金鶴拉麵 (閩街)

营业中

休息中

好鐘意食雞白湯既拉麵同沾麵！所以一聽朋友介紹呢間金鶴，我第二日就即刻黎咗試🤤當然要叫呢個招牌雞白湯拉麵 ($98) 雞白湯好濃鮮雞湯既味道，外岀食普遍個湯都好稠，但呢度就較為稀，但拉麵都係好吸汁同好夠味🤩 旁邊雞肉煮得好冧好滑，加埋脆脆牛蒡一齊食，口感一流。我就叫咗雞白湯沾麵 ($138) 咁可以試齊拉麵同沾麵🤤 湯同拉麵個湯差不多，冇覺得會稠咗，反而最大既分別係沾麵個麵質較粗身，食落更加有口感，都掛到好多雞白湯汁好惹味。另外仲有叉燒，雞肉同溏心蛋，整體十分不錯🥰煎日式餃子 ($33/4隻) 餃子係皮薄餡靚，食多幾隻都唔會感覺滯。

今天行下行下見到有四五個人在門口排隊！唔通好好食🤔🤔好奇心驅使我內去試下排左15分鐘左右就入到去！人好多！😰😰坐得不算舒服我們叫了兩個拉麵一個炸雞1分蛋先講講肉的部份-肉質香現有蛋味濃郁有兩片是慢煮雞肉-香軟幼滑湯底-滑甜有淡淡木魚香麵質-軟硬適中🤤🤤真的很喜歡吃日本的半熟蛋他們的炸雞也做得不錯外脆內軟肉質鮮美總結-價錢-ok 服務-一般（由於門口人太多所以服務員好趕緊令你及早離開，但由於我嗰台食物未到齊！但服務員見到我們食完上就馬上請我們埋單！有種要被趕走嘅感覺！😥經過解釋之後，他們才明白🙄）環境-地方太細位置太窄坐得不舒服

女朋友一直以來都唔係太好食日式拉麵，但對沾麵係情有獨鍾。今日帶佢食呢間金鶴拉麵，佢食完個雞湯沾麵後有讚無彈啊！因為尼間鋪係比較出名嘅關係，到差唔多晚上九點鐘都依然仲有好多人排緊隊。入到去見到餐廳裝潢設計高貴豪華雅緻又帶有日本風嘅感覺。雖然店舖睇落細細地，但係座位排列善用空間又一啲都唔迫。燈光舒適亦唔會有越食越眼瞓嘅感覺。今次我地坐係吧枱，可以睇住師傅烹調嘅過程，好有係日本食正宗拉麵嘅感覺。今次我哋嗌左一個拉面、一個沾麵同埋一份一份日式餃子小食。首先係介紹下黑蒜拉麵，麵質有軟熟得嚟有口感，黑蒜湯唔會完全掩蓋拉麵嘅原味。豚肉同雞肉嘅肉質細嫩嫩滑，湯底蒜香味濃。蛋仲有溏心蛋嚟，好新鮮嘅蛋，蛋黃部分香甜，個蛋白又唔硬，好好食🙈🙈之後要介紹嘅，就係香港特別特別少見嘅白雞湯沾麵。食完呢個白雞湯後真係返唔到轉頭😆😆真係好想echo😂😂 呢間餐廳主要就係主打白雞湯拉麵。但因為女朋友鍾意食沾面，於是就嗌咗出名嘅白雞湯沾麵。雞湯一直俾人嘅感覺都係好油膩嘅感覺，但係呢度嘅白雞湯呢其實係清甜得嚟又好香濃嘅雞湯味，而且一啲都唔油膩，係食得出用鮮雞湯熬出嚟，淨係用嚟飲都好正，沾麵食就更無得頂。食完個沾麵仲可以加湯

睇到網上介紹話呢間唔錯於是就去左一試，去到大約係7點幾，門口有六七人排緊隊，不過等左15-20分鐘就入得，店入面唔算好大。叫左招牌既鰻魚飯，同埋雞白湯拉麵。鰻魚飯需時較久，不過鰻魚非常香，而且確實是非常厚身，因此食落都幾有口感，特別係邊邊位同魚皮非常有口感，不過略嫌較乾，可能因為太少鰻魚汁，落多點鰻魚汁一定會更好食。一向唔敢點鰻魚食因為怕好多骨，食到成日都係骨都冇心情食，不過呢間同網上介紹一樣，骨唔多，偶爾幾條還可以接受，而鰻魚肉又不會是很淋的。雞白湯拉麵除了有叉燒，還有兩三塊雞肉，湯底雞味非常濃郁，拉麵不錯，溏心蛋好味。Download餐廳個APP有100分可以即刻用來換野食，可以換到溏心蛋/汽水，因此又換左一碟溏心蛋。食物好味，價錢亦唔算是太貴，香港地拉麵普遍100蚊碗，鰻魚飯都過百，所以呢度既價錢還算OK吧，同埋用個APP草分下次又可以換野食~

早前聽講佐敦有一間拉麵店不錯，今日終於去了一試。金鶴拉麵位於橫街，但仍然人龍不絕。因為一個人只等了約10分鐘就能入座。第一次試當然不用想就點了他們的招牌雞白湯拉麵。原來還有openprice優惠，非常抵食。不過人多等了約近15分鐘拉麵才上枱。拉麵面頭鋪了炸過的牛蒡，非常香脆而且有牛蒡獨特的香味。試一口湯，拉麵湯頭非常雪白，而且有濃郁的雞鮮味，卻不肥膩。雞白湯香港比較少拉麵店能吃到，而金鶴就做得不錯。拉麵非常足料，有叉燒及雞肉各兩片，叉燒肥瘦適中，而雞肉片則非常嫩滑。溏心蛋亦做得非常不錯，十分入味。拉麵軟硬適中亦十分彈牙，可惜不能像某些拉麵店一樣自由選擇麵底粗幼軟硬。

前幾日好想食鰻魚飯就揀咗公司附近呢一間新開左冇耐嘅拉麵店。佢呢度最出名嘅係雞白湯拉麵同埋鰻魚飯。鍾意食鰻魚飯嘅我就梗係要試吓佢啲鰻魚飯啦。首先帶咗兩款小食。第一款係火炙黑豚叉燒$48，初頭見到得四片好似好少咁但係食落非常之好，而且叉燒肥瘦好均勻，豬肉味好濃郁，比火槍燒一燒有一陣攤銷嘅味道更加嘢味。之後叫咗個唐揚炸赤雞$33，外皮揸到好乾身好趣，但裏面依然咁多汁，佢俾咗個檸檬鹽我哋點食喎鹹鹹地酸酸地幾開胃。到主角鰻魚飯出場$198，裏面有飯，湯，仲有一小疊前菜。鰻魚好大塊，用電爐燒過， 好友炭火味道，鰻魚係新鮮燒嘅，非常之厚身，加埋啲醬汁燒到金黃色，醬汁唔會過多同埋唔會過鹹或者過甜，而醬汁亦都唔會多到令到啲飯濕晒，做得恰到好處，整體來講色香味蘇德都非常之好。

今日朋友帶我去《金鶴拉麵》食午餐， 餐廳位於佐敦閩街3號地舖， 位置都算方便。 見到門外有人排隊， 等了十五分鐘就入得，原來《活鰻蒲燒飯》好出名， 不少食客係食過番尋味嘅！ 首先來個馳名嘅《活鰻蒲燒飯》， 鰻魚係即燒即食， 仲係用新鮮鰻魚， 非常吸引。 嘩，《活鰻蒲燒飯》上抬啦， 香噴噴， 一定好好食的！ 份量十足，有二塊肥美鰻魚， 魚肉厚身，鰻魚油脂豐富， 魚香撲鼻， 外層燒得金黃色，正呀！ 入口肉質細嫩而結實， 唔鬆散， 好新鮮！ 口感好正，外脆內軟，上面加咗醬汁就更加惹味， 真係好好食， 一定再來！ 值得一讚係啖啖肉嘅鰻魚， 成條鰻魚冇骨嘅， 廚師一定用咗唔少心機揀骨啦！ 讚！讚！讚！ 米飯係粒粒飽滿， 肥美鰻魚配日本米， 真最佳拍檔， 好食不得了！ 正！再來一碗《醬油拉麵》，材料非常豐富， 有叉燒、白雞肉，紫菜同糖心蛋。 拉麵富有彈性， 煙韌彈牙， 拉麵掛上湯汁，味道清新，唔錯！溏心蛋非常香滑， 半生熟嘅蛋黃， 非常好食。 追加小食， 只加$28。 加了炸雞，賣相美觀， 外皮炸得香脆，仲好juicy 添！

經過朋友既強烈介紹，就嚟到依間一試喇星期日下午，已經勁多人喺度排隊，等左大概半個鐘，終於入到去了有好多款唔同既拉麵，今次我地揀左金鶴雞白湯拉麵同鰻魚飯一試，鰻魚飯好受歡迎，好彩最後一個俾我哋試到等左一會，已經到左個拉麵，因為坐吧台既關係，見到廚師煮嘢，上面好靚金黃色既係牛蒡，炸得脆身，令成碗嘢既外表加左好多分，叉燒，雞肉好淋，個湯飲落去唔會油膩，幾好金光閃閃既鰻魚飯，睇住廚師由光滑既魚，慢慢燒，最後再烤好二面，同用火槍燒到個面脆身，勁好食份量唔算太多，不過好高質，今日我地大概2點30度食已經沽清，想食鰻魚飯要留意時間

近期人氣雞白湯拉麵 🍜平時食慣豚骨拉麵 今次試下新湯底😤 淨係講賣相同份量已經覺得好有誠意 好足料！有溏心蛋 入哂味既荀 黑木耳絲 叉燒 雞肉 仲有好特別既炸牛篣(第一次食 食緊個陣完全估唔到係咩 但又食哂😂) 個雞湯白濃 味道恰當 我唔鍾意食開雞湯拉麵都覺得好正😍雞肉食落鮮嫩 肉質好滑總括 非常驚喜 水準好好 而且價錢相當合理 下次去會試埋都好岀名既鰻魚飯😆

最近成日見到金鶴拉麵既宣傳 朋友食過後都有推薦 今日咁啱係附近做完野就過黎食dinner 6點鐘到都唔洗等位 但坐左一陣已經滿座😉餐廳環境十分舒適 啲裝飾都好靚 好有日式既感覺😍朋友要咗一碗呢度招牌嘅雞白湯拉麵。呈白色嘅雞湯，加上熱騰騰嘅蒸氣，一上枱好似識發光咁！炸牛蒡嘅點綴更加係錦上添花😍.先試咗一啖雞湯，濃而不膩嘅雞湯非常出色，調味恰到好處唔會好鹹，最突出嘅係雞嘅香味，就好似平時屋企煲嘅雞湯咁香濃👍🏻 同平時日式拉麵嘅湯底嘅感覺好唔同。.配菜除咗有必備嘅叉燒同糖心蛋，仲有兩片雞肉，肉質非常嫩滑，浸一浸湯食更加滑溜。.炸牛蒡非常新奇，睇得之餘，食落香脆又清甜，不失為一個驚喜嘅配菜😆而我就鐘意沾麵多啲 第一次見有雞白湯沾麵當然要試下啦🤣沾麵湯底味道和拉麵湯底相似 但更濃郁 啱曬鐘意濃味既我😚沾麵可以放入濃湯就可輕易掛上濃濃雞湯味道 好滿足😋最驚喜係需要時可以叫店員幫忙翻熱個雞湯 放入微波爐叮一叮又可再食暖暖濃湯😍仲有多一件溏心蛋 正呀😎另外我地都試左日式餃子 味道不錯 薄皮好足料 煎得啱啱好👍

最近係網上見有好多人大讚金鶴既雞白湯好好味！所以我都忍唔住要試下🤤平日夜晚去依舊有人龍呢，好彩唔洗等好耐🤣👌🏻Btw感覺到店員既態度良好👍🏻.金鶴.雞白湯拉麵 $98落單後好快有得食👏🏻個白雞湯真係好白好吸引😍飲落又真係好清甜，不過個人覺得可以再濃味啲🤤 兩片雞肉好嫩👍🏻 而叉燒都都好腍😋 炸蒜條好好味🤤 拉麵好彈牙！.黑蒜醬油拉麵 $98蒜味幾香，不過都係唔夠濃味🙈.浦燒活鰻魚串 $68即叫即燒！果然係好高質😍好香！個鰻魚邊燒得脆身，熱辣辣食，好爆汁！超好食呀🤤👏🏻

呢晚等埋喺尖沙咀返工既朋友收工，之後就行落佐敦搵呢隻“金鶴”行到落去都差唔多9點，但到係坐到滿座，所以都等左一陣間先有位雖然係拉麵店，但吸引我收工黎呢度既其實係近日成日係網上平台見到既呢份“活燒蒲燒鰻魚飯”HKd$198+10%我就梗係坐底左就即刻order一份先啦，因為係即燒，所以要等10-15分鐘架而朋友睇完一輪，最終就叫左呢度既主打“金鶴雞白湯拉麵”HKd$98+10%睇到師傅拎d鰻魚出黎即燒就令我更加期待朋友既拉麵先黎，佢話整体味道都屬中高水平，都真係幾滿意，仲話下次會再黎試埋個沾麵添！！！！等多一陣，我既鰻魚飯都黎到啦當中有埋前菜同湯品，個日既前菜係芥末八爪魚而湯品就係鰻魚清湯，味道都幾好而個鰻魚飯就真係無得輸！！！燒得香脆唔再講，個鰻魚激厚身，完全無骨，調味又岩岩好食完真係好滿足除左拉麵同飯之外，呢度都有提供小食我同朋友仔未食完已經約好下次要黎試個沾麵同小食，睇下係咪都係咁出色

一到埗見到等候入座嘅客人都頗多，建議大家可以先訂位或預早到達餐廳取位。店舖環境富有日本風情，參考咗日本拉麵店開放式廚房的設計，設有吧枱同卡位可供選擇。入座後，首先有熱茶或冷水提供，相當貼心。今次食左活燒蒲燒鰻魚飯($198)同雞白湯拉麵($98)。特別推介大家嘗試鰻魚飯，同餐附有鰻魚清湯。個人尤其欣賞佢哋嘅鰻魚夠厚身，表面香脆，醬汁亦唔會太甜或太鹹，配上日本珍珠米，咬落去有好香嘅魚油得黎又唔會覺得膩。但由於鰻魚即叫即燒，等候時間稍長。另外，雞湯拉麵嘅湯底口感細滑，味道偏淡，唔會太鹹，麵質剛剛好，有咬口，雞肉則以低溫烹調，十分嫩滑。整體而言，性價比高。

每天生劏即燒鰻魚飯，6:30pm 已滿座，味道雖然吾及日本柳川的柴火燒蕉香，$198 份量偏少，但已算是香港數一數二的美味。鰻魚厚切新鮮多汁，美中不足飯香不夠，其他拉麵小食就ok, 可以不試。餐廳裝潢雅緻，連洗手間都充滿日本風，與老舊的佐敦有點格格不入。

朋友相約佐敦食拉麵，沿著地址搜尋，餐廳原來位於官涌。雖然已過晚飯黃金時間，仍見店外排著人龍，想必有其過人之處。門面裝潢雅緻，高級日式料理店風格，不期然有所期待。進店後一幅金萡牆飾映入眼簾，氣派之餘不覺惡俗，品味之作。座位雖不算十分寬闊，但尚算舒適。金鶴·雞白湯沾麵（$138）之前在其他拉麵店吃過沾麵，感覺湯底太鹹；在朋友鼓勵下再次品嘗，卻一試難忘。义燒、雞肉及溏心蛋新鮮美味，麵條口感亦十分彈牙。重點白雞湯濃郁鮮香之餘亦不會過鹹，配拉麵口感和調味都恰到好處。餐廳亦提供鰹魚湯加進餘下的白雞湯，當然喝個一滴不剩。活燒蒲燒鰻魚飯（$198）鰻魚即叫即燒，外皮香脆，肉質嫩滑。白飯選用日本七星米，吸收了鰻魚的油脂，倍覺香滑軟熟。二人消費三百多元，便可在如此高級雅緻環境享用精緻日式美食，確實超值，難怪其門如市。