金鶴拉麵 (蜆殼街)

营业中

休息中

一坐低打開餐牌，就二話不說點左我最鐘意食既黑蒜醬油拉麵，一個前菜同一個小食。前菜點左芥辣八爪魚，份量比想像中細碟，但兩個人食就會岩岩好。芥辣味唔會話好辣，但係食落就好開胃，鐘意食芥辣既朋友可以試下食。黑蒜醬油拉麵拉麵蒜味都好濃，鐘意食蒜既我當然無令我失望。自家製嘅黑蒜醬油湯底，味道濃而不咸，夠濃但係又唔會話係好重口味個種，我覺得係調配得岩岩好，而且拉麵既口感都好有層次，麵質有彈性又唔會太淋身。加埋豚肉，溏心蛋同其他配菜一齊入口，覺得好滿足，過到拉麵癮😋。明太子釀雞翼雞翼要等耐小小，但好味既野食就唔怕等。因為係即叫即燒既關係，好新鮮熱辣，入口味道好惹味。特別一提，店員仲好細心咁用錫住包住雞尖既一邊，方便用手拎住食而又唔會整污糟。

今次去天后呢一間金鶴拉麵嘅分店，叫去朋友屋企食，所以今次係叫外賣嘅。今日叫咗兩個主食同埋兩個小食。主食方面第一次試呢個雞白湯拉麵（$98）。雞白湯拉麵本身個湯底就比較濃厚，唔同一般嘅清湯或者係麵豉湯拉麵。 佢個濃厚程度都只係比沾麵個湯稀返少少，但好彩個湯唔係油膩，就算係外賣都好，個麵仲係咁足料。雞肉片鮮嫩唔係口、而且仲有個豚肉片夠晒飽。而朋友就叫咗個咖喱炸雞吉列豬扒（$108），又有炸雞又有吉列豬扒都係買呢個價， CP值真係超高。而且已經吉列豬扒同咖喱一齊食真係超級match！至於炸雞方面同我叫咗個小食嘅炸雞一樣。咁就一齊介紹個炸雞啦，呢個唐揚炸赤雞三件都係（$38）。店員都推介呢一個炸雞，炸雞唔會炸都好乾，咬落去依然充滿肉汁勁juicy! 如果可以加埋啲沙律醬食就好啦😛最後介紹埋個日式餃子啦， 四舊總共係（$38），餃子有少少半煎炸嘅感覺。所以佢嘅外皮有少少硬啦，但係入邊嘅餡仍然不錯👍餃子配拉麵都唔好唔錯。

金鶴拉麵，一間外賣從來都不用擔心包裝問題的餐廳，是夜晚餐選擇了天后蜆殼街分店，外賣回家，所有包裝亦是完整無缺。辛味拉麵，相信是餐廳唯一以辣湯底的拉麵，辣湯底辣度只屬於小辣，然而湯底味道濃郁，而且拉麵材料非常豐富，雞肉，叉燒，雲耳，筍，配上半隻雞蛋，單單一碗拉麵已經非常滿足。當然，餐廳亦有其他鰻魚飯及咖哩飯類，小食及串燒等等亦非常出色。特別喜愛餐廳的燒雞泡魚乾，略帶甜味，配以沙律醬，作為佐酒小食，確實一流。

在這個休閒的星期日，兩口子想吃日式食物，便想起拉麵、小食……經過内裡的街道，看看餐牌，有很多選擇，便入内品嚐😋😋侍應帶我們到吧枱位置，很有日本feel😆😆 坐得舒服，不會太高！我倆點了一個二人套餐，每人可選一碗拉麵+一款小食+飲品，都是$256/，相當抵食！再加多串秋葵🤭🤭 上菜速度快，服務也殷勤，會主動加茶👍👍「金鶴雞白湯拉麵」：侍應上菜時叮囑可選擇牛蒡先吃，怕被湯浸過沒有香脆口感。果然，非常鬆脆，味道剛好，沒有油膩感，就算浸過湯也很入味，是另一食法！湯味濃，雞味重，味道適中，真材實料！厚厚的雞肉和大大塊的豬肉，份量相當多，口感軟淋、肉味清淡，沒有肥膩，頗為健康，配以筍、木耳絲、椰菜等材料，很滿足！「 黑蒜拉麵」：濃濃的黑蒜湯底，一粒粒的芝麻味香，跟拉麵一啖飲下，口感彈牙咸度適中，頗適合重口味人士！同樣有三塊雞肉和兩塊豬肉、糖心蛋……吃到停不了口。「 日式炸餃子」：炸得剛剛好，外脆肉嫩，蔬菜比例多，配以醬汁，沒有肥膩感，不錯！「 唐揚炸雞 」：大大舊的脆炸雞塊，肉嫩肉汁豐富，餣得剛剛好，不會過咸過淡，配以檸檬鹽減去油膩感，非常特别，值得推介！👍👍👍最後，喝杯汽水解一解渴😂😂滿足！整體

上次係中環分店食過佢既串燒活鰻魚之後念念不忘，於是親今日約左朋友食飯，推介呢間拉麵店比朋友。雖然黎到以白湯聞名既拉麵鋪唔叫拉麵好似幾唔正常，但係無計，我認為呢到個活燒鰻魚飯比起拉麵更值得一試，真材實料厚厚既鰻魚肉，加上燒到四邊脆脆已外皮，而家諗起都流哂口水。另外再叫左個串燒套餐，包7款串燒同飲品，個雞翼燒得非常好食，不會overcook,燒得剛好又juicy,再叫左支酒一路吹水一路食，不經不覺坐到十點，又到限聚時間迫不得爾要閃人。不然一定想叫多set一路食再一路吹落去，畢竟呢到環境同地點真係好方便同埋舒服。

今天和同事去了位於天后的金鶴拉麵由於真的很思念日本，所以我們預留左肚子準備在金鶴拉麵大快朵頤我們點了一個超值二人套餐同事點了雞白湯拉麵🍜而我點了一個黑蒜醬油湯拉麵🍜另外我們在點了一份唐揚炸雞和日式餃子唐揚炸雞真的超大份，一份有三件咬下去的時候鮮嫩多汁，肉汁傾瀉而出並有脆脆的聲音，不會有任何覺得乾的感覺而日式炸餃子共有四件肉餡十分飽滿，充滿肉汁十分好吃😋最值得嘗試的便是他們的招牌雞白湯拉麵雞白湯拉麵的湯底十分濃郁並有牛蒡相伴 ，超級脆同超級好食❤️❤️而雞肉亦有3塊，面也是比較多的溏心蛋亦是很出色，蛋漿慢慢流了下來而我的黑蒜拉麵🍜 很重蒜味如果喜歡吃蒜味的朋友一定會很喜歡這個湯底湯底亦不會太鹹，我個人是比較喜歡這個湯底的兩個人吃了這麼多也不用$300真係好抵食下次會再約埋一大班同事去金鶴拉麵感受日本的美食💓

家里附近這家店已經很想嘗試一直沒機會，今天周末特意來試一下。店鋪面積不大，最多只能座20人，但裝修滿滿日式傳統風格，加上日本音樂實在有如置身在日本小店內。點了北海道極濃蟹粉拉面，首先一定要嘗試它的湯底，喝一口湯底真的極濃，而且蟹粉香味 非常濃郁, 證明廚師花了很多功夫在這湯底內。而且拉麵上面佈滿很多蟹粉，還有溫泉蛋叉燒和紫菜。拉麵非常彈牙，整碗麵我連湯底全部喝光。實在好味到不得了。不過價錢稍為有點貴，連加一要152元。這價錢性價比有點低。如果能便宜二三十元相信價錢更超值。

今日去到炮台山找舊同事吃午飯，由她決定去了蜆殼街的金鶴拉麵，地點是於天后與炮台山之間的一條小路，地點不算難找。店舖面積不大，我倆就在於近門口處的壽司吧枱。這間分店應該沒有二人餐，因為職員只給我們省點餐牌和午餐餐牌。午餐都是$78起，有沙律、拉麵/飯，可以加錢加配飲品及配料。《金鶴雞白湯拉麵 $98》想學湯的話雞白湯拉麵會是不二之選，經過繁複的過程下，雞的精華都盡在湯中，不油膩亦不令人口渴，味道清香。慢煮日本薩摩赤雞胸肉十分嫩滑，本黑豚叉燒薄身不韌；日本溏心蛋香甜，加上炸牛蒡十分香口。 《黑蒜醬油拉麵 $88》醬油豬骨湯底比白湯味濃，清而不油膩，帶有咸香，叉燒亦嫩滑，整體惹味。另外還+$12 追加了日本溏心蛋。《蒲燒活鰻魚串 $68》（即燒需時）餐廳嚴選每條約兩公斤的頂級鰻魚，在店內劏及生燒，即叫即燒，像鋸扒般的厚肉，燒得外脆內軟。

某日去左天后行街，突然路過一間叫金鶴拉麵既鋪頭，入面有一幅好巨型既鶴畫，好靚，今次揀左外賣反屋企食，外賣自取仲有優惠，拉麵既款式好多，仲有套餐，飯，小食等選擇，我揀左一碗北海道蟹極濃蟹湯拉麵，蟹肉湯底香濃鮮味，而且仲有好大片肥瘦適中既叉燒肉，蟹肉都真係幾多，流心蛋流心程度岩岩好，另一碗叫左極濃雞白湯拉麵，湯底用左香濃雞肉，入口好creamy，飲完d湯唔會好口渴甘，大大塊雞肉，另外，炸雞小食，雞肉3塊大大舊，好juicy好多汁，啖啖肉。

好耐冇食拉麵啦🍜又好掛住日本😭，所以今日專程來到金鶴拉麵去懷念一下日本既感覺，估唔到過咗午飯時間都仲有人排隊等位，真係好受歡迎！好彩等了一會好快就可以入座✌️叫左個2人套餐，包括有2個主食2個小食和2個飲品，揀左：金鶴雞白湯拉麵😋賣相好掂，剛炸好的牛蒡甜甜哋又脆卜卜，造型靚得來又好食，個雞白湯湯底好鮮甜，慢煮雞胸肉仲好嫩滑，配上肥美豚肉，再加上彈牙的拉麵，無論口感或味道都一流。辛味拉麵🍜好彩冇想像中咁辣，但辣既味道好香，一樣咁正👍唐楊炸雞🐔外皮炸得好香脆可口，內裡雞肉咬落好juicy炸日式餃子🥟皮薄餡靚多汁，餃子皮炸得脆卜卜

家人說「金鶴拉麵」無論拉麵、咖喱飯還是小吃都非常出色。 但目前因為疫情關係比較少外出晚膳，也有不同的政府政策限制，因此不如叫家人收工後購買外賣直接帶回家吃。醬油拉麵$88比較傳統的醬油拉麵，有些鮮味，鹹味也比較清新，裏面也有不同的配菜包括糖心蛋，很有甜香，而且有香滑的豚肉及特色慢煮雞肉，肉類也是比較豐富。日式餃子$38這家的餃子也是非常不錯，煎得外皮香脆，鹹香有水份。咖喱炸雞飯$78咖喱吉列豬扒飯$88如果想吃日式飯的話，也有不同選擇，例如咖喱炸雞飯或咖喱吉列豬扒飯，外皮都是非常香脆，日式咖喱甜甜的大人細路都啱食 ！都會建議拿回家後盡快享用，質感會較佳。

成日食拉麵都係豬骨湯底，今次經過呢間拉麵見到主要有個濃烈嘅雞湯，所以買外賣嚟試吓，2人餐價錢唔算貴，回家見到外賣好細心，湯同面係分開上。叫咗個二人餐有兩個小食一份係炸雞一份係餃子，餃子皮薄餡料夠，仲有肉汁添，正。拉麵叫咗一個黑蒜醬油拉麵，湯底好香黑蒜味，麵質軟硬度啱啱好，但最驚喜係佢嘅雞肉係超級好食，一啲都唔硬而且啖啖肉，開頭以為雞胸會好in ，但係一啲都無，仲好滑。另外試咗佢招牌雞濃白湯，湯底會比較厚身啲，但味道真係Double濃郁，雖然佢重口味但係一啲都唔油，係好好味，一碗份量好多，真係超級有驚喜，值得我推介俾朋友去試吓。

好少寫評論 不過真係難食一年前食過和富分店 覺得好食嘅今次食完全係唔得唔知係分店問題定乜我可能唔係點貴嘅極濃 但係都唔係俾啲咁嘅嘢我呀湯完全冇味 好似冇味嘅忌廉蘑菇湯咁麵完全冇麵味仲要鹼水味都未沖走牛蒡未炸透放埋落碗湯都淋哂完全咬唔斷唔係叫極濃都唔洗溝水吖 茶餐廳例湯呀仲要加一

🔸極濃雞白湯拉麵 $138🔸汁燒原隻魷魚筒 $108🔸日式唐揚炸雞 $38🔸日本溏心蛋 $12🔹外賣自取八折優惠-今晚特別想食拉麵，醒起好耐之前食過嘅金鶴拉麵，今晚收工就去咗最近嘅分店買外賣返屋企食，宜家咁啱仲做緊外賣優惠，八折勁抵食啊！極濃雞白湯絕對係冇得輸，熬煮到白色嘅超杰身雞湯極之濃郁，湯汁完全掛喺麵身，超級濃郁！拉麵附上雞肉片、叉燒片、半隻溏心蛋。另外再叫多份汁燒魷魚筒、炸雞、溏心蛋，依個份量兩個女仔食剛剛好夠晒飽又滿足啊！

金鶴拉麵 地址: 天后炮台山蜆殼街6-16號寶榮大廈地下E號舖電話: 34602398等了兩個月晚市當食還是遙遙無期，娛樂又無被壓到神經緊張。放工已經肚子作響，趕快買外賣回家給家人。咖哩炸雞飯算是數款飯類中支持度最高，大大塊炸雞，配上溏心蛋，食極都唔厭。要了份沾麵, 湯同麵分開，食時才把彈牙麵條沉到濃郁的湯中享用，仲有慢煮雞肉同又燒片，雞白湯煮到有點張住口的，creamy 濃郁。老公要多肉多蛋白質，所以點多份炸雞廢事佢搶埋我飯上的炸雞黎食，我食一塊佢要兩塊。