完全理解. 另外最令人驚喜既係, 真正上餐既蟹丼同餐牌上圖片係一樣, 啖啖蟹肉疊成高高既山丘, 多到就算用筷子夾都會唔小心推倒旁邊既蟹肉, 絕無花假! 唔會好似某D餐廳圖片好食過真正食物! 另外值得一提既係, 就算佢多蟹肉都好, 佢飯量都唔少 (對女仔黎講). 總結黎講, 呢個價錢呢個質數, 幾抵食!

今日同男友去完書展，諗住去埋the one搵sailor moon，可惜太多人，就去附近搵地方醫肚，發現lee間主打魚生飯，仲可以自選配料，正丫，我就揀左玉子，鮑魚，左口魚同三文魚腩，男友就帶子加三文魚加蟹子同左口魚，d配料都算新鮮冇雪味，只係略嫌d飯唔夠醋味，附送既麵豉湯都好有誠意，本人最鐘意係鮑魚片，有機會一定再試

心血來潮今日想食刺身飯，見呢間都有人等而openrice 啲comments ok, 就去試下，因為我一個人，所以唔駛等直入。我揀咗自選，之後足足等咗半個鐘個飯先嚟到! 佢地解釋話個飯要續個砌，但個飯嚟到係極之失望，啲剌身薄到好似爭先嗰啲咁，仲要無味連個冬菇飯都無味，亦唔覺特別新鮮! 早知去Aeon買個壽司外賣好過! 我趕時間又餓，匆匆食完就算，都無影相，總之無下次! 埋單$155

最近轉咗新工喺尖沙咀返，原來呢區食飯都幾貴，起碼都$50起跳，今日同事帶咗我去厚福街食呢間日式丼飯，價錢又唔算好貴喎，$59可自選4款刺身，我叫了吞拿魚蓉、八爪魚、蟹肉碎同埋玻璃蝦，飯係壽司飯玻璃蝦都算新鮮膠口，吞拿魚蓉就無咩味，蟹肉都有少少鮮甜嘅，八爪魚爽口，我就用日本芥末溝日本豉油撈嚟食，飯本身有一點點爛、溝咗芥末豉油口感會好啲，入面仲有青瓜絲同一隻玉子，個餐會跟埋一碗麵豉湯，都算濃香，整體不過不失，價錢都合理嘅

Lunch time sashimi don!$59 only, can choose any 4 types of sashimi. The price is cheap, so didn’t expect too much.The fish sashimi were sliced very thin ... the taste was not bad, and fresh enough. But really too thin..... But $59 is reasonable actually . But I prefer paying more to get better quality ...

極度失望本人食過2次旺角既爆__屋 覺得一般 睇吾少食評都話鉄火丼吾錯 甘就決定試下 掙扎左好耐 因為我好鐘意食吞拿魚 但又想試個平少少既 但最後都系order左四色吞拿魚刺身飯 賣相可以 點知一夾 d刺身同張紙一樣甘薄 吞拿魚碎既色勁暗 好似放左好耐 食落冇乜鮮味 壽司飯落得太多醋 唯一比較滿意既得麵豉湯哩次體驗對我黎講完全系一個伏 冇諗過收甘貴會吾捨得比人食到甘 $198食同紙一樣薄既刺身簡直吾可以接受。可以肯定吾會做回頭客！

是日7.1假期,去完科學館,下午2點, 由於下雨天, 加連威老道街上都很少人流,我記得在厚福街呢間日式餐廳上次想去但未去, 今次下午決定去試下,一行3人, 行到門口去直入,不用等位. 上次係旺角食過大大碗排長龍的魚生丼飯, 此店門都貼晒海報,有同類及同等級數的魚生丼飯, 中午可以以特惠價$150一碗(原價288)就可以享受如圖片的魚生丼飯,朋友話,始終,中午叫打公仔日日食$150魚生丼飯係無可能的.所以此店推出, 59元3款自選魚生飯套餐或 69元4款自選魚生飯套餐,當然魚生有幾大片及幾多片客人心理就要將貨就價了.落單: 蟹子沙律, 69元4款自選魚生飯套餐+另加3款自選魚生(北海道海膽30g, 蟹膏,帆立貝),蟹肉沙律卷,炸蠔蟹子沙律,蟹肉沙律卷,炸蠔,都十分正路,亦不需要任何心機,而價錢同份量都相當配合.是不錯的選擇.至於,魚生飯,有點驚訝,北寄貝從未見過的細片.帶子有如乾謠柱般細小,真係好又一餐,唔好又一餐,任君自行選擇.

今次去佐尖沙咀厚福街既鉄火堂試食魚生飯，平日夜晚8點黎到，唔洗排隊就入得叫佐個$16x 既中吞丼，外觀都還好，但味道就令人失望，d刺身唔新鮮，完全唔值得比$160 食呢個飯。無叫小食同飲品，應該無下次🙈

放工唔知食咩好，行左落厚福街就有選擇困難😆度度都多人，有時又只想有位坐，但都唔想食啲垃圾落肚⋯😅然後已發現男友攞左飛排緊鉄火堂。還好人流快，等了大約15-20分就可被安排入座。店內都是迫迫的，大家坐得很密，密密食，哈，果然有食堂feel🍚🍚🍚一睇menu就見到有好多精選海鮮丼，但仲有另一特色就是可以自選的海鮮丼，而且價錢好抵，由最平18蚊一款到80蚊都有，只要最少揀三款就可以了。由於我不是很飽，我選了甜蝦、中拖羅及玉子燒，男友就點了全吞拿魚海鮮丼，另加一個蟹籽沙津。等了大約10分鐘就有得食了，而且賣相真的很吸引！3隻甜蝦🦐🦐🦐都比我想像中大隻得多，有我手指公咁粗！玉子燒🍳就十分香嫩，而且甜度剛好！而且48蚊的中拖羅的油甘和幼根比較都好好，雖然得一切都合理既🤣男友的吞拿魚丼都好靚好吸引😋😋另外點的蟹籽沙津也整得唔馬虎，蟹籽份量很多，醬就恰到好處，不過份量大到我地食唔哂😂題外話，如果丼是選了壽司飯或白飯是可以再添飯的，所以男士們唔駛擔心細碗，唔夠再加一定夠飽😛🤓賣單250，合理又抵食！不過呢度流量好高，談情人士就不太適合😽不過可以去附近食甜品啦🤣

一個人去尖沙咀行完街想食番餐好既，心思思想食魚生飯。好耐之前bookmark左呢間餐廳。香港魚生飯餐廳多左好多，但係好食又抵食真係唔多。呢間餐廳環境較細，今次一條友同人搭枱食。今次叫左自選魚生飯，三文魚子，帶子同三文魚都唔會話好凍，唔新鮮既，整體ok。一個人去尖沙咀行完街想食番餐好既，心思思想食魚生飯。好耐之前bookmark左呢間餐廳。香港魚生飯餐廳多左好多，但係好食又抵食真係唔多。呢間餐廳環境較細，今次一條友同人搭枱食。今次叫左自選魚生飯，三文魚子，帶子同三文魚都唔會話好凍，唔新鮮既，整體ok。

四式刺身丼三文魚、帆立貝、左口魚邊、玻璃蝦講新鮮呢間刺身丼一定新鮮！三文魚肥美🍣帆立貝厚厚嘅肉身🥩左口魚邊好彈牙🍥玻璃蝦好鮮甜🍤其實仲本身加左少少價錢要泰式蝦不過個蝦嘅質地未解凍咁樣 所以唔好食都係食返刺身穩陣啲吞拿魚丼大拖羅、中拖羅、藍鰭吞拿魚、碎蔥吞拿魚其實本身係嚟咗為食呢個藍鯨吞拿魚小妹都冇咩形容詞可以形容佢嘅先甜肥美！ 好食程度比5**不過份量確實少咗啲個碗偏小比起其他壽司丼佢份量唔夠多呢個價錢其實如果份量再多啲就會更加滿足嗽

之前食過一次依間魚生飯，特別在可以免費添加白飯，仲有不同飯底可以選擇。冇酒精飲品，可以用5蚊優惠加配。但今次食完，就唔好食。本身想叫海膽丼，但賣晒。唯有散叫個北海道30g海膽試下先，有紫菜配，但鮮味一般。叫錯左，本身想叫魚生丼，而唔係叫油漬雜錦丼。咁都要照食，頭幾啖都可以，但之後愈食愈咸。壽司飯醋味又太重。加埋一齊，仲咸，而且冇左個魚生味，鮮味。個蛋冇咩特別。同行朋友食蟹肉蟹膏丼蟹肉鮮味都一般，而且食落好乾。總括來說，咸同乾。短期內，唔會再食住。

自選魚生丼－總共揀咗4款魚生：火炙藍鰭拖羅筋(HKD68)，藍鰭大拖羅(HKD58)，油甘魚(HKD28)，火炙三文魚腩(HKD28)。整體味道唔錯，魚生本身亦都幾新鮮。拖羅筋火炙嘅時間剛剛好，炙燒藍鰭拖羅入口有少少融化嘅感覺，油脂分佈平均。大拖羅嘅油花就非常細膩，入口果一刻真係有返咗去日本食魚生嘅錯覺。可惜火炙三文魚腩就普普通通，比較薄身，有點過熟。總括而言以呢個價錢可以一嚐拖羅味道尚算十分公道。

尖沙咀做完facial又可以享受一個人既晚餐。厚福街就大把選擇。每次行過都會比兩樣嘢吸引，分別係 好香麻辣味 同吸睛刺身丼。由於一個人嘅關係，只係可以食車仔式勝手。一個人星期五晚9:00等左10分鐘度。啲位勁窄 香港地貴睇吓menu ，都幾多選擇，我今次選左冬菇壽司🍣飯北海道海膽(無咩腥苦味 $98 大約三分一板)火炙三文魚腩中拖羅蝦三文魚子帶子附帶 酸羌粒好正價錢唔平新鮮度okay招呼可以坐得好辛苦環境好嘈#可一不可再

今日要上2點堂，上堂前梗係要係附近搵食啦。行入厚福街，係人都知多野食，天氣又熱所以好想食凍野。去到厚福街中段有間叫鉄火堂既小店，中午時段唔多人唔洗等位就決定食佢。竟然星期日都有自選魚生飯，正，二話不說即刻揀4款魚生。OMG，淨係魚生都有成30款可以揀（仲未計要加$果d）最後揀左碎葱呑拿、穴子、油甘魚腩同三文魚籽。耐心等待5分鐘。三文魚籽同呑拿份量ok。油甘魚略有腥味不過係可以接受，因為香港食到既油甘魚都係呢d質素。穴子面有鰻魚汁但佢本身好dry，有汁都救唔到，至少食落冇骨。整體份量都唔少，食完都夠飽。食自選飯仲跟個味噌湯，唔會死鹹，幾好。成個飯連埋個湯都只係$58又冇加一，下星期可以揀另外4款魚生試。I will be back!