金鶴拉麵 (閩街)

营业中

休息中

佐敦一角落裏開左一間隱世拉麵店，若非朋友報料，未必會識嚟。九月份做會員，麵食做緊買一送一，實在太抵食，所以趁假期嚟一探究竟。假期瞓到自然醒，爽，嚟到都已經係2:15PM，原來此店係2:30PM last order，好彩早少少嚟到。3PM落場後要等6PM先再營業架。雞白湯‧沾麵$138麵條係比較粗身，而且用冰水過冷河，入口係好爽口彈牙，做得出色。雞白湯汁濃郁，用小火爐KEEP住溫度，中途店員仲幫我地加熱左個湯，好細心。不過因為係湯汁關係，做得有點兒太咸。黑豚‧雞白湯拉麵$98(免費)我自己鍾意呢個拉麵多啲，因為我鍾意食熱辣辣嘅拉麵。加左啲牛蒡絲，既養生又靚。豚肉經過火炙，多一份香味。湯底同麵都做得好出色，而且有優惠，所以免費，真係冇得彈。元祖‧煎餃子$33一碟四隻，皮做得好薄，都唔錯。最後埋單都唔駛二百蚊，真係好抵食。我哋係最遲食完，但店員都冇催過我哋，服務態度極佳。呢個時候可以影下個環境，雖然舖位細細，但裝修都好顯心思，好高大上。 最搶眼就係金箔畫，金碧輝煌。不得不提係佢個女厠，首先要經過一條小小石春路，好特別。入到去，除左好乾淨，竟然有香薰、M巾、棉花棒、牙膏牙刷、漱口杯。獨立冷氣

本來去佐敦食炸雞，點知已last call, 所以去了附近新開的拉麵叫金鶴，一入門口，裝修同筷子，到筷子套，牙籤也很細緻，睇得出很用心。叫左白雞湯拉麵，同黑蒜豉油拉麵，白雞湯很香濃，配上慢煮雞肉，入口極滑，黑豚肉燒過的，竟然入口有陣陣香甜，仲有薄义燒也很正，至於那黑蒜湯底，侍應話那黑蒜油是自家製，味道恰到好處，有别於坊間太鹹，仲送了綠茶蕨餅，也很煙韌好味。麵質彈牙。這店很有水準，係近年食過好味的拉麵。侍應話９月底在佢地網頁做了會員可享買一送一優惠（最平拉麵＄98），堅抵！侍應服務態度很好，主動介紹各食品，廁所很整齊乾淨，女廁面穔竟大過男廁一倍！拉麵很出色，必再來！

活鰻蒲燒飯($198)-鰻魚嘅份量有好多，而且仲要好肥美好juicy，飯都唔會好dry，呢個真係大力推薦！雞白湯拉麵($98)-拉麵相比起沾麵較為軟身，豚肉入口即溶，真係好正，而雞肉都好入味，真係口味無窮，仲有半隻溏心蛋！雞白湯沾麵($98)-沾麵好有質感，個麵雖然係凍嘅，但係tim落個熱辣辣嘅湯汁到真係好出色，湯味夠濃，而且凍咗之後仲可以加翻熱，入面有溏心蛋之餘仲有豚肉同雞肉，個人比較中意沾麵，極力推薦！元祖煎餃子($33)-total有4隻，熱辣辣仲要好新鮮，每啖都覺得好juicy。抹茶蕨餅-可能係新開張嘅緣故，店長非常好人，請我地食呢個日式甜品，凍凍地又唔會太甜，真係幾好味架！--呢度環境好舒服，可以坐好耐，廁所仲要好大有電視，好有日本嘅感覺，而且慶祝生日都唔洗收切餅費，店員仲要好好咁幫我地影咗好多相，而且每一款菜式都會同我地介紹翻點食。--限時優惠: 依家只要download佢地嘅app，係30/9之前都可以有麵類買一送一優惠，真係好抵！

香港人食拉麵好 在意佢係唔係正宗日本過江龍。然而嗰日路經佐敦廟街俾我發現一間小店，小店開喺公園旁邊橫街， 的確唔係好顯眼，但通常好嘢食係要捐窿捐罅搵嘅， 餐廳個名叫做金鶴拉麵。餐廳雖然裝修典雅，更加不能忽視當中的細節。 開放式廚房對住個壁畫係用金箔做成的， 而大門口有一 圓形的窗櫥 裏面也是一隻鶴。貴氣非凡。與其他拉麵店不同的是， 這裏提供的是熱茶而不是冷水， 因為餐廳顧及到人客的需要如果一杯冷水飲下去，胃就會不舒服， 熱茶反而能夠暖胃， 更能欣賞之後吃的拉麵。餐牌貴精不貴多只賣雞白湯拉麵， 但有幾個款式變化出來， 今次叫了兩碗麵 ，一碗是雞白湯拉麵，而另一碗是雞白湯沾麵， 另外還叫了煎餃子。這裏的雞白湯湯頭是以原隻雞高溫及長時間熬製，湯底呈奶白色，清澈不油膩， 也不像豬骨湯般的湖口，味道濃郁 並且有暖身的果效 ！ 而沾麵的湯也是雞白湯，但是比普通拉麵的更濃郁， 吃到最後可以再叫餐廳給一碗高湯，再去喝剩下的雞白湯而拉麵的配料有炸過牛蒡、豚肉、雞肉，豚肉讓人驚喜， 豚肉肥瘦相間帶點豬油香味卻又不會太肥膩， 另外慢煮雞胸肉肉質細緻， 原先以為會很鞋 但吃下去完全不像在慢煮的， 更帶點爽口的

上網睇到佐敦有新開日本食店，見到有買一送一優惠，特登黎試下！店員一開始就介紹曬個餐牌比我地，誠意十足！首先就叫左個店員推介既雞白湯拉麵個湯底好好味，唔似味精湯，真係可以食完麵飲埋佢！雞肉經過慢煮，好軟熟，唔似平時食果啲雞胸肉。因為買一送一既關係，叫多個醬油拉麵試下，味道都幾好，不過無雞白湯果個咁正。仲有壓軸既鰻魚飯，用日本活鰻魚以炭火燒成，鰻魚肉好厚身，味道好好。199就食到呢個質素既鰻魚飯都好抵環境都幾好，女朋友力讚個廁所好乾淨，要去！

門口裝修好友隱世小店嘅感覺！一打開門入到鋪頭，成間舖已經充滿湯同燒鰻魚嘅味。一坐低之後，店員會問你要熱茶定凍茶，仲會畀條凍毛巾畀你抹手，非常貼心。當我等待拉麵上枱的時候,我見到佢哋嘅即燒鰻魚, 都流曬口水，下次一定要試！一碗拉麵最緊要湯夠熱， 我今次食嘅係黑蒜湯底，果然冇令我失望！ 湯底夠曬熱又好飲， 叉燒夠香，雞肉夠嫩，面底仲好彈牙。 除咗連鎖店 x蘭之外，喺香港算係數一數二嘅拉麵店。 真係值得一試店員服務態度好，會照顧每位客人嘅需要。下次去食記住book位

這間拉麵簡直令我嘆為觀止，現在還做緊買一送一優惠，好低啊！e段期間分別來了2次。佢哋嘅食材很新鮮全部由日本進口。 特別喜歡他們的燒過嘅黑豬肉和白雞湯，好好味。和最欣賞佢的服務和一定要參觀他的女廁。超欣賞老闆的細心！這間老闆有多年做日本料理經驗，而且不是日本拉麵的分店而是自己的，所以有支持香港店的心。 我下次一定要試他的鰻魚飯，即叫即燒，雖然要$198 但是應該會很好味！ 好期待下次的幫襯。 加油呀，十分支持

我自己鍾意食拉麵, 平日會定期去食, 通常去拉麵店也是快食為主, 較少一邊慢慢食, 一邊傾計, 但早前去了位於佐敦的金鶴拉麵食飯. 到達門口, 已被設計所吸引. 而入到店內, 見到一幅掛畫, 由金箔整成, 相當名貴. 這裡最靚係洗手間. 行入洗手間的地方整成一片石春路. 係洗手間裡更放了一部大電視機, 真係好豪華. 參觀完洗水間, 係時候點嘢食. 這裡最出名就係雞白湯底. 由於我愛食沾麵, 所以點了一個雞白湯沾麵. 當中包括黑豚，溏心蛋和慢煮赤雞. 小食點了唐揚. 炸赤雞. 沾麵食得多，但雞白湯底卻首次食. 店內所有的水, 即使係洗手間, 也係使用有認證的水, 大家可以安心飲用. 沾麵上枱. 賣相精緻. 湯以火爐承載住, 保持湯的熱度. 而麵用凍水過冷河, 麵質更為彈牙. 湯夠杰, 入口有香濃的雞味, 較平日食的沾麵淡身一點. 又夠滋補，啱曬女士. 掛湯情況不錯, 幾好味. 黑豚肥瘦均勻, 肉質夠鬆軟. 而雞肉相當嫩滑, 完全唔覺得乾和硬. 溏心蛋不可缺少. 味道調教不錯. 食完後, 可以同店員講, 佢地會送上高湯, 將湯加上雞白湯中, 可以中和咸

最近看到朋友在這裡吃麵的貼圖，令我對這間麵店的興趣又來了, 趁這晚人在佐敦, 就來這裡試試。店子不是開在大街，也不算太難找，店內的裝飾較為別緻，有L型的拉麵吧及開放式廚房，三位師傅在忙碌的工作, 還有些散坐。先來唐揚炸赤雞,單看炸得金黃色的外觀已相當吸引, 拿起雞件來吃, 雞件都是熱辣辣的,炸皮做得薄薄而緊附在雞件外，炸皮脆身好吃，雞皮沒有太多脂肪而且乾身脆口，雞肉嫩滑之餘, 也能保持了大量肉汁, 雞件也算厚肉，食落啖啖肉和充滿肉汁, 是驚喜之作。第一次來，就選了雞白湯沾麵, 未吃麵，先嚐湯, 雖然是沾麵，但湯不算是太杰身，雞味道是濃郁的。將麵條沾上湯，質地爽滑彈牙，沾上湯頭就更好吃，滿意。叉燒比較薄身，但夾起來就看到其肥瘦相間的肉質, 口感軟稔而味道也異常豐腴，不錯, 還有溏心蛋一只，做到蛋黃成流心狀, 軟滑而蛋香濃，味道出色。這店的拉麵算是交足功課, 水準不俗, 價格也在合理水平, 店子剛剛開業不久, 已差不多坐滿客人, 可算是旺場。

係某社交媒體見到廣告寫新張期內全部拉麵買一送一 所以特登約朋友黎食因為店員推所以我地兩個都係叫左雞白湯拉麵$98餐牌湯底選擇不多 只要雞白湯同黑蒜湯 另有一款沾麵 但其實招牌湯底做得好 一款都夠哂 買一送一後埋單只係60元 CP 值甚高 但留意優惠只係做到9月30日 雞白湯底好好食 配菜炸牛蒡亦係平日少有的 而且叉燒同雞肉店員介紹都是選用日本直送的材料 所以很欣賞店家的認真另外， 值得讚賞的是 小店待應生及廚師的服務態度 他們都十分有禮貌 而且認真照顧每位客人的需要 例如 加水 拍照 介紹招牌食品 服務一流同行朋友亦稱讚此店洗手間有酒店的質素 如果你係女性

最近放假之前，老友告訴我在官涌街市附近開了一家新的拉麵店 ，叫我快快去試，因為很近我公司 。但因為要放大假所以沒有去。放完假回來老友說幫我訂了叫我快快去，所以中午帶埋老細一齊去食 。店内裝修很精緻，因為过了午餐的繁忙時段，所以很清靜。店内出名是白雞湯，但我要了醬油黑蒜湯底。雖然是醬油但也很清淡，不是濃醬，也不肥膩👍。內有兩種豚肉，半隻溏芯蛋，紫菜兩枚，豚肉肥廋剛好，所以入口軟化。麵軟硬適中😋。連我的老細(北海道人)也說不錯，尤其是湯底。老細点的是鰻魚飯，也是此店人氣之一，鰻魚夠肥厚，燒得夠香，醬汁香濃惹味，夾着白飯吃，真是吃过不停。雖然價錢有点貴，但也值的。現在在試业中，上網download優惠券，還可以買一送一， 直至九月底， 所以要試就要快啦。

Just came back from Japan, I’m already missing the flavours, heard that recently there’s an authentic ramen place has just opened, so I decided to ask my friend who’s living near by to try with me. The restaurant is located in Jordan, next to a few car maintenance shops so this newly renovated restaurant utterly stands out. When we walked in we were arranged to sit on the bar table, which is also quite spacious for two and good for conversations. When I arrived, the waiter kindly offer us a indi

最近轉左去佐敦上堂，收工之後，都要急急腳坐車過去食飯，時間緊拙。小菜、茶記都食到厭厭地，知道呢個位開左間拉麵店，帶埋另一半來食完先上堂。店鋪位於閩街，位置都幾隱蔽，但門面非常亮眼，藍色嘅招牌，門面有隻好靚嘅金鶴，裝潢落足心機。仲以為冇乜人會留意到，睇來真係好野傳千里，加上留意到網上有拉麵優惠，真係抵食呢度裝修好靚，感覺幾有格調，唔講以為係居酒屋，一張吧枱，其餘二人/四人枱，枱面好有質感，座椅都係舒適，唔怕坐吧頭會蘿柚痛。師傅就喺面前煮麵，成間餐廳燈光偏暗一點，十分舒適最值得一讚，係個洗手間啊，通往洗手間好似個後園咁，女廁裝修真心靚，可以參觀下(笑)。乾淨有冷氣有電視。好細心，一坐低店員就問我地想要熱茶定凍茶，仲俾埋濕手巾，好貼心餐牌有四款拉麵，分別係：雞白湯拉麵、赤雞白湯拉麵、黑豚雞白湯拉麵、黑蒜醬油拉麵，仲有一款雞白湯拉麵；如果唔食拉麵，有咖喱雞飯、活鰻蒲燒飯；小食有炸雞、溏心蛋。雞白湯拉麵：拉麵上枱已經好吸引，急急腳影低幾幅相就開吃。拉麵有半隻溏心蛋、牛蒡、慢煮雞肉、蔥花。湯底呈乳白色，濃稠適中，最重要係真係好重雞味，濃郁完全不膩。而且冇口乾感，我好少河會飲哂成碗湯。慢煮雞肉四片，

新發掘的日本拉麵店！💓💓先評論餐廳環境，以開放式廚房為主打，我地可以隨意欣賞幾位師傅嘅手藝，佢地嘅功架好似去過日本學拜過師咁，望住成個環境，就好似去左日本嘅拉麵店咁，好整潔好有條理的感覺！😍😍<雞白湯拉麵 $98> 小店以雞白湯為主打，我地呢個有係豚肉同埋慢煮赤雞，先講湯底，我地見佢落左好多調味同配料落碗湯到，再用攪拌器打溶，雖然唔太清楚有咩配料，但佢湯底勁濃勁香雞味，同埋一滴油都無！拉麵就十分彈牙，份量適中。豚肉同赤雞都好好食！😝👅<活鰻魚蒲燒飯 $198> 本身對香港嘅鰻魚飯無乜期望，都係覺得淨係會有鰻魚汁果陣味，所以本身都無諗住叫。但因為我地坐bar枱，見到廚房張枱上面有一條條劏左嘅鰻魚，再問問老板，先知佢地係攞即劏嘅鰻魚去燒！！！！我咁大個仔都未食過咁好食嘅鰻魚，真係無誇張！啲魚肉十分厚實，咬落去勁啖啖肉，加上好多魚油，超級肥美的感覺！佢嘅醬汁只有薄薄的一層，但已經好夠味！十分推介中意食鰻魚嘅朋友去食！😋可能價錢有點兒貴，但有時想俾個籍口自己，食下好西的話，大推呢間金鶴拉麵🍜💪🏻

無諗過一間拉麵店有如此美觀的裝潢，唔話你知以為是高級壽司店或懷石料理店。餐牌非常簡單，拉麵，沾麵，鰻魚飯和兩三款小吃，所謂貴精不貴多。我亦無諗過係拉麵店可以飲到冰滴咖啡。聴講是每六小時先可製作到四杯，有耐心。味道好醇厚，濃濃的味道，帶甘，餘韻力強。白雞拉麵是人氣之選。湯底白白的，嚐一下有似曾相識的感覺⋯⋯是中式老火湯味道吖！濃稠而不膩。一小堆炸物原來是炸牛蒡，好酥脆，健康有益。碗邊有兩塊白雞肉是凍食的，平時我不喜歡食雞肉怕嚡口，估不到肉質軟熟，不錯唷。還有兩塊义燒，好軟腍，好溶化，肉味夠濃厚。麺條是一般的幼條，掛湯力也不錯有彈性。