鉄火堂 (厚福街)

营业中

休息中

經過門口見到有個海鮮丼做promo好似好吸引。我都明白圖片只供參考可以方便店家有時某一類食材無貨可以換番同價值食材落去，但係就絕對唔係用急凍吞拿魚醉去換走兩件圖片中的Toro囉，價錢牌都顯示兩者價錢相差$20以上，我朋友叫Toro又唔係無貨喎⋯即係好有心地以錢質低價食材誤導客人啦？本來都算，最慘係其他魚竟充斥著濃厚的雪味⋯呢個魚生丼真心無下次⋯⋯垃圾之中的垃圾。老實講呢個質素同你係超市買垃圾魚生丼係無分別，最小人地明買明賣無誤導無雪味先。下次都係行多兩步去幫襯隔離大廈間有質素魚生飯算⋯

今日行街經過諗住順便去tea 下，天氣咁熱又唔想食啲熱野，諗住去食過丼，見到厚福街有間好似唔錯就想去試吓，由於係下午茶時間所以冇咩人！咁樣仲好可以食得舒服啲，碗飯嚟到略嫌魚生少咗啲但係啲飯有勁多，一個女仔嘅份量飯係絕對充足，不過以$58呢個價錢真係冇得輸，魚生都唔好幻想係高級貨，不過勝在又唔係太差

試過旺角鐵火堂 覺得不錯 於是試試尖沙咀這間分店 但是很垃圾 劣質- 壽司飯乾爭爭，無乜壽司飯味；- 左口魚腥，不新鮮，細細舊，燒左好似無燒過咁，無應有的魚香；- 三文魚籽乾曬，縮到好細粒；- 泰式生蝦乾爭爭，不新鮮，好細隻；- 湯太咸；- 上菜很慢唯一可取的是服務態度還好建議大家去返旺角果間，一樣價錢，性價比高，食物新鮮，魚生量較多，尖沙咀這間就差很多很多，以後不會幫親這間了，唔明點解咁多人排隊食呢間，要食就去旺角店啦 呢間真的不了

喺附近行完想食日本嘢，但又唔想太貴。中，就揀左呢間抵食午市自選丼飯，$59可以自選四款，$69可以自選五款，然後每加一款配料都係$14。無論係刺食同熟食都有分多選擇，仲附送埋麵豉湯，壽司飯任裝。我揀左三文魚子、吞拿魚茸、三文魚茸、魚腩，味道幾好👍🏻

自選四種魚生飯 $59 (lunch)第一次食藍鯨吞拿魚，好鮮甜，色澤均勻雖然每種得兩片，唔算厚切，但都夠飽，鰻魚好肥美，冇骨❤️不過好奇怪就係lunch剩係得自選魚生飯同小食，沙律食。想order多其他壽司食都要五點後🤷🏻‍♀️之前食過dinner就每種配料收錢，好似藍鯨吞拿魚呢d貴價材料就貴啲啦，叫4種都100蚊了，所以lunch超爆抵食呀👍👍👍

和朋友在尖沙咀逛街，在最多東西吃的厚福街選擇了吃日式菜！完全覺得是被這店門外的相片吸引住而試這店的～這晚不需要等就直接有位了，內部環境一般，沒太大的特色～刺身丼的選擇超多！餐牌如下：在店員的詳細介紹下，朋友點了藍鯨吞拿魚飯，個人就點了四色醬油漬魚生飯～首先好想讚整碗四色醬油漬魚生飯是超多刺身！而且是厚身魚生，每一口都吃得好滿足，還要吃得出是新鮮的刺身！雖然是醬油漬魚生，但絕對不會過咸，反而個人都會再點醬配著飯一起吃～雖然碗飯看起來不算很多，但對個人來講是好飽的！還差點吃不完魚生呢～

平時食魚生飯d配料都定哂，依間好處就係可以自定👍🏻揀左三文魚，火灸左口灸裙邊同北海道海膽，刺身新鮮，海膽無腥味，飯揀左醋飯，開胃d。食左一陣，再嗌多個餸（生蝦）😂四款魚生份量岩岩好，成哂成個飯，好味！

成日係fb ig都見到人打鉄火堂卡, 見得多佢個“鉄火堂”玉子, 入左腦一諗起想食魚生飯就諗起鉄火堂。獨獨的我又近近地去左尖沙咀分店, 哩間鋪頭細細, 日本風裝修幾靚! 7點幾去到既時間已經人頭湧湧, 要排下隊不過一心想黎食既所以都照等, 可幸既係1個人唔洗等好耐就入得所以獨獨都有好處架..叫左依個蟹肉蟹膏, 上枱個下見到佢個真身確係流哂口水既, 雖然實物原來唔係預期中咁大碗, 因為其實佢隻碗都幾細, 大大碗只係視覺效果, 但自己本身好中意食蟹膏撈飯, 而依個水準都合格有餘, 都幾ok味道幾濃~ 依間餐廳既食物質素普普通通啦, 但係賣相就好top~自己都係比佢既賣相吸引黎試既, 叫黎同朋友影相打卡呃下like都唔錯啦😂

好食自選魚生飯上星期lunch去左食鐵火堂食魚生飯。餐廳7，8成滿座。都等左十幾分鐘到先有位。自選4款$59，5款$69，揀第6款以上每款加$15。我揀左蟹膏、帶子、北寄貝同三文魚腩。魚生飯算大碗，蟹膏睇落比其他魚生多，三文魚腩有3舊，帶子同北寄貝得2舊。Sofar魚生都好新鮮，三文魚腩好肥美！帶子都厚，鮮甜，北寄貝就ok。蟹膏雖然外貌不吸引但最好味，濃郁，撈飯好正！個飯可以揀日本醋飯或者普通白飯，可以加$5做冬菇醋飯，我揀日本醋飯，都好食。呢個魚生飯可自選，價錢又抵食，不錯。

黎到尖沙咀食午餐，見到門口貼滿刺身飯，同朋友都二話不說即刻入去！好在唔算多人，一入去就有位！午餐$59（+1）有自選4款配料加一個麵豉湯！價錢係尖沙咀呢區黎講係超抵！魚腩，左口魚，溫泉蛋，魚籽：刺身每款大約1-2件，魚腩食得出新鮮，夠肥，左口魚未到入口即溶，如果燒多少少應該更香口，溫泉蛋岩岩好，一切蛋黃流落飯一齊食，一流！而魚籽就增加口感，無腥味！唔錯！蟹籽，北寄貝，蟹膏，帆立貝：北寄貝，帆立貝都正正常常，帆立貝有配少少鰻魚汁，蟹籽份量都足夠，拌勻飯入口好味，反而蟹膏有d腥味，下次應該唔會再點！總體：不過不失，唯正坐係門口位附近，部分人出入都唔會順手關門，變相正開門就好熱，冷氣不足情況出現，同埋等候時間較長！

對於無飯家庭黎講，每晚諗食乜都係一個挑戰今晚就去左厚福街睇下有乜好食，因為門口個姐姐好落力，所以我地就試左呢間魚生飯店睇下餐牌先好多唔同款既魚生飯，佢仲有好似車仔麵每樣餸叫既模式，可以自選中意既魚生配答幾創新喎有兩個特價飯，我見旁邊有人食緊，啲吞拿魚好厚好吸引但第一次食想試多啲唔同既野，所以我地叫左一個火盛Facebook like 有半價好大份 佢無寫明有d咩壽司，但每樣都好唔錯，唔係壽司併盤就比啲cheap野你我最中意件呑拿魚，有甘香其他都好新鮮好好味呢個蛋我就驚驚地，比左個男人食，但佢表示幾滿意呢個麵豉湯要讚！勁多昆布囉！我飲麵豉湯最中意就係食佢啲昆布！仲叫左個饅魚玉子，夠熱，兩個味都好配答，推介炸香芋丸，炸得岩岩好，當然應該係買反黎架啦埋單$218.9 有半價真係好Happy 有樣野要提一下服務態度超好，好細心介紹餐牌既店員，慢慢同你分享每個推介款式同有咩特別事項要注意比籃你放袋上菜速度又快又好快幫你執好張枱但絶對唔係趕你走個隻下好開心今日黎左呢間餐廳！一定會回頭

今日同老師1齊見客去咗呢間日本餐廳食「自選丼飯」好抵食自選4餸 $59 ，5 餸 +$10，飯可以揀冬菇飯、白飯、壽司飯等！⭐️白飯及壽司飯唔夠飽的話可追加（免費的哦💕），其他的另加$5 男仔唔洗擔心唔夠飽哦😎😎價錢成正比，各方面都okay ，抵食之選😘💕服務能度仲十分好哦⋯⋯地址：鉄火堂 (尖沙咀)尖沙咀厚福街10號地舖

屋企人想食日本野，於是去咗位於尖沙咀呢間壽司餐廳食晚餐，平日關係唔算太多人，等咗5-10分鐘就有位入到去樣樣野食都好吸引，好多選擇，唔怕無得揀我地叫咗唔同野食share,第一個係三色吞拿魚生飯角度問題其實下面好多飯另外唔知係咪平日關係，晚市有個優惠，只要like咗page，就可以有半價享用壽司set我地叫咗火盛（$119）真係好多款，件件飯好軟熟，魚生種類多，仲有細碎吞拿魚蟹子飯、細沙律同半熟蛋，非常豐富又抵食仲有我地叫咗鉄盛（$199）呢個set全部都係吞拿魚，吞拿魚控必叫，可惜我個人對吞拿魚一般，當試下唔同部位，呢個仲有迷你海膽魚子飯，海膽好新鮮～我地仲叫咗芝士年糕小食，極度推介整體黎講算係抵食嘅壽司店，可以一戰

網上見人哋推介今日放工特登走過來食都等左10分鐘左右先入到去四色山葵醬油漬魚生飯吞拿魚同埋帶子都好新鮮鐵盛既-100毛半價優惠 哈哈見人網上推介為左佢呢個<Assorted Tuna Sushi set >而黎like 一like Facebook 就半價$199>享用☺️ 都幾抵 有咁多款吞拿魚壽司又可以食魚既嘅唔同部位佢杯海膽杯、我望見已經流晒口水自選左4款壽司飯加拿大海膽、甜蝦、蒜味螺肉、火炙三文魚海膽份量超肥美,但係有少少腥，甜蝦尚算新鮮

午市自選丼飯$59-4款刺身$69-5款刺身岩哂心大心細想試多幾款既你😋小編試左藍鰭吞拿魚（2份）、油甘魚、松葉蟹鉗、三文魚籽🤤藍鰭吞拿魚質素普普通通😕無咩油脂同色澤有點暗，有少少失望🤐其他質素不錯，特別係三文魚籽😋粒粒都好大粒，食落卜的一聲而且唔會腥🤤.友人表示試過油麻地分店既自選丼刺身會大件啲同新鮮啲想試既你識揀邊間分店啦😏.另外試左鰻魚玉子燒蛋味濃郁，中間有少少蛋漿包住鰻魚肉👍🏾.人均消費：$70指介指數：👅👅👅👅👅👅（5/10）Encore指數：🤙🏻🤙🏻🤙🏻（3/10）