金鶴拉麵 (閩街)

营业中

休息中

新年前去了果欄大手入貨水果、又在附近搜羅新年裝飾，忙完之後，能夠坐低食到好幸福的味道，真係正呀！講緊的是，金鶴的拉麵及鰻魚真是令人念念不忘呀～門口有大大的藍色招牌，夠搶眼。當日到達時，大約兩點，剛好有一條小小的人龍。好彩排得早，因為他們中間有落場時間，店員在兩點幾的時候就會截龍。店面不算好大，設有吧枱及十多張座位。裝潢具日式風格，特別一提的是廁所門前用上好多石春鋪路，旁邊擺有日式的燈，好有日本小庭園的風味。加上廁所入面裝潢雅致，這些小小的細節都足以令食客留下好印象。雞白湯拉麵來到這裡，當然要試招牌拉麵！炸牛蒡好搶眼，忍不住快手撕下幾條食，脆卜卜。奶白色的湯幾乎不見油份浮面。呷一口，口腔裡滲著濃香的雞味，好鮮美。由於平常多數飲豬骨拉麵湯底，好少會選雞肉湯底，估唔到雞肉湯底會帶來咁多驚喜。拉麵主要配料有雞肉、豚肉、牛蒡及溏心蛋。雞肉頗嫩滑，而豚肉肥瘦均勻，調味不錯。麵條方面，韌度剛好，不會太硬太腍。活鰻魚蒲燒飯另外點了這個鰻魚飯，本身都有掙扎過，覺得價錢頗貴，（雖然曾在日本吃過正宗的鰻魚飯也差不多這個價錢）但見到餐牌上介紹的是「在本店內劏及生燒，即叫即燒」，一於試試。這塊「鰻魚扒」真的好厚

佐敦閩街主打雞湯拉麵的金鶴拉麵，雞湯湯底是從日本東京運來，用的是日本赤雞、素菜、鰹魚等熬製而成，再經他們加工，做到最適合香港人的口味。奉客前會用攪拌器將雞湯打至幼滑起泡，拉麵軟硬度適中，配上湯底麵很掛麵，白雞湯香甜濃郁，鹹味剛剛好 所以你能將它和麵一起進食，我每次都會好好品嚐。招牌雞白湯拉麵 材料豐富，有炙燒叉燒 黑豚肉肥瘦適中，炙燒後不但增加美感而且將脂肪逼出使肉更香。慢煮雞胸肉嫩滑無比，食落唔似胸肉，質感非常好滑滑的有雞味。炸牛蒡更是傑作，將拉麵變得更有視覺藝術，脆卜卜的，記著牛蒡和雞肉要盡快進食，吃它最好的口感。煎日式餃子做得非常好，皮薄餡靚，一客有四隻，好好味。日式唐揚炸雞 薄薄的炸醬包著入味的雞塊，點上碟邊的檸檬鹽，起到超好味的化學作用。味付玉子一定要吃，很入味，顏色又漂亮。

星期六下午，即使天氣有啲涼，但係人龍非常長，因為人人都想品嚐呢度馳名嘅雞白湯拉麵。內裡環境和式裝修，人多但唔會覺得嘈雜，咁就係最佳時間品嚐日式美食喇!先挑選一客日式餃子，外表煎得金黃香脆，入口有脆皮香口嘅感覺，而內裡餡料又夠足料，咬一口有豐富嘅肉汁，同朋友一齊share就啱啱好!金鶴雞白湯拉麵，有日式叉燒、亦有雞胸肉，配搭左炸牛蒡，新鮮即炸，輕輕點上雞湯進食，味道相當吸引; 而拉麵麵質彈牙十足，掛湯能力高，吸收到雞白湯嘅精華，湯底清晰、又夠濃郁，同拉麵非常合拍!而呢客蒲燒鰻魚飯亦係必然推介，兩大件嘅鰻魚份量絕對會令人大滿足。魚身豐厚，肉身白晰而魚骨唔算多，基本可以大啖大啖咁食，而最惹味嘅係個醬汁，提升到鰻魚鮮味之餘，亦夠晒惹味，一口鰻魚，一啖食，的確係最惹味配搭。

女友忽然間好想食鰻魚飯，竟然搵佐間拉面店帶我黎食，咁梗係好啦，拉面我至愛啊嘛面店係佐敦，位置幾方便，但又遠離旺區，所以地理位置我自己幾鐘意，我最快多人同嘈~店舖位置都幾易認，門口有好靚好日式既裝飾 ，真係一睇就知呢間就係金鶴拉面但間店都唔野小啊，我地都算遲，9 點鐘估唔到都仲有人排緊隊，不過排隊中見到好似有D 優惠..雖然最終無用，有興趣人仕可以向店員查詢下我地等佐十分鐘左右就入到，都算快手啦，入到黎環境好闊落，好舒服，我地靠牆坐，但望落基本上所有位置都一流即使BAR 枱都好闊落同鬆動，而且店面裝修好靚，配色同個名一樣金碧輝煌望望餐牌，都幾多算擇，有沾面有湯面，仲有既梗係女友特登黎食既燒漫魚飯啦，我算己就揀佐最鐘意既醬油拉面 - 黑蒜醬油拉面原來而家仲有個優惠就係DO 一DO 枱面QAR CODE 就可以JOIN MEMBER, 送野飲我地梗係唔執輸~先黎既係我既黑蒜醬油湯拉面一黎到已經好香蒜味，再望望配料，真係堅勁，因為舖頭主打係雞白湯拉面，但估唔到點呢個黑蒜醬油都配有佢地既慢煮赤雞肉，仲有叉燒，所以呢個價錢真係抵。呢兩塊慢煮雞肉真係不得了，好嫩滑，如果唔係坐咁遠BAR 枱我都想問下

終於都試到金鶴拉麵喇! 呢度既司傅都好專業準備食物。呢度既Signature雞白湯，先講貌相，炸過既牛蒡條令成碗面變到好似一件藝術品咁。除左靚之外，脆脆地味道亦好唔錯。再講拉面既靈魂之一湯底。呢度既雞白湯果然出色，奶白色湯既濃郁但口味唔會過重過咸，而且飲落亦有黏黏的感覺，最後係成碗都飲哂!配料方面先有普通既叉燒，豚肉肥瘦適中。但更值得一提既係慢煮雞胸肉，雞胸肉比人既感覺係又乾又鞋，但呢度既絕對無呢個感覺。雞肉十分嫩滑，唔講完全唔知食緊雞胸。另外仲有半熟溏心蛋，而面係幼既黃色拉面。而朋友就要左雞白湯沾面，整個沾面既份量超大!其實沾湯都係雞白湯，如果食到中途覺得凍可以要求店員加熱。沾面既配料就有3個選擇。可以要2塊叉燒+2塊慢煮雞胸肉 / 4塊叉燒 / 4塊慢煮雞胸肉。朋友都係選擇第一個，試哂2種。沾面則選用了粗面，方面沾上更多湯。而且粗面經過冰鎮處理，面身更有嚼勁。另外朋友都好想試黑豚肉串燒。黑豚肉燒到好香，食落有D似火腿扒，而且個汁都好好食。總括黎講拉面、沾面各有各好，而雞白湯果然出色，真係好值得一試!

今日放工後只有我一個人冇枱腳撐，走到佐敦附近睇完 lego後，往柯士甸方向預備搭車回家時，剛好經過呢間拉麵店，見到平時好多人排隊既金鶴呢個時間竟然唔使排隊於是就直接入去。內裡裝飾幾有品味又不太光猛，覺得氣氛挺不錯，非常適合情侶慶祝。我被安排坐在廚師前的吧檯前就坐，服務員細心地問我需要熱水還是凍水。仔細閱讀menu除了招牌拉麵外，還有鰻魚飯，非常吸引。在網上留言一般都是說拉麵好食，但我很想嘗試鰻魚飯，於是點了一客，還有炸雞和餃子。先上的是炸雞，賣相不錯，入口外皮脆肉厚多汁， 如果有醬汁就會更正啦第二道上的是餃子，外皮少少脆內裏多汁，很不錯。最後上的鰻魚飯，魚肉比想像中厚身，面層也燒得帶焦香。 魚肉肥美而有肉感，軟腍不散，肉質細嫩，魚皮也滑溜帶膠質。聽說是由於鰻魚在店中即劏所以食到魚鮮味。呢度既醬汁都比較特別，比起其他店甜味較低，大人口味最適合呢間拉麵店真係好高質 ，下次試下拉麵先

鰻魚飯就一向係我嘅至愛，不過香港真係好少何食到高質嘅鰻魚飯，仲要貴都唔一定好食！早幾日係飲食網站就見到個鰻魚飯比拼，第一位竟然係呢間拉麵店，睇圖都睇到有啲流口水，於是收工就黎試試佢！竟！然！不可少看網絡的力量！我地八點九左右到，但見到門口一條長龍，一場黎到冇理由敗走，咁排啦～ 排緊隊嘅時候就已經諗好要食乜野啦。。。最後等咗半個鐘先有位。。。為咗鰻魚飯而排隊，我對佢嘅要求都相應提高咗，不過見到師傅咁認真咁喺度挑緊魚骨，真係好嚴謹咁樣係店內即燒即造，個心就急不及待好想快啲食。🔸活燒蒲燒鰻魚飯 $198主角出場，先用外貌征服咗相機。配芥末八爪魚同鰻魚骨湯。係完整一板頂級鰻魚！❤️表面燒到微焦，搽係鰻魚上面嘅醬汁點到即止，非常入味之餘又唔會蓋過鰻魚本身嘅味道。食落外脆內軟，鰻魚肉佈滿豐富油脂，入口即融嘅感覺真係好幸福呀！🥺米飯選用日本嘅七星米，粒粒飽滿均勻。不過略嫌一開始嘅鰻魚汁唔夠撈飯，我哋要問店員加鰻魚汁先至夠食。至於鰻魚骨湯其實冇乜味，不過食完個鰻魚飯之後飲埋個湯，就係一個好圓滿嘅結束。🔹雞白湯拉麵 $98配慢煮雞叉燒、豚肉叉燒、半粒溏心蛋、炸牛蒡絲、蔥花、木耳絲、筍。一雞一豚睇得出呢碗拉

最近見到有好多朋友都食雞白湯拉麵，平時食開嘅拉麵都係豚骨或者醬油味道，雞白湯就比較少有，而且呢間餐廳嘅鰻魚飯亦都非常之出名聽講仲要係即燒嘅鰻魚，份量同埋口感亦都好出色，所以就同朋友一齊去試吓我同朋友已經六點半去食，但係餐廳已經開始出現人龍，入到去我就叫左一個雞白湯拉麵，朋友就叫咗鰻魚飯。因為鰻魚飯嘅鰻魚需要即時燒所以要等得比較耐，雞白湯拉麵等咗大概5分鐘就已經有啦拉麵睇落都已經好吸引，除咗有叉燒之外仲有幾快慢煮嘅雞肉，先飲咗個湯頭係好香濃嘅雞湯味道，而且食落去唔會太過鹹係好清新嘅感覺，配埋拉麵食落去真係非常之開胃，而且唔會食到好油膩嘅感覺。然後講下慢煮雞肉嘅味道，令我非常之欣賞嘅就係雞肉嘅口感並唔會好乾身同埋鞋口，反而有一種好軟熟嘅口感，令我非常之有驚喜。而且拉麵嘅份量亦都好適合，食完之後都幾飽，對於依個雞白湯拉麵真係幾有驚喜另外朋友所叫嘅鰻魚飯雖然等得比較耐，但係望住師傅即時燒已經知道佢有幾新鮮同埋幾有誠意除咗鰻魚飯之外仲有湯同埋前菜，湯入面仲要有鰻魚骨同埋鰻魚肝添，認真好高質。首先就講下肉質，食落去非常之軟熟，唔會係出面街買嗰一種食落去好散嘅口感，鰻魚嘅香味亦都非常之濃郁配埋鰻魚汁

聽朋友講左好耐佐敦有間排哂長龍既隱世拉麵店，金鶴拉麵，今日去開附近就打算一試。可能過左食飯時間，所以等左一陣就可以入座喇。一打開個餐牌，見到我至愛既沾麵（金鶴.雞白湯沾麵）當然諗都唔洗諗就一於點哩個。另外我仲點左一個小食（煎日式餃子）同一支巨峰葡萄清酒，如果喜歡水果味濃既朋友，絕對推介，但小心飲醉，因非常容易入口。煎日式餃子煎到皮薄餡料足，煎得好脆，咬入口依然保留肉汁，好想再黎一碟。沾麵一黎到既時候，店員好貼心同我提一提，因為沾麵煮熟後會經過一個冰鎮程序，所以沾麵湯會愈食愈凍，有需要可以要求加熱。先試一試個湯底，用雞熬湯底非常濃郁，一啲都唔油膩，絕對做到掛麵既效果。由於沾麵煮熟後會經過一個冰鎮程序，麵質會較硬身，個人偏好硬身，所以非常喜歡。而配料都有三款選擇，我揀既係火炙日本黑豚叉燒2塊加慢煮日本薩摩赤雞胸肉2塊，仲配上一隻溏心蛋。雞胸肉雖然望落沒特別但咬落好嫩。

今晚朋友介紹去佐敦隱世拉麵小店 未夠7點 店外已經出現排隊的人 幸好很快就被安排入座 招牌拉麵之一雞白湯拉麵 單看外表就像一個藝術品 湯底奶白色 入口香濃味道鮮甜 配料有叉燒跟雞肉各2塊 雞肉以慢煮方式烹調 口質非常嫩滑 火炙黑豚肉叉燒半肥瘦 拉麵麵條煙靱 最特別吸引我眼球是面頭的炸牛蒡條 入口薄身香脆 為拉麵增加多一份口感活鰻蒲燒飯也是店內主打之一 鰻魚肉即點即燒 製作需時 鰻魚肉質肥美厚肉 加上不易食到碎骨 值得一讚 店鋪用上自家製鰻魚醬汁調味 配上甘甜有咬口的日本米 非常好味道題外話- 此店的洗手間好華麗 竟然有電視...XD離開時等待的人龍仍然存在

之前其實已經想黎呢間餐廳食佢既雞白湯拉麵，但近排網上再次講起這間餐廳，而今次是介紹他們的主打鰻魚飯，所以這個平日的晚上來到的我們，都需要等1個鐘才可以安排入座。相信很多人都是為了鰻魚飯而來，因為枱枱都點鰻魚飯!雜誌介紹了是第一位，所以友人都點了來試試，而我就食返我最想試的拉麵。活燒蒲燒鰻魚飯($198)，鰻魚肥美，表面有稍稍燒過，所以有少少焦。米飯用上珍珠米，如果有多一點鰻魚醬汁撈飯會更好。這個飯配有小食及湯，小食為芥辣八爪魚，而湯是三文魚清湯，內裡有三文魚的內臟，清清地可解去鰻魚的油膩感。金鶴雞白湯拉麵($98)，唔太中意油膩的我，這個拉麵非常適合我。湯底是雞湯湯底，味道鮮而且濃，拉麵爽口，附有兩片慢煮雞肉，店員建議不要把雞肉放落湯，但最後我都係點了湯一齊食，因為味道更鮮。這個湯麵還有兩片叉燒，叉燒唔肥，還有炸牛蒡，口感特別!待熱潮過後會再來!

最近，呢間餐廳十分火熱，於是小妹也跟上熱潮，拜訪此店。店面不是十分大，我們被安排坐在bar位，有幸一暏師傅烹調的過程。眼見肥美的鰻魚被擺放入燒爐中，十分誘人，但今次我是為雞白湯拉麵而來，所以還是留待下次品嚐。雞白湯拉麵🍜雞白湯是呈奶白色，入口香滑，味道十分濃厚而不油膩，叉燒兩大片，口感軟腍另外，仲有兩塊雞片，肉質嫩滑！而且，凍凍地十分特別。麵條 qq,，粗度適中，掛麵效果好，每條麵條都沾滿湯汁。另外，炸牛旁也十分有卓頭成為呢個麵既其中一個特色。明太子雞翼。另外，值得一提的是店鋪廁所十分高級有電視機，自動馬桶，而廁所仲有牙線，包裝牙齒提供，十分好服務

心血來潮諗起呢間店，嚟到人龍如潮，今日大把時間點都要食到才骨罷休！終於等咗個零鐘頭，當然唔執輸要試齊兩款鎮店招牌菜才對得住自己！💪🏻🤣雨中浪漫和風晚餐（一人前）金鶴雞白湯拉麵+即燒活鰻魚飯 **********金鶴雞白湯拉麵-湯底標榜以赤雞肉熬足6小時的雞白湯，味道濃郁卻帶點清香，沒有一般豬骨拉麵湯底「嗆」喉，正！拉麵麵質有口感，適合我個人口味！呢碗招牌拉麵食材豐富，有叉燒，雞肉，糖心蛋，木耳，筍絲等，最後鋪上炸牛蒡，即時增加立體感，色香味俱全！最難得係牛蒡保持香脆可口，雞肉用慢煮炮製，肉質嫩滑，呢碗不負鎮店招牌雞白湯拉麵，冇得輸！👍🥰🥰🥰即燒活鰻魚飯 -鰻魚在店內活劏，即叫即燒，所以需時，要耐心等候！我點咗小食一串鰻魚加一碗白飯，鰻魚冇失望，雖然係小食，但仍算是厚切肥美，可惜碗飯就只係一般，標榜是日本七星米，收費不便宜$25/碗，但覺得有點失望，沒糯感沒米香。可能近年食慣靚米，食到個嘴尖咗，返唔到轉頭。🤣服務和環境（特別係個廁所，附圖）有加分！有回頭！👍🥰🥰🥰後話：㑹考慮不同時段，因為九點後除咗人潮較少外，仲有九折優待！👍🥰🥰🥰

<拉麵店有得食鰻魚飯 好味😃>因為小弟喺中港城番工既關係 而嗰度 d野食又貴又難食 所以通常都會穿過柯士甸站去佐敦嗰邊 , 今日一樣 經過😂 但其實一路冇發覺背面閩街 有間拉麵鋪 甘本身諗住食個拉麵啦 但原來佢有個好正既鰻魚飯 於是就點黎食 🔥好味 而估唔到小食都好正💪🏻🍴活燒蒲燒鰻魚飯 198 蚊🍚🐟🔥一路喺 bar枱食時見到師傅邊燒緊鰻魚 邊整緊飯 令人食指大動😋 鰻魚係喺鋪頭即劏整燒 魚肉出面好香脆 入面既魚肉 juicy厚實 唔會太熟 師傅燒得好💪🏻 而且佢既米飯係用左北海道七星米整 形狀偏長身 帶 d黏稠 口感軟熟 🍚撈埋鰻魚汁 勁正😋 側邊既醃八爪魚清新開胃 幾啱食下鰻魚再食下 🐙而側邊嗰個湯有 d似麵豉湯 但又食到有少少鰻魚骨同內臟既味 同鰻魚飯配搭唔錯💪🏻🍴日式唐揚炸雞 33 蚊🔥🐥33 蚊 3 件炸雞 但十分大件 價錢合理 炸雞出面好香脆 入覆既雞肉好厚實 雞肉味香濃 食落熱辣辣🔥而佢帶 d黃色既雞肥膏😈 點一點側邊既檸檬海鹽 整走肥膩感 十分唔錯😃🍴煎日式餃子 33 蚊🔥🥟4 件餃子 煎得底層帶 d香脆 其它餃皮位比較軟林 🥟 而佢入面既豬肉好 ju

早前係佐敦上完堂, 順便係附近覓食, 最後去了金鶴拉麵食嘢. 本來我係為了食拉麵而來, 但見到餐牌有鰻魚飯食, 所以就點了活燒浦燒鰻魚飯. 小食本想食明太子雞翼, 可惜無貨, 所以點了燒黑豚肉串. 燒黑豚肉串. 一碟有兩串. 黑豚肉肥瘦分怖平均, 肉質帶點口感, 味道調教不錯. 我期待已久的活燒浦燒鰻魚飯終於上枱. 賣相相當精緻. 鰻魚飯以盒承載着, 仲有一碗湯和前菜. 鰻魚係即叫即燒, 所以一打開盒蓋, 香味撲鼻. 鰻魚幾大塊, 仲幾厚身. 由於夠厚身, 口感較佳. 魚肉的肉質尚算嫩滑, 而且個醬汁調教好味, 兩者好夾. 我鍾意同飯一齊食, 雙重口感. 個飯附有湯, 可以清一清喉嚨. 這個鰻魚飯真係不錯, 下次再試下其他款式.