金鶴拉麵 (閩街)

营业中

休息中

週末去完教會走到佐敦街頭尋找美食，接近2:30pm，諗住呢個時候都差唔多下午茶時間，應該食咩餐廳都會無咩人，點知行下行下見到間金鶴拉麵成間店30個座位左右基本上全部爆滿😨，門外仲有3對情侶等緊👫👫👫，作為一個單身狗🐶，心諗呢個仲唔係機會發揮下一個人食飯嘅好處易d搵位，於是就衝入店去問下職員有無位，點知都係無位🤣於是我就死死地氣返去排隊，見咁多人食，都知一定係好野，所以點都要試！等到2:45pm終於有位喇！排隊果陣上openrice睇下有咩推薦，首當其衝見到既係七折嘅優惠券，不過只限適用於食招牌拉麵(包括雞白湯拉麵/黑蒜醬油拉麵/鹽味拉麵/辛味拉麵)，但係見到好多人都係話呢度嘅鰻魚飯好好食，所以我就諗住入去店入邊睇下點先再決定買唔買優惠券。入到去職員就已經話冇晒鰻魚飯，話一條2公斤嘅鰻魚只係做到四客鰻魚飯，唔少人都會專程定位留鰻魚飯，所以我就買咗優惠券叫咗碗雞白湯拉麵。等咗大概5分鐘，就已經聞到淡淡香嘅拉麵，睇餐牌嘅時候見到佢話湯底係用赤雞熬足六個鐘製成，飲後仲要冇口渴嘅感覺，就等我嚟試吓究竟係真唔係😎！的確，我好少會飲拉麵嘅湯，因為成日都覺得會入咗好多味噌落肚，但係呢個湯真係飲極都唔會

見OpenRice有優惠同某媒體介紹所以先試下。嗰日好彩友人先到，原來要排隊入去咁誇張(其實位置較偏僻)，心諗有無咁好食呀，好彩都係等15分鐘左右入得。一坐低打開menu，waitress已經衝住黎想我哋落單問題係我哋第一次來，雖然都係有優惠卷，但都想散叫小食，但waitress想我哋快d揀(可能都係得幾款)...但我哋又諗一碗拉麵可能唔夠飽，二來短時間真係決定唔到，佢都唔耐煩走咗之後我哋決定到，同一個waitress講嘢又好急，我哋想再叫雞白肉小食，佢話lunch得2款小食，碗麵已經有，初時都聽唔明佢講乜，原來意思係雞肉小食會放喺碗麵度後來我哋食完已2:30pm，聽到waitress同想入黎客人講lunch已經截單，3:00pm落場怪唔之得一開始就催我哋快d落單原來趕收工。總結食評: 拉麵質素同湯底確實唔差，但唔值$98(原價)，其實我哋用$68買優惠卷仲要收加一，已經好高消費。

喺衣間嘢啱啱開果陣，朋友介紹食過一次，其實本人對拉麵麻麻地，但是果次之後就念念不忘，好想再食。點解呢？就係佢個慢煮赤雞，一咬落去係爽，同平時食嘅雞口感唔同，好好食。拉麵得兩塊真係唔夠，不過果次趕時間，所以無再叫。之後一直想揾時間再食🤩終於早排有時間喇，果日拖住疲累放工的身軀，去到見到排晒都排（比著平時我調頭走左），排左有30分鐘先入到去，即時叫返個拉麵再另外叫多碟慢煮赤雞（因為兩塊唔夠食），無幾耐啲嘢食就來齊，點知一試隻雞，好失望ar, 唔爽嘅，同普通雞無分別，果種失望文字形容唔到呀。😭上次叫雞白湯，我自己覺得無咩特別，今次叫辣嘅，個湯底幾好未，辣得來香。另外叫左明太子雞翼，好多明太子，今餐最好食衣樣嘢～希望店舖見到衣篇嘢會關注下慢煮赤雞，令佢再返來，我會再揾次試下😣上兩張圖係第一次食，唔知睇唔睇得清楚，肉質係唔同平時啲㗎，真係好好食，好掛念。下面就今次食嘅：另外因爲慶祝佢開分店，拉麵買一送一，所以個價錢平啲㗎

女友上次吃過拉麵後一直耿耿於懷未嘗鰻魚飯，今晚特意一收工就趕過來。女友落下聖旨吃鰻魚飯後就直奔女厠，起初 L 一頭霧水，原來是為了影相給 L 看女厠厠枱內有電視機播放節目，難道方便辦大事的時候無咁悶?訂枱時餐廳經已提醒這個活燒蒲燒鰻魚飯需要提早預訂的，坐下未吃鰻魚的鮮味經已進入鼻腔裡。鰻魚是生劏和即燒的，飯口感亦都很彈牙。這份量相比日本柳川吃到的只是於飯分到高下，性價比超高。另外一碟八爪魚冷盤小食及一碗湯。外脆內嫩肉厚到咁好似鋸扒般，燒汁跟鰻魚很夾，而鰻魚本燒得外層有層焦小小燶很正，咬下去亦非常 Juicy。至於 L 則吃金鶴雞白湯沾麵 ，雞湯很濃。麵條極度爽口彈牙將涼爽麵條放於熱雞中吃那種冰火交融的口感好正。火灸黑豚叉燒，及慢煮雞胸肉而另外有一隻溫泉蛋，吃一碗都夠晒飽了。幸好被安排坐吧枱，可邊吃邊欣賞師傅功架。裝潢亦花心思。

幾日內去左食2次的拉麵，第一次平日中午一開門就去唔洗排隊，第二次平日夜晚去排30-40個排左好似最少半個鐘！利申：小妹未食過座銀的雞白湯（只食過限定南瓜湯），今次第一次食雞白湯🙈金鶴雞白湯拉麵🐥🍜❣️KaneTsuru chicken white soup ramen奶白色湯頭有驚喜，第一次飲時覺得有奶香又滑，雞味唔算太出。不過再次幫襯時，湯頭反而先有雞味再有奶味，濃稠又creamy，總之都係好味！粗身拉麵但唔算掛湯。炸牛蒡驚喜的又脆又甜（反而座銀的帶苦味）。再次驚喜的慢煮赤雞！冇脂肪的雞胸做到又軟又嫩又滑又有雞味！豚肉叉燒肥瘦均勻不錯。溏心蛋2次都有少少出入，第二次食就溏心啲，都好食！一次有咁多驚喜，值得一試！2月買一送一超值！可惜太遲先去試，只係食到2次買一送一咋😭服務亦不錯，廁所都好新好乾淨仲好貼心。HKD98 ＋ 10% service charge 金鶴拉麵佐敦更多美食分享歡迎follow IG: fafafoodie

呢間一向都係排隊熱店，講真一碗拉麵咁平又咁高質真係少之有少。好彩我地早少少到，6:30半去到已經滿曬人，咁岩有2個bar枱剩番。我地叫左招牌雞白湯拉麵，食得多豬骨湯底真係特別會覺得雞湯係清泉😛。佢上面一絲絲炸好嘅牛蒡，真係令人覺得回味無窮，我完全唔捨得啪晒佢囉😢而雞嘅嫩滑程度有少少驚人，明明係雞胸仲一d都唔鞋。另外叫左個燒鰻魚飯，坐近吧枱就會見到師傅喺度一邊燒鰻魚，傳來陣陣嘅香味🤭。鰻魚呢食落去係非常厚肉，係出面兩倍嘅厚度，有美味嘅焦香唔會過窿😗。質感係偏彈牙但係你會食到油脂香。

看報導介紹了這店的鰻魚飯，雖說是拉麵店但這裡的鰻魚飯同樣是招牌菜，所以就慕名而來啦！晚市六點開門，已經有客人在排隊，入面有吧枱外，用餐位置也有好幾張枱可以坐。我們點了一份金鶴.雞白湯拉麵和一份活燒蒲燒鰻魚飯，因為鰻魚是即點即燒的關係所以要等十五分鐘左右，為了美食是絕對值得等待的！鰻魚飯終於到了，套餐有前菜、飯和清湯。前菜是芥辣八爪魚漬，不錯吃打開飯盒蓋，鰻魚飯的香氣就撲面而來。師傅蒲燒的工架十足，鰻魚表面蘊著精純的金黃光澤，外皮烤得酥酥焦焦，而內裡的鰻魚肉仍保持多汁又嫩。自家製的醬汁十分惹味，和鰻魚完全交融卻不失分明，不會搶了鰻魚的風采。鰻魚肉質豐腴肥美之餘極柔嫩細緻，入口即化，吃的時候完全無骨～一口鰻魚一口渾圓Q彈的白飯實在是極尚的享受。No.1的排名實至名歸，在香港也嚐到高水準鰻魚飯表示感動另外金鶴.雞白湯拉麵賣相也是非常奪目，還附了一隻流心的溏心蛋呢比較常吃豚骨拉麵，一嚐這個雞白湯拉麵有驚艷到，用赤雞熬製6小時，白濁的湯頭鮮味濃郁卻不膩口，將雞肉的鮮甜濃縮在一碗湯內。上面的一坨是炸過的牛蒡條，食得又睇得，非常特別拉麵附了豚肉叉燒和慢煮雞肉，餡料豐富。雞肉十分柔軟，讚！真的很好吃，

豬小姐今晚尼「金鶴拉麵」嘅目標相當明確 就係尼食尼排hit爆嘅招牌主打 白雞湯拉麵知道時間一晏就會大排長龍 豬小姐醒啦 五點九左右就到達現場 成功入座和諧燈光配合木系裝潢 令環境更充滿和式風情 感覺舒適服和諧牆上掛畫壯觀吸睛 以鶴為主題嘅掛畫更有整幅牆咁巨型 成功吸引食客嘅目光豬先生豬小姐被安排入座到bar枱位置 可以望住廚師煮食 加上望實可愛金色招財貓仔 坐到個好位先上小食 芥辣八爪魚芥辣味極重 八爪魚爽脆有咬口 又夠凍日本明太子雞翼新鮮煎出而非炸 唔會太油膩雞翼漲卜卜 餡內充滿微辛嘅明太子 餡料嘅不吝嗇令雞翼更加飽滿 啖啖肉傳說中招牌嘅雞白湯拉麵 奶白色嘅白雞湯相當濃稠 質地較杰身帶黏雞湯係用赤雞淆製六小時而成 濃郁香甜 係真雞湯尼 忍唔住飲哂個湯底 飲完都唔會好口乾拉麵雖然無得選擇軟硬度 但質感彈牙偏硬 合哂我心意喎叉燒肥瘦適中 值得一讚嘅係雞肉 口感嫩滑 一啲都唔嚡口 好hea但真心講句 好有雞味炸牛蒡為裝飾 一定要即食呀 否則浸耐左味道會變苦好高汁嘅拉麵呀 oiishi辛味拉麵嘅湯底呈橙紅色 有一層薄薄嘅油面辣嘅感覺唔係死辣 而係慢慢滲岀 由舌頭再到喉嚨 幾過癮程度屬於小辣

同事說公司附近有很好吃的拉麵，而且是我最愛吃的湯雞白湯拉麵，所以我一定要來朝聖一下！在香港吃過兩三間類似的拉麵，這一間的雞白湯味道最濃郁，其質感較稠澀，但依然能品嚐到雞湯的鮮味。拉麵用上粗麵條，口感彈牙。拉麵賣相非常吸引－－有不同的配料，炸牛蒡、雞赤肉、叉燒、溏心蛋等等。炸牛蒡口感特別，又薄又脆，味道微甜。雞赤肉由新鮮的雞肉烹調，保持嫩滑、鮮甜，沒有過多的調味，配白湯剛剛好。而叉燒醃得挺入味，稍微燒過後更香口。另外也試了鹽味拉麵，用鰹魚煮成的湯底也不錯，適合口味偏淡的人。總括來說，餐廳的用料都是上盛的，非常值得這個價錢。

佐敦一間新開嘅金鶴拉麵🍜排左半個鐘 終於入去食得啦😆呢度嘅招牌菜係金鶴雞白湯拉麵🍜同埋鰻魚飯☺️.#金鶴雞白湯拉麵 $98一大舊嗰個其實係炸牛蒡嚟嘅🤤唔使浸落湯食 食落脆卜卜 好過癮另外有兩塊嘅低溫雞肉 超滑😳😍雞肉唔會太熱 因為用低溫技術去煮 完全keep到雞肉嘅鮮嫩 同埋本身雞肉嘅味道 超好食💯一邊有大概4塊豚肉 份量都好多👍🏻湯底係用赤雞熬6個鐘整成 湯味好濃但一啲都唔油膩 而且拉麵掛汁🥰食落去係濃郁嘅白雞湯味.我係大概7點9去到既 如果大家唔想排咁耐 可以試吓早啲去排隊食拉麵🍜👅如果大家想半價食拉麵嘅話 就一定要下載佢嘅會員 下載會員之後 除咗可以用買一送一嘅卷之外 仲可以儲分🤑👍🏻

雞白湯拉面 湯頭好正 朋友話佢似忌廉白湯溝d雞汁咁 未食過呢種味 可以去試試 特別一提佢地服務超好 🤠由於我比較矮 咁又剩翻吧枱 櫈比較高 🤯店員居然扶我上去仲幫我拉櫈 坐低後又幫我推翻入去 🤛🏻勁nice (雖然因為咁我比朋友笑左陣😂😂)👿👿👿仲有佢地好dum本裝修 😻估唔到個厠所都幾日式同Morden feel fusion 左 仲有有好大部電視比你便便果陣無咁悶？😂😂 仲放左漱口水牙線 m巾 牙刷etc 窩心呢入面有2塊雞胸2塊豚肉 建議揀曬4塊塊要豚肉 Btw seems have buy one get one free for ramen before feb for member

大部份市面上的拉麵都是用豬骨湯底去做的，每每聽見有用其他材料例如雞去做湯底的，都會十分之踴躍去嘗試。這間拉麵店雖在佐敦位於較靜的街道上。同一啲內已覺得氣氛不錯，如果不是看見拉麵廚房的設備，還以為這是高級日本菜館。點了招牌雞白湯拉麵和鰻魚飯，拉麵大概等了10多分鐘便來了，配料甚多，有叉燒和半隻糖心蛋，湯上面還有炸過了的牛蒡條，最特別是兩塊雞胸肉吃得出應該是經過慢煮而成的，雞肉有彈性而且味道濃郁的雞白湯底很香，但係不會是味精湯一樣，是淡淡雞香滲出來的一種牛蒡條炸得香口脆身，配上一些湯一齊吃口感不錯差不多要20分鐘才上菜的鰻魚飯，單看賣相沒甚特別，但一咬下第一口鰻魚便知道他的利害之處鰻魚肥美無細骨雖然醬汁比較少，但是勝在鰻魚夠大塊，一啖魚一啖飯吃得𣈱快特別一提是他們的洗手間，它在店的後方，打開通往洗手間的門，會看見由石春做的路，感覺恍如置身在日本似的，是一個極有心思的設計。這也反映店家對自家鋪頭的要求。

最近得知有買一送一的拉麵，立即去拎著數。晚上六時多來到佐敦的店外，已經有人龍，著數優惠排隊是常識吧！小小的拉麵店位置不多，但也掛上好多日本風情畫。餐牌上拉麵款式也不少，還有沾麵和其他小食可選。金鶴雞白湯拉麵 $98招牌拉麵用上赤雞熬製六小時而成的雞白湯，清甜的雞湯味，入口順滑，絕對不似一般拉麵的味噌湯。另一個特色是長長的牛蒡，牛蒡與拉麵的組合有新鮮感，牛蒡口感香脆，有吃薯片的感覺，而且即使浸到湯中，也不會立即失去脆脆的口感。慢煮日本薩摩赤雞胸肉口感鮮嫩。金鶴雞白湯沾麵 $138沾麵煮熟後會經過冰鎮程序，加上粗身的麵條，口感豐富彈牙。沾麵的雞白湯比拉麵的白湯濃一點，如果覺得沾麵的白湯放得太久不夠熱，也可以叫店員幫忙翻熱。火炙日本黑豚叉燒和慢煮日本薩摩赤雞胸肉每款有兩片，還有溏心蛋，十分豐富。煎日式餃子 $33餃子煎得香口，而且皮薄，餡料充足，而且沒有太大的油膩感。Download apps 就有拉麵買一送一，等也是值得。

拉麵一直深得香港人的喜愛，特別醬油味、黑蒜味、蕃茄味道甚至龍蝦湯味應有盡有。前陣子流行沾麵之風，近日又有一股拉麵風氣擁現「雞白湯」。還記得「雞白湯」首次接觸莫過於在大阪的「座銀」拉麵，日本的文化及心思真的迷倒我，其雞白湯掛湯而有味而且相當濃郁令人一試傾心。近日佐敦有一股雞白湯的擁現「金鶴拉麵」，店鋪雖少未到晚飯時間已經有七成入座率相當難得。貫徹日風，食物不需要太多，簡而精便可。除了雞白湯之外，還有鰻魚飯聽聞也相當出色。雞白湯拉麵拉麵旁邊添加了炸牛蒡，牛蒡即整的關係香脆無比。雞白湯的味道恰到好處，不過仍舊不及日本的美味，暫時未能做到「掛湯」。不過其味道已貼近日本也相當難得，叉燒並不是我杯稍微有點失色。鰻魚飯一上桌相當吸晴，全因食客太多的關係呈上大多保持熱騰騰。有前菜小食、麵豉湯及鰻魚飯等，鰻魚飯相當厚切，不過其鰻魚汁未算太濃但肉質細嫩，配上粒粒分明的飯粒，尚算不俗。麵豉湯的味道，不太咸而且分外美味，滿足。

最近對拉麵的興趣是有增無減, 這天便走進佐敦試試這間拉麵店。店子不是開在大街，也不算太難找，這裡的店內裝飾較為高格調,有L型的拉麵吧及開放式廚房，師傅在忙碌的工作, 還有些散坐。這裡有幾款手工啤酒供應，要了Coedo Shiro, 色澤金黃亮麗，麥味香濃，入口冰凍順喉, 喝得高興。再來日本明太子雞翼,是用上明太子去釀入雞翼內，單看炸得金黃色的外觀已相當吸引, 炸得熱辣的雞翼，雞皮炸得脆口的, 雞肉嫩滑, 鹹味鮮香的明太子就恰當的給雞肉增味，燒得有水準的。選了雞白湯拉麵試試, 當侍者將麵捧上來, 先喝一口雞湯，湯頭濃度適中而非常滋味，味道甜美也有香味，也不太油膩, 合乎預期的水準。而幼身麵是彈牙的, 麵質口感是爽口, 咬勁十足，有足夠掛湯能力, 是滿意的。赤雞肉口感嫩滑鬆軟，肉味濃郁好吃; 個人較為欣賞溏心蛋，做得非常好，做到蛋黃成流心狀,入口軟滑而蛋味香濃，味道出色; 炸牛蒡食落香脆，有水準的。這店的拉麵算是交足功課, 水準不俗, 價格也在合理水平, 值得一試。