金鶴拉麵 (九龍城道) (已結業)

天氣凍凍地突然好想食番個拉麵，好掛住呢度個人氣雞白湯拉麵，一於外賣番去慢慢食。包裝都好穩陣，拎到番去都無瀉既情況，汽水仲有保鮮紙包住好貼心。一人套餐$128有小食有汽水，比起單點抵食好多，再加$20升級做極濃雞白湯✨極濃雞白湯拉麵: 個湯質地帶點點杰身，飲落creamy唔黏口, 雞味好香但唔會太膩，加埋大量京蔥同木耳。個慢煮雞胸好好食，好嫩滑一d 都唔嚡口。叉燒雖然偏瘦，但食落軟淋，而且都幾大塊。✨日式餃子： 個皮夠薄，個饀都好味。✨唐揚炸雞: 一客三件都幾抵食，雞皮香脆啖啖肉，點埋個柚子味既鹽唔錯