金鶴拉麵 (蜆殼街)

营业中

休息中

星期六同老公去食拉麵🍜😍香港有好多拉麵店 好多都各具特色 金鶴有幾間分店 今日我地就黎最方便我地既炮台山分店金鶴主打係雞白湯拉麵 用赤雞素熬製的湯底 口感濃郁甘甜 麵條用左較粗身的麵 每碗都有叉燒同雞肉 雞肉好嫩炸牛蒡好好味 又吸晴另外叫左辛味拉麵係截然不同的感覺 較重口味 有刺激的辛辣感配料大致同雞白湯一樣 不過冇炸牛蒡好欣賞雞白湯拉麵的湯底👍🏻推薦！Download app 成員會員可以儲分迎新有100分送1蚊1分 食一次下次已經可以換到小食

上次試左佢地既叉燒醬油拉麵，好多朋友話一定要試埋雞白湯。首先講下個湯，飲落口感有d飲豬骨湯，但又冇咁濃味清清地，又有d似魚湯,就咁飲味道岩岩好，但襯埋拉麵就好似差少少味。拉麵就一樣咁彈牙偏硬身少少，岩我口味。另外第一次食配菜既炸牛蒡，脆卜卜食落甜甜地好特別，叉燒夠淋同入味，最後雞肉睇落好似好鞋同乾爭爭，但食落原來好淋同有肉汁。成碗麵個配塔唔錯，幾對可以再試。

今日Lunchtime好想食拉麵，係openrise轆左好多間最後決定試下呢間位於炮台山蜆殼街既金鶴拉麵，今次仲想試下外賣拎走返公司慢慢食～其實佢地仲有個lunch set menu, 又或者散叫又得！任君選擇！首先Order左碗極濃·雞白湯拉麵～ 好貼心既位係外賣既湯同麵係分開裝，咁啲麵就唔會咁快沿途索晒啲湯發脹！同埋外賣拉麵都一樣咁足料！讚！個湯真係好濃好重雞味！啲拉麵亦都好彈牙，最中意件雞肉，好嫩滑！仲要加埋半隻溏心蛋，真心正！另外，估唔到外賣拎到返公司啲湯同碗麵都仲好夠熱～ 我最後完全成碗KO晒！大食既我仲order左幾款小食！首先雞腿肉串 真係好多汁 醬汁又好味！佢地啲雞肉食材真係要讚下！真係好嫩滑！同埋廚師燒得岩岩好！另外，作為鰻魚控，一定要叫埋呢個浦燒活鰻魚串！佢個浦燒醬汁濃度岩岩好，唔會蓋過左本身鰻魚既鮮味！初時order其實以為會好細份 因為佢寫1件，但出到黎原來咁大件！好抵食呀！要對自己好啲！手多多仲叫埋份黑豚肉腸 同 雞胸軟骨串！份黑豚肉腸已經切好晒一粒粒bitesize! 同埋燒得好好食！而個雞胸軟骨串同平時出面食既普通雞軟骨唔同，你見佢大件好多，因為係雞胸部份

閒日夜晚想搵間平平哋嘅晚餐，估唔到每人$160可以食到咁高質素嘅拉麵😋 想必廚師👨🏻‍🍳一定好俾心機！分別叫咗兩個拉麵：一個係必食推介嘅雞白湯拉麵。我叫師傅個面要煮軟小小，有時其他拉麵店煮久就會易啲斷開，但係金鶴嘅拉麵都係保留返有少少煙韌。最特別係個雞湯，可以見到佢真係好濃白，同中國人嘅老火湯有得比🤣 個雞湯無可厚非做得好出色！第二個面係辛辣軟殼蟹拉麵，鍾意食辣嘅朋友一定要嘗試呢碗拉麵，個湯好濃味蕾深感刺激！而且片叉燒有少少煙燻嘅味道，好惹味最後加咗一個小食，三件唐揚炸雞😂 $38但好大舊，值回票價！

📍 🌀 黑蒜油拉麵沒有招牌雞白湯拉麵的炸牛蒡裝飾〰️但拉麵味道還是一如既往的好🙉🙈黑蒜油味濃郁👍🏻 直身拉麵煙韌有咬口慢煮雞肉夠嫩滑 不過叉燒就相對冇咁出色啦配菜有埋溏心蛋同木耳絲呢間拉麵開咗幾間分店質素依然保持得好好 午市仲有優惠套餐 都幾抵食!

早一陣子同朋友係天后食咗個quick lunch😆🧒🏻👧🏻 估唔到一段時間無黎，呢度附近餐廳已經變咗咁多😧最近喺好多地方都見到呢一間金鶴拉麵嘅分店，所以一於決定入去試吓😛 今次我就係order咗午市$128嘅lunch set，包一碗拉麵、一個小食、一杯嘢飲：金鶴雞白湯拉麵🍜芥辣八爪魚🐙Coke Zero 🥤雞白湯拉麵味道湯底好濃郁，糖心蛋超好味，只係雞肉略嫌有少少唔夠嫩😣 而芥辣八爪魚亦都好開胃～所以，整體黎講都係值得一試嘅選擇🤤

幫襯左呢間拉麵都好多次～近屋企買take away勁方便而且有會員優惠～儲下分換下食秒真係真心抵今次我仲換左唐揚炸雞添～～～返到屋企食都依然好juicy~~食拉麵之外呢度嘅串燒都好出色特別係燒鰻魚真係勁肥美，配埋佢地既秘製醬汁真係一次過食五串都得～（不過買五串太貴🤣🤣）另外雞軟骨棒都係我嘅最愛黑蒜醬油拉麵～係屋企人既首選個黑蒜味一路行一路飄出來～～好香好香～仲有糖心蛋同慢煮雞胸間唔中仲有期間限定拉麵～真係食極都唔借悶

-🔸史上極濃雞白湯拉麵 $138🔸汁燒原隻魷魚筒 $108🔸燒黑豚肉串 $48-金鶴拉麵嘅雞白湯真係令我念念不忘，今次再嚟食埋佢嘅史上極濃版本！個湯超級濃稠，拉麵極度掛湯，每啖麵都被湯汁重重包圍，比普通版本更勝一籌！加埋本身已包含雞肉、叉燒、溏心蛋、荀、木耳絲等等，配料亦很豐富。燒物都十分出色，汁燒魷魚筒成隻上，份量十足，以姜燒汁調味，恰到好處。另外黑豚肉串燒得半焦香，非常香口，而且肉質鮮嫩唔乾柴。

今日董事長話晚餐要食拉麵， 於是就喺附近揾間拉麵店啦，金鶴拉麵位於炮台山蜆殼街， 蜆殼街成條街都有幾多食店，但就係得一間拉麵店，咁就一定係佢啦。由於重係疫情關係，繼續外賣自取， 望望餐牌有2款新出拉麵， 於是就點左: 軟殼蟹香辣湯拉麵，北海道極濃蟹湯拉麵，鹽味拉麵，雞白湯拉麵。因為係叫外賣，史上極濃就無得叫外賣，因為怕牛蒡林哂，切想周到。軟殼蟹香辣湯拉麵，湯味清香，辣道適中，軟殼蟹大大隻，軟殼蟹炸得外脆內軟，蟹味香濃，重有2大塊燒肉, 真係未食就知道好飽， 燒肉有陣陣炭燒味道，肉嫩香口，值得推薦，拉麵軟硬度適中，外賣返到屋企都唔會林哂北海道極濃蟹湯拉麵，蟹肉鮮甜，份量又多，呢款新口味又係無得輸。鹽味拉麵，岩哂小朋友食，湯味唔會太咸，雞肉，豬肉份量多，小朋友食得勁開心。雞白湯拉麵不嬲最出名， 雞湯味極濃，好似飲緊忌廉雞湯，雞肉，豬肉又係份量極多，董事長快快趣趣就食哂

「金鶴拉麵」唔少人都有推薦過💯，基本上必點雞白湯拉麵！男朋友今日話想食日本拉麵🍜，即刻諗起呢一間拉麵店，立即去試試先！————————————————👅金鶴雞白湯拉麵（$98）👍🏻本店最著名拉麵，雞白湯底用赤雞熬煮6小時而成，口感濃稠而不油膩🤩，真係好似牛奶一樣咁creamy，又帶有鷄肉香味，麵條偏方及粗身，非常適合沾滿湯汁，而且麵量都幾多👍🏻 一次享用兩款肉品，軟嫩嘅雞肉同帶有少少脂肪嘅大片豚肉🐷，仲有炸蔥、青蔥、黑木耳絲及荀絲👍🏻溏心蛋熟度啱啱好，同時享受蛋黃溏心同蛋白嫩滑👅黑豚肉豚骨湯拉麵（$78）👍🏻炮台山店限定嘅午餐，主菜附有野菜沙律🥗，豚骨湯味道鹹鮮，黑豚肉咬落紮實且不帶脂肪，又有溏心蛋等配料，真係幾抵食————————————————🚩總結：不負所望嘅拉麵店🍜———————————————— 🌟注意：即刻download麵店嘅會員App，迎新禮物送一百分，可以即時換可樂或溏心蛋————————————————📍 金鶴拉麵 地址：天后炮台山蜆殼街6-16號寶榮大廈地下E號舖.🗺地區：#bem炮台山📥分類：#bem日本菜💰人均消費：#bem_51至100蚊

同朋友係銅鑼灣行完街諗唔到食咩，就決定搭叮叮去炮台山搵野食，見到金鶴拉麵門口有日本拉麵feel就入咗去。上網見到人地話佢個雞白湯拉麵必食，即刻決定要試呢個。一見到碗麵覺得淨係外觀都值10分，炸咗既牛蒡加唔少分，佢配兩嚿雞肉同埋一嚿叉燒，叉燒正常，雞肉就略嫌有少少柴，但配湯一齊食都幾正。最欣賞係佢個湯底 ，好creamy但係又唔會過鹹，佢本身仲有個極濃雞白湯但係我怕太Heavy就冇試了。串燒就叫咗雞心，雞胸軟骨，雞腿肉，黑豚肉，鰻魚，秋葵同埋冬菇。第一次食雞心原來都唔錯，唔會覺得腥。最好食應該就係鰻魚，燒得啱啱好肉質又彈牙。其他串燒Overall質素都正正常常。叫咗咁多嘢其實都唔使$300，覺得性價比好高！

最近掛住「屠龍」，好似冷落咗A小姐。諗返起對上一次食飯，好似已經係兩個星期前既事。而佢就愈來愈多微言，甚至開始問埋我啲好古怪既問題…「如果我掉咗你部switch，你會唔會同我分手？」係佢瀕臨爆發之前，我決定買紮花接佢收工，好好陪佢食餐飯。佢公司係天后，樓下就係蜆殼街。成條食街，基本咩都有得食。行咗一圈，佢就選擇呢間金鶴拉麵。佢話之前同同事已經食過呢間雞白湯拉麵，湯底好香濃，麵質彈牙，有啲似之前係日本食咁，小食個炸雞都超好食。不過佢話有啲攰，我就提議叫外賣，咁就可以早啲返屋企…我叫咗個咖哩炸雞吉列豬扒飯，另外要咗份餃子。首先塊吉豬真係幾大塊，起碼對得起個價錢。最驚喜係拎到返去都仲脆口，肉質又唔會死實實。餃子都有4隻，大大隻，食落都脆身足料，幾有蒜香。打開個飯有隻溫泉強、有啲紫菜絲，西蘭花，仲有件幾JUICY既炸雞。多到我一個大男人都幾乎食唔晒。至於A小姐，我無諗過佢竟然都係叫咖哩炸雞吉豬飯配多份炸雞。我仲忍唔住問佢…「你明明同我講呢間拉麵好食，點解唔叫拉麵？」佢就撒晒嬌話「突然想跟你食飯，唔得咩？？？？？？你係唔係有啲咩唔滿意？？？？？？(下刪一萬字)」有時女人就係好難理解，想食飯但又會

早前係銅鑼灣開完會, 順便係附近覓食, 最後去了金鶴拉麵食嘢.好耐無食鰻魚飯, 心血來潮想食，我就點了活燒浦燒鰻魚飯.活燒浦燒鰻魚飯終於上枱.賣相相當精緻.鰻魚飯以盒承載着, 仲有一碗湯和前菜.鰻魚係即叫即燒, 所以一打開盒蓋, 香味撲鼻.鰻魚幾大塊, 仲幾厚身.由於夠厚身, 口感較佳.魚肉的肉質尚算嫩滑, 而且個醬汁調教好味, 兩者好夾.我鍾意同飯一齊食, 雙重口感.個飯附有湯, 可以清一清喉嚨.另外，點了海鹽燒雞中翼串。外層皮帶點脆口，雞肉尚算嫩滑，又吾會過鹹。這個鰻魚飯真係不錯, 下次再試下其他款式和串燒.

收工後係天后炮台山蜆殼街到發現一間隱世高級拉麵店，店外裝潢特別，有種神秘感吸引我和同事決定入內一嘗。進入店舖後，映入眼簾的是一張別有特色日式的長拉麵bar枱，防疫措施亦非常齊全，讓人感覺安全又不失格調。 店內裝修以黑色木質製造為基調，金鶴嘅圖案作為裝飾，燈光配合下，營造出豪華又精緻的感覺，十分舒適。 餐廳店員服務周到，態度禮貌，熱心推薦店內人氣美食，我和友人分别選擇了金鶴雞白湯拉麵和慢煮雞胸肉飯。 雞白湯的湯底蘊含著雞肉本身的鮮味，十分濃香，加上兩片肥瘦均勻的叉燒和嫩滑的雞胸肉，配菜高質且分量十足，麵既質地軟硬適中，最後放上炸牛蒡作為點綴，令人食慾大增。整體而言，不論拉麵的湯底，配菜，用料和味度都十分岀色。 友人的慢煮雞胸肉飯亦非常驚喜，精緻的盒裝佈滿兩層鮮嫩的雞胸肉，加上各種配菜點綴和醬汁搭配，配上一口日本珍珠米，令人回味無窮。套餐配有小食一份，炸雞配上海鹽，口感豐富 最後當然不能錯過串燒的部分，我們嘗了明太子雞翼、黑豚肉串及日本多春魚，全部即場燒製，香味四溢。雞翼去骨再釀入明太子，可見背後心思和工夫，入口帶有一點芝士香濃配上明太子口感，十分難忘。最後喝上一口日本麥茶，豐富的味覺饗宴

第一次光顧天后分店，地方雖比土瓜灣店細，但都坐得舒適，骨子企理，待客有禮。大廚推介是日精選期間限定蟹湯🦀拉麵🍜，係我本來打算一嚐的。店員服務亦細心，想從盒內先取筷子🥢，及後發現只有牙籤，店員詢問後，便告知筷子會連拉麵上。試食北海道極濃蟹湯拉麵 ($138)，蟹湯名副其實「極濃」，濃而不鹹，食後唔會口渴，蟹肉份量夠且鮮甜，拉麵彈牙，有咬口，軟硬適中，入味！黑蒜醬油拉麵 $98 （*$78 𝐷𝑖𝑠𝑐𝑜𝑢𝑛𝑡 𝑃𝑟𝑖𝑐𝑒 𝑜𝑛 𝑂𝑝𝑒𝑛𝑅𝑖𝑐𝑒)下次再試吓期待以久嘅金鶴鰻魚飯❗️🍱推薦: 🥢🥢/5.金鶴拉麵 𝐾𝑎𝑛𝑒𝑡 𝑆𝑢𝑟𝑢 𝑅𝑎𝑚𝑒𝑛 🍜 (蜆殼街 𝑆ℎ𝑒𝑙𝑙 𝑆𝑡𝑟𝑒𝑒𝑡)𝑃𝑟𝑖𝑐𝑒: $236𝑅𝑎𝑡𝑖𝑛𝑔: 8/10 - 北海道極濃蟹湯拉麵 🦀𝐿𝑜𝑐𝑎𝑡𝑖𝑜𝑛: 𝐹𝑜𝑟𝑡𝑟𝑒𝑠𝑠 𝐻𝑖𝑙𝑙 (𝑒𝑥𝑖𝑡 𝐴)———𝐶𝑜𝑛𝑡𝑎𝑐𝑡:𝑆𝑎𝑛𝑑𝑦 𝐿𝑒𝑢𝑛𝑔